一鳴丼食堂

Open Now

Now Closed

一嗚丼食堂之前去過一鳴吃拉麵感覺良好所以再去隔離吃壽司果然沒有辜負我的期望不但上菜快速而且擺盤精緻尤如置日本的壽司店一樣因為不想吃太多所以這次點了壽司和刺身玉子壽司（兩件）$22飛魚子軍艦（兩件）$28炙燒鰻魚壽司（兩件）$38山葵八爪魚壽司（兩件）$28三文魚腩壽司（兩件）$38蟹棒壽司（兩件）$25間八-章紅魚（兩件）$30炙燒左口魚裙邊（兩件）$38火炙三文魚脂壽司（兩件）$20三文魚腩（三切）$48油甘魚（三切）$48全部都非常新鮮而且飯團扎實不會一夾就會鬆散壽司飯沒有很多反而生魚片就又厚又大片所以吃完不會剛好不會因為吃飯而飽生魚片油脂感重生魚片新鮮鮮嫩最愛是左口魚裙邊入口溶化不是很多壽司店有左口魚裙邊吃這間是我吃過最好吃的左口魚裙邊入口溶化真的很有驚喜！！而且十分貼心因為我們帶有嬰兒車的關係本來想坐門外但店員怕開門關門發出聲響而嚇到小嬰身所以讓我們坐在店裡面這點值得讚許！

因為疫情原因無得出去旅行，同朋友搵左間日本餐廳，去到店舖門口，有一刻覺得自己去咗日本🇯🇵。可能同朋友屬於早到，所以人唔太多，感覺好舒服！見到Menu有好多選擇，揀咗好多刺身，其次就壽司，丼飯，同埋鰻魚玉子燒，仲揀左兩杯特飲，落完order好期待！除左壽司刺身之外，其實仲有好多唔好類型小食，例如沙律、串燒同炸物，不過今次就主要食刺身😋首先登場嘅係兩杯特飲，絕對不hea，無奇怪藥水味😝 好味道！無幾耐就黎左客鰻魚玉子燒，其實我平日麻麻地玉子燒，但比哩個賣相同香味所吸引，就食哂了🤣 跟著刺身、壽司同丼飯都陸續登場，全部都十分足料，同朋友飽到捧著個肚走！🤰🏻值得一提，原來隔離係同一間鋪嘅拉麵鋪，下次要試埋先得😁😋

難過嘅2020年轉眼就去副尾聲 思鄉嘅我唯有去食日本菜 解一解思念之情🥺🥺今日黎到大埔墟隱世日式小店試試新野🤪一鳴丼食堂距離地鐵站大約10分鐘路程 都唔算太遠✌🏻所以路痴小編都唔識特別去搵路🙌🏻到達後先發現原來一鳴丼食堂分左左右兩邊鋪面，左邊係食拉麵🍜，而右邊係食丼飯😽小編覺得呢個分類相貼心，因為兩個類別不同，而重點係拉麵會比較濃味，如果你只係食壽司就唔洗怕要坐係一間充斥著濃烈氣味嘅店鋪內進食。而小編今次主要食壽司類別，所以就過左去右邊啦。店鋪設計偏日系簡約風格，非常舒服。店員服務態度非常好，仲會主動加水。👍🏻👍🏻而且餐牌菜式亦好多選擇，小編都苦惱咗好耐先落單🤫最後我地2個人叫左一個饅魚玉子燒$78、北海五品盛丼$178、炙燒左口魚裙邊$38、三文魚壽司$28、北寄貝壽司$24、三文魚刺身（3塊）$38、八爪魚刺身（3塊）$28、甜蝦（6隻）$58。刺身類別：（三文魚刺身（3塊）$38、八爪魚刺身（3塊）$28、甜蝦（6隻）$58）整體來講都幾新鮮！而且勁肥美勁厚切！完全出乎意料之外！特別推介甜蝦❤️好鮮甜☺️壽司類別：（三文魚壽司$28、北寄貝壽司$24）普遍壽司飯上嘅刺身都好薄好唔新鮮

