二鍋頭 (嘉芙中心)

Open Now

Now Closed

火焰牛尾煲任食相信都係全港第一間🙊🙊仲有雞煲同豬手煲都係任食！！！食完仲有可以揀鷓鴣湯底，飲完靚湯先再打邊爐～呢晚我地要左中位價既B餐，已經可以任食幾款牛，仲有海鮮添！！！先食火焰牛尾煲，店員會即場喺我地面前加酒點火再爆炒～香氣泗溢，份量適中好惹味！！！黑椒豬手煲同樣不錯，感覺呢餐可以補充不少骨膠原🤣🤣🤣食完鍋物就點左鷓鴣湯～除左半隻鷓鴣，仲有大量蟲草花、淮山同紅棗等湯料添！！所以啖湯飲落好清添，亦唔會太重味而搶走火鍋料既味道😚😚兩款安格斯牛既質素固然不錯，而牛胸腹同羊肉片都幾好，豚肉爽而不膩都幾有驚喜！！海鮮配料方面，特別推薦海蝦同白鱔片蝦肉爽彈，魚肉爽嫩，兩者都好鮮味～自助區既配料選擇都唔少仲有一啲特別口味，平日無咁常見既飲品添✨✨最後仲有雪糕雪條做甜品可以任食整體嚟講cp值都幾高架！！！

好耐冇食過火鍋放題，今次嚟呢間火鍋放題店，可以先任食雞煲嗰啲，然後再自選湯底打邊爐～▪️香濃黑椒豬手煲🐷平時雞煲就食得多，呢度除咗有雞煲，仲有豬手煲，同埋火焰牛尾煲。豬手煲上枱後，店員會再炒一炒，好香黑椒味，而且豬手軟腍，仲有滿滿嘅骨膠原感▪️秘製火焰牛尾煲🐮呢款係新提供嘅，店員仲特別提到佢哋係全港首間可以任食火焰牛尾煲，咁梗係要試吓啦💁🏻‍♀️ 一上枱，店員會落啲玫瑰露，然後再點火，製造火焰效果。牛尾食落同樣好腍，而且帶少少花椒嘅麻，好惹味▪️養生滋補鷓鴣湯🐥食完啲煲，就開始打邊爐啦。平時湯底都鍾意揀藥膳類，所以今次都揀咗比較養生嘅鷓鴣湯。呢度仲係全港首間火鍋店有呢個湯底，真係夠晒特別。湯底入面除咗有半隻鷓鴣，仲有鮮淮山、五指毛桃、蟲草花、紅棗、杞子等，好足料，飲落好鮮甜，都幾適合打邊爐而火鍋配料除咗豬牛羊雞，仲有蜆、花枝、魷魚、蝦、鵝腸、丸類、蔬菜類等。另外飲品同雪糕都幾多選擇，夠晒飽🙆🏻‍♀️二鍋頭📍尖沙咀漆咸道南53-55號嘉芙中心1樓📍旺角西洋菜南街138號福苑2樓📍沙田橫壆街1-15號好運中心3樓3109及3110號舖

今晚去尖沙咀二鍋頭任食一下雞煲、豬手煲、牛尾煲邊爐放題。二鍋頭火焰牛尾煲是全港首間任食，而且打邊爐湯底仲可以揀店主找中醫師調較的鷓鴣湯，真係好養生👍🏻雞煲選了小辣，十分濃味，辣度適中，雞件嫩滑，任食一流👍🏻👍🏻黑椒豬手煲，黑椒好香，甚少食豬手的我都追住食，因為十分野味，好正😊鷓鴣湯飲夠湯後便再加清湯打邊爐，湯底材料十足，愛飲湯之人必選😊選了嚴選安格斯牛套餐，牛板腱、封門牛柳，非常之出色，灼幾下便可以食，非常嫩滑👍🏻店內有很多丸類及菜類供應你自己夾，而且亦可以在電話下單選食材，十分方便。飲品選擇非常多，而且仲有部分牌子的啤酒免費提供👍🏻另外，我哋仲叫左店主親自去選購的是日生鮮生蠔，蠔質爽脆鮮甜，配上店主自家制醬汁，一流👍🏻👍🏻👍🏻*環境舒適👍🏻👍🏻*價錢抵食👍🏻👍🏻

