一泡而紅 (Closed)

歡樂的時間過得很快，不經不覺，16天大假結束，又是時間回到公司了。　真的辛苦了我的好同事，居然工作清理得七七八八；當然郵件累積就是必然的了。努力投入工作，自然也難免OT；差不多八點離開公司，到了附近的葵涌廣場開餐。　胃口其實不好，之不過在龍的監督下，放棄印象很麻麻的水餃，就來一碗蠔仔肉碎泡飯吧。想不到泡飯水準很不錯，有大量頗肥美的蠔仔不在話下，飯中的肉碎也很香口，還有大量清爽生菜絲，平衡飽膩感。這碗索價才$26的泡飯，味道不比潮x /聚豪x 的蠔仔粥差呢!看看OR，原來其他食家都讚過此味的。　飯麵加$5可以柯打冷熱飲品，要了熱朱古力，十分溫暖，鬆弛了一整天的累勞，很好受。　會記著蠔仔肉碎泡飯，口痕時再來!

如果要快, 又冇乜胃口的話,我都會食蝏仔泡飯,蠔仔比隔離間XX 多及好味! 但其他如餃子之類訧冇特別, X仔碼頭D好過佢! 所以每次只會叫蠔仔泡飯最隠陳!

尋日放食飯就去左試呢間...叫左個'冬瓜粒海鮮泡飯'同'9菜煎鉸'個泡飯d料都幾多..幾好味~不過d湯好重味精~咸左d~不過食左半碗既時候已經覺得好飽~餃子都好好味..不過煎既始終都係油d,下次會試下水餃..另外每樣食品過$18就會送一杯飲品...我發覺係好飲過[]既野飲囉~服務都可以,佢都好耐心咁解說點樣先有飲品同推介邊類既食品多人點..

初初開時, 覺得佢無論食物或者服務都好有誠意, 我同男友成日都幫襯架.不過耐左d野食愈來愈味精feel, 材料都無咁新鮮, 水餃又細隻又貴...媽媽餃個名係好溫馨, 但佢食水唔好咁深會更好.仲有一次, 佢地有個亞姐攞住個大桶行係我後面行得太貼, 成個桶好大力咁撞埋我腳跟, 佢一句sorry都無. 諗起都嬲!有件咁無禮貌既staff, 服務質素如何, 諗都諗得到.

乘去銀行之便,食個平價下午茶當late lunch,的確慳番唔少!!下午茶時間當然無午飯時間墟陷,可以搵個自閉位坐坐。白菜豬肉餃子五隻,新鮮煮起都幾好樣,餃子包到成隻蝦餃一樣,size唔算太大,分兩啖剛剛好。餃子皮尚算薄身,肉餡顏色同味道都淡淡,瘦肉份量比較多加上椰菜碎,肉餡尚算ok;配上酸酸黑醋黎食就無咁漏。凍奶茶茶味幾ok,都算飲得過!但太多冰喇,基本上可飲既茶只有好少,呢樣似乎有待改善。每逢二點零鐘午市過後,就見幾位阿姐排排坐包餃子,望住佢地好快包一隻,真係幾好睇。

我係附近返工，會常常去到呢間吃麵，我覺得清清地，好似沒有味精，我會加少少古椒粉，帶出點味道，是不錯的呢！但我只會叫這裡的雞翼，炸得不錯，又不會太油膩，又可口，很不錯呢，但其他東西我就覺得麻麻地！！下午２點是下午茶是包飲品的，＄２３包飲品都算值得，但２點前就要加$５才有飲品呢！！

我並不喜歡吃這裡的湯飯, 來這裡一試, 只不過是要帶你吃一些台灣沒有的地道菜式湯, 淡而無味, 配料也沒有驚喜, 不過, 要是將貨就價的話, $20元包飲品, 就沒有什麼好說的了為你點了香港的熱鴛鴦, 我們喝了一口就不想再喝了要不是為了你, 我才不會吃這種所謂的港式料理就是貼心

食物上都算ok 既..但我覺得個到地方又唔係..又多人,重要客人自己出去買飛..都算啦..但個到既服務態度好唔得lor ...好差....

減肥第一大原則：不可以太遲吃晚飯。所以留在公司OT後，快快在葵芳找地方食晚飯。　記得葵涌廣場有間美味的上海小館，可惜我對這個廣場真的不熟，找不到。結果來了食肆滿集的2/F吃麵。　其實這幾間餐廳的食物都差不多，好似還可以cross-over地點菜。叫了麻辣雞肉米線，味道不錯很開胃，雞肉又滑溜；再加一杯大大杯的檸茶$5，是抵食的。　不過服務有點問題：這裡是落單時付款，我叫菜心店員應ok也收了錢，但上菜卻是生菜，店員這時才說原來沒菜心!我覺得有欺騙之嫌拒收生菜，要求退款，幸好還成功。但見另一檯點小食也出現同樣情況(無那樣仍賣那樣，收了錢再要求食客改單)，所以服務要扣分!

