佳人餐廳 (Closed)

點解係非一般既茶記... 因為係呢度, 你可以食到原隻燒春雞, 可以食到韓式串燒, 仲可以食到Pizza......@___@ 燒春雞套餐... 並唔只呢一個, 我地就叫左一個係店內見到既poster先有既燒春雞+大Pizza套餐~  Pizza款足足有成兩頁! 而且D材料既配搭好特別! 鐘意試新野既人岩晒~~~ ; >  為食既我地一早已經諗好要食春雞餐~~~ 食燒雞之前再叫左2串串燒頂下肚先~~ 串燒牛柳粒$11 串燒墨魚咀$11 雖然明知咁平都唔會話好特別好食, 但上枱個下都難免有少少失望...XD 因為兩樣野都好細粒, 同埋個醬幾乎差唔多味... 所以冇乜特別好食, 叫做過下口癮 XD  等左一陣, 連跟餐既Pizza都到喇~~ 呢個係特惠套餐, 包: 原隻香草燒春雞+2碗餐湯+1個大Pizza=$138 其實真係好好好好抵....同埋其實2個人真係要好勉強先可以食得晒!! 我地揀既係科學怪人Pizza, 我一早已經比佢個名吸引住喇=PPP 科學怪人既材料有: 蕃茄醬, 菠菜, 雞蛋, 香蒜, 芝士 剛剛食第1塊個陣真係會有D唔慣... 係一片比蛋味充斥住既Pizza

很久没吃 pizza了，便選了這店作晚餐，看餐牌後選了二人餐，可選一個pizza,選了特式雞pizza，pizza煙韌香口,可選一個 焗飯，選了海鮮焗飯，用料ok,但味清淡，還選了炒波菜作小食，菜炒得香口，而跟餐的奶茶、湯屬一般。

想食pizza吾一定要去hut既，哈。原來茶仔都有得食並甘正既pizza，直頭比美大集團啊。Pizza 份量夠兩個人食，選擇都有幾款可以揀，pizza 食入口有少許似至尊甘樣，材料都算豐富，芝士亦見幾濃味，啖啖芝士扯吾開甘樣。餅底都幾香脆可口。另外，海鮮焗飯都算落足料，正正常常，。呢個價位，真心講ok。

N 咁耐之前..朋友話呢間餐廳絕對係好食..又去試下...侍應已經好貼心咁講..囉咁多野..我俾個四人座位俾你喇..我地叫左2人餐..158..有湯有意粉有PIZZA..都好似幾抵食.首先湯..就普通忌廉湯..而且湯入面仲食埋粉絲俾你..笑左跟著就上左個NO 25 土星PIZZA..侍應已經話呢款PIZZA有半邊蓋著..呢個係特式咪又試下..呢個絕對係驚喜..粟米+芝士+牛肉搭出黎已經唔錯..而且個醬料較過..勁好味個批落足芝士...可以拉出黎..真係撒x亞d pizza 咁勁..=再上既肉醬意粉..都ok再上既..就係煙肉焗生蠔..菠菜焗生蠔..哇..真係不得了..生蠔大件兼勁鮮味..就只係25 一件..抵食除左環境係坐得無咁舒服之外..其他就無得再彈..值得推介..係pizza..好少港式餐廳..係整得同其他pizza 專門店一樣..好味大件兼抵食既生蠔. 絕對要試侍應既服務態度稱心..絕對一讚百幾蚊既價錢..食剽4,5百蚊既質素..好有驚喜呀..

今日同大少去咗金魚街買魚缸，買完又諗唔到食咩，最後我本來話去食齋，點知……經過佳人餐廳，次次都見到好吸引，不過每次經過都係已經食飽，今次，決定去試吓，見佢又唔係貴~羅宋湯 - 唔係好夠濃味，感覺似係就收工，唔夠湯加水咁~燒春雞 - 呢個雞燒得唔錯，雖然我地只係叫半隻，但係都覺得好多，皮脆肉嫩，見佢好似好多香草，但係其實食落唔係好重香草味，可以接受星級海鮮薄餅 - 有蟹柳、蝦、墨魚，不過我覺得個餅底用千島醬會好過蕃茄醬，雖然味道都好唔錯，但係，海鮮硬係覺得同千島醬夾好多~椒鹽豆腐 - 嗯……呢個椒鹽豆腐，完全唔椒鹽，個豆腐都炸得幾脆，可憎係個椒鹽爭少少，如果加少少淮鹽我覺得會好好多~~

今日天陰陰，有幾陣驟雨。九月一日開學日黑椒雞扒腸仔飯，雞扒大大件而且黑椒汁美味可口，濃的羅宋湯也相當吸引，味濃。焗美國芝士菠菜生蠔很久以前食過無今次好食，今次叫了一隻$25，蠔的肉質肥美而且配上菠菜汁真是美味。晚餐散叫每隻只是$25抵食。這裏的Pizza都幾好，相片無收藏所以無刊登，標準批和大批都食過，特別是辣肉火雞和海鮮。

其實好耐之前已經去過一次，仲記得上次係食乾炒牛河，因為炒得唔錯唔太油，加上話俾廿蚊有隻生蠔食(上次身體不適冇食)，所以對呢間餐廳有啲念念不忘。今次喺始創睇完醫生都要行返嚟搵食。同朋友叫個大pizza同魚多士，好味！Pizza係辣肉腸咩咩咩味(唔好意思唔記得咩味)，好足料，夠熱，不過我覺得個派邊整得脆啲仲正！魚多士，唔腥，好脆，唔油，得！我朋友就食多隻焗蠔，超熱，朋友話好得，又唔腥，下次一定要食生嘅！咁嘅份量兩人分真係食到飽飽，呢間餐廳一定會encore！

