佳人餐廳 (Closed)

中午去食佢呢個午餐$24蚊連湯食物的味道乃港式甜酸打茨橙色汁液的典型味道, 不太差, 但賣相不太好, 一座小山飯, 一堆排骨和5片波蘿, 6小片絲瓜, 感覺很求其, 很交貨。重點係佢既排骨選材好差, 揀晒d肉頭肉尾比黎煮呢道飯,即係最唔值錢最乾最柴皮既部位。服務方面不過不失, 沒有什麼特別。環境方面, 夠冷氣, 但未算太衛生, 因為我的坐位經常出現蒼蠅仔。既然這店的食物算不上交出誠意, 我不會再黎。

在openrice見這家食店的Pizza好像幾經濟抵食同好味，於是諗住平平地試一試，點知試後的感覺只得一個，就係----差！呢度有個只賣$100的二人餐，包括一個Pizza大批（有二十五款可以揀）、一款粉麵（有8款可以揀）同埋一碟小食（都有好多款可以揀，不過只限$24以內，超過這價錢要補差價），不過唔包飲品。這頓令人失望的晚餐，要了以下的食物：1）「鹽燒鹹牛脷」：這個所謂小食要加$6才有得吃，份量都算ok，但係味道就偏鹹了點。這還不打緊，最大問題係佢實在太乾啦，而且唔係厚切，所以真係唔係咁好食。不過想不到的是，原來呢碟「鹹牛脷」已經算係比較好食架啦！2）「星級海鮮Pizza」：原本以為呢度的Pizza既然咁多人讚，一定會唔錯啦，所以對佢真係有些期望，誰不知呢個Pizza的海鮮雖然都算足料，但係所有配料都係無甚味道的，除左芝士的鹹味之外，個Pizza底又厚得緊要，所以吃到最後，雖然係兩個人share來食，還是剩下一塊沒有吃下去。3）「卡邦尼煙肉蛋意粉」：呢個就真係經典啦！一拿出來，賣相已經把自己嚇了一跳。乜呢個係卡邦尼意粉來的嗎？我以前在其他地方，好似Applegreen咁食的明明不是這

今日又約左朋友聚舊, 又來了呢間餐廳, 須然呢度無乜裝修, 但食物係物超所值.自己好喜歡食羊肉, 所以特登同老闆預訂了羊架,同朋友分享, 見到已經流口水,烤得 岩岩好,又 唔會太熟 我都係唔寫咁多喇, 自己睇下就口知道啦. 價錢仲十分抵, 平過自己買. 另外仲ORDER了PIZZA & 燒春雞 ,最後還有芒果布甸, 不過唔記得影低, 下次補返啦.餐牌上無羊架架, 如果有興趣, 記得揾老闆預訂呀

今次是第三之到訪佳人餐廳, 平安夜度度都太多人, 難得找到個寧靜的地方可以享受二人世界今晚都有好貴的聖誕大餐, 但我哋冇叫啦, 散叫了: 辣肉腸 Pizza: 仍舊好多材料, 即焗, 厚厚的芝士在半溶狀態下, 還有好脆的餅底, 實在太好味! 焗海鮮飯: 都唔錯, 有青口、魚、魷魚等等, 飯是炒飯底, 多汁, 是有心之作!

今天又來到這裡晚飯, 我是經常幫襯的, 需然門面似茶餐廳, 但食品是餐廳款式, 茶餐廳價錢今晚點了西冷牛扒, 三文魚波菜麵及清炒菜心先上兩忌廉湯, 是老闆每天親自調校的, 水準有時會有點參差, 但今天水準不濁, 有80分啊 (總覺得不夠其他高級餐龐的滑, 還可做好 D)再來西冷牛扒, 我們比較喜歡用碟上 (如用鐵板上, 會較熱氣), 西冷有成隻碟咁大件, 我要求4成熟, very good, 剛好, 只售 $55, 大x 樂都要 $4x 啦, 相比來, 還比快餐店平三文魚波菜麵, 麵全部被汁包住, 不太溜, 面舖上煙三文魚, 清清地, 幾好再來清炒菜心, 都唔錯, 菜心唔會全部比油包住, 菜心好甜最後係甜品, 今晚老闆做了芒果布甸, 好正啊, 唔知係唔係老闆好耐無做, (近月都是做西米布甸) 好好食 (同老闆太熟了, 呢個係送的)總評分 : 90分

