九州鯛魚 (Closed)

朋友話想去筲箕灣太安樓逛逛，懷緬一下，現附近開有不同食店，行到倦見筲箕灣道57-87號太安樓地下G25號舖，九州鯛魚，門口用木條間格門，玻璃窗看到餐廳裝修很別俱風格，牆身有好多鯛魚的畫，吸引我們註 足又好吸睛和打卡呀，很清雅又真靚。我們點左鮑魚花膠烏冬，鯛魚湯底十分香濃又鮮甜，烏冬很煙韌又滑，花膠夠腍又入味，極美味超正，鮑魚有二隻夠腍，吃到光光。配柚子茶。帆立貝烏冬，帆立貝很鮮味有三粒，真不錯👍配可樂。下次會再回頭吃超級美味湯烏冬。

been hearing about tai on building for a long time but haven't really been there, so just thought it would be a nice time to explore this mystery place.walked past this restaurant on the side of the road and was looking at the menu. was surprised with the style of food and also the price so decided to give it a try.the place is still quite empty when we got here at around 6.30pm but became pretty full pretty soon. it is decorated just like a typical japanese restaurant with some hooks on the wal

太安樓後街開左間新既日本野，鯛魚為主打!裝修好有日本拉麵店既味道。叫左一個牛肉飯定食($98)同埋一個鯛魚湯豬軟骨烏冬($82)!牛肉飯定食超豐富，有溫泉蛋、和風薯仔沙律、沙律菜、鯛魚湯，碗飯大大碗夠晒飽，今次加左蛋係飯度，食牛個陣有埋蛋真係特別滑!而且牛既燒汁好味加埋有芝麻香，好正! 薯仔沙律直情係個有蛋、紅蘿蔔既薯蓉咁，我幾鍾意!食日本定食既禮儀，記住左飯右湯呀!鯛魚湯豬軟骨烏冬，個湯好濃但又唔會好似豬骨湯咁膩，好健康! 個豬軟骨係慢煮，好滑好軟，D軟骨易咬好多膠原既感覺! 烏冬係我鍾意既扁烏冬黎，吸埋湯更好味，連配菜都係吸湯神物，豆卜!好少可食拉麵飲晒D湯，但今次竟然飲晒!!!!!個鯛魚湯真係幾真材實料又新鮮，佢隔一隔就會起左層膜，勁濃郁唔算好勁腥味。個人黎講鍾意湯烏冬多過飯~~!!食烏冬一定要飲野gur D,,,叫左波子汽水!!好耐冇飲啦!!懷舊又有得玩，係好正宗made in Japan 既波子汽水，正!!!!!

九洲鯛魚在接近無污染環境生長，熬成高湯無論配烏冬或飯都相當鮮甜美味，高鈣高鉀高蛋白質，營養價值非常高，益肝健脾、養陰補虛。而店子的招牌鯛魚湯底每日用80斤嘅日本黑鯛魚骨熬煮而成，味道香濃唔腥，今天專誠到太安樓試試。店子還有各種定食套餐，配上江戶豚肉、吉列海老、鳥唐揚、吉列廣島蠔等，非常吸引。早利亞今天下午到來，原來店子午後menu 更抵，平日下午2pm至6pm 或 周末下午3pm至6pm，江戶豚肉湯烏冬 $56，但早利亞重點想試鯛魚湯，所以便加 $12 轉鯛魚湯，還可以特價追加鮑魚、花膠、帆立貝、象拔貝、廣島蠔、烏賊等，那我便飲魚湯之餘也追加了花膠，入冬補一補。吉列豚肉金黃酥脆，外脆內軟，肉汁豐富，配上沙律醬及日式豬扒醬汁，很滋味。鯛魚湯果然濃郁香甜，烏冬麵條扁長，口感細滑，早利亞完全飲盡魚湯，整晚也沒有口渴感。追加的花膠也相當夠份量，入口有黏口感覺，骨膠原豐富，吃得滿足。黑烏龍茶，見到茶包內有點點花蕾，茶味香濃，推介給不想點甜飲的朋友。追加了一份花膠另加 $30，全日免收加一，全單 $98，店子裝修以日本木色概念設計，舒適寬敞，這餐遲來的午餐好划算。