呢個星期都落住大雨，鋪頭門口好貼心咁擺左遮袋。鋪頭裹面用居酒屋嘅設計， 位唔算闊落，但依然坐得好舒服,特別係張木凳，有適當弧度，合乎人體工學～一坐低，店員就拎左幾杯茶比我地，留意到客人飲哂就主動過加水，服務態度很好！而主角就當然係野食啦，三人行都叫左唔少野食。炙燒牛肉丼，牛肉份量都幾多, 佈滿成個丼飯，肉汁豐富，仲幾有咬口，飯當然係粒粒分明嘅珍珠米，配埋剛熟嘅蛋黃,味道真的不錯，值得一試。小食仲叫左明太子玉子燒，埋相一流，加左明太子有淡淡嘅粉紅色。趁熱擺落口，玉子燒最外同最內層做到同一個熟嘅程度，保留左蛋汁嘅濕潤而且充滿住蛋香，真係好食到不得了，推廌！飲品我就叫左一杯烏龍茶燒酌梳打，烏龍茶味道不算太濃，但都有D酒味，飲落都清新，味道都特別。

香港疫情反反覆覆想去旅行又唔得有抗疫疲勞嘅我唯有食下日本野治下思鄉癮朋友介紹咗呢間比較隱蔽嘅丼飯店一去到門口已經覺得好有feel木質既趟門再加上掛簾 好有日式小店feel入到去繼續全木嘅簡約風格 好溫馨好鍾意佢個Menu 手帳風 好特別嚟到咁啱冇晒海膽 本身想試吓北海五品盛所以轉左食四重火焰盛 再extra叫咗鰻魚同甜蝦壽司四重火焰盛（$138）個飯一嚟到有少少嚇親 冇諗過堆得咁高成座山咁但同Menu上嘅圖片一模一樣 完全圖文相符😂材料有 三文魚 帶子 左口魚裙邊 蟹棒 同溏心蛋刺身全部都好新鮮三文魚燒咗之後 油香更突出 帶子好鮮甜特別鍾意左口魚裙邊 口感咬落去好爽口肥美甜蝦壽司（$38），鰻魚壽司（$38）壽司飯醋味調味岩岩好 舊鰻魚仲要大舊過舊飯 好厚肉下次想試下燒物！

掛住日本，但又冇得去旅行，所以唯有食丼飯滿足一下自己想去旅行嘅心啦。呢度嘅裝修都好有日本居酒屋嘅感覺！而且全消餐牌餐牌亦都好多款，感覺好啱飲少少酒食啲串燒，同朋友過一個溫馨既晚上！呢度嘅餐牌一望就好吸引，每一個丼飯都有圖架，完全唔怕圖文不負，因為出嚟嘅樣真係同餐牌一樣。叫咗個四重火焰盛。入邊有三文魚、帶子、左口魚裙邊、同埋蟹棒，上面仲有一粒蛋黃添。出到嚟個飯勁滿！好足料！每一款料都至少有三至四舊，識落仲好新鮮添。而且呢度仲有飯素可以俾你自己加落白飯度架。壽司方面叫咗個甜蝦同埋隻燒鰻魚壽司，鰻魚超厚肉而且配埋燒汁好好味。甜蝦亦都好好味。呢度嘅店員都好細心，成日會幫我哋加茶，而且好有禮貌添，值得一讚。

雖然今年多左喺屋企煮飯，但係有d野自己係唔會煮到，就好似壽司刺身咁，就算有得買材料番屋企自己整都唔會有鋪頭咁好食。所以而家最好既解決方法就係喺屋企附近搵好野既日本野再買番屋企，近屋企咁又怕魚生變壞。今日就搵到呢間一嗚丼食堂完全係意外驚喜，值得下次坐定定堂食慢慢品嘗。今晚叫左個究極甲羅盛丼飯同埋一份活赤貝。首先個丼飯既料真係究極多，松葉蟹腳同蟹肉好似食極都有咁，超級豐富。蟹肉蟹膏同埋蟹籽溝埋一齊食既甲羅盛更加係超級好味，蟹膏勁甘甜，蟹肉又鮮又啖啖肉，送埋飯絕對係人間極品，蟹鉗都好大食勁多肉好正，食完成個飯係會有100分滿足既感覺。最後加埋超級爽甜新鮮既活赤貝做收尾，今晚餐飯實在無得彈。下次絕對要再食!

