九州鯛魚 (Closed)

最近見到網上介紹呢間係西灣河新開既日本餐廳，主打鯛魚湯底既野食，香港平時甚少有，所以就平日去試下。果日星期四晚上8點半左右去食，入面都坐足8成人，但好彩都唔洗等位，於是一人叫一個定食試下。我自己就叫左鳥唐揚定食($88)，雞件好大件好重料，即炸熱拿拿，但食落口唔會太油。定食仲包括溫泉蛋，沙律同期待已久既鯛魚湯。個湯一飲就知唔係味精湯，好濃郁魚味，唔會腥，如果有得添飲就好啦。而我另一半就叫左吉列豚肉烏冬($88)，佢份定食就只係包括沙律，炸豬扒同用鯛魚湯煮既烏冬。塊豬扒都炸幾脆，同埋唔會炸到皮同肉分開曬，幾有肉汁，個人覺得豬扒比雞件更加好味。不過個烏冬湯底就好似唔夠就咁一碗湯咁濃郁。一份定食其實份量都好夠，而且唔需要加一服務費，下次會再光臨。

西灣河的太安樓一向是香港出名的小夜市，亦是美食天堂，當今日行下諗下有什麼選擇時，見到別樹一格的日式裝修，而且小可地主打鯛魚。吉列豚肉烏冬係日式店舖，吉列都係一種名物，豚肉十分厚實，外皮的炸炒唔太多，表層鬆脆地幫豚肉增加口感，仲有簡單的沙律食，其實定食會有更多小菜，不過鯛魚湯點可以唔試波士頓龍蝦烏冬見到龍蝦仲要唔貴，忍唔住試試，可能驚掛住食龍蝦，所以轉一轉火鍋底，保持住熱度，而且細心地有開殼器同濕紙巾，重點的龍蝦都算大大隻多肉，不過都搶唔到鯛魚湯底的風彩，烏冬唔算太特別的類型，但這款魚湯，加什麼都可以好好食，鯛魚味超濃鯛魚片（3片)+烏賊各加左小食，烏賊都幾大隻，味道仲好足，令我驚喜的都是鯛魚片，講明是熟了的魚片，食落口啖啖肉，魚味濃郁，真1係好食，有時選擇食什麼，最穩陣真係當家招牌。

今日Lunch比同事叫一齊黎食飯.一入到餐廳感覺舒服都幾舒服.除左卡位.佢好似日本餐廳咁會有一排排個人坐位.對於有時一個人食飯既朋友都唔怕.唔使搭枱自己可以慢慢食😂一睇餐牌就比龍蝦🦞呢兩個字吸引..因為畢竟我真係一個海鮮控😂所以唔使諗下就叫左個 波士頓龍蝦鯛魚湯泡飯！ HKD148一上枱店家用了個小火爐把泡飯熱住.濃郁的魚湯日本米泡飯 配菜有海帶.木耳.豆卜與及一大隻爆膏的波士頓龍蝦🦞木耳爽口 龍蝦肉質彈牙 而豆卜吸收哂魚湯鮮味，真係好好味😍把整窩湯飯食哂真係好飽！下次要試埋其他野食先得😬

個日男人好肚餓，所以一人一個餐都仲要再加多碗烏冬江戶豚肉定食 $88佢係炸得幾好既，但個人唔太好. 但我覺得佢可以再炸得好少少既. 佢炸得唔乾身，仲有肉汁廣島蠔泡飯 $98呢個好味喎! 蠔都新鮮，咁食的確又唔同上次既烏冬既!鯛魚湯烏冬 $48都大碗的，而且烏冬比上次好食!我地返番去重點先，3個都係鯛魚湯，但3個都唔同味，我最鍾意係跟餐個個湯，無其他，真係濃濃既魚湯! 個烏冬既魚湯就可能因為加左烏冬，淡尐，但都好好味，而個泡飯就因為多左陣蠔味，所以係濃左又唔同左既魚湯味，但overall都係好好飲!

前日係西灣河補完習之後，就同朋友一齊諗住去太安樓食下啲嘢。點知經過附近見到呢一間新開嘅餐廳，所以就入咗去食啦！嗰日我哋大概8:00去到，兩個人每人嗌左一個定食，仲加咗一份小食，價錢都係大概$100一位，個人認為呢種質素同埋環境服務都已經好抵食！首先講吓呢個十和川牛肉飯定食，唔使$100就食到佢枱而上咁多嘢，真係好抵食！沙律菜非常新鮮，上面配左啲芝麻醬。溫泉蛋水準中上，沙律薯蓉好好食，唔會太流，而佢仲配左一碗鯛魚魚湯添！黃牛份量非常之多，味道同吉野家食到嗰啲餐好遠，唔會太咸。我朋友嗌咗呢一個吉列海老烏冬，淨係講佢吉列蝦嘅擺盤，已經加晒分！食落去啲蝦肉好新鮮，而且好彈牙，啲炸粉亦都唔會好油、好厚身。烏冬嘅湯底亦都係用鯛魚魚湯熬製而成嘅，朋友覺得可能有啲腥，但我飲落去就覺得非常之好飲，相信呢啲口味都係因人而異嘅！最後呢個蟹肉忌廉薯餅價錢偏貴，但係質素唔差！蟹肉同薯餅嘅比例啱啱好，而炸粉亦都唔會好厚身。

