一葉小廚

Open Now

Now Closed

難得屋企附近有台灣菜！可以近近地有珍珠奶茶飲。set lunch / dinner 都價錢合理，幾好味！廣源一帶較為可以一大班人坐低食飯的地方，唔逼，乾乾淨淨，舒服夠冷氣。

本想拼黑醋豬軟骨、蛋餃同魚餅，但豬軟骨售罄，於是改了台灣腸，之前食過這台式三寶肉燥飯對於我來說份量充足，所以自備飯盒實行一飯兩餐，聽日午餐有著落了。帶點甜甜的台灣腸令我有點嗟異，一小條分兩邊⋯⋯蛋餃蛋皮香，餡是雲耳同碎肉，雲耳滑滑，肉「鞋鞋」，雙重口感好味道，魚餅算彈牙，味道適中，配肉燥飯都唔覺太濃味

路過餓餓地，見附近大快活多人，就黎左試呢間一葉小廚，齋睇個名真係估吾到係食台灣野。地方夠闊落，卡位夠大，其實好岩食tea 坐響度hea 下，㩒下電話，最緊要係冇咩細路響度we嘩鬼叫。望下menu, 點左"手搖脆雞翼"拼煎餃子，加迷你香菇肉燥飯。先黎煎餃子同雞翼。煎餃子，餡太小，成隻餃子廋巴巴，加上煎得吾香口，成口油。手搖脆雞翼，勉強都算"脆"既，但可以做好d law. 食完都吾明個名係點解，對我黎講只係一隻吾夠咸同埋攤凍左既炸雞翼...香菇肉燥飯，鹵水蛋吾夠入味，肉燥既味道係可以既，但量太少，吾夠送飯...全部野食感覺上都係提前做好哂，因為上菜時所有野都係攤到凍哂，一d 都吾暖...除左杯熱飲...如果要求吾高，又想坐得舒服既朋友可以黎試下，反正我就吾會啦。

同男友趕住出會展…所以去左巴士站附近覓食！一直以來都想試下呢間一葉小廚。每次經過都見到裏面都好似幾多客人咁…今日終於可以同男友一試喇！一入到門口見到員工企係收銀處冇理我地仲以為好似快餐咁比完錢先坐低食。原來唔係…可能員工忙唔得閒理我地啦！我就點左個餃子肉燥新竹米粉，味道唔算差但肉燥就比較太少。如果多返D肉燥會好D。餃子有個類似甜醬去調味比較特別另外亦都加錢叫左個珍珠奶茶。但唔建議叫因為佢只係比杯港式凍奶茶加入硬既珍珠！成杯珍珠奶茶飲落去好怪！下次一定唔會叫！

難得可以早起身當然要去食個早餐。去搵搵有咩食,就去咗呢間一葉小廚, 我比較鍾意食炒滑蛋,仲要唔滑唔食果種~ 所以我一定會叫有炒蛋嘅早餐。我最後叫咗沙爹牛肉公仔麵配炒蛋餐肉(可以揀煙肉,餐肉,火腿同埋特色腸)加牛油脆豬包再加多8蚊飲杯特飲(凍荔枝蜂蜜爆爆珠綠茶) 個餐一到見到個麵吸哂D湯 真係唔太好囉,之後再睇睇個碟比少咗一塊午餐肉,當然有問店員拎翻不過我有D失望咁都比漏仲要個麵 ''林'' 哂!!而杯野飲係幾好味不過飲多幾啖就會覺得太甜! 唯一可以讚嘅就係個炒蛋炒得幾滑同埋個豬仔包幾脆~ 

一碗細滷肉飯一碟魚餅， 一杯無糖豆漿。 滷肉飯的滷汁只鋪一半，另一半嘅綠色植物，荷蘭豆物體？ 冇錯， 滷肉飯係有啲油膩， 一啖滷肉汁飯， 一啖荷蘭豆飯， 感覺會清新一點。 但滷肉汁真的略嫌太少， 去到後期有啲dry。燒魚餅就係照燒汁淋上一片片嘅丸類物體囉，無乜特別。唔好味嚟講， 朋友拼嘅台灣腸會比較好食。 不過話晒係外購食物，又點會容易出事呢。飲品叫咗一個無糖豆漿， 分唔清楚到底佢唔好飲在無糖， 定係豆味唔夠香， 有啲勉強。 如果對健康冇乜追求， 是但飲番檸茶檸水算不過工作嘅侍應哥哥姐姐非常好。

前幾天放假，去廣源邨探一位親戚，正值午飯時間，於是試一試一葉餐廳。餐廳的裝修不錯，環境寬敞，午市套餐的選擇尚算多，今次點了滷水拼盤飯和咕嚕魚柳飯。 滷水拼盤飯有鴨舌、豆腐、蘿蔔和雞翼，滷水汁比較平庸，八角和桂皮味不算突出，豆腐和蘿蔔表面入味，一咬開滷水較淡；鴨舌不過不失；至於雞翼做得不錯，烹煮時間恰到好處，滷水能滲透雞翼之如，肉質亦不會過韌。咕嚕魚柳飯魚柳炸得香脆，色澤紅潤，味道酸酸甜甜，開胃醒腦。已屋邨的食肆來說，水準表現平穩，而且價錢合理。