葵涌廣場的這樓層相當利害，和路邊攤檔一樣，班齊人馬在檔外拉客；而在外面看，這食肆的兩個相連單位，左面賣泡飯，右面賣餃子，無論怎樣都中正下懷。一心想試下這裡的泡飯，但看來看去當中的款式都不太吸引，故點了應在潮州檔馳名的蠔仔肉碎泡飯，落單時阿姐懶洋洋的說要不要另加幾塊叫杯野飲，其實可加可不加，但見阿姐的態度，罷了！但回頭這個阿姐說這杯飲品由老板娘請客，雖然老板娘免費贈送，但亦覺得不對勁。泡飯涷好立克好快就上檯，一看蠔仔肉碎泡飯就知有問題，名正言順的泡泡飯，只將蠔仔肉碎用上湯滾制後倒在飯面，碗白飯無疑夠飯過腍，加上泡湯就令到腍上加腍；蠔仔夠太粒但鮮味不足；肉碎沒有肉味道，奇怪；泡飯應該最主打及見勝負的湯底都沒有味道；最出色的反而哪些炸花生，配這個湯飯不錯，因全部都相當淡口；唯一的一只炆冬菇其實不貼題，理應蠔仔肉碎不應有的，但確實此冬菇炆得廷香的。在這裡已經不想叫咖啡奶茶這樣專業的飲品，故只點了涷好立克，但結果亦令人失望。環境黑暗暗，座位窄窄，阿姐的態度可見上文，若以正常價錢廿六銀一個這樣的泡飯，不值；下次來幫襯的機會看官們都估到吧！寫這個食評之時很懷念陳勤記方魚蠔仔肉碎泡飯，真想馬上飛去再嘗

19/08/2006 (補寫食評)二人到呢間食：1) 香菇沙爹牛肉泡飯...............$232) 擔擔面.........................$183) 水餃x6.........................$154) 雞翼x4.........................$105) 飲品(凍檸賓+凍鴛鴦)...........$8+5───────────────────合共..............................$79●香菇沙爹牛肉泡飯-- 麻麻，好似沙爹牛肉面d湯浸飯咁，油油地！好肥咁！●擔擔面-- 細份左D！男仔唔夠食~~●水餃x6 -- 白菜X3、韭菜X3！韭菜好味D！●雞翼x4 -- 熱辣辣！好味！不過等左好耐！●飲品(凍檸賓+凍鴛鴦) -- 正常，無乜特別問題~※係迫左D、地方污糟左D！不過黎得呢個商場都預左架啦~~等同去大排檔食飯，都唔會要求佢地方要幾清潔啦~~所以唔怨得咁多~~~d野食OK就可以~~

呢世人只去過一次(好耐以前),見未食過泡飯咪食下,貴、淡、唔咪人食的環境方面：迫！好多呀姐師奶係度拉客好討厭,間舖好細所以好嘈味道方面：嘔！本人鐘意食濃味既野,個泡飯係好似粥既物體咁,入面有菜or瓜咁啦,味道係水黎架,連湯都講唔上,劇淡同飲水冇分別；d「水」加落d飯度,d飯好淡同食白飯一樣,嘔！個次好似係夾硬食哂先食得哂服務方面：拉客個下好討厭！價錢方面：貴！好似成$40幾蚊呢碟「水」衛生方面：比小雨天既舖面光鮮d,比較起上黎冇咁大排擋feel,但野食劇難食,間舖整得幾靚都冇人再返轉頭啦總結：貴價唔好食，食過唔再食！

食lunch 叫o左兩個泡飯, 好大碗呀!!!d 蠔仔真係幾大隻幾新鮮, 唔錯啊!不過坐得好迫o下~

去到坐得好迫, 又落錯晒d單,又要我地調來調去,最後,都叫左一碗鎮江拉麵,一碗冬菇雞肉米線,再加一個餃子,佢既麵同米線係好普通,肉又鞋又硬,係個餃子比較ok,我個碗米線食到最後,仲發現左一條蟲,好恐怖架,成條毛蟲咁長,我諗有1.5cm......本來想投訴,但係佢地服務態度咁差,投訴都唔會有用,一定無下次囉!!

i live with my boy friend, so sometime 無飯開, we will eat in every where before go home,葵芳近年來開左很多食品店，啲小姐好落力，又好煩，食物呢間都ｏｋ啦，飲品就唔夠味啦，太多冰：服務呢，其實都唔知佢邊個係店員（無制服）