一泡而紅 (Closed)

終於收工啦 但係仲煩緊諗緊食啲咩好 突然間諗到之前食過呢間都唔錯 所以就走咗去食今晚嘅晚餐 不過食完之後覺得之前水準高啲 btw咁嘅價錢食到晚餐都算幾唔錯🤩酸菜麻辣雞泡飯 $44份量超多 食極都未食完咁樣😂我諗比較大食嘅女仔都未必食得曬 酸菜都俾得唔少 麻辣雞都有好多件 令到成碗泡飯惹味又入味 口感都算幾豐富 而湯同飯嘅比例較到啱啱好 飯嘅硬軟度適中 整體都算👌一泡而紅熱奶茶(+$2)天氣開始轉涼 當然叫返杯熱奶茶 呢間奶茶比起其他茶餐廳再好飲多少少 好夠茶味 幾易入口😋

是夜很想食楜椒豬肚雞泡飯，就一個人去了樓下的葵廣食飯。去了一泡而紅，點了個楜椒豬肚雞泡飯！雖然老闆好熱心推介我食個新出品，因為好食又抵食，但我心意已定！不得不讚這個泡飯的湯是比較到位，因為入口就食到一股楜椒的微辣，辣度使人精神為之一振。飯的份量也足，不過雞肉比較碎，也較少。豬肚的份量如果更多就更好。這裏上菜好快，這頭落單轉頭就到，啱晒我地食快餐的心態！加上餐牌選擇好多，價錢也不貴。來葵廣不妨去試下！

前幾日去葵芳行街，見葵涌廣場呢間一泡而紅有位，就去排隊買野食，一聽個店名，都知道呢間店係食泡飯湯飯的，叫左個冬瓜粒海鮮泡飯，加一客煎餃子，加杯凍檸茶，總數$70。餃子佢有分蒸餃或煎餃，蒸餃跟餐就平d，煎餃會貴少少，叫左三隻韭菜煎餃，因為喜歡吃煎多d，味道就一般，不太香脆。而冬瓜粒海鮮泡飯就清清地，海鮮不太多，但想吃清清淡淡冬瓜粒湯飯係可以滿足到的。凍檸茶竟然好好呢！竟然要讃的是杯凍檸茶另外，有個畫面稍為扣分的，就係送餐哥仔手指頭加送在泡飯中，呢點希望可以改善下

近來公司食得多生日飯食到個肚都脹住脹住，夜晚想食清淡一點就去咗一泡而紅食碗豆腐肉碎湯飯，一黎價錢親民，而且份量很大，好啱打工仔嚟食！先到出面落單再搵位，等左一陣就有一碗湯飯送到面前，豆腐份量驚人，好似有兩三磚嘅豆腐係呢一碗飯到，清清地，而且一啲都唔肥膩，湯飯好易入口，飯浸泡在湯中，軟淋淋，淡淡的肉碎 味，加埋啲豆腐，令人覺得你一碗飯好健康，又飽肚，但係飯嘅份量實在幾多，女仔可能食唔晒，雖然地點係係一個冇咁靚嘅商場入面，但是勝在貼地，係大眾的食堂

在葵芳如想坐定定食下野就除了小雨天和鄧媽媽(一泡而紅)其實都冇乜，首先新都會就貴到一個點。。。而葵廣地下果幾間就味道麻麻，但價錢就唔平🤦🤦🤦23蚊撈冬比起都又平又抵食，只是冇得坐。2人來食，當然叫一打餃子啦，5隻要27蚊，一打反而只需46蚊，再加碗米線就15蚊。個人認為，唔加醋已經幾好味，尤其九菜，直接食用就可以，皮薄而不厚也不易夾爛，完全可以做到一口一口咬同一隻餃子(出面的是咁樣食會粉碎)至於蠔仔粥是招牌來，幾乎必點，且也維持大大碗，湯底好好飲，也不用再額外點檸檬茶咖啡都夠晒啦🤤

葵廣除左掃街小食鋪之外，其實仲有好多食店係有位坐，我自己本人就對小食一般般，依加葵廣小食個價位仲貴過一個飯餐，更加唔洗諗。所以，我都係鍾情有位坐既鋪頭多。葵廣既食店，食得最多係小雨天同埋一泡而紅，兩間都係一出新都會橋就見到，等我今日寫下一泡而紅。去一泡而紅食野，唔食點等位，一開頭係Cashier度睇Menu簡好野食比錢先。佢飯餐送野飲，價錢中等，份量多，晚黑都幾多人一丁友食，又係一個窮人恩物。買左野食，侍應好好咁幫我搵個一個人都坐得舒服既位，等左陣，野食就到喇。我叫左個雞泡飯，依見到入面好多雞同菜，面頭有莞西調味，同埋勁多飯，一定食得飽。佢湯底唔太多味精，還好，雞都幾滑，個配搭幾清淡。另外，仲送野飲，抵食!總結，一泡而紅雖然唔係葵廣依加主流食店，但係憑住佢Target我依類一丁友食飯既客人，果然長做長有!