平時食火鍋都係啲大路嘅豬骨湯、麻辣湯，呢間火鍋店有養生滋補嘅鷓鴣湯飲，係全香港首間火鍋店有咁養生嘅鍋底，加$68就有得飲，推介去試吓呀！佢地仲有3款煲任食，雞煲、黑椒豬手煲同火焰🔥牛尾煲～ 我哋試咗比較少食嘅豬手煲同牛尾煲，2款味道都好唔錯！🥢香濃黑椒豬手煲豬手肉唔算好多，主要食富有骨膠原嘅彈牙豬皮，黑椒調味都幾濃味，唔食得辣記住揀唔辣或者BB辣啦～🥢秘製火焰牛尾煲牛尾煲上枱後，店員會點火再炒一下，味道好香！牛尾啖啖肉，肉質有咬口唔韌～ 叫咗BB辣啱啱好，幾惹味！🌟養生滋補鷓鴣鍋 +$68重點係試呢個養生鍋😍 有半隻鷓鴣，店員話係蒸完鷓鴣，拎啲肉汁加入雞湯再煲，仲加咗蟲草花、圓玉、紅棗、杞子等，非常滋補，四季都啱飲！個鷓鴣湯好清甜順喉，飲完好舒服，一啲都唔油膩👍🏻 平時屋企少煲呢類湯嘅，好推介嚟試試！🥢火鍋放題🔸安格斯牛板腱🔸安格斯封門柳我哋揀咗$268嚴選安格斯牛套餐，主打上面2款安格斯牛肉。牛板腱淥幾秒就食得，肉質鮮嫩脂肪少，有點嚼勁，薄切關係唔會韌。封門柳肉質更柔軟，牛味濃！其他火鍋配料仲有美國牛胸腹、本地鮮滑牛、鵝腸、蜆、蝦、墨魚滑、豬肚等，蔬菜都有好多選擇！丸類大多數由台灣入

今晚到尖沙咀漆咸道南嘉芙中心的二鍋頭食火鍋放題。餐廳除有火鍋放題，還有雞煲、鴨煲、豬手煲……等，放題任食~~全港首間火焰牛尾煲，辣度可選擇大中小辣，可無限添加任食，牛尾夠腍入味又有口感，香辣惹味，因為太多嘢食，我們都想試其它款式，所以沒有添加。香濃黑椒豬手煲，放有很多芫茜，豬手醬汁不會有傑，很挂汁，黑椒味道頗濃，偶爾食到一粒粒的黑椒，少有食到這麼美味的豬手煲味道！餐廳新增鷓鴣湯，是全港首間火鍋有鷓鴣湯飲，半隻鷓鴣，及內有一些養生藥材紅棗及虫草花，湯底養生及頗甜。飲完湯再打邊爐，也可以轉煲換揀湯底。牛肉的選擇頗多，安格斯牛板腱、安格斯封門柳、本地鮮滑牛肉、美國牛胸腹……切得都較薄，當中以安格斯牛板腱最有牛味，本地鮮滑牛肉很嫩滑……紐西蘭羊卷肉少少羊騷味，清甜的鷓鴣湯，羊肉更多了一重鮮甜。海鮮都頗新鮮，脆鯇魚片、青口、活海蝦帆立貝、活海蜆、花姿片……，還有魚皮餃、鮮嫩鵝腸……尤以活海蝦、活海蜆最為鮮甜，脆鯇魚片灼一灼后頗為脆口的。食得太飽，連甜品一項都沒有食，典著肚子回家，現在想起還覺回味 ~~~

😅😅😅一開頭有豬手、雞煲、牛尾骨任食個味係唔錯既但開始打邊爐就....我地首先揀左A餐，啲肥牛都幾薄同無味咁算啦，升級啦，比多幾廿蚊，以為會好啲😂😂原來只係無咁差.. 啲牛薄過紙，一拎起爛哂但最唔得既係出面個凍櫃，第一次見飲品唔吸引，唔知哂牌子黎其他配料好似雪左好凍咁，啲菜又好似無洗咁連條芝士腸都唔係金妹，so sad 點解前面啲評論講到咁抵咁好食...係咪我問題？咁就一人$300 埋單了

