一鳴丼食堂

Open Now

Now Closed

星期5晚放工後😌，同女朋友2人去到位於大埔的一鳴井食堂。首先講下個環境，店鋪裝修得有D似日本既深夜食堂。以日本餐廳黎講,都幾有心機。食物方面，我地叫左一個北海道五品盛井飯。價錢就唔平，都要$178,不過就勝在海鮮都幾足料😆，好多刺身都有。三文魚，蝦，海膽都有，味道就見仁見智啦，只可以話呢個價位黎講都算唔錯既。另外都叫左個甜蝦刺身，大大隻，唔似得D放題店好似蝦米咁細隻。不過食落就唔算好鮮甜。🤔總結而言，位於新界區的日本店，價錢就少少貴啦，但係味道都仲可以既。

媽媽說了很久想吃日本餐廳，今天適逢有空，突然靈光一閃近近地便帶了她來這間日本餐廳。本來沒有太大期望只是貪方便就腳嘗試一下附近的日式餐廳，一推開門令我喜出望外的是裝修格局絕不簡陋，簡約的線條勾劃出濃濃的日本風味，恍如置身日式居酒屋一樣。食物方面更是令人滿意，首先如果以散計來說的話，價錢絕對物超所值，而且食材方面也非常新鮮，我開始後悔自己怎能錯過這間如此高CP的小型日式餐廳呢？ 火炙三文魚脂壽司（$20）不知道是因為肚餓還是食材是三文魚脂的關係，總之表層微微焦香再配合滿口三文魚油的感覺實在太棒了， $20就能吃到這樣的烹調和三文魚脂實在夫復何求？燒汁油甘魚（$42）這個烹調真的剛剛到位，既微微燒焦,魚香又能鎖住在口感十足的油甘魚上，實在非常美味👍🏻一鳴海鮮湯烏冬（$108）+ 牡丹蝦+赤蝦+甜蝦+五款野菜天婦羅足料海鮮作濃濃的湯底，再配合彈牙的烏冬，一吸滿口也是海鮮味，令人停不了口。而且另外配上一碟牡丹蝦+赤蝦+甜蝦，款款都極度新鮮，吃得我滿口蝦jam 。若你還嫌不夠，其實還有野菜天婦羅，只是$108的價錢就能享受到這麼多不同的口味，極抵👍🏻蟹膏甜蝦軍艦（$42）香濃的蟹膏配合甜蝦的鮮甜味

日本菜真係賣飛佛🤪一鳴丼食堂係大埔食街其中一間小店 食丼飯同壽司為主 隔離舖頭都係呢間老闆開 就食拉麵嘅 呢間日本餐廳食材都幾新鮮 而且即叫即整🤟🏻小店嚟講幾高質😼.👉🏻北海五品盛刺身好豐富 每款都有3-4塊🤤有三文魚、油甘魚、帶子、海膽同牡丹蝦牡丹蝦爽口 帶子甜且厚實海膽甜甜地 好有鮮味餐廳用正宗日本豉油 配丼飯食一流～.👉🏻芝士明太子玉子燒每食一啖就有滿滿嘅明太子醬包住玉子燒仲有芝士拉絲 好滿足！.👉🏻一鳴炸雞炸雞份量好多 即叫即整熱辣辣😽外面個皮好脆但唔會太多油雞肉肉質好嫩滑 咬開有豐富肉汁個醬汁酸酸甜甜好開胃

下班之後，一個人來到一鳴”井”食堂。 這間食堂，富有日本風的感覺。一進來之後，待應未開聲之前，感覺就好像到了日本的壽司店。這點我覺得還蠻加分的。我自己特別喜歡吃壽司飯，所以每到日本餐廳都特別執著飯的做法。這間的醋飯做的還可以，粒粒分明，也有充分沾到醋，不會不均勻。魚生的部分，今天叫了一個魚生飯，有甜蛋、三文魚子、三文魚，不知道是碗小還是怎樣，看起來份量超多。因為這裡的魚生切得比較小丁的關係，吃下去口感就會比較沒平常吃刺身的感覺，反而是蛋的部分，讓我蠻驚訝的，味道十分OK，甜度十分足。