係葵芳想食泡飯，好多人都會黎呢間，但呢排天氣好熱，所以就揀左餃子做lunch。呢個餃子餐，$40有8粒餃子，唔計飲品。個人認為都幾貴下，因為8粒餃子份量絕對係好少，只係岩你唔係好肚餓既時候食。餃子揀韭菜豬肉餃，本身以為有得揀湯餃，點知得煎餃。上台時粒粒都煎到熱熱地，外皮都幾脆。至於料，入面都算正常啦。其實佢餃子口味選擇得兩款，另一款己經係椰菜豬肉，如果Ｄ餃可以揀雙拼，咁會開心Ｄ。個人認為餃子唔算抵食，又無乜特別，可試可不試。

本身嗌左水餃米線 寫住$42連野飲 所以叫左杯熱檸茶單黎左先知要加$6 又唔寫清楚 呃客人黎到仲要乜配菜都無 就咁清湯米線總數$48 譚仔2餸連野飲都唔駛咁貴以後唔會再食！！

呢間舖頭食左好多年，每次去食都會覺得收銀伯伯（老闆?）好好人，忍唔住要寫一寫。環境：坐落於葵廣既小店，唔可以期望呢度坐得好舒服又好寧靜咁，但裡面係好乾淨架，而且坐位都唔逼^_^所以對於小店黎講已經係非常好。性價比：適中，基本上一碗泡飯或者湯面約50蚊，視乎餸菜既種類，呢度既泡飯湯面分量適中（如果係泡飯類會比較飽）。味道都十分好，種類多，要清有清，要辣有辣。雞翼泡飯既炸雞翼係新鮮炸起架，外脆內嫩，好好食 呢度亦有餃子食，味道亦相當不錯，不過計起上黎係有少少貴._.服務：呢度既姐姐手腳好快A_A所以唔洗等好耐已經有得食，收銀伯伯非常有禮貌同友善，呢個真係吸引我去咁多年既原因呀^_^總括而言：如果去葵廣上層覓食覓到厭，真係可以去試一試一泡而紅啊！ 推介

每次當我唔係好想食嘢嘅時間，但係又一定要食午餐，我就會諗起食泡飯，因為越浸越入味，唔會驚好似食麵咁發脹曬，以前好鍾意食一泡而紅嘅醬燒骨泡飯，而家就偏愛辣肉醬酸菜鴛鴦水餃泡飯，因為唔會太淡而無味，食食吓你會覺得佢個肉醬太多食極都唔完

一泡而紅其實係葵芳廣場好多年 有時都見到幾多人食我對上一次食都有十年之多 記得以前30蚊咁上下 已經有埋野飲=鮮蠔肉碎泡飯=湯底其實無咩味 蠔仔唔算好多好有口感但洗得幾乾淨  仲有冬菇莞茜做配料都幾大一碗  食一半其實都好胞=酸菜麻辣雞泡飯=麻辣黎講唔好太辣 都幾惹味但配泡飯 會令飯太油唔好食所以見友人很咗一半都停咗手坐位同坐位之間都比較窄出入都好驚撞到隔離枱所以40幾蚊一個飯又無野飲黎講性價比一般

有一日我要經過葵芳廣場，求其食咗一間店舖作為午餐，我都好少覺得香港嘅地方啲嘢難食，我估唔到喺香港競爭力咁大嘅環境之下仲有啲咁難食嘅！呢度出名嘅咪餃子，我就叫咗10隻餃子，餃子嘅皮好厚，肉多且肥，菜少，豪仔湯飯，亦都係好差，湯底無味，豪仔一啲鮮味都冇！每樣野都係$46 ，一啲都唔值！這個價錢不包嘢飲，，唯一可以讃的，就係位置好，門口嘅右手邊就係啦！仲要食食下野，個店員叫你掉位，比四個人坐，所以我哋用咗10分鐘就食完，仲要食剩好多野！我哋都作得好難費所以我哋用咗10分鐘就食完，仲要食剩好多野！我哋都覺得好浪費！

是日晚餐三人行,行完葵廣shopping之後食晚飯 ,因為剛出完血,所以就近近地食個輕食晚餐算。每人一個餐, 蠔仔肉碎泡飯跟餐($46+$8）＊跟餐加凍檸茶凍飲加$8泡飯多肉碎 蠔仔肉都唔少 蠔仔不算腥 有少少冬菇仔。加上大量香菜。個湯飯幾好飲。食哂個湯飯唔算太口渴。叫左兩個蒸椰菜餃子8隻跟餐（$36）＊跟餐熱飲熱檸水加$6＊跟餐凍檸茶加$8蒸餃子的皮不算厚 ，餡肉多過菜，味道唔錯，點醋好食我最鐘意加少少辣仲好味。結賬$140.

葵廣相信係好多人既回憶，中學時期經常黎葵廣覓食一串魚蛋都抵食過人去葵廣行街係非常邪惡四周圍都係美食。突然間諗起泡飯好想食，佢地個辣雞加酸菜係我既最愛，有時我會加埋冬瓜，會超級夾，依次就加左三隻水餃$18，餡係韭菜豬肉，雖然價錢比之前貴左好多，但我覺得味道冇變保持得好好，係值得一讚但餃子餡咸左少少

二十年沒有來過的商場，重遊舊地！人流依然很旺，店舖雖然改變了，但內裏的間格依然，沒有改變。沿着扶手電梯，到了二樓，就看到這間食店有座位，而且又是吃湯飯，我们便坐下試試！我們決定選了冬瓜海鲜湯上海麵，椰菜餃五隻和凍檸樂。餃子$27有五粒，大大粒，外皮熟淋了一點，涵內不覺有肥猪肉，肉多過椰菜，味道可以！熱騰騰的湯麵到了，有小北菇三粒，蝦仔、蟹柳、鲜魷和冬瓜粒，味道可以，上海麺口感軟軟的。來個凍杯加汽水，全是香港平民的特色！價錢也很便宜！