伍仔記

Open Now

Now Closed

估唔到我第一次打食評就係劣評，無辦法，電視都播埋10/08/09 晚間新聞"有10幾個人係大埔熟食街市進食後覺得不舒服入院"個日我同媽媽，哥哥去呢間野到食晚飯（本身想去海星，好後悔無去丫）我地嗌左煎蠔餅，冷盤，水佬三寶，西芹抄牛肉同三碗粥，重有一支啤酒，不過整係哥哥同媽媽飲食完過一日，小弟覺得有ｄ唔對路，個肚一時時會有劇痛，重差ｄ嘔，重要唔係一陣，呢個情況持續左成日，下午，媽媽打俾我，問我有冇覺得肚痛，我話"點解你會知架？你又係咩？"　媽話哥哥返工個陣已經痛到頂唔住，返屋企休息，及後好辛苦咁撐到返屋企，全家睇醫生，醫生話全部腸胃炎，宜家媽媽哥哥已經好返，但我食體差，到宜家個肚都重痛下唔痛下，唉，出黎食餐飯都搞成咁希望自己同大家食野小心，唔好好似我咁啦

今晚家姐提議去大埔街市伍仔記,因為怕多人,所以大約6:00p.m.已到,但已經得返兩張大枱,位置仲唔夠冷氣添,越食越熱,我地7個人叫左8個餸,上菜好快手,但食物水準一般,我記得大約7:00p.m.又開始有人等位啦!旦家雞 - $75半隻比較貴,而且味道一般粟米石斑 - 石斑夠脆,味道較咸椒鹽鮮魷 - 夠香脆,好味砵酒牛仔骨 - 雖然夠林,不過食到有一陣梳打粉的味道生炒排骨 - 標準水準蒜蓉白菜仔 - 標準水準薑蔥大鱔煲 - 鱔細件,味道較咸煎蠔餅 - 少蠔仔,有蠔殼

一向都愛同同事一大班人去食冷盤---必食有個炒海參 --好鮮,最重要唔UN..夠味~係街市ED大排擋先食到~正開邊蝦唔得~個感覺好流~有個茄子超正~不過好熱氣

踩單車踩到黎大埔...過左黎呢度食飯飯....都幾好味呀...除左個避風塘炒蟹超削之外....個冷盤好得...如果無生腸既話就更好....焗魚雲既美道都唔差....食班人有講有笑...食到飽一飽....惟一不足係好難搵位....好難搵人落單同收錢....不過落單個阿姐服務不錯....值得加分....下次再踩單車入去會再食囉......

心情不大好，找了新兄吃飯傾一下。每次出來都是飲啤酒吃大件豬手，是次轉轉口味，到排檔吃吃小炒。間中草根一點也挺不錯呢聽說這兒的掌勺人是蜑家水上人，所以是日叫的菜都是魚鮮味比較偏重的。先來個招牌冰鎮鱔球，肉極度新鮮爽口，最好吃自然是膠質極重的皮那部份，爽身之餘帶點韌勁，下了點蔴油吊味，香味盎然。醮點wasabi豉油來吃，送酒佳品是也魚湯浸通菜理應味較清，但這裡魚湯的味很濃很甜，不過再吃多兩口，便感到有些口乾及口渴，可能是有點師傅吧通菜現在還不是完全的很當造，只是很普通....新兄點名要吃的煎焗魚雲也不是很突出。用的是大魚魚雲，光是一件已有一個小砂煲那麼大了肉很多而且"雲"的那部份也是充滿膠質，女仕們恩物是也外皮炸得很脆，脆得可以整個吞下肚。香口是很香口，但這也是致命傷 ---- 吃進口實在有點似是炸魚雲多過像煎焗的，魚的鮮味因而完全消失了而且味道是鹹得很，不吃得鹹味的想會應該受不了....水佬三寶是這裏的特產。所謂的三寶是瀨尿蝦乾、門鱔乾及泥鯭乾。前兩者就聽得多也吃得多，但泥鯭乾就真的是首次吃到。吃進口覺得不甚了了，質感很硬且沒甚味，比門鱔乾來得更重魚腥味。最好吃的還是瀨尿蝦乾，味極鮮甜而