行過見到呢間新開嘅日式鋪頭，門口仲貼住試業中。大膽嘅我提議同朋友一齊試吓佢。環境裝修都唔錯，好有日本風格。佢啲位一格格，如果自己一個人嚟食都唔會怕尷尬。 不過可能太新，問侍應有啲咩好介紹嘅時候佢好似唔係好講得出。其實都唔緊要嘅，等我自己研究下餐牌啦。 我試咗佢個豬軟骨鯛魚湯烏冬。而朋友仔就試咗佢個波士頓龍蝦鯛魚湯烏冬。豬軟骨好淋好入味，其實我本身唔係好鍾意魚湯，因為怕好魚腥。但係呢個湯令我有驚喜。有鮮味，唔錯唔錯。另外朋友仔試嗰波士頓龍蝦🦞，龍蝦好大隻，好友看頭，好多肉。性價比十足。我覺得今次都係一個唔錯嘅嘗試。你覺得魚湯麵留下好嘅感覺。如果有機會我一定會再試下。

九州鯛魚たい-親民日式料理太安樓一向美食林立，不同國家款式的食店也有，有小吃的、飲品的、甜品的，今日發現一間日本九州的日式餐廳，新店一於棒場一下。牛肉飯拼九洲叉燒鯛魚湯烏冬一次滿足兩個願望，首先是牛肉飯，滿滿的牛肉佈滿在飯上 ，當中伴著炒過入味的洋蔥，醬汁滲到飯中。然後是烏冬，大大片的九州叉燒配上濃味暖暖的鯛魚湯。醬油慢煮豬軟骨定食豬軟骨腍身，用醬油慢煮得非常入味；定食還有新鮮野菜、流漿的溫泉玉子、熱熱的鯛魚湯、和風薯仔沙律，非常有誠意的定食。

網上見係太安樓新開左間食鯛魚湯烏冬嘅餐廳，因為本身好鍾意食鯛魚嘅我，所以決定約埋男友去會一會佢😆😆花膠鯛魚湯烏冬 $88貪靚嘅我，梗係叫花膠呢味餸啦😬花膠大大片，放平仲長過隻碗呀🤪🤪湯底好清，簡簡單單但味道香濃，烏冬仲好彈牙😆湯底好好味，我成碗飲晒😋😋+ 鯛魚片 (3片) $18餐廳好人性化，可以追加唔同嘅配料👍🏻所以好鍾意食鯛魚嘅我梗係追加鯛魚片😆鯛魚片鯛魚湯泡飯 $85真係估唔到泡飯煮得咁好味😋😋鯛魚固然好味唔使講，味道鮮甜，肉質亂又嫩滑😍而且每一片都係厚切㗎👍🏻配埋鯛魚湯原汁原味冇得輸🤪而且泡飯好特別，除咗有白飯之外，仲有炸過嘅玄米？🤔🤔同好香嘅芝麻味，口感同味道好味又特別😋+ 温泉玉子 $16日本料理的話，食飯又點少得溫泉玉子呀🙈日本雞蛋味道就係香濃，yummy🤩

平時無野做都鍾意係太安樓掃下街 行行下見到有度日本風既門 出面貼住memo blahblahblah 最後一項係 導盲犬可內進。咁有heart 一於試下你！入到去先發現原來果度係後門😂😂😂正門係對正大街 而唔係太安樓入面 😅唔緊要啦 坐低就比menu 上面既圖吸引左 ……………… 波士頓龍蝦鯛魚湯泡飯 V S鮑魚花膠鯛魚湯烏冬身為麵麵人既我 緊係簡 湯 烏 冬 ！鮑魚2隻 花膠5片 再加奶白色湯底既烏冬 完全係海鮮控既飛弗鮑魚無比魚湯侵入 仍然有自己既味道 之後花膠沾滿哂魚湯既香味 擺入口真係無得輸 我比99分 因為 唔係好夠我呢個大胃王食 下次要食個龍蝦泡飯 期待下先

去西灣河一定必到太安樓，因為呢到美食林立，你想食咩呢到一定有款岩你食。呢排見新開呢間鯛魚湯專門店，主打鯛魚湯，有烏冬泡飯等，價錢都好親民。波士頓龍蝦鯛魚湯烏冬$138大大隻龍蝦，好厚肉，肉質爽口彈牙，勁多蝦膏好鮮甜，有個小火熱住個湯咁就唔怕魚湯凍左會腥，又可以慢慢品嘗，烏冬好煙韌，不會太林。鳥唐揚定食 $88有沙律有鯛魚湯有飯有温泉蛋好豐富，鯛魚湯湯底白雪雪好鮮甜，温泉蛋好香，煮得剛剛好，一口吞哂成隻，好滑。炸雞份量唔少，炸得好香脆，入口仲熱辣辣好多汁，一點都唔乾，粉漿好薄，沾上沙律醬十分夾！

