五嫂石磨腸粉

Open Now

Now Closed

我是客家人 細個時成日食皺皮腸粉但依家已經愈黎愈難搵到就連返大陸都少左有得食見到深水埗開左間主打既石磨腸粉 就即刻去試試啦🤨🤨🤨🤨🤨人好多 等佢整都等左15分鐘先有得食因為係即叫即整 都真係熱辣辣呢點好加分👍🏻👍🏻👍🏻👍🏻但可惜 食落同我食開既傳統腸粉完全唔同味腸粉唔滑冇腸粉既香 亦冇蛋香上面既醬汁 好鹹但冇法帶出腸粉既香氣👎🏻👎🏻👎🏻👎🏻是失望的，原來要搵返傳統既味道 真係好難。😕😕😕😕😕😕

見網上好多人話呢間腸粉好好食見放假就去幫襯下..其實都唔係好多人啫（約10人），唔明點解等成廿五分鐘腸粉係幾滑，但個豉油認真唔得，好似湯咁多似食緊河粉多過腸粉腸粉一夾就爛 ，肉碎得幾粒，一夾就飛左出黎仲有呢間店好唔環保，可以比人堂食，點解用外賣盒同筷子？係咪可以考慮下環保d，用返可以洗完再用的餐具？個收銀哥哥成日比人打尖，d婆仔嘈幾句就比佢先，一黎呀婆遲黎，二黎佢幾乎即刻有真係好唔公平，嘈幾句就可以快d有應該唔會再幫襯

今日下午同朋友經過呢間腸粉舖，見有唔少人排隊買，諗住會好好食，買一份試下。我哋買咗一份叉燒腸，係用即棄發泡膠盛載的，啲腸粉有好多豉油浸住，雖然腸粉係好薄，亦好易爛，用筷子一夾就爛，裏面啲叉燒又碎濕濕，走晒出嚟，啲豉油多到好似湯咁，食腸粉好似食河粉，真係公仔點心嘅叉燒腸好食過佢多多聲。而且堂食都用即棄木筷子和發泡膠盒，非常不環保，我應該唔會再幫襯。

見網上介紹幾個青年人創業，剛好經過心諗，唔係呱，喺後巷坐膠櫈仔都要等係咪啲人太吹噓咋，腸粉咋喎，洗唔洗咁瘋狂呀我就唔信咁好食，見價錢都係$20，就試下係咪真係咁堅。當我望緊食邊款有個叔叔就話睇啱呢邊落單啦好彩佢指點，唔係真係唔知邊樹落單。同友人一齊叫咗蜜汁叉燒腸粉，仲有香茜牛肉碎腸粉，個叔叔好好人招乎我哋，仲安排好位置我哋坐住等越等越肚餓，大概10分鐘就整好叫我哋no.牌。 一打開見已經落咗好多豉油，但顏色偏淡，心諗應該唔會好咸，而且腸粉好皺皮好得意。第一啖食落好滑好薄好有驚喜，好特別腸粉味道，同我哋平時食腸粉(粉漿)好唔同，豉油味道剛剛好不會太咸，腸粉份量$20都算係咁，輕食係夠，但正餐就未必夠。整體來講都好抵食好味，有懷舊特色 第二度食唔到。值得一讚就係叔叔(可能係打本俾年輕人做生意)見我哋食完都幫我哋掉盒落垃圾桶，雖然地方好簡陋，但都有服務有招乎，而且見3個年輕人密密做無停過好有心好認真，希望佢哋堅持到賺第一桶金

一個人食就當然越簡單越好。剛好路過深水埗地鐵站附近，聽說最近新開了一家 布拉腸粉，於是去了解下。原來，只外賣一種食物 ～ 腸粉 ！ （當然，佢有唔同口味 同配料）好有趣。。。有一個電動石磨！！！叫了一個 蔥花腸粉，不用五分鐘，就做好。（因為都晚上8點了） ， 蔥香，但膠粉 並不算最滑，但個汁調味同腸粉夾，之後都無口渴。因為想熱辣辣咁食，食時見到絕大多是 外賣 （汁會另外包，算幾細心）這應是外賣，但買了可以過旁邊的 櫈仔坐）。 值得一讚係啲後生仔都幾有禮貌！ 加油！！

經過店面見到好多人排隊 腸粉買相又睇落唔錯咁 腸粉價錢多數$20 於是就試一試啦 落單出食物速度都好快 叫左雞蛋瘦肉腸 我是即刻食既 不建議攞走食 一黎是用發泡膠盒既關係 二黎我即刻食都嫌腸粉唔夠滑身 可能皮太薄既關係 容易overcook啦不過個汁係ok既 同埋辣椒油都好正 加上是石磨 誠意滿分 堂食衛生環境認真麻麻地 是後巷位置 沒有任何裝修 而且台更是非常矮 食物擺係台面 到腰既位置 食得都幾辛苦 試完呢一次 食物很普通 唔會特登再走去幫襯

五嫂石磨腸粉滑雪雪的五嫂啊♥♥♥今天去深水埔掃街，第一站去食開左無幾長時間的"五嫂"。朋友比我早去到，見到幾個人在前面排隊，因為是現做，可能要等15分鐘，所以想放棄，但我建議還是要試，當然是好野先至有人願意排隊，仲大部分系街坊。其實整個鋪都系工場，從石磨到做腸粉，但可能生意好，旁邊的鋪頭有一個角落比佢放幾個膠箱同磴仔，等大家可以坐到食。做的方法不是香港的布拉腸粉，而是一個不銹鋼盤，倒些石磨的米粉水，然後蒸幾分鐘，再用兩個平的工具去推成一條，以前在鄉下見過。叫了一個豬潤腸，等了大概十分鐘就有，一盒一份，你可以外賣或者坐低低食。我地梗系現場食至有原汁原味啦。腸粉好薄好滑，豬潤不苦切得細細粒，好驚喜系裡面加左好多冬菇粒，正。值得再試。

考慮到呢間係近期比較熱門既石磨腸粉，所以落鋪頭前先打左電話Order😆(原本WhatsApp 落Order，不過Send左過去，隔左幾分鐘都仲係單剔🥺所以就打電話過去，好彩打左2次就打通，成功落Order）-落到鋪頭，好大堆人排緊隊，雖然事先打定電話落Order，但去到都仲未整，前面仲有6張單，要再等大約十幾分鐘左右。 雞蛋瘦肉碎腸 $20 👍🏻價錢非常划算👍🏻腸粉好薄身 好有米香味 加上有香濃蛋香 👍🏻瘦肉碎為腸粉增添口感同鮮味 👍🏻醬汁有冬菇碎 同腸粉好夾 -👎🏻肉碎有D ‘鞋’ -但整體唔錯 平民美食