都差不多半年冇上嚟廣源開餐, 今次要上嚟買啲嘢, 所以又順便响呢度食埋先走, 今次個餐牌唔同咗, 好似少咗選擇, 不過唔緊要啦, 咁仲好, 少啲選擇唔駛諗咁耐, 一於叫一個飯一個湯麵share食~  凍古早紅茶我開頭仲以為係普通一杯凍紅茶, 原來係泡沫奶茶, 佢冇台灣果d咁甜, 茶味都算濃, 而且個泡沫打得好勁, 飲到最尾d泡都仲企响度, 唔會話謝哂溶哂咁樣, 但每食一啖之前都要狂搞, 咁先飲得勻, 如果唔係好似我老公咁, 係咁搞一搞就飲, 飲到最尾只係淨返d泡响度囉~ 高雄蔥香肉排菜飯台灣應該係宜蘭的三星蔥最出名, 但佢呢度係用高雄蔥? 其實真係唔識分, 不過佢d蔥都爆得幾香, 所以都無乜所謂係用邊度的蔥~ 肉排份量雖然唔算多, 大約一塊豬排, 但都幾厚切, 唔會太油膩, 而且佢有一小碗酸菜, 比你開胃消濟, 整體上都唔錯, 但個菜飯就煮得爛咗少少, 濕咗少少~ 鹽酥雞排湯麵呢個真係等到頸都長, 老公都差不多食完個飯, 呢個湯麵先上枱, 原來佢慢工出細貨, 意想不到咁好食~湯麵個麵質都唔錯, 不過我覺得林咗d, 如果唔煮咁林會好食好多, 至於個湯都唔錯, 唔會太濃味, 好似少少淡滷水

做無飯夫妻時會去開飯，近丫嘛，至重要係又抵又好味，去過多次都離不開呢個常餐，貪其對於我來說份量剛好。牛油豬仔包又香又脆，如果加埋煉奶應該更「正」。雞排雖則味道驚喜不大，香脆搭夠。米粉是採用新竹米粉，寧舍幼細，配有一點點鹵肉，加辣椒油進食增添味覺感。

尼間餐廳最初開個陣,我一見到個價就已經走頭, 價錢比附近餐廳貴,連嘗試既衝動都沒有。同另一半再經過時,發現價格唔同左, 另一半表示想試下,反正諗唔到食乜 台式孖寶肉燥飯-黑醋豬軟骨-煎餃子首先個黑醋豬軟骨其實我好期待,可能因為我好鐘意呷醋 , 但可惜既係。。 黑醋唔夠味,雖然個豬軟骨夠淋, 好食,但黑醋唔夠入味 。+$15 配蚵仔煎 雖然唔太似台灣夜市食開的,但勝在佢d蚵仔夠厚實,比想像好食+$5 配灼時菜 普通,老左D鹽酥雞排+牛油脆豬 +細肉燥新竹米細肉燥新竹米 肉燥唔錯, 新竹米幼身,但量多一上檯 個下我。。。。 我個脆豬呢?????侍應表示脆豬無晒。。。咁點解唔一開始同我講呢? 或者中途問下可唔可以或者轉其他餐? 要等上檯先講,迫我要? 尼位侍應係上菜的不是落單的, 我亦唔想為難尼位侍應, 但唔該真係真係應該要先通知個客在先,而唔係上檯掉低就走左去雞扒亦好食, 全程最無奈係個包

因為今日係一葉食個下午茶， 有不快的經歷。 真係不吐不快， 嗱嗱聲上泥分享一下。話說同屋企人食下午茶，叫左兩個茶餐，包括有餃子併雞翼跟飯。４點１２分落單，等左好耐都只係到左個飯同飲品。我地等到４點３０分就問下點解咁耐都未齊野，個眼鏡中年男侍應就隨便回應一句話要逐樣上架ｍａ。當然我地話知道要逐樣上，但等左好耐啦。佢就攞張單望下，講左句＂１２分入＂。但佢無幫我地去催下單，我全程只係見到佢係度逗隔離枱個ＢＢ仔玩。Ｄ服務態度簡直係唔掂！！！！我之後梗係搵第二位女侍應問下啦，呢個女士就工作認真好多啦，拎張單入廚房跟進，不出一分鐘就有野食。公平Ｄ講句，係因為有呢個阿叔侍應，先會有今次不快的經歷！！！真係一粒老鼠屎攪壞左成鍋粥！！！