無甚特別的門面,引起我注意反而係有少少浪漫又好似好攪笑的名字... 佳人餐廳.每次經過都好匆忙,所以我一直以為只係一間普通茶餐廳; 終於有次停低睇睇,原來出名pizza,再上網睇下食評又好似好得喎,於是有日去界限街打波前拉隊一試.餐牌上有近三十種pizza,仲有套餐選擇; 叫個四人餐,有一大一細pizza,一個焗飯和一個小食.小食先上檯 - 椒鹽豆腐. 碟頭比想像中大碟,大大粒豆腐幾惹味,不過幾辣...焗類揀千層麵. 嘩,油到爆... 都知道焗類一定多油,但拎舊放係隻碟度我以為自己做緊勞作油緊顏色,成隻碟即刻有層反光紅色...主菜兩個pizza,大批係海鮮 - 批底夠鬆化,邊夠脆; 海鮮主要都係魷魚&微型青口,再加幾隻蝦. 芝士同醬都夠多,味道唔錯.細批揀個佳人pizza,個餡主要係茹類,唔係好記得內容,因為大家一致認為個海鮮批較好食.個餐一百蚊有找,質素唔差; 食得連鎖店的pizza多不妨試下食這類小店,又會有另一番風味.

2份午餐吞拿魚長通粉這個好難食乾 " 爭 爭 " 當然吞拿魚都好少，總之是差紅酒汁煮雞柳配白飯這個返而好小小，至少有多D汁不會乾到死，雞柳都是無味但個汁可以帶起D肉不至太淡食物上枱時已經不太熱凍檸茶欠茶味好難再次幫襯

朋友推介所以一試評價:價廉物美個鋪晚市唔算多人 易搵位真好!(可能太茶餐廳格局)可以坐好耐 最適合三五知己相聚pizza同pizza hut quality差唔多如果一家大細 媽媽嫌pizza hut貴 帶仔囡黎下pizza都幾唔錯燒春雞好味道係當晚最好!!香口 夠熱又皮脆肉嫩小食雞軟骨亦好惹味$206有一個9吋pizza 一個6吋pizza 燒春雞 意粉 一個小食雞軟骨 四杯飲品除返5個人 一個晚餐40蚊度 好抵~~~~~~~~~~~~~~~p.s.老闆(我覺得佢係老闆)個樣似大劉 成日問佢d餐點配搭又飲水又改單 佢都好樂意回應 quite good下次想試焗飯,焗蠔

同男友行過.....又攰又熱.....見佢個名都幾得意.....就入左去食tea見menu 上pizza 有好多款揀左揀右揀.....揀左好耐....由於唔係話好餓....咁我地就兩個人叫左個一個pizza好似係叫沙地亞拉伯ge 牛肉pizza由於即叫即整, 所以比平時食野等得比較耐但送到上黎就覺好得意lor~~外面係錫箔紙包住ge包到好似一粒巨型ge 糖咁lor打開入面咬落去.....有芝士, 蕃茄, 菜同牛肉佢個分量岩岩好.......味道唔算太濃又唔會話啖呢一種pizza 真係未try 過超級好味!!!!!下次一定會再去食品!!!!!!!!當時我地叫左個大ge 兩個人一齊食.....計落 $45/2=22.5

4月6日, 去開旺角, 同呀比漫無目的咁周圍行, 竟然比佢錯摸到間好野開餐!::: 焗豬扒飯晚餐 ::: $40晚餐有餐湯 + 包 + 主菜 + 飲品. 羅宋湯味道正宗, 而且足料, 有好多蔬菜粒, 不錯! 包都係買返黎嘅, 但係個唧花牛油就好精美~ 焗豬扒飯唔係好大兜, 不過剛焗起, 面頭芝士少少燶好帶出個香味~ 味道幾好, 茄味同芝士味都夠香濃, 豬扒切件, 咬落都幾嫩. 唔錯wor!! 跟餐嘅凍檸茶就夠大杯, 不過無乜檸味. 而家d快餐大x樂晚餐一個焗豬加飲品都已經$40, 呢度真係比佢地好得多!::: 墨西哥磨菇薄餅 ::: $28另外仲叫咗佢地嘅特色推介正宗意大利薄餅, 超過20款選擇~ 即叫即焗, 所以等得耐d. 要咗8寸標準size, 介乎pizzahut既迷你批同普通批中間~ 呢個批係茄汁底, 有磨菇,粟米,洋蔥,芝士. 餅底整得鬆化, 焗到香噴噴咬落脆卜卜~ 材料雖然普通但係味道豐富wor, 仲有勁多芝士. 連坐我地隔離枱嘅外國人都食~ 合格有餘啦!話晒酒店廚師主理, 食物真係ok wor, 而且又真係茶餐廳價錢, 無收加一架wor!! 不過可能即叫即整, 食物係等耐

