九州鯛魚 (Closed)

西灣河有名物太安樓，眾所周知，入黑之後變成小吃集中地，手抓餅、廣式糖水、雞蛋仔、夾餅、海南雞飯、車仔麵等，包羅曼有，但始終缺少日式湯麵店。而現在終於，有新店了，主打魚介湯，店家每日新鮮製造鯛魚湯，使用了大數量的鯛魚骨，再以鲷魚骨湯煮烏冬，鮮味十足。「芝士年糕」比較驚喜，是它皮薄而脆，裡面的軟芝士稠度較高，口感較好，整體配合得好。「江戶豚肉鯛魚湯烏冬」很像一個定食，有沙律有鯛魚湯烏冬及炸豬扒，伴有美奶滋和章魚丸子醬，很豐盛，鯛魚湯鮮甜，魚味香濃。「鯛魚片鯛魚湯烏冬」鯛魚已經煮熟了，肉質厚實，鯛魚湯配上鯛魚片，是海鮮的真味。

太安樓出名多野食，不過日式餐廳比較冷門呢間新開既鯛魚湯專門店，係呢度既第一間，鯛魚係營養豐富嘅靚魚，個招牌鯛魚湯底可以搭麵食或者泡飯食架鮑魚花膠鯛魚湯泡飯鯛魚湯底呈奶白色，一定係用足料熬製而成，鮮甜而不咸，勁香，魚湯泡飯好夾，仲有少少胡椒吊味，鮑魚煙韌入味花膠亦都煮得幾腍 又鮑魚又花膠同埋靚湯，幾種補品都有，係一種簡單好食又健康的日式料理，女人至愛必點～蟹肉忌廉薯餅🦀呢個薯餅唔係好食到蟹味 不過中間好滑溜 個粉都唔會太多 小食黎講不過不失 試下無妨

今日同媽咪嚟西灣河探佢老友， 之後行過見到有鯛魚湯底烏冬，好好奇有幾鮮味，就入咗去試下。我哋叫左個帆立貝烏冬（鯛魚湯底），加錢叫個和風薯仔沙律小食。另外叫咗吉列廣島蠔烏冬加錢跟埋鯛魚片。先講啲帆立貝，都好大粒，好厚身，同個鯛魚湯底好夾，鮮甜好味！個和風薯仔沙律都整得好滑，口感唔錯！而啲廣島蠔隻隻都好大粒，好有蠔味，又夠滑溜，生熟程度啱啱好，配埋啲鯛魚肉，跟埋個香濃鯛魚湯底，認真冇得彈！飲品我哋叫左柚子茶，唔會話過甜，而個黑烏龍茶就清香撲鼻，好似幫個胃做spa 咁，飲完個人覺得好舒服。

黎到西灣河搵食, 緊係會去太安樓D小食店掃街啦, 今日竟然比我發現呢一間 , 日式和風裝飾, 非常搶眼, 加上餐廳主打鯛魚湯烏冬, 岩哂同行既表弟, 一於就入去食晚餐啦餐廳內既裝飾擺設亦同樣出色, 大大條鯛魚, 具有代表性餐牌中英對照仲有相片, 非常清晰及貼心福岡餃子 ($48)大小如一口餃子, 餡料有大量蔬菜, 口感清爽, 餐前小食一流牛肉飯拼九洲叉燒鯛魚湯烏冬 ($82)野菜沙律🥗餐前沙律菜, 新鮮沙律菜配上芝麻醬, 好開胃九州叉燒鯛魚湯烏冬🥢趁熱先飲一啖奶白色既鯛魚湯, 好鮮好香, 飲得出用足料熬成, 讚👍🏾 烏冬口感彈牙有嚼勁🐮牛肉飯牛肉份量都好多, 炒得好香, 醬汁甜甜地, 撈飯食好正, 表弟超愛吃廣島蠔鯛魚湯泡飯 ($88)小火鍋爐keep住溫度, 可以慢慢品嚐, 貼心🥰大大隻廣島蠔, 好鮮好肥美湯底同烏冬嘅一樣, 泡飯就完完全全吸晒湯, 而且份量都唔少, 食哂成碗真係超級滿足🤤推介👍🏾 價錢、環境、食物質素都好好, 黎到太安樓又多一個選擇, 唔一定掃街啦

