九州鯛魚 (Closed)

上次終於去食左呢間九州鯛魚，佢係岩岩喺太安樓新開，見到晏晝都有人排下隊，又走埋去八卦下！驚喜發覺佢係食魚湯架！好多魚湯烏冬既組合，其實喺香港真係好少呢類型既餐廳，自己同身體朋友最怕有陣魚腥臭味，不過見有人排隊，望入餐廳見賣相都唔差，就膽粗粗入去試下啦無記錯既話，午膳見到既餐單價錢都要$70或以上，不過驚喜發現性價比都幾高。我叫左龍蝦鯛魚湯烏冬$138(見試新野，就興奮嗌左個最貴佢真係原隻龍蝦上，開埋半邊，但我食左一邊先記得影相都OK，有龍蝦本身肉味！唔係得啖肉！拿！！最驚喜唔係龍蝦🦞，係佢個鯛魚湯底啊！唔可以話完全無腥味，但一定唔濃，係剛剛好。。。唔係味精湯，應該真係新鮮煲架！！！好好味！而且同烏冬好夾呢真係有驚喜啊OMG藍晴之食得好就要寫既食評

西灣河太安樓有好多美食，而呢間新開幕的九州鯛魚就係其中之一。午市或午後套餐價錢合理，最平$42都有一個套餐。江戶豚肉湯烏冬（$56）轉鯛魚湯（+$12），追加蟹棒（$18）份量好大哦！烏冬夠煙靭，魚湯味道濃厚，兩者味道好夾；炸豬扒都幾大塊，可以點豬扒醬或沙律醬。北海道手打和牛漢堡（$86）日式咖喱味道帶香甜，和牛漢堡咬落去好juicy，呢個咖喱飯好有驚喜。追加和風薯仔沙律（$16），口感綿密。懷舊波子汽水。

和友人一起去了筲箕灣道太安樓地下的一間日本餐廳，餐廳的名字叫做：九州鯛魚。我們去食下午茶，座位相當闊落，所以才約30人，裝修都非常簡潔明亮，我們叫了兩客午市套餐，分別是牛肉飯定食和軟豬骨定食，另外叫了兩杯飲了，分別是有柚子凍飲茶和罐裝汽水。食物上枱時是整set放在盆子里，分別有薯仔蓉沙律，蔬菜沙律，裡面有生菜，番茄仔，加上芝麻醬。面豉湯，白米飯，半生熟的溫泉蛋加上鰹魚湯，有多層次的味道。當然少不了的是軟豬骨，豚肉入口軟㝝，尤其是豬軟骨的根肉汁非常豐富，肥瘦適中，豚肉中的汁用嚟撈飯，味道一流。令一款的牛肉，肉質肥瘦均勻，加上洋蔥和特製的醬汁，即時製作上枱，味道相當唔錯，加上一杯冰凍的柚子茶，我們叫了少甜，非常迎合我們夏天的飲料。

有沒有發現我已有一段時間沒有來到西灣河呢？因為西灣河evening training放了兩個月暑期，9月份就開始要返啦！老實說，真的唔想返.....每次training 都差不多攪到十點幾，所以必要先吃飯。既然要咁辛苦training，當然要吃好些慰勞自己，揀最愛吃的。什麼是我最愛？當然是海鮮，就俾我在附近發現了它，應該是新店。店子門面裝潢滿有和風色彩，門口正中央掛上刻了店名的木板招牌，仲有個紅色大燈籠，幾搶眼。走進店內，靠牆有兩排舒適的卡座，另一邊還有幾張四人枱。中間則有兩張面向木板的長枱，枱與枱之間空間唔多，大家都要坐得親密一點呀! 裝潢都具代表性，牆上刻了一隻巨大的紅色鯛魚，好吸晴。翻開餐簿，每頁的每道菜都附有相片，精美清晰。分別有和風小食、鯛魚湯烏冬、鯛魚定食、鯛魚湯泡飯、北海道咖哩和飲品。不用多加考慮，我只集中在鯛魚湯烏冬系列。************************鯛魚湯烏冬系列共有十六款，還有十幾款追加餸料。最吸引我當然是海鮮類，揀了帆立貝鯛魚湯烏冬 Scallops w/ Snapper Soup Udon ($86)，再豐富啲，追加鯛魚片 Sliced Sna