已經好耐冇上廣源, 之前呢度仲係茶餐廳, 而家已經變成台灣食店, 見佢裝修幾光猛同新淨, 入去試試如何?可能時間尚早, 六點鬆d, 所以唔係太多人, 仲有1張卡位响最尾, 坐低再慢慢睇食乜?佢有1人餐同2人套餐, 但好似1人餐的份量都夠, 而且比2人餐平, 所以叫咗2個1人餐~ 西洋菜煲燒豬骨湯menu冇話有湯送, 不過唔理啦~ 佢送到我地咪飲囉~ 是日係西洋菜煲燒豬骨, 雖然話係燒豬骨, 但味道唔會好濃好油, 比一般人用湯骨濃味少少, 好好飲, 而且有好多西洋菜, 似係真材實料煲出來的味道, 不過呢間係台灣餐廳, 點解同之前果間茶餐廳一樣, 都係用燒豬骨煲湯? 唔通係同一個老闆? 花雕蜂蜜豬肉排飯配菜飯超快上枱, 好明顯係整定, 因為唔係好熱, 只係暖~雖然話係花雕蜂蜜, 但唔係好覺花雕味同蜂蜜味, 開頭都食到少少甜甜地, 因為面果層應該係包咗蜂蜜, 但入面舊肉就鹹咗少少, 所以唔可以去咗層漿食~至於個菜飯, 又係暖暖地, 仲成個碗形倒出來, 又唔夠飯香, 但就夠哂多菜, 唔知係咪我果碗係咁, 菜莖多過葉~ 菜花小雲耳炒魚塊飯配菜飯開頭都唔知咩菜花, 原來係椰菜花, 要加d雲耳炒魚塊

午市時份，隨便找一個地方吃個午餐。沒有奢求找到驚世美食，只求安穩果腹。驚喜，沒有；有的，是驚嚇。點了個九層塔肉餅配菜飯，跟熱蜂蜜紅茶。肉餅煎得黑黑的，但裡面卻凍凍的，而且不多夠熟。三塊肉餅其中一塊的肉有一陣豬氣味，很難聞。肉餅十分油膩，整個碟都沾了它的油。飲品遲遲未上，本想以熱茶解解油膩，可惜蜂蜜紅茶卻甜得過份，喝了數口，唯有舉手叫聲：「俾杯熱水丫唔該」平均午市套餐價錢約莫在$45的價位，不算便宜。一葉不過位於一個公共屋邨内，午市定位四十多五十元一個餐，未免有點過高。可惜的是，活在領展底下，本區原生食肆一一被連鎖食肆取而代之。那些覺得「政治唔關我事」的人，就好好享受這九層塔肉餅吧。至於我，寧願飢饉一餐，都不願再試一次。

首先想澄清自己不是打手，因為看見先前寫這餐廳食評的全部都是喊臉，所以寫這個好評之前想先「打底」。 話說是這裏的街坊，但是這家餐廳開業至今才是第一次嘗試。記得之前剛開業的時候餐牌並沒有放在外面， 感覺很不平易近人； 而之後有放數張有價錢的菜式圖在門口，發現價格都偏高，在這個屋邨商場內不大合理，所以一直沒試。突然今晚很想嘗試新的東西，經過的時候竟然發現有餐牌放在門外，而套餐均是40多至60多元不等，包一杯飲料，價格很合理。在一個不想煮飯的平日晚上，我們決定給它一個機會。不得不提是一走入內感覺很舒服，因為空間比較大，都是四人桌和卡位，座位舒適；裝修用上淺木色和綠色，比較柔和。$48有五塊豬扒件，在街市買生豬肉也需要這個價錢。豬扒輕炸得香酥，脆口而不油膩。豬扒南乳味濃，不過蔥則過鹹，也切得太碎，沒甚麼口感和香味。伴碟是醃酸了的椰菜，像是酒樓蕎頭的味道，酸得來稍嫌嗆。菜飯用上白菜，不過好像有點焗得過久而泛黃。幸好是菜佔的比例多，而飯不油，配主食是肉類就最好不過。因主菜有點素，所以選了香菇肉燥飯中和一下 (套餐的飯可以任選菜飯或香菇肉燥飯)。熱鍋裡有本菇、冬菇、雲耳、翠玉瓜、番茄，也算豐富。讓人驚

午餐去一葉入到去無人理，坐低後等咗一陣都無人比餐牌，要自已出去攞！後來點咗個豬軟骨石鍋炒飯，咁我都預咗呢啲唔會即叫即煮。但第一口咬落去啲菜同肉係涼！個石鍋掂落去係凍！你唔係連熱返個飯比客都可以漏呀？個石鍋要熱係基本原則！叫個伙記黎佢話立刻同我煮過，出返黎應該同一鍋，石鍋係熱，飯都熱，但啲豬軟骨同菜……熱咗少少咗啦…乜要煮熱個飯咁難?整個豬軟骨石鍋炒飯只得飯可以合格，50蚊一餐乜原來想食個熱飯真係咁難。