四種火焰盛丼本身以為細細碗，但其實食到最後都可以食到十成飽。火灸將魚生的油脂釋放，帶出香噴噴嘅味道🤤 左口魚裙邊一向都油脂豐富，廚師的Menu design 好有心思！雖然蟹柳棒（(x3) 比較平凡，但都再加上芝士燒一燒，顧及味道，算係OK👍🏻最有趣係，丼飯上面有一隻糖心蛋黃。望到我咀都O埋😂 唔通係中秋節前後嘅月圓特色？ Lol 
p.s.約略記得數目係 帶子 x6, 三文魚x 3~4北海五品盛有三文魚，油甘魚，帶子及牡丹蝦。海膽因為無貨，就轉左蟹肉。蝦肉勁新鮮多汁，而三文魚都是正常嘅高質：油脂紋理分佈整齊靚仔；油甘魚厚切、新鮮的味道。除了食刺身之外，有兩件日本丼飯嘅恩物都有得食。一係壽司薑，一小壼擺喺枱面，可以任食😍 啱晒脾胃虛寒嘅我。另一係飯素，即使忍唔住食哂啲刺身，都可以有飯素清埋壽司飯。

因為疫情問題，我都好耐無出街食好野喇，最多我都係買外賣番屋企食，所以近排都有留意屋企附近有咩好野食買。日本野一向都係我最中意既食物。。今日見到呢間一鳴丼食堂勁吸引，所以即刻試試先，食完果然有驚喜! 下一次一定要食堂食先得，順帶一提而家外賣仲有8折優惠，雖然唔知會做到幾時，但係成件事即刻好抵食。Menu 選擇多~ 每個刺身丼飯都好吸引😍😍我叫左個北海五品丼，另外加左活赤貝同北寄貝刺身。首先值得一讚既係就算外賣個賣相都做得好好，保持到好吸引既感覺。第一樣試活赤貝，超級鮮甜，仲要勁爽口，下次堂食一定要再試，100分! 北寄貝都好出色，一樣咁鮮甜好味。至於個主菜北海五品丼，刺身份量勁，完全係會有種點食都仲有既感覺，超豐富超滿足! 牡丹蝦大大隻，我最愛既帶子更加係特別鮮甜。油甘魚嘅肥美程度要大讚!今晚真係食得好開心，好耐無過咁另我滿足既外賣，遲d絕對要再去堂食先得

番左一星期工咁攰當然要去食番餐好，所以約左朋友係大埔搵野食，好耐之前食過佢的拉麵，所以今次就試下飯類，可惜去果日落大雨，去到餐廳都濕晒燒芝士年糕芝士味濃郁而不膩，表皮煙韌，一口size岩岩好!另外仲有燒日本甜蕃薯，蕃薯味好出，表面少甜，應該係加左蜜糖燒明太子玉子燒厚厚的蛋，中間帶點半熟 ; 表面的明太子份量剛好，唔會多到搶左蛋的味道蛋味都算香，不過記住要熱食，咁樣會再香d好味d燒鰻魚壽司大大塊厚厚的鰻魚，燒完好香，冇腥。我平時唔鍾意食鰻魚係因為佢會有陣腥味，但佢的鰻魚冇腥味！！d刺身全部都燒過，所以幾香，熱食就入口即溶，唔好睇佢細細碗，佢飯都搭得幾高，都夠兩個人食炙燒牛肉丼半熟的少肥牛肉，唔韌，牛肉份量都多，而且好香

事隔都有一段時間冇食過日本餐廳，今次去左位於大埔嘅一嗚丼食堂，成間鋪頭嘅設計已經好有日本味道，外面就用日式敞門。食物放面，丼飯類就叫左四重火焰盛，由三文魚，帶子，左口魚裙邊同蟹棒組成；面頭有蛋黃，軟綿綿，好香蛋味。輕輕燒過嘅三文魚唔會太乾，鎖住左三文魚嘅香味，食落仲係好滑；帶子口感不錯，唔會好韌或者有腥味。燒物就叫左芝士年糕，年糕軟糯，芝士味好香同年糕味道真係好夾。而小甜薯粒粒清甜，充滿蕃薯香，芝士年糕同小甜薯表面仲淋左糖漿，食落再多左層甜絲絲嘅味道.。壽司就叫左三文魚壽司，味道新鮮，而且都幾厚身；鰻魚壽司，鰻魚燒得夠火侯，醬汁夠味唔會太重味，鰻魚肉質不錯，唔會太諗.飛魚子軍艦，八爪魚壽司夠鮮味。飲品方面，就試左荔枝燒酌梳打，幾香荔枝味，似飲緊帶酒味的荔枝茶。