大埔好少見有丼飯食，之前食過隔離間一鳴拉麵，呢日就約埋朋友黎試下呢間一鳴丼食堂餐廳裝修好有日式風格，吧枱位置都幾舒服一打開餐牌，好有特色因為係畫出嚟既，幾靚，而且眼花撩亂，都諗左一陣先揀好北海道五品盛 $178一見到嘩左聲，好大隻蝦成碗飯都滿滿的！魚子同海膽一啲都唔腥，幾新鮮四重火炙盛 $128三文魚同左口魚邊都好香魚油味！最正係有蛋汁撈飯！整體來講，刺身好新鮮，火炙好香，又好足料，服務員態度好好滿足感100分！

琴日約左朋友去大埔食野， 朋友話有間丼飯好睇又好食，佢一俾張相我睇，賣相已經好吸引😍我呢啲為食既小貓當然要去試下啦🤪🤪🤪可能因為係閒日，所以我地7點鐘去到都唔駛排隊就有位，雖然係間小店，但坐得都算舒服😌，最鐘意就係佢冷氣夠涼，係炎炎夏日冷氣真係好重要😎👍🏼我地兩個人，叫左個究極甲羅盛同埋炙燒牛肉丼，都好夠飽😝😝👍🏼究極甲羅盛🦀：呢個真係賣相十足😝👍🏼 份量都好足夠👍🏼成隻蟹上，殼又剝好俾我地🤪 就咁咬就有成條蟹腳😋😋👍🏼蟹膏都好多，又濃味😙😙😙 餸飯一流🤪炙燒牛肉丼🐮：鐘意食牛既朋友岩晒😝😝😝 呢個丼十分足料，鋪滿左炙燒牛，啲牛好有牛味，又唔un, 配上飯既沙律醬好夾🤪👍🏼

今日放假見天氣唔錯，去左大埔搵朋友，順便一齊食個飯敘吓舊😁大埔係朋友既地頭，所以食野梗係要問吓地膽有咩推薦啦，結果佢介紹去試吓一嗚丼食堂，食日本菜🥰一嗚丼食堂係大埔火車站附近既巷仔度，係大埔墟行過去大約8分鐘到~食堂內外既裝修都好日系，門口有道日本風既趟門一入到去店內就見到個吧枱，真係好似去咗日本既食堂咁架😍餐牌上嘅每一個丼飯都好吸引，全部都好想試下😬😬炙燒牛肉丼🐄:睇相都可以見到啲牛肉多到成左山咁高，牛肉燒得好香口，食落去除咗有好香嘅牛肉味，仲有好多肉汁，勁好食！再加埋個秘製嘅牛肉白醬汁，撈埋啲飯真係食多幾碗都唔夠喉呀👅究極甲羅盛🦀呢個蟹丼飯賣相好吸引，而且成個飯都有好多蟹肉同埋蟹包圍着，每一啖都勁有口感配埋濃濃的蟹膏，真係好滿足🤩整個過程職員都好好客，會不停幫我哋refill 熱茶同埋主動俾分碗我地，服務態度一流呀👍🏻

連續幾日工作辛勞，難得今日可以完成工作，就想去食下日本野。搵到呢間一嗚井食堂。門面有兩間不同，左邊係食熱食例如拉面，右邊就係凍食，例如刺身壽司等等。入到去，感覺去左日本既餐廳，設計裝修都似足日本，俾人日本感覺。我地一人叫左一碗刺身飯食。第一碗係四重火焰盛，有灸燒三文魚，帆立貝，蟹柳，左口魚，四種魚，加埋日本飯係個底。4種入面，帆立貝同蟹柳最好食，左口魚和三文魚都不錯。第二碗係究極甲羅盛，呢個係個蟹刺身喇，有蟹肉，蟹膏，蟹子。 成個賣相好好，一見倒佢已經係咁同佢影，食落蟹膏唔腥，易入口。好食👍👍第三碗係灸燒牛肉井。個牛肉食落唔油膩，但又好有牛味，又唔韌。佢用既燒汁都好夾佢。都係好好食👍👍👍總體黎講，雖然價錢上略貴，但食物都有素質，值得一試。