星期六日又係同朋友搵好西食嘅好時候！今日同朋友試咗好出名嘅二鍋頭 120分鐘火鍋放題火鍋放題總共有三種選擇，我哋就揀咗嚴選安格斯牛，成人每人$268打邊爐之前，我哋可以任食三款前菜煲不過我哋就陣係揀咗兩款(費事飽到打唔到邊爐)二鍋頭惹味雞煲🐔雞煲名副其實非常之惹味，雞件亦都好滑好入味秘製火焰牛尾煲🐄牛尾煲，嗌咗BB辣，上枱後會加玫瑰露酒再點火，晚上超級吸引，食落都好香玫瑰露酒味！食完「前菜」職員會幫我哋玩換湯，今次叫左養生滋補鷓鴣鍋❤️店主話由中醫師量身定做，當中有五指毛桃、蟲草花、紅棗、杞子、圓肉 四季岩食，唔會燥，咁哂女仔呀☺️ 我地聽完都即刻先飲湯，再加雞湯打邊爐，啖湯真心好甜，好重鷓鴣味！嚴選安格斯牛火鍋餐包括，美國牛胸腹、本地鮮滑牛、安格斯牛板腱、安格斯封門柳、鮮嫩鵝腸、爽脆花枝片、仲有新鮮白鱔片！呢外都設有自助火鍋配料，而且超過100款，飲品都有好多款式，食完仲會有雪糕，超級滿足！平時食雞煲係就係好濃味，但用嚟打邊爐有時都會覺得好油膩，但呢度食完兩個前菜，一次過滿足晒食雞煲，但係又可以冇咁Heavy咁打邊爐！個人認為性價比非常之高！我諗就算男仔黎食都會捧住個肚走！

📍Tsim Sha Tsui, Chatham Rd S, 53-55號, Katherine Centre, 1樓呢間相當之抵食，有任食雞煲、豬手煲、火焰牛骨煲。一定試火焰牛尾煲，佢哋係全港獨家，相當之特別！辣度可以任揀，有辣至不辣，尖沙咀分店當日仲有$38一隻法國生蠔可以食！不過最特別嘅係火鍋湯底，喺香港之前真係冇見過，竟然有養生滋補鷓鴣鍋，由中醫師特定調劑，夏天飲都唔會特別燥熱，用4小時特定熬製！相當之養生，飲完之後唔夠仲可以同店員講再加。店內有唔同嘅火鍋配料可以揀，例如鵝腸、肥牛、墨魚滑！

任食打邊爐全港都很多，所以要突圍而出都要靠一些噱頭，今晚就和朋友來到這間放題任食打邊爐，朋友話之前食過覺得唔錯所以介紹我再嚟 encore，只因有佢鍾意食嘅火焰牛尾，朋友話唔係度度有得食。食店環境唔算好特別，不過尚算坐得舒服，200幾-300幾一個套餐，豐儉由人，先來一窩火焰牛尾，肉幾入味，軟硬適中。然後就選食湯底，見到有一個「養生滋補鷓鴣窩｣，印象中比較少這個湯底，仲話每天限量20窩，雖然要加68元，但見限量供應，所以也選了這個鍋。端來的湯窩有陣陣藥材味，再問下侍應，鷓鴣湯煲了四個小時，仲加入蟲草花、杞子、紅棗、淮山、龍眼肉、五指毛桃等等，唔怪得之咁滋補，所以在淥之前先飲兩碗，品嚐補一補，飲得出真係用時間煲，果然唔錯。/一碟一碟送來確忍不住口，食材亦新鮮，而部分例如丸類是要走出去外拎，雖然任食精髓是自在地叫，不過也不要浪費。今次整體唔錯，尤其係鷓鴣湯確係少有，更為難忘。

我發現近年火鍋放題興起一種套路，先任食雞煲，然後就係特定海鮮盤，跟手任食其他嘢。今晚朋友相約食放題火鍋的這家食店，特別之處係唔使再揀食雞煲，而係可以揀選牛尾煲來吃。入座時未見滿，不過坐了一陣，食客一路多番，仲差不多坐滿。套餐有三個價錢，我們揀了中等的安格斯牛價錢，120分鐘內任食，呢個時間基本上係足夠嘅。到外邊雪櫃取的飲品種類亦算多,也有啤酒，如想飲其他酒類亦加錢認購。牛尾雖然唔係多肉，但又炆得幾淋幾入味，而且又唔騷，比起平時食開嘅雞煲是另一番滋味。我發覺另外一個特別之處就係在外取的食材是從台灣直送，好似豆品類、貢丸之類。取醬油的地方也整潔企理。必不可少的雪糕雪條做飯局終結者。今晚同朋友食嘅放題火鍋夠特別唔再獨沽一味食雞煲，加上食材keep到新鮮唔失望，食得夠開懷。