太安樓出名美食多 而美食店更越開越出 出係指 連太安樓門外面都多左幾間店由於想搵位坐 由太安樓內走到太安樓外 搵到一間日本店店內既風格很日式 請睇圖1） 吉列豚肉烏冬 $88呢個豚肉烏冬簡直係物超所值，首先佢會用胡麻醬沙律黎做前菜，等你可以開下胃先。跟住飲咗第一啖鯛魚湯，係鮮甜既鯛魚嘅味道，加埋軟熟嘅烏冬，真係令人忍不住口。而且吉列豚肉份量十足，面積大而且厚咬落去仲有好多肉汁，點埋佢既醬汁，完全係絕配。2）慢煮豬軟骨烏冬 $82烏冬上面講咗就唔多講啦。豬軟骨入面非常之軟熟，佢應該花咗好多時間將豬既骨頭煮到好似肥肉咁樣，好甜好肥美而且油膩都夠 唔會太乾 3）墨魚丸 $18墨魚丸非常之彈牙仲有好甜甜嘅墨魚味，完全同平時打邊爐嗰啲係唔同級數4）帆立貝$18帆立貝唔會煮得太熟 都爽口既

香港人鐘意食烏冬，但要搵好食既烏冬店，就好困難，尤其仲要係魚湯底。今日黎到呢間出名魚湯烏冬既餐廳，當然有一定既期望啦！ 象拔蚌鯛魚湯烏冬 $78 烏冬一黎到，就梗係先試一試個鯛魚湯先啦，果然無令我失望！好好味！富濃厚既魚味，飲落無味精（食完都無口乾），相信係真材實料，十分抵讚！ 真係要飲哂佢。烏冬方面亦彈牙，唔會淋哂無口感。烏賊鯛魚湯烏冬 $76 湯底烏冬同象拔蚌鯛魚湯烏冬係一樣，分別在於烏賊🦑，估唔到佢用料又真係幾新鮮，食得出係用新鮮貨，唔係急凍。日本紫薯甘粟餅 $38 呢個直情係驚喜位， 滿滿嘅紫薯加上有粒粒既甘粟，炸得岩岩好，脆口唔淋油，呢個大家要試啊！ 我覺得呢間餐廳好岩想食健康d 既朋友，魚湯+烏冬係好好既健康之選！

西灣河太安樓美食多的是，除了各式各樣車仔排檔便宜之選外，還有乾淨企理食店任君選擇。九州鯛魚不在太安樓內，而是在太安樓的後面，找吃的要留意啊！用魚烹調煮的湯會呈奶白色，特別鮮甜好味。我點選了醬油慢煮豬軟骨定食，那麼大份量的定食只需$98，而且沒有加一服務費，超值呈～定食配有芝麻醬伴野菜；和風薯仔沙律；溫泉玉子，還有必喝的鯛魚湯。這個鯛魚濃湯不得了，充滿魚的鮮味且非常濃郁！主菜也不錯，炆燉過後的豬軟骨很軟淋且入味，用來伴飯是無敵！

上次新開食過一次，今日陪朋友再去食，我覺得好大份相當抵食。 吉列海老定食 $88定食好豐富，鯛魚湯熱辣辣鮮甜雪白，溫泉蛋用左日本蛋，蛋味十分濃郁，煮得剛剛好，好滑，沙律新鮮配左胡麻醬酸酸甜甜開胃，黎到主角吉列海老，四條大大條好飽滿，炸粉好薄唔會食到成口粉，海老爽口彈牙，蝦味濃郁。江户豚肉鯛魚湯烏冬$88好大件豬扒啊！啖啖肉，炸完唔會太油膩，鯛魚湯配烏冬真係無敵，烏冬彈牙煙靭。元祖彈珠汽水 $20好耐無飲過呢個波子汽水，汽水全日本直送嫁，係回憶啊！