上星期日，有時間念唔到食啲咩，之後搵到呢間朋友極力推薦店，佢話你唔可以唔去食，食一次之後，你間中會念起味，好自己就會走到門前。來到門前，好有日本風的趟門，入到去，店舖雖然好細，但最重要的是有吧台，呢樣係日本店不能少的。我果晚去，因為大雨，客人不算多，剛好吧台有位，我就直接選擇吧位坐。師傅好客氣打聲招呼，我睇左個餐牌好耐都唔知食咩好，因為好多野都想食。我就決定點左個九點同幾樣燒物，師傅仲好客氣，送左一客雞泡魚魚乾。

之前一早響openrice做定research, 見有好多好評所以才羨名而來, 六點剛開舖入到去都已經有不少人。彩色menu俾顧客寫order,非常揼本wor!! 我叫左北海五品盛丼, 餃子同牛柳粒。叫餐時被告知冇晒海膽,所以我揀左轉海膽做蟹肉。日式餃子味道唔錯,係菜肉餃。個丼黎啦, 造型非常吸引!! 好多魚生, 好豐富! 但一試就發現中左伏.. 大蝦好靚但完全冇味..蟹肉冇蟹味,有少少怪味.. 平時好穩陣嘅三文魚都冇乜味, 隔離油甘魚係腥味, 只有帶子同三文魚籽係正常味道, 另外魚生豉油嘅味道都有別於其他舖頭..最後的牛柳粒有牛肉味但好似淋左啲. 誠然同期待嘅有好大落差,希望可以改善一下~

在疫情反覆的日子, 真的要感恩尚有客戶給予工作, 忙了整個星期都沒有什麼好西吃過, 今晚就對自己好點, 到一直想試的一鳴丼閒日關係, 不用等就有位啦! 叫了個四重火焰盛, 有三文魚, 帶子, 左口魚裙邊同蟹棒, 食材新鮮自不然說, 特別係左口魚裙邊, 係背鰭和臀鰭之間o既一條邊, 位置正正係成條魚最肥美個部份, 口感既肥美又爽口, 甘甜魚油滲出, 食落濃郁甘香支持一下串燒, 叫左個雞軟骨串, 燒過後香氣滿溢; 再叫多個玉子燒, 香甜鬆軟, 幾好食呀大埔人真係唔駛出市區, 都可以食到直送高質日本野啦

去呢間海鮮丼前已經聽過身邊朋友推介過幾次，今日就收工即慶去試下睇下朋友有無比伏我踩先！餐廳內外用木系裝飾為主好有日本風，大多以吧枱為主，吧枱有係料理枱，點完海鮮丼後主廚會直接係吧枱遞比食客。鮭火山當然係以鮭魚為主，將鮭魚切粒再配以玉子同青瓜粒做底，最上層加上吞拿魚蓉加以點綴十分豐盛，叫做鮭火山真係一d都無改錯，份量真係超巨量。鮭魚切成粒狀令口感較有彈性，入口新鮮帶濃厚既魚油香。吞拿魚蓉唔會有筋入口軟綿多香唔會有陣鐵銹味。看似簡單既食材配搭超黎卻帶出一種滿滿既幸福感。汁燒雞翼雞翼燒得乾脆得黎咬落仲帶點油香，雞翼加上燒汁帶點鹹鹹甜甜既香味添加濕潤感得黎仍然保持到雞翼皮既脆身。青蘋果白桃乳酸梳打本來怕入口會帶點化學味，點知入口好香又唔會過甜，乳酸酸酸甜甜好fresh.

