一泡而紅 (Closed)

這晚相約了睇反思人生的"相約星期二"，事前匆匆忙忙咁食尐野，行了幾間，覺得這間看來不錯，起碼個名食字食得不錯，就闖進去"一泡而紅泡飯"。但我倆並沒有食泡飯，而是點了水餃和豬手。豬手幾入味，肥膩野，本不該多吃，但我們都忍不住口，膠質重味道不道。水餃就有菜豬肉及椰菜豬肉, 椰菜豬肉第一食，這配搭幾得意，椰菜都很爽口，椰菜本身係淡味，雖然菜多過肉，但肉味較濃，皮ok薄，賣相和味道吸引

今日(29-8-2015 Sat)同男支落葵芳買o野,未出發前,睇到報紙介紹o係葵涌廣場o既回味無窮有平食,而早前睇頭條日報都有介紹同樣o係葵涌廣場o既Haru & P小食,呢次順晒路.我o地落到去搵到晒呢兩間,不過男友同我都唔多舒服,佢要搵可以坐低o既店食,而之前都見到唔少食肆,有Pizza,過橋米線,泡飯等,男友覺得食濕潤o既o野好啲,睇吓泡飯menu,覺得有好多選擇,於是決定呢間.我o地坐低後揀定o野食,叫亞姐寫o野,亞姐話出去買飛.啊.買完坐返低就等亞姐拎o黎.我o地要o左$35.00o既豆腐肉碎泡飯,加$2.00要熱檸水.我要$42.00o既柱侯牛腩泡飯,加$2.00要熱華田.重有$23.00 5隻o既烚韭菜餃.冇耐,兩個泡飯到o黎,之後o野飲都到.見到男友o既豆腐肉碎泡飯,肉碎粉嫩色,我只食o左佢一啲豆腐,味道幾濃.而我o既柱侯牛腩泡飯呢?面上竟然有一大片薑,湯味都算濃但辣辣地,唔使落咁多薑呀?而牛腩呢?味道都濃o架,亦都有五,六件左右,不過有兩件大件啲就唔多夠腍,我開頭擔心大大舊o既蘿蔔會唔會苦?食落又唔係,又冇渣,幾好.而飯呢?佢o地本身都放得多水煮,所以唔會好乾同硬.

夜晚9點先收工，個肚打晒鼓。係葵涌廣場行個圏，吾想食樓下既茶餐廳，頂樓立食又吾想(咁夜收工仲要無得坐),結果行左去一泡而紅。裝修後既一泡而紅我無幫親過，坦白講，葵涌廣場有好多選擇，好難專一今日抱住當試新店既心情入黎。夜媽媽吾想太heavy,所以點左個清清地既草根泡飯。湯料有冬瓜，豆泡，冬菇，豆腐，花生粒。湯底好清，吾重味精，吾錯，材料份量都足夠。但可以加點肉碎或蟹柳之類(我記得以前有多點不同材料！)。而家呢個簡直可以比素食者使用。服務無咩特別，cashier 有禮貌，見我吾熟行，買完飛仲話我知坐邊。但上菜既阿姐就差d,突然大力放碗飯係枱面，無講係咩幸好我一個人坐！9點幾都吾係好忙，話晒服務性行葉，真係要留意下。

放工後又要自己吃晚飯，還是比較喜歡購回家慢慢享用，見「一泡而紅」裝修後，再次開業，就來光顧一下～餐牌照舊，沒有改變，同樣以泡飯、米線、水餃為主，種類不算太多，只是配料上稍在改變醬燒骨拉麵 $38［評分：7/10］拉麵及清湯分開兩盒，避免拉麵被清湯浸淋，拉麵份量頗多，但醬燒骨則一般雖然看似蠻多醬燒骨，但其實有部分只是薄薄的薑片，醬燒骨顏色頗深，味帶酸甜，味跟薑醋有少許相近，雖然醃得入味，但肉質較為粗糙，幸好這次的骨位不算太多，記得有一次骨多薑多，實在不太足夠用作送麵，而老薑片，辣度頗高，口感同樣粗糙，有點像酸薑，由於太辣的關係，所以把薑片全都挑出來了而拉麵不知是否煮得過久令麵質過淋，少了一份拉麵的應有口感，加有清湯後，味道還是較淡，味道只屬一般，若果能多加一點醬燒骨的汁料作提味之用，味道較佳一泡而紅 (葵芳)葵芳葵富路7號葵涌廣場2樓～～～～～～～～～～～～～～～總消費：$ 38味道：6.5/10環境：7/10服務：7/10衛生 : 7/10抵食 : 7/10

好耐冇黎食過，一食就一肚氣！叫左個煎餃，點知黎到係水餃，咪好聲好氣叫佢地換過，反應大到呢，又話要加$4，加咪加囉，但餐牌冇寫囉！都算！老公話見到佢講左句粗口'麻×煩'！！自己錯仲咁嘅態度！！其實野食一般，紅油抄手鹹到喊，又冇辣味！醬燒骨泡飯叫做唔錯！ 不過態度咁，請我都唔會再黎食！

同女朋友去葵芳行街 一直都係食呢間裝修前都幾好食 今次一黎裝修左 門面靚左 但一食 就失望了食開蠔仔肉碎泡飯 啲蠔仔得指甲咁大粒 啲湯 滾水黎女朋友碗辣雞酸菜泡飯 都一樣 唔酸 女朋友由細細個食緊20蚊個時到宜家40蚊碗 見證佢盛衰 由坐滿人都依家坐得一半人 食客既味覺係公道既 唉......