西灣河太安樓一向出名多美食，所以間唔中就會過去掃下街。最近從網上得知太安樓新開左間主打鯛魚湯的新餐廳「九州鯛魚」。鯛魚一向被稱為魚中之王，皆因鯛魚的營養價值很高，不但低脂肪、高蛋白，而且含豐富的骨膠原，啱曬一眾貪靚嘅女士，所以趁今晚有空，專程過嚟試下。店子位於太安樓地下 G25 號舖，門口雖然並非對正電車路，但其實位置一點也不難找。餐廳門面光鮮，設計和裝修都是以木為主，牆上繪有一條巨形的紅色鯛魚，相當搶眼，與店名互相呼應之餘亦貫徹主題，很有心思。打開餐牌，食物分門別類，逐一細看，有和風小食、鯛魚湯烏冬、鯛魚定食、鯛魚湯泡飯，另亦有北海道咖哩和飲品等，選項甚多。一心來吃鯛魚，所以我第一時間就揀左個鯛魚片鯛魚湯烏冬，而老公就揀左個北海道咖哩江戶豚肉飯，另外再加左客小食日本紫薯甘栗餅。先吃炸物，這客紫薯甘栗餅 ($38) 無論賣相和味道都很不錯，外層炸得金黃香脆，裡面包住滿滿的紫薯蓉同甘栗粒，用料十足，吃起來外脆內軟，味道幽香甘甜，入口充斥著濃郁香甜的紫薯味，絕對值得一試。接著輪到試下我點的鯛魚片鯛魚湯烏冬 ($75)，奶白色的魚湯無花無假，甫上檯已聞到其魚香。先嘗一口湯，魚味很濃郁，味道既

翻工翻得甘辛苦，難得早收工就同個fd去食個靚飯。夜晚諗住去太安樓食芋圓，所以就係附近食飯。❤️帆立貝魚湯烏東魚湯真係勁正，好甜，又香濃，食完都冇口渴，可以肯定冇味精。烏東好滑身，又夠煙un。帆立貝有3隻，算幾大隻，食落幾鮮甜，正！另外加左隻溫泉蛋，凍冰冰，d醬油唔太咸，甜甜地甘。❤️牛肉飯拼叉燒烏東呢個CP值勁高，牛肉飯份量唔小，牛肉幾新鮮，又入味。叉燒就正正常常，照樣係魚湯正！呢個set仲包沙律，所以勁抵食！朋友再加多隻帆立貝。

🙈🐷🐷🐷最近喺柴灣附近實習，放工嘅時間係兩點幾，所以諗住去太安樓附近食個下午茶，見到依間鯛魚湯專門店，好鍾意食烏冬嘅我忍唔住就行左入去😹▪️慢煮豬軟骨烏冬呢個烏冬本身係豬骨湯底，但係嚟到鯛魚湯專門店唔轉鯛魚湯真係有啲講唔去🤔 所以我就加咗 $12轉左釣魚湯。turned out呢個決定系好正確嘅🤔 鯛魚湯香氣撲鼻，味道濃郁，雖然好足料但又唔會有腥味。豬軟骨食得出煮咗好耐，軟冧入味，膠質同肉嘅比例50 50，係肥人最鐘意食既豬軟骨😍 而且我仲加咗釣魚片同埋蟹棒，鯛魚片煮得肉質香滑，雖然冇加到任何調味料去醃制，反而食到原汁原味既魚肉鮮味。整體而言雖然我加咗幾多錢去加料，但係一分錢一分貨，係值得加既！〰️〰️〰️〰️〰️〰️〰5/5🐷〰️〰️〰️〰️〰️〰️〰️🔸Overall ($94)📍 九州鯛魚 (西灣河)西灣河筲箕灣道57-87號太安樓地下G25號舖