上年黎呢度食過2次, 花雕醉乳鴿同燒乳鴿都好好味, 一個人可以食一隻都唔夠喉尋晚7點未夠已經黎到, 乳鴿已經賣哂, 好失望我地8個人點左8個菜, 大家唔夠飽, 因為碟頭真的細左好多芝士帶子伊麵底($70): 芝士同伊麵都好濃味, 帶子普通蠔餅($35): 炸得香脆, 味道不錯, 不過少d蠔仔金銀旦豆苗($?): 好味! 豆苗好嫩咸旦南瓜鮮魷($4x): 黎到既時候以為上錯左囉, 成碟得幾粒炸魷魚, 成碟都係炸南瓜片, 好呃錢!! 味道係ok既, 咸旦碎香口~椒鹽瀨尿蝦($68): 有大約10隻, size小了一點, 朋友話唔夠獲氣, 應該可以再好食d椒鹽茄子腰果($?): 今次茄子不算少, 因為平嘛=.= 不過腰果少得可憐煎焗魚雲($4x): 比較油膩, 不過送飯好好味, 香口~蒸蟶子($60): 得4隻!! 少唔少左d!! 味道普通整體味道不錯, 不過份量真係好好好少, 男仔多d都唔夠食記得上年黎食2個人2個菜係可以食得好飽的, 點解今次會咁咖><真係忍唔住要比個喊面佢

那天大澳行完大運回到大埔, 老爺原本想到「北京人家」吃片皮鴨, 可是星期日晚上六點已經full booking, walk-in是沒有枱的~ 於是一行人改到新街市的「伍仔記」, 我們快人一步, 剛好有枱~ 只得5個大人, 因為樣樣都想吃, 最後叫了8個菜呢!冰鎮鱔球: 鱔球很爽口, 點汁味道不差, 不過家人還是喜歡蒸白鱔多點日本芥辣墨魚丸: 粉綠色的Wasabi醬一點也不攻鼻, 墨魚丸也混了Wasabi在內, 很彈牙炸蠔卷: 這是看見鄰桌而叫的, 但炸了的皮不脆, un-un的 招牌四川口水旦家雞半隻: 這是每次必叫的, 如果有人不吃辣, 記得要汁另上~ 雞肉很滑, 口水汁的麻與辣很惹味招牌魚湯浸菜心: 菜心很淋, 尾部還削尖了(?)南乳粗齋煲: 雖然色水麻麻, 但味道與材料都OK清炒豆苗: 不過不失椒鹽豆腐: 保持水準幸好有幾樣是小吃, 最後只吃剩小許!

三個人...食左:1. 蒜蓉炒芥蘭 - OK...夠鑊氣2. 砵酒牛仔骨 - 正!!!牛仔骨入味...伴碟的洋蔥都好味3. 椒鹽瀨尿蝦 - $80 一碟...但係居然有8大1小隻....亞爸怕煩唔食....結果我一個人食左4大1小隻.....新鮮又好味.....4. 西芹腰果炒肉丁 - 亞爸最愛菜式....但係我真係好唔鐘意食....加4碗白飯...埋單只要 $215....

滿心期待咁去食大牌檔小菜, 結果食到成枱人媽媽聲....黃瓜豬骨湯---淡而無味, 寧願飲水小炒皇---味道普通, 駭人o既係竟然當腰果係葱花咁晒o係碟菜上面! 乜唔係應該攞黎炒架咩!?豉汁蒸帶子---應該係叫"帶子乾蒸豆豉", 故名思意, 蒸得勁老, 豆豉超多, 帶子超咸, 難食! 薑葱油追煲---成餐最正常, 但要$68大元加一個白飯, 結果三個人食左190蚊, 真係又貴又難食!!!真係好多年冇食過咁難食o既野...

一行6人吃晚飯, 好多人, 都等了一會兒. 每上一道菜都要等好耐!雜菜煲: 好有驚喜呀, 個煲超細, 份量超少, 通貨膨脹, 菜貴呀! 但那個上湯OK, 所以令雜菜很鮮甜蕎頭子薑蒸魚節雲: 真的不太好吃, 個人應為用蕎頭子薑來蒸魚味道不太配合, 好怪.蒜蓉粉絲蒸墨魚丸: 好味, 墨魚丸是魚滑, 應該是新鮮手打的, 配蒜蓉粉絲蒸, 正!合桃京都骨: 不過不失啦魚香茄子煲: 咸魚份量很少, 差不多感覺不到有咸魚咪, 所以不夠野咪, 失望.