之前一直有幫襯開一鳴拉麵，而家佢有一邊係轉左做一鳴丼食堂，有新野，梗係要黎試下啦！煎雞軟骨餃子外皮煎得脆脆的而且不會太厚，雞軟骨包在入面，一口一口都夠哂口感。雖然係煎的，但完全唔會覺得油膩，成口油，配埋旁邊既醋，令成件餃子味道更加提升。免治雞肉棒普通既一串免治雞肉棒，但佢present得好靚，舖塊葉托底再加少許蔥花係面頭，唔食得都睇得！再加上佢味道同口感都唔錯，值得一試。壽司再黎今日既重頭戲壽司啦。估唔到佢件件都咁有份量，size好似比平時食開既大件，而且好足料！甜蝦係我至愛，平時叫甜蝦，好多都係比d蝦毛仔你，呢到比普通既貴小小小小，但隻蝦係大大大大好多。食入口係大滿足的感覺！三文魚籽軍艦，雖然唔係咩特別既壽司食材，但三文魚籽粒粒都好飽滿，每咬一口都係脆卜卜的，兩件我都自私食哂！另外叫左個火炙三件壽司，分別係油金魚、章紅魚同海鱺，朋友仔話後兩者比較少見，所以佢就自己點左一個私食。雖然火炙左，但都食得出食材係新鮮的，但又唔會好腥，火炙完反而更帶得出個魚香。另外睇個MENU見到好多丼飯，見到D圖都覺得好吸引流哂口水，見到格離檯叫左，份量超足，下次一定要再黎試！！

難得今日平日放假當然要行遠少少,借平日少d人流呢個優勢去返d平時假日多人既地方覓食下,今次試左呢間一嗚丼食堂佢地海鮮丼真係令我超回味！四重火焰盛用上一個較平細既日式碗盛載住,看似容量好細既碗真係估唔到可以容納到一大碗飯同疊係飯上既魚生.先係最頂層又圓又飽滿既蛋黃已經好吸引,煮得剛好熟成既蛋黃入口帶微漿口,加上刺身醬油拌飯令蛋黃香味更濃郁.火焰盛一共有4款火炙刺身:三文魚,帆立貝,左口魚裙邊及蟹棒.每一件刺身都有一定既厚度,入口先帶炙燒味道,入口帶回彈力,帶鮮味甘甜.左口魚被邊魚油濃香入口十分滿足.底下珍珠米之間滲透住炙燒後流下既魚油今米粒更香.燒雞軟骨燒得恰到好處,雞軟骨收乾水,入日香脆又唔會過乾,帶陣陣雞油香.荔枝燒酎梳打荔枝味較突出,味道香甜,酒味溫和啱晒女仔飲.

星期日下午茶時段突然想食有水準嘅日本嘢，但又唔想出到九龍、香港咁遠經朋友介紹，就去咗依間喺大埔嘅一鳴丼食堂位置都好易搵，喺大埔站都係行十分鐘內就到去到嘅時間都比較晏，唔使等都已經有位間店整體裝修都好有日本小店嘅感覺幾張小桌、加圍住師傅嘅bar枱環境都比較靜，啱曬需要relax嘅星期日由於下午都食咗嘢，所以都係叫個飯加啲小食就夠四重火焰盛 ($138)壽司飯加火灸嘅三文魚、油甘魚、帶子同蟹棒整體嚟講，好出色當中，油甘魚同蟹棒特別出眾油甘魚入口充滿油脂、蟹棒比一般嘅蟹柳口感更豐富係個飯有少少黏，個人唔太喜歡油甘魚刺身 三切 ($48)油甘魚有新鮮嘅味道入口有即溶嘅口感灸燒鰻魚壽司($38) & 免治吞拿魚軍艦($38)灸燒鰻魚壽司：有種日本炭燒鰻魚嘅感覺，再加上少少蒲燒汁兩種味道嘅配合形成多重口感免治吞拿魚軍艦：新鮮，但味道比較一般雞皮串燒 兩串($28)喺日本食過好有油脂味嘅燒雞皮但今次依個雞皮串燒比較令人失望燒得比較乾同味道較淡另外，值得一提嘅係留意到Wasabi係磨出嚟 而唔係一般合成嗰種個人幾鍾意嗰種一小粒一小粒嘅口感又唔係一尾死攻鼻嘅感覺總括嚟講，我會推薦依間食店可以一嚐日本味道