喜愛日本料理的人，或多或少都是被那清雅的dashi味深深吸引。市面上不乏惹味的拉麵，但卻很少嘗到清淡的湯底，但這家新開的鯛魚烏冬專門店將打破這定律！午市來到，跟朋友一人試一款，首先上來的是花膠鯛魚湯烏冬 ($88)，麵上的正是成塊面咁大的花膠！花膠索滿了鯛魚湯的鮮味，每一啖都融合了蔬菜的爽脆和花膠的黏口，一口魚湯一口烏冬，一點也不heavy的午餐，適合想稍稍脫離肉食的朋友。然後當然要試試鎮店的鯛魚片魚湯烏冬 ($85)，把鯛魚的享受推到爆點！有少少受到餐牌的誤導，以為鯛魚片是sashimi上，不過原來是熟的。熟食更考功夫，一試便知師傅技巧。結果沒讓我失望，雖然魚片是厚切，但仍保持嫩滑質感，啖啖魚肉，完全無骨，絕對是最高享受！烏冬也是上乘的質素，爽滑，沒有很重的澱粉感，加上鯛魚湯是非常清新的配搭。飲品選擇也蠻多，右邊是原裝芒果梳打 （＋$12) 和凍柚子茶 （跟餐免費）。餐廳正在試業，但絕對值得一試！

西灣河太安樓又開左間新既日式小店，主打賣鯛魚湯烏冬。經過門口好多人排隊同等位 睇埋餐牌，每樣野食都係幾十至100多d, 都係合理範圍內，所以一人叫左個set黎食 。牛肉飯拼九州叉燒鯛魚湯烏冬（$82 ）份量同吉x家差唔多，但牛肉就整得夠晒味，洋蔥同麻油味夠重，加埋牛肉片都算多，另一碗烏冬份量都唔少一條友要食晒兩碗都幾飽下 仲要送埋沙律，個人覺得呢個餐真係好抵食！松葉蟹腳鯛魚湯烏冬（$128)呢碗真係勁正，128可以食到日本既松葉蟹腳，仲要咁新鮮，都真係好超值，順帶like like 個烏冬，感覺似手打，因為好煙UN同唔痴牙，加埋海鮮個鮮味好配合 加左20幾蚊要飲品，呢隻好味埋單都係100多d一個人，不過可能新開張要等位時間比較長。

今日肚餓入到太安樓搵啲野食下。一早知道太安樓入面好多餐廳，朋友都帶過我黎依度搵野食。我今日黎到發現左一間日式餐廳，原來新開張架！一於決定試下味道點先。餐廳環境充滿日式風味，我見到menu選擇都好多，就叫左一個烏冬試下。吉列豬排烏冬。即叫即炸吉列豬排，油脂平均完全唔油膩，肉質好爽嫩！炸粉夠哂薄完全唔會厚粉，豬排肉汁豐富好驚喜。魚湯好鮮甜，烏冬夠彈牙，仲有啲蔬菜和豆卜，整體好豐富好滿足！價錢都係$88好抵食啊！

平時下午茶都係來來去去食果幾間，見有新野即刻試下～叫左個鯛魚片湯烏冬，原本個set係跟豬骨湯底，我+$12轉鯛魚湯底😋 再+$18跟2件烏賊🦑個湯底夠濃而且唔算腥，魚片普通不過烏賊就幾好食👍🏻 座位都夠寬躺坐得舒服😌 但以下午茶來講真係有啲貴，要$78... 始終開係西灣河區仲要近太安樓，平啲會更吸引！