20-JUL-08 7:00PM踩完單車既目標, 就係黎呢度食晚飯. 未到 7點, 估唔到伍仔記已爆棚, 其他檔口仲大把位. 可見佢既魅力. 兩口子總容易找到位置. 我們已算幸運, 人多就一定要先訂位. 餐牌選擇多, 但最大興趣都係招牌餸: 旦家雞, 冰鎮鱔, 介辣墨魚丸....出面都未吃過的, 全都想試. 可惜, quota有限, 唯有先試幾樣: 招牌冰鎮鱔球 ($50): 好多枱都叫, 收成 $50一碟, 質數果然不錯,肉質爽甜, 淋上蔥花豉油, 蘸上日本 wasabi, 是否算是 fushion 菜? 一向食開豉汁蒸, 換上冰鎮又幾清新. 一試無妨. 順德煎焗魚雲 ($42):habibi 至愛. 上枱吱吱聲, 先泡油再用蒜子加薑返兜, 不香才怪. 魚頭一個開二, 幾新鮮. 不怕熱氣的話, 送酒一流~ 魚湯浸菜心 ($32):清清地, 又幾細心的將菜莖削了一點, 吃下不易有渣. 讚.~ 菜心吸收了魚湯鮮味, 甜上加甜.有機會多人d人黎試就good~

因為大家都聽講呢間熟食中心檔仔的食物唔錯，於是我同一班朋友仔0係某個星期五黎試一試。以下係我地叫左的菜同埋評語：冰鎮鱔球唔知點解，鱔只係以常溫的姿態上碟，談不上與冰鎮有任何關連。味道ok，如果真係凍的話應該幾好食既……我地有d失望，因為冰鎮都唔係好難做，實在唔應該hae客……煎蠔餅冇咩蠔，d蛋整得勁老蒸扇貝冇咩粉絲，d粉絲又碎既，扇貝又係整得老左椒鹽鮮魷少鮮魷都算，最離譜係一d椒鹽都搵唔到，d炸漿好厚，炸到好硬，而且係「吉」口果種，男朋友仲食到有dd「益」味炒通菜全晚最好食既一碟，d醬好惹味，而菜亦都好爽旦家雞 (半隻)算係咁，應該係用新鮮雞整既，不過就唔算滑咸旦蒸肉餅不過不失粟米羹好稀，食兩啖已經唔想食熟食中心檔口應該係一個臥虎藏龍的地方，我地唔係要好靚既環境，但我地對食物就有咁上下要求……其實我地叫我野都已經唔係好難整，但真係冇諗過，呢度可以整d咁既食物畀客食﹗失望﹗

星期三 同男朋友差唔多6點就上到去無人...=.=我地2個人叫左1.蒜容蒸元貝 (一碟6隻 有d粉絲係上面 幾夠味 好食)$48;2.白灼東風螺 (可能白灼....一般....)$50;3.沙拉骨 ( 用d有wasabi味既沙律醬整 .... 好難食) 好似$35;4.避風塘茄子腰果 (必食!!好味!! 有d辣 茄子入面有魚肉 , 但係太多蔥=.=")好似$35;5.牛油焗中蝦+伊麵 (d麵好味 ! 但係d蝦係"梅"的=.="食過2次都係咁=.="...極難食...可唔可以要剩麵...) $68你話d野新鮮咩 又唔係好覺....d野好味咩 又一ddso....俾佢 ok

平日晚飯時間行過, 都見間鋪幾多人幫襯早幾日見無乜人就試一試佢呢間鋪既食物只係不過不失咁但係以一間大排檔黎講就真係麻麻地我地一行六人去食, 叫左7碟餸, 有牛仔骨,芥辣墨魚丸,開邊蝦,等等但碟碟餸既份量都真係偏少芥辣墨魚丸-$70,12粒, 唔算好好食,只不過有少少新鮮感蒜蓉開邊蝦-$70,得7隻! 蒜蓉味還蒜蓉味, 蝦味還蝦味最差係唔挑走條腸! 開左邊黎蒸, 一上台就見到條黑色既腸, 仲邊有胃口!呢間野唔可以當佢係大排檔,只可以話係食小菜既而且價錢同份量&味道不成正比無下次!!!

與咀刁的老人家在大埔晚飯，上網做晒功課後，最終選擇這食肆。三個人叫了：冰鎮鱔球$50 - 老人家一食已大讚，好爽！的確魚肉入口爽滑，醮上日式芥辣更吊起魚的鮮味和魚味，應該是新鮮鱔，才能做到如此效果。好味道！西芹蝦乾炒象拔蚌$55 - 蝦乾香口惹味，加上象拔蚌和西芹用XO醬炒，不太油，OK！蕎頭子薑蒸魚雲$45 - 超值之作。整整一個大魚頭，開10份，刀功仔細，蕎頭和子薑的味入晒魚頭中，魚雲的鮮甜加上蕎頭子薑的香味，好味到無得頂！老人家非常滿意是晚的安排，實在多謝各位食評網友的好介紹！加一碗米粉，埋單$155，經濟、抵食、又好食！好野！