西灣河呢個地區不嬲都係美食既天堂，特別係太安樓附近同埋太安樓商場內等等，手抓餅、大大杯珍珠奶茶、大大碟炒粉麵等等，但感覺好似日式料理唔算多，最多都係手捲壽司😢😢莉莉子最近行經太安樓，留意到呢度附近開左間「九州鯛魚🐟」湯烏冬，莉莉子估計應該開左唔夠兩個月，但場內就坐滿哂人，人來人往，而且呢間烏冬店裝修爆似日本北海道居酒屋🏮，一格格甘，牆身仲有好多鯛魚既畫，好有特色☺️☺️☺️1. 龍蝦鯛魚湯烏冬🦞🦞莉莉子見到原隻大龍蝦既相，已經忍唔住叫，一黎當然係因為賣相好吸引啦，二黎係俾佢地既甘特別既款式同價錢吸引😝$138蚊食到龍蝦🦞同佢地招牌烏冬，梗係要試下啦😌😌鯛魚湯好濃郁，米白色既魚湯對女仕黎講非常吸引😍😍又健康又對皮膚好，而波士頓龍蝦大大隻，分店姐姐仲超細心俾個鉗我拆肉，大大隻既龍蝦肉+蝦膏，超鮮甜超正😌😌2. 江戶豚肉定食🐷🐷除左招牌鯛魚湯，朋友仔另外叫左個定食跟白飯，拿，門口寫住日本米，莉莉子一望到已經加分，大大塊豚肉炸到金黃色，外面非常香脆，肉質唔鞋好腍。更重要係佢大大塊，仲要跟埋前菜啦、日式水煮蛋同最最最經典既「鯛魚湯」代替麵豉湯，俾莉莉子朋友都試到個湯🙈🙈兩個人埋單都係200蚊，朋友仔仲

一講太安樓，大家第一時間一定會諗到呢度係一個小食天堂，但今次放工後去想搵個位坐下慢慢食抖一抖，所以今次就試下呢間日式餐廳🍴.餐廳設計以木系為主，牆上更有餐廳主題「鯛魚湯」的掛圖，感覺舒適。.吉列廣島蠔定食 $98定食份量都幾大，更有沙律🥗溫泉蛋🥚招牌黑鯛魚湯，吉列廣島蠔有三隻，好大隻有成半隻手掌✋🏻咁大呀，炸至黃金咬下好鬆脆，蠔冇腥味一啲都唔硬，炸得岩岩好！.醬油慢煮豬軟骨·鯛魚湯烏冬 $82豬軟骨好入味又夠淋，食落甜甜地口感又軟滑，接近入口即溶。鯛魚湯一啲都唔腥，冇味精味仲幾鮮甜tim~就咁飲個湯都唔會口渴，啲烏冬都煮得幾好都幾滑嘅，配埋豬軟骨一濃一清啱啱好中和濃味，配合得剛剛好。.綠茶🍵可樂 $28本身想試下咖哩波子汽水🥤，點個未有，所以就試個冇咁爆嘅🤣，飲落得少少綠茶味同唔似可樂，似雪碧多啲。

今日10月27日星期日黎返次港島東覓食今次就揀左"九州鯛魚"超近西灣河站 一出就係 係正太安樓後面地舖"九州鯛魚"就係以鯛魚湯底出名夜晚8點幾時段只係等左5分鐘就入得座不過適蓬星期日晚市就要搭枱啦staff 反應快 笑容夠前菜就揀左日本紫薯金栗餅滿滿嘅紫薯 炸粉一d都唔厚 好脆 上菜時夠哂熱帆立貝鯛魚湯烏冬 3 粒大帆立貝 非常爽口 新鮮鯛魚湯底一絕嘅奶白色 濃厚魚味 又熱辣辣烏冬份量夠 質地彈牙當然要飲哂先叫做對得住辛苦煮嘅廚師吉列廣島蠔鯛魚湯烏冬3嚿大吉列蠔 好juicy 烏冬份量夠 質地彈牙湯底當然係繼續一絕嘅奶白色 熱辣辣嘅湯上菜友人同我一樣都係飲哂以報答廚師之恩野飲就揀左蜜瓜味梳打同信州提子味梳打埋單每人平均都係$12x舖頭位置非常近地鐵站 愛魚湯嘅大家一定要黎飲

經過左幾次呢間餐廳都好多人排隊，今日見冇乜人就落去食咗個飯，我叫咗個吉列蠔烏冬，老公叫咗個花膠鮑魚泡飯，都幾好食，不過味道淡左啲，如果鍾意濃味嘅人，應該要加少少調味料。吉列蠔好大隻，有三隻，炸粉都幾薄，好香，個烏冬都夠煙in,份量都唔少，呢個價錢來講幾抵食。花膠鮑魚泡飯用咗鯛魚湯做湯底，不過個湯底太多京蔥，搶咗味，有兩隻鮑魚，花膠份量都多，泡飯係用咗珍珠米，清清淡淡幾好食。總總括來講，我係會再嚟食嘅，希望係其他區都有分店啦。