好耐無食雞煲，再次嚟到二鍋頭回味下任食雞煲，而家推出咗新餐牌，仲有火焰牛尾煲任食同鷓鴣湯底可以打邊爐！呢兩樣食品應該係第一次香港見到，夠晒獨特～呢度環境比較闊落，有自助區拎飲品、雪糕、丸類同蔬菜，另有QR code可以落單叫肉同海鮮等～～我今次食嘅係安格斯牛放題任食套餐，打邊爐加配咗鷓鴣湯飲，飲完再打邊爐～先嚟一個小辣雞煲，店員會上枱略略炒勻個雞煲，啖啖肉，非常惹味，仲有膠原滿滿嘅雞腳～未食到過癮，再叫多一煲雞煲，同樣份量好足，髀位特別嫩滑～轉打邊爐，鷓鴣湯上枱再煲滾5分鐘，好多材料，除咗半隻鷓鴣、仲有紅棗、蟲草花、五指毛桃，係一款滋補湯水，高蛋白、低脂肪，味道鮮甜～先飲兩碗再打邊爐～～叫咗啲肉類同海鮮，安格斯封門柳、牛板腱、脆鯇魚腩、墨魚仔、花枝片～牛肉薄切淥幾秒就食得，肉味濃～鯇魚腩好肥美爽口～有幾款丸類係台灣直送，幾特別，爽彈！飲品有多款汽水、茶飲同啤酒～

平日工作忙碌 有時甚至要加班想放工後相約好友飯聚都有點難放假假日最好就係相約友人飲飲食食好幾年前曾經係旺角食過二窩頭知道近年係尖沙咀開左分店 急不及待相約友人去試下相比旺角分店 尖沙咀分店樓上雅座更為寬敞舒適座位空間感充裕 出入取食更方便主打120分鐘任食火鍋放題可以先任食豬手煲、惹味雞煲或者火焰牛尾煲隨後就可以自選湯底開始打邊爐呢度既火焰牛尾煲係全港首推之前食極都係雞煲 今次終於可以試下新野話明火焰牛尾煲 當然少不了上枱時有點兒小啅頭不過可惜我miss左 但友人睇得開心興奮牛尾煲香氣四溢 食落好惹味之餘零膻味仲要牛尾大大舊 肉質炆得腍滑又夠入味用黎佐飯真係一流黑椒豬手食落唔會太腍但又唔會太硬略嫌黑椒味唔夠味唔算太濃烈食夠牛尾煲豬手煲或者雞煲就可以開始打邊爐今次既湯底亦係全港首推既滋補鷓鴣湯湯底有五指毛桃、蟲草花、鮮淮山紅棗仲有其他滋補藥材足料鮮味 飲落清香鮮甜今次選了任食安格斯牛 肉類非常豐富基本上豬牛羊雞魚都齊全 有美國牛胸腹、安格斯牛板腱同封門柳個人幾中意牛板腱 牛味濃郁同埋肉質嫩滑幾推介鮮滑牛 入口嫩滑有咬口 最重要係新鮮鮮味仲有紐西蘭羊卷肉 同埋西班牙豬梅肉、豬頸肉仲有海鮮類