因為有一次路經這間餐廳時, 比佢地貼哂係出面既pizza相同價錢吸引, 所以決定搵日去試. 20/4/2009, 星期一晚上, 終於同老公去試吓. 首先雖然menu上有很多種類既pizza, 但睇埋佢寫既料, 其他都好少料喎, 來來去去都係一種肉加幾款疏菜, 望來望去, 都唔知叫邊款好, 最後叫了一個$92既套餐, 有一個大pizza + 一個焗飯或意粉 + 一個$22以下既小食, 我地叫了一個有雞肉既pizza, 一個焗豬扒飯及一個炸雞翼. 炸雞翼先到, 有4隻, 但就細隻到不得了, 味道都還ok; 跟住係焗飯, 又係唔係大份, 兩個人食, 免免強強啦, 味道一般, 至於主菜pizza, 好唔得喎, 話係大pizza, 但係比連鎖店既普通size還要細, 而且批底好硬, 食完覺得條脷好似有d'損'咁, 但有樣佢地好老實, meue寫咗係唔係咁多料, 又真係唔係咁多料. 所以鐘意食pizza既人, 呢間絕對唔係首選. 食完覺得呢個餐唔抵囉, 三款菜都細細份, 又唔包餐茶, 試完就算, 唔會再去啦.

不知何解太座很喜歡吃這裡的自製pizza。是日要到花園街街市買點菜，路過此地，太太的雙目又離不開那個放在門外的pizza menu了已是二時半接近tea time，不能吃太多了(因晚上要回家吃飯)。雖則如此，還是叫了一個小的吞拿魚pizza及一客燒春雞套餐。這個下午茶的份量可不輕呢未吃過這裡的春雞，叫的原因乃緣於看見鄰枱叫的端上桌時，看上去樣子是極吸引的怎知吃下去倒是平平無奇 --- 肉嚡之餘味亦不夠，皮是不脆口的，是完全的不對味兒伴菜只是一些醃製過的紅蘿蔔條及西芹，再加上另附加的一碗白飯，感覺很港式....Pizza一如既往是新鮮焗製，拿上手以致吃進口都是熱得很。配料足之餘芝士及茄醬也是夠多。餅底帶點脆及微焦，吃落啪啪聲作響，挺滋味的下次再來，一人叫一個大size的pizza吃，於願足矣

看到大家的食評大都只集中在佳人的pizza,但其實最好味的菜式是其德國豬手。在如此裝潢的餐廳吃價值60元的豬手或許是貴了點，不過個人覺得都算值得。因為那豬手份量既不少，配以蜜糖燒過後味道又甜美，尤其喜歡它的外皮，香脆可口，絕不是又「林」又「UN」那些，皮下的肉咸味適中，實在是平凡食店中一個驚喜。值得一提是那店長，有次下午我一心去吃豬手，竟發覺原來晚餐才有豬手吃，但既然一場來到，即管問一問吧。哈，那店長竟然考慮一下後便答應給我點了，在好吃以外又加了些分數。大家在pizza外，不妨又試試那美味的豬手吧﹗

本來沒想在這裡吃，走在外面的時候被便宜的pizza吸引了坐下之後點了兩個小分pizza：“甜咸味”和“科學怪人”，兩杯凍檸，還有一串紅燒鮑魚仔。共$66，便宜吧~~pizza：味道很淡，甜咸的有香蕉，還有雞肉什麽的吧；“科學怪人”的果真怪，一點味道都沒有，上面有cheese，煎蛋，番茄，難吃。。。但是對得起這個价吧紅燒鮑魚仔：哇，這麽mini的一小串，一5塊肉，一片大概就是指甲那麽大，無語。。$12，千萬不要點感覺pizza應該還算可以的，可能是沒有選好，這裡大概有三四十種類，別的口味的可能好點，但是這兩种口味的

跟太座來到旺角已是接近tea-time時候了。天氣太熱，原想去金寶一人吃件法式三文治便算了，但路過此處，太座看見有其摯愛的pizza及西多士，雙眼就登時發亮了。自己反正未吃過，試試也無妨la...從menu看見pizza有很多的選擇，而且號稱是自製的，就來個海鮮試試。做的是較厚的餅底，真的即叫即焗，拿上手還是熱騰騰的。料有吞拿魚碎、魷魚，蝦及蟹柳等，用的當然是罐頭及雪藏貨，但勝在下得很多，加上半溶的芝士，還是叫太座這個意式薄餅狂吃得津津有味....西多士是有花生作餡的，也是太座的偏好。對我來說就沒有所謂，有餡冇餡都可以吞下肚。這裏的做得普普通通，炸得顏色不算很金黃，包亦不很軟熟，當然無法跟家附近的白宮及赤柱的泗益相提並論了....不過勝在夠便宜，又夠飽。太座很喜歡，已足夠