新開在太安樓的麵店，賣點是鯛魚湯底！ 既然咁吸引，當然唔放過食好野既機會啦！座位都坐得好舒適，我坐卡位，十分寬敞。筷子兩頭都係尖，好有趣。鰻魚飯配义燒烏冬（$87）既然湯底咁有名，但係又想食飯，最合適。鰻魚大大條，汁唔太黏，味道適中，好味。义燒烏冬，湯底一試愛上，絕對係心機作，煲出黎既，飲完完全唔會口渴，濃魚味十分吸引，一飲而盡！ 仲有一個沙律，清清口中既濃味，清爽！吉列海老烏冬（$78）除左湯烏冬出色之外，不得不介紹佢既炸物，沒有絲毫油膩感覺，師父手工好！紫薯甘栗餅（$38）於是乎立即追加多份炸物，令整個晚餐更加完滿！總括而言，全部都吃好吃滿，抵讚！

餐廳新開， 吸引人龍， 晚市時要排隊約10分鐘（聽前面排緊既人講）， 咁耐? 所以我兩手準備， 拎埋隔離鋪籌先。So lucky， 我兩位等左3分鐘就可以入座。叉燒烏冬牛肉飯野菜沙律 $82一個價錢有飯又有烏冬, 份量都ok,野菜加芝麻醬，好開胃，但可惜菜水沒有晾乾, 需要改善下。薄片叉燒入味， 烏冬彈牙， 魚湯底有點腥。牛肉惹味， 肉汁撈飯一流, 但略嫌汁少。慢煮豬軟骨烏冬 $82豬軟骨與烏冬分開上不錯, 豬軟骨軟腍入味，鳥冬彈牙， 魚湯底有點腥。

太安新開既餐廳，前新係賣電腦野，所以可以話太安多左一間餐廳XD佢係係惠嘟超市個條街(第三街，最後個行)，對鯉景灣個邊既街.我呢好鬼鍾意魚湯，仲要係白雪雪呢隻，細個爺爺整得好好飲架，大個就知我所謂鍾意呢隻味就應該係唔受得既人既口中既魚腥味XD 但中間就算有飲過其他都係無爺爺煲個隻味! 自己又唔曉... 所以見襯白雪雪既魚湯就會諗起爺爺!講番呢間野先，佢係日式既，個湯濃魚味架，鍾意既絕對要去試下! 不過如果你係同路人，必定都試過係鰂魚涌既鯛魚湯烏冬，如果以烏冬黎講鰂魚涌係好食尐既~象拔貝鯛魚湯烏冬$76我只係唔知要邊隻，又唔知咩叫象拔貝(我知咩叫象拔蚌，唔肯定佢係咪一樣xD)咪叫呢隻囉XD老實講烏冬無特別，但個湯就好得(但可以再好尐既~ )，夠濃，所以唔ok魚腥既可以考慮下其他! 又所以我下次會叫湯飯~十和田牛肉飯定食 $98兩個日當然要叫唔同野，呢個定食都足料架! 個牛唔錯，不過同個湯比下去...但個薯仔沙律就... 我地走個時見到人地既吉列好似都好靚咁，所以下次去食已有目標XD

太安樓又開新食店喇今次係日式餐廳，上星期朋友whatapps我話經過左一間日式餐廳係新開架，行過仲有好香魚湯味飄出黎，我聽完覺得咁堅，即刻上網搵下係食啲咩先。原來餐廳賣點係用鯛魚湯底，睇完勁想食呀！第二日就即興約埋個朋友去試試啦自問一向我咁鍾意飲湯ge人黎講一定會去試下咩料先，同埋我對魚湯都有一定要求架，因為都怕會好腥。入到店裝修都舒服，冷氣充足，環境唔錯。坐低後拿拿聲睇下有乜食，嘩！嘩！嘩！好多野揀呀！最後我就揀左<江戶豚肉鯛魚湯烏冬>,朋友就揀左<鮑魚花膠鯛魚湯烏冬>，野食份量好足夠，湯底唔腥，好濃魚味，好好飲。由於我5:45pm就到左餐廳仲趕得切係叫午餐所以就可以免費有杯餐飲。😂😂午市去到6:00pm。但晚市價錢一樣只係冇左杯野飲姐。總括黎講係好食的，會回頭食呀，好掛住個湯底呀。

Mid Autumn Festival eve,  boyfriend and I decided to get away from our usual Victoria Park/Tai Hang walk and go somewhere else to celebrate the full moon. Thus, we headed to Sai Wan Ho for dinner as it was near Quarry Bay Park. We discovered 九州鯛魚  (no English name) and decided to give it a try as there were a number of residents standing outside. But as we had arrived early, we were given a table quickly. It did, however, fill up fast. The restaurant is spacious. You don't feel cramped. There is