今日係大埔完成工作後，諗住買外賣番屋企食，一陣搜索🔍下發現哩間「一鳴丼食堂」就諗住去試吓。店外以木製敞門裝潢頗有日式氣氛，一入店內更發現怖置用心，Bar 枱、木櫃、sake 酒瓶等等，營造居酒屋🏮味道。雖然小妹今次係嚟買外賣，但店長叫小妹入店內坐低慢慢揀，仲貼心俾咗杯熱茶🍵⭐️⭐️重點係外賣自取原來仲有85折⭐️⭐️小妹揀咗蒲燒鰻魚帆立貝盛，真係即點即燒，一路等一路聞到炭燒鰻魚嘅香氣，已經流哂口水🤤🤤第一啖食落去果然無失望，份量絕不吝嗇，一整條鰻魚分成8小件，鰻魚肥美但偏多骨，丼飯中間仲有勁大粒帆立貝，大大粒啖啖肉。 另外再叫咗幾件壽司🍣過下口癮，三文魚厚身勁肥美，油脂雪花分怖平均，一啖食落去有幸福嘅感覺，教人慾罷不能。北寄貝、八爪魚🐙新鮮爽口，飛魚子軍艦表現正常。

bookmark咗呢間大埔既日本餐廳好耐 終於食到🤩餐廳裝修勁有日本feel!!! 可以慰藉下而家冇得去旅行既心靈兩個人揀咗兩個丼嚟食 第一個係鮭火山 $108裡面有三文魚、三文魚子、拖羅 好足料！而且啖啖肉、好新鮮 而且裡面有啲蛋同埋青瓜 唔會太單調以$108嚟講真係好抵食 而且佢丼飯頂仲有一堆吞拿魚茸 配埋啲飯一齊食冇得彈！第二個蒲燒鰻魚帆立貝盛 $118勁多鰻魚！！而且燒得好好 有啲啲焦焦地食落好有口感 鰻魚好肥美 而且唔會好少鰻魚汁冇咩味 俾鰻魚汁唔會吝嗇 飯都會有鰻魚汁 個汁甜甜地好好食 撈飯一齊食簡直超幸福！！個飯仲要係日本珍珠米！食食下食哂成大碗飯Hahaha勁大粒帆立貝！好鮮甜！中意飯素既人一定會好中意呢間餐廳兩個人都係食咗$271 計埋+1 算幾抵食 可以一試啊

小確幸這段疫情期間踏單車🚴🏻‍♀️ 獨獨樂仍可以😌在大埔墟還車後肚子已開始湊起交響樂，於是到附近的《一鳴丼食堂》了🤩燈光柔和，襯托淺木色的桌椅，整個環境使人舒適日本菜應有的丼飯、壽司、刺身、串燒、特飲及酒類這裡都一應俱全，覆蓋頗全面 餐具放盒內，自助搓手液，探熱等防疫做足使我放心食用。 擠得滿瀉 🤤饞咀的小妹點了包羅萬有的北海五品盛啦 HKD 178 有致愛的海膽、帆立貝、油甘魚、三文魚、牡丹蝦😍 很有技巧的放上如山搬高的🍚上，雄壯而內裡沒有半點偷工減料😁 👍🏻材料肥美又鮮甜，沒有雪味，特別三文魚充滿魚油啊。 地方不大卻人流不少，到訪的有情侶以及一家人。幸好早點到，吃飯途中始有客人門外等侯了！ 整體食物、服務態度、整潔度、價錢都合理

同男朋友一直pinmark左呢間日本菜好耐，難得日頭要去大埔一轉當然把握機會即刻去試試佢既丼飯😚店鋪間隔唔算好大，但係小木屋既感覺夠晒和風xd同男朋友坐係Bar檯欣賞師傅的刀工夠晒溫馨😌餐牌圖文並茂，未落單見到d畫已經食指蠢蠢欲動🤤男朋友係海膽怪毫無疑問要左個豪快海膽盛，鍾意食火炙既我就叫左個四重火焰盛！一上檯就可以見到滿滿既海膽鋪係飯上面睇到男朋友心心眼😍三款既海膽全部都好新鮮，連一向唔係好食海膽既我都覺得好鮮甜y一d都唔腥🤩撈埋鵪鶉蛋蛋黃用紫菜包住一齊食，味道濃郁滿足🤤食到一半怕膩既時候就食片酸蘿蔔，正😎食左個咁邪惡既丼飯之後食呢個四重火焰盛即刻覺得好refresh😂蟹棒、帶子、左口魚邊、三文魚全部都大件新鮮，尤其左口魚邊同三文魚經火炙之後逼晒d油脂香出黎🤤而且醋飯比例啱啱好，一口魚生一口白飯，好快又ko成碗飯🐽其實餐牌裏面都有好多串燒好似好吸引，奈何我地食完海膽盛實在係太飽已經叫唔落😂總括而言，呢到既丼飯確實係名不虛傳非常新鮮，希望有機會經過大埔再黎試佢既串燒😜