這間火鍋放題性價比高，價錢分三款，當然可以揀嘅食材有關啦，最平200頭就有交易，我哋揀咗最貴嘅三百幾蚊，因為貪佢多好多嘢揀。難首先係雞煲、黑椒豬手同火焰牛尾煲任食，我哋先試雞煲然後再試埋個火焰牛尾。雞煲我哋揀咗小辣，都幾惹味，佢唔會比好大煲我哋，寧願唔夠再加，費事我哋食雞煲已經食到飽，食唔到其他嘢。火焰牛尾煲都真係喺你面前點火，侍應仲好細心先問吓我哋有冇人對酒精敏感，費事食咗唔舒服啦，呢個都唔錯。最後我哋冇事豬手，因為再咁樣落去真係打唔到邊爐。雖然佢有幾款免費湯底可以揀，不過我哋最後揀咗呢個滋補鷓鴣鍋，加$68，質素唔錯，個湯嘅味道都幾香濃，估唔到任食場都有呢啲質素。基本上d火鍋配料都好新鮮，當中質素特別高嘅係鱔片，真係好新鮮，而且唔會限住叫幾多碟就鎖機唔比你叫。另外佢嘅幾款牛肉都新鮮，唔會雪到黑黑地又或者大量肥膏少量肉。

真係要好有食力至好去二鍋頭呀~火鍋前, 可以無限任食:一. 秘製火焰牛尾煲(店員話係全港首間火焰牛尾煲任食呢)依個牛尾煲係估唔到咁好食, 即使係任叫都會做火焰效果, 絕對係又食得又睇得。二. 香濃黑椒豬手煲豬手不會太淋, 有𡁻口, 我鍾意嘅口味, 黑椒味真係超濃郁, 小辣都會越煮越辣三. 惹味雞煲這個雞煲嘅惹味汁醬確係令整個雞煲味道昇華佢地仲有一個特別湯底推介:養生滋補鷓鴣湯鍋$68, (又話係首間有鷓鴣湯), 有好多藥材, 滿鍋都係蟲草花, 仲有半隻鷓鴣, 真才實料呢, 要飲咗幾碗才好開始打邊爐(提提大家:每日限定20鍋「養生滋補鷓鵠鍋」，原價$68，經OpenRice 訂位優惠價$0)點了中價$268: 嚴選安格斯牛安格斯牛板腱, 好有牛味, 油脂分佈好均勻, 每片都切到好薄, 淥幾秒就要食架啦, 咁樣先至嫩滑安格斯封即門柳, 牛肉有質感, 可以一口食幾片, 就可以滿口牛脂牛肉味, 勁正食牛嘅愛好人士, 一定要試本地鮮滑牛 , 真係新鮮, 完全唔軔, 難得~整體每款食材, 尤其是海鮮類都好新鮮, 用120分鐘食齊各樣美食, 品嚐多種飲料, 最後食埋雪糕雪條, 真係要抱住個肚落樓。

呢個月真係食好多好嘢呀🤪 今日朋友同我嚟咗呢間火鍋放題食晚餐 環境好舒適 首先有雞煲 豬手煲 牛尾煲任食 食完之後就可以揀一個湯底打邊爐啦😺 我揀咗嚴選安格斯牛餐🫢香濃黑椒豬手煲呢個豬手煲份量唔算太多 啱晒我哋食完仲可以有肚食火鍋 黑椒味道好惹味 而且一上碟店員會再幫我哋爆炒一下🐷 黑椒味即刻湧晒出嚟秘製火焰牛尾煲呢一個係新產品 相當有驚喜呀😚 呢個牛尾煲 更有觀賞性添啊🥰 一上碟員會落一啲玫瑰露 再點火🔥 牛尾非常香 食落口肉質仲夠軟腍 真係好想嗌多煲食啊😄養生滋補鷓鴣鍋去到火鍋嘅部份 我嗌咗較特別嘅養生滋補鷓鴣鍋 入面用咗五指毛桃 蟲草花 鮮淮山 紅棗等嘅藥材熬製而成☺️ 店員建議我哋喺湯底滾起5分鐘後 可以試吓個湯先 淨係個湯底已經好鮮味 飲完覺得好滋補啊🤩肉類呢個套餐已經好豐富 豬 牛 羊 雞全部都有🫢 牛肉數量比較多 有美國牛胸腹 安格斯牛板腱 安格斯封門柳 我最鍾意食封門柳 牛味幾重同埋肉質嫩滑🐮 紐西蘭羊卷肉 羊味濃郁🐑 西班牙豬梅肉 豬頸肉 豬肉我就覺得份量幾好 嗌一份唔會嚟好多片🐷海鮮其實海鮮種類都好多 不過胃口唔係好大 試咗嘅食品都有限 爽脆花枝片 新鮮白鱔片 活海蝦