今日診住老闆出trip， 約同事去遠小小食豪d 門面好有日本feel 家去左太安樓下面食龍蝦同蟹，我地去到等一陣就安排入座，一坐低一人叫左一個龍蝦同蟹既鯛魚湯飯，點知待應話未有蟹，咁我地兩個就叫左一樣，都係波士頓龍蝦鯛魚湯飯，叫完再望多次Menu, 原來有烏冬，即刻問改唔改到！佢地都好好人又好禮貌話幫我地改一放落臺，我地都嘩左一聲，係成隻波士頓龍蝦開邊呀！仲有埋個爐一齊上我地即刻試左啖湯不得了！個湯好鮮味飲完湯，開餐食龍蝦，個膏好好味呀！佢地用左手打既讚歧烏冬！唔會煮到淋bat bat! 跟埋個鯛魚湯一齊食！我地餐茶叫左柚子蜜，清清地又唔會好甜成餐都好夾

得知西灣河開咗間新嘅日本餐廳，主打鯛魚湯烏冬，近近哋就同囡囡試下啦。以前呢個鋪位都係做日本菜，我都食過，但覺得好難食。轉咗呢間九州鯛魚，覺得比之前間餐廳好太多了。未夠六點已經嚟到，所以人不太多，可以舒舒服服坐在寬闊的卡位。 6點前仲係做緊午市餐牌，其實食物價錢同晚市餐牌一樣，只不過係免費送多杯飲品。我點咗花膠鯛魚湯烏冬，鯛魚湯奶白色，有濃濃嘅魚香味，烏冬爽滑彈牙。花膠分量多，但係口感偏硬，沒有我喜歡嘅黏黏的咬口。 囡囡就食豬軟骨定食，好豐富，包鯛魚湯，沙律菜，薯仔沙律。豬軟骨炆得入味，甜甜的，骨位呈啫喱狀，非常美味。囡囡還加錢點了心愛的波子汽水。呢度以木材裝飾布置，格局好有日本餐廳氣氛！

西灣河終於有間新開的平民日式料理，位於太安樓地舖位置。呢間餐廳主打鯛魚湯，除了烏冬也有飯餐。魚湯鮮魚味十分濃郁，如果唔鍾意魚湯，可以轉豬骨湯或地獄湯。波士頓龍蝦烏冬 - 成隻連鉗咁上，肉質爽口彈牙，仲有d膏添，而且細心的附上工具，百幾蚊可以食到龍蝦真係唔算貴。 烏冬係稻庭烏冬，軟滑彈牙。鰻魚飯拼叉燒烏冬 - 兩碗份量平衡，細食女仔一人一碗都夠，叉燒肥瘦適中，鰻魚超級厚肉兼肥美，一個價錢兩種享受。還附上沙律，只係8x蚊，超級扺!食飽飽細心看看周圍，發覺牆上有掛鉤給客人掛好衣服袋子，也算頗算細心。

初初開店還好地地，最近食物越來越差，魚湯又腥又臭，吉列豬扒冇味道，炸雞又黑又鹹，侍應領班基仔態度極差，位置又亂噉安排！還好拉麵上傳可以食得，牛肉飯都可以，希望儘快改善。

在好平民街坊的太安樓旁邊新開左一間日式小店，今日係附近工作就黎試下。-江戶豚肉湯烏冬 $56 (轉鯛魚湯+$12)套餐包沙律、飲品，我點了白桃梳打(+$12)，係日本進口既玻璃樽飲品，配湯烏冬好爽🤩-炸豬排新鮮即炸，好大塊，用鐵架掛起令油不會浸軟脆皮，有2種醬可以點，分別係沙律醬和豬排酸酸甜甜果隻醬，一咬落去超鬆脆😳炸皮好薄，肉質鬆軟，係好出色既炸豬排🥰-再試下鯛魚湯，好濃郁魚湯味，不會有味精的感覺，烏冬煙韌不會過硬過軟，好吃呢💕

西灣河新開左間日式餐廳，之前男朋友帶我黎食過一次。今晚我一個人上堂之前再黎回味一下。男朋友上次介紹我食吉列豬排鯛魚湯烏冬。味道非常出色，豬排炸到外脆內嫩，仲好juicy添！炸粉好薄！今次我叫左象拔貝鯛魚湯烏冬，再加蟹棒。鯛魚湯湯底非常香口，濃郁魚湯好回味，完全唔腥！入口清甜好滿意。象拔貝好爽嫩，入口清甜爽口，充滿貝類鮮甜味道。我超鐘意啊！估唔到平民價都食到高質素象拔貝。我加點蟹棒。無雪藏味，入口鮮甜！