呢間野裝修左個幾月，之前食過都唔錯.....見佢裝修完，又熱熱地就食下湯飯啦點知叫左個飯加凍奶茶....奶茶好快黎左但係個飯半個鍾都未黎....ok 無問題啦，今日端午節好旺場唔怪你......玩玩下手機唔經唔覺已經半個鍾.........終於黎到....嘩!!! 咩黎?! 呢張相係佢一放低我就影...沒有用匙巾整亂的....你忙都唔洗比d 咁既野我丫?! 這是比什麼東西吃的....?!同我之前食的蠔仔肉碎泡飯完全係二回事花生是我叫不要落的，但什豆都沒有半粒....芫西放得1小截好心就唔好放啦!蠔肉....之前食都有一堆的，而家...得十粒 ?! (我數過....)本來想叫那個好好笑容既叔叔黎問下發生咩問題....不過我已經唔想再等多半個鍾了......算吧味道同以前一樣既, 但係呢碗咁既野加埋杯奶茶要50蚊?!完全想爆粗的感覺囉!以後唔會再去呢間野!

酸菜牛展泡飯, 酸到過位, 應該得某些民族食得囉接受到, 牛展味道可以, 飯要添飯先中和到個酸.炸豬扒泡飯, 豬扒太雪藏了, 個飯也一般. 酸辣雞絲泡飯, 一般沒有什麼特色, 都算合格.蠔仔肉碎泡飯, 蠔肉少但味道都算不錯. 餃子, 皮太厚. 服務一般, 環境嘛嘛檯面太多油.

是日午餐黎到呢間食下泡飯，叫左個酸菜麻辣雞泡飯，走青&莞茜。麻辣雞只有很少，而且不是麻的，但味道OK，個湯唔知係咩，但有幾塊豆卜，吸左D湯，幾好味。酸菜開胃，咪睇面頭好多餸咁，其實搞均後唔係好多，飯會索湯，建議下次可以多一點點湯。呢個價格有咁大碗，都幾抵食！

行完街，係時候要醫下肚。因為太耐無食過湯飯，所以專登黎依度食。叫左一個糊椒咸菜豬肚湯飯。湯底好濃糊椒味，飯完喉嚨都拿左一拿，但都ok.不過就唔夠咸菜味，但好采有豬肚補番，d豬肚都幾入味，而且飯量都夠多，啱我依個大胃王。我仲叫左杯至尊奶茶。um.....一飲...竟係朱古力雪香，無左奶茶味道。。。。感覺。。。。唔。。。。我想要奶茶囉。但都好采，不過不失。

隔離小X天以前成多太多,有點悶,所以今次決定支持隔離價錢也差不多,每人60蚊左右包你食到嘔我個胡椒咸菜湯米線味道就是胡椒豬肚湯吧,呢度既胡椒味中等不太辛辣,O岩一D怕胡椒味既人食,對我來講再勁D就爽雞肉就唔滑,50%像煲湯雞肉米線帶點咬口,還是不錯椰菜餃味道比較清淡,煎過後個皮帶點香口,入面清甜,略久咸味,但還是不錯總體上也不太差

之前出job, 都有黎葵涌今次就被人拉左過黎食dinner...隨意咁入左黎一泡而紅泡飯專家叫得做泡飯專家, 當然要試下佢D泡飯一開波, 睇睇menu先design 都唔錯酸菜牛展泡飯酸菜真係好多, 好酸...過左火位牛展OK, 中規中矩泡飯都幾入味...但係酸菜好酸, 所以D飯都入晒酸味凍朱古力, OK啦, size都幾大杯Dinner 7點前俾錢, 可以送熱飲唔洗加錢!

每一次經過葵芳廣場，也會看到這家店的人都會拿著menu叫經過的人入去光顧，這一次，就和男友一同入去吧，男友愛吃泡飯，我就鐘情米線，因此各叫了米線及泡飯吃，男友說泡飯很好吃，湯底感覺是很足料，每一口都吃到湯底的精華，而我的米線也感覺不俗，我真的第一次吃米線是別到有藥材味的，廚師應該在這湯底下了不少功夫吧!!炸雞翼好味道!!!食落卜卜脆~~又有肉味!!!真是意料不到，我想，即使沒有侍應呼叫，下次經過我也會主動入去光顧。

5天內，吃了3餐瓜粒湯飯，這是第一餐。點的是瓜粒肉碎湯飯(有單為證)，來的卻是瓜粒海鮮飯。這陰差陽錯，倒教在下打開一個謎。以往一直覺得這裡的湯很濁味，這次反而沒有這種感覺。在這之後，曾經再次光顧，終於吃到瓜粒肉碎湯飯，那種濃濁的味道又回來了。兩次相比，惹禍的應該就是那些肉碎吧。老闆如果看到本文可以注意一下。說回今次的瓜粒海鮮飯，其實感覺不錯，當然不是甚麼高貴海鮮，都是小蝦、魚肉做的蟹柳切粒等等，勝在易入口、易消化，對於晚上十一時才進晚餐的人，適合不過。

一向覺得這裡的泡飯有個毛病：湯底太濁味、過鹹。很久沒光顧，這天見番茄薯仔牛肉湯飯，看來是近期推出，姑且一試。一碗湯飯竟有兩種溫度：湯與飯均是熱的，但番茄、薯仔、牛肉皆半冷不熱，大概是分開做，後三者最後才加入。湯底的番茄味很人工，用了茄膏？薯仔味道很淡，不新鮮？牛肉質素就跟一般茶餐廳用來做沙爹牛肉公仔麵那種差不多，鬆泡泡，欠肉味。這家店位置不錯，食物品質實在需要努力，免浪費大好地利。