都有一段時間沒有去過日本， 心裏想重遊舊地， 但可惜時間有限。留在香港，心動不如行動， 於是今天便到了這間位於西灣河的日本餐廳！這間餐廳位於著名的太安樓， 在食物林立的太安樓能夠留一席位， 當然有他的道理.。這裏最出名的就是鯛魚湯烏冬， 鯛魚湯是九州名物， 記得多年前就試過九洲鯛魚拉麵， 但說到烏冬都是第一次嘗試。這裏魚湯烏冬提供很多不同種類， 而我就嘗試了蟹肉鯛魚湯烏冬， 沒想到蟹肉的鮮味會令到鯛魚湯更加題鮮， 單只是湯以是逸品。 以蟹肉也出奇地新鮮， 烏冬個人就認為是正常水準。最後我把整碗湯也飲完， 鯛魚湯果然非同凡響。

九州鯛魚在西灣河開張了一段時間，每次經過都見到好多人在等位。今天，我和那位街坊朋友終於去試一試。食物種類也頗多，而重點是價錢又是街坊價👍🏻。最後我選擇吃烏冬，朋友就選擇吃飯。江戶鯛魚豚肉湯烏冬🍜豚肉厚切，炸得香脆，但沒有油膩的感覺。烏冬彈牙，軟滑美味。最令我喜出望外的就是鯛魚湯底，鯛魚向來都是低脂肪、高蛋白質食物，用來做湯底非常出色！十和田牛肉飯定食🍱牛肉炒得香噴噴，未放入口已經垂涎三尺🤤！洋蔥爽脆，完全刺激了食慾。另外定食也跟了一碗鯛魚湯一碗，朋友飲到舔舔脷，大讚非常鮮甜！結帳走人時，發現餐廳門外原來已經有很多人在排隊等候！果然，出色的小店是會得到大家踴躍支持的。

由於屋企人去咗旅行，我冇飯食，所以同朋友嚟咗食呢個日本嘢。以為係食拉麵嘅，原來呢佢係主打食魚湯烏冬嘅。入面裝修都幾靚嘅，試試正正，平日七點鐘都幾多人， 要等位五分鐘左右。朋友叫咗個帆立貝 魚湯烏冬，都有三隻大嘅帆立貝，佢啲烏冬係幼身啲嗰種，都彈牙嘅，個湯就真係好濃味，唔錯！另外嗰個係牛肉飯定食都幾抵食喎，98蚊有和風牛肉飯，溫泉蛋一隻，和風沙律，魚湯一碗同埋薯仔沙律。 都幾搞笑，有兩個沙律。佢嘅牛肉飯唔係吉野家嗰種，係似壽喜燒汁煮過個種，比較甜嘅，好食，都幾大碟但都幾油。

A very hearty Japanese small restaurant hidden in Tai On Building.What a nice surprise I had today at after the lunch hour in Sai Wan Ho. I came across a Japanese restaurant right after some grocery shopping. The pull up banner outside the restaurant grabbed my attention, it was like waving at me and inviting me to go inside... . I just could not resist the Snapper fish Udon in Pork Bone Soup.The snapper has a lean, firm texture. The flesh is white and  delicate, has a mildly sweet and fresh tas

新開左兩個月既九州鯛魚， 每日都見人潮， 剛才經過見唔多人排隊，即刻拎飛， 排左2分鐘就有位。 鰻魚飯拼九州叉燒鯛魚湯烏冬 $86貪心既我叫左個雙拼，迷你飯&烏冬各一， 配一份沙律。沙律夠fresh夠醒胃、鰻魚肥美、叉燒好入味、鯛魚湯鮮但我覺得有少少腥。廣島蠔鯛魚湯飯 $88三粒肥大廣島蠔，蠔味鮮甜美味， 熱哄哄的魚湯飯， 老公食得好滋味。蟹肉忌廉薯餅 $38Order左客小食， 咬落外脆內creamy，但欠缺蟹肉味。……………………