This was a surprise place boyfriend brought me to. He said...yeah, I'm taking you to ghetto Western tonight. And in we entered a cha chan teng. A restaurant with only a Chinese name but served Chinese western food....no not baked spaghetti or swiss chicken wings but pizza, donars, roast chicken and German pork knuckle. All for sets around $40. They also had a bilingual menu!We ordered half a herb roasted chicken and pork knuckle. Both sets were $50.The half a roasted chicken came with yes, Chine

星期六下午行經洗衣街 旺角道，想搵过地方用膳見到"佳人餐廳"門口餐牌午餐寫二十九蚊，睇個價錢應該OK啦，都唔會話期待質素好推門入內看到座不多，但都有大卡位枱二張搵了一個單邊位坐下，一個(機械人咁款)女待應拿杯清茶遞过來問叫什麼於是叫左個〝粟米斑塊飯〞〝白湯〞...茶，女待應說有湯就無餐茶，有餐茶就無湯等待期間四圍張望，看到過了水吧位置內裏還有二排長枱，順便入洗手間方便兼洗手，沿途看到餐廳兩便天花及高位牆身有滲水及灰水剝落情况，還有用臨時膠板圍封，冷氣風口又用蚊網圍起，以防食客進食期間加料，往洗手間通道地下堆放滿食材，洗手間假天花甩頭甩骨個款，無必要都不要入內湯的份量只有個碗的四成滿，味道除左.鹹我就飲唔出有其他味。等左一陣，個〝粟米斑塊飯〞到啦，碟飯幾熱，份量OK，感覺好正，但斑塊就得數件，全都是冰凍的，(餐牌應改寫〝冰火粟米斑塊飯〞免人誤會)好似從冰箱剛拿出來，一食落去就覺得好硬，食落口完全係....唔多妥，炸麵粉多過肉，咁既斑塊都可以俾人食我只能說是粟米汁是正常的味道！温馨提示：搵座位要小心中頭獎(留意高位天花牆身)吃完呢一餐二十九蚊既〝粟米斑塊飯〞午餐，只感覺非常難食，一半都吃不

佳人餐廳？是騙人餐廳至真！！唔明點解咁多人笑口！！見到鐵板餐七十蚊，睇個價錢應該正正常常咁啦，都唔會話期待質素好好，所以就叫左個西冷扒五成熟。首先黎的是紅湯，湯的份量只有個碗的三成滿，味道除左.鹹我就飲唔出有其他味。餐包好細粒，牛油一舊放係碟邊，不是獨立包裝，個包係就係好熱，但咬落去居然係硬的！！等左好耐，個鐵板到啦，意粉是另上的。個鐵板好熱，感覺好正，但塊扒同大家樂早餐扒咁上下厚，一切落去就覺得好硬，食落口完全係.鹹到飛起，筋多過肉，咁既薄牛扒已經唔可以講咩幾成熟，求其一煎都已經全熟，細細塊既扒，咬出來的可能比吞落肚的多。我只能說是凍檸茶是正常的味道！！食完呢一餐七十蚊既所謂鐵板西冷扒餐，我完全無飽既感覺，由於個扒太.鹹既關係，只有口渴的感覺，相信食得多會有病！！我唔會有任何理由再光顧呢一間野！！

每次由旺角行去太子時, 路過洗衣街, 都會被這間店名有趣的小店吸引, 適逢星期六要上班, 下班後來了試試. 到達時見到門外掛了特恵下午茶的海報, 於是順理成章的入內吃下午茶. 店內的格局像茶餐廳, 食客不多. 挑了個卡位坐下後, 便開始硏究餐牌. 眼見四周的食客多數是吃飯餐, 不過一心想試薄餅. 餐牌上有很多款式, 有28款之多!! 由於比較少吃卡巴, 於是點了個較特別的牛肉星級卡巴配咖啡.由於即叫即焗, 所以要等候一下, 侍應先送上咖啡. 端上來的咖啡雖然熱, 但是入口微苦, 又沒有咖啡的香味, 應該是用不大優質的即溶咖啡粉沖出來, 水準以下之作.等了又等, 終於等到主角卡巴的出現! 這個卡巴是用錫紙包住, 約有7寸長, 像一粒巨型的糖, 感覺好有趣! 打開錫紙後, 熱騰騰的蒸氣湧出, 餡料的香氣伴隨而出, 令人食指大動! 卡巴的外皮比較厚, 不過入口香脆; 其實用的是吃薄餅的薄餅底, 而不是平常用的中東薄餅, 所以, 感覺上好像在吃一個卷起來的薄餅!!!! 卡巴的材料也很豐富, 有牛肉, 番茄, 洋蔥, 芝士, 和店方秘製的"特色佳人醬料". 有見過卡巴製作的都知道, 所有的肉

3月31日, 年前都食過一次, 今次我地番兜嘅原因全係因為佢嘅餐牌~ 餐牌上有好多唔同種類嘅食品, 我地上次食過焗豬同pizza, 今次再試下其他野~ 是晚人流都幾多, 等咗一陣先有位~::: 紐西蘭西冷牛扒精選晚餐 ::: $80 + $2左揀右揀個餐牌, 最後俾呢個是日精選晚餐吸引咗~ 個餐包咗餐湯、餐包、前菜、主食、甜品同飮品, 真係夠晒多~ 餐湯係一個比較橙色嘅忌廉湯, 味道尚可接受, 只係個湯稀咗d, 但係飮唔出佢嘅橙色喺邊度嚟… 麵包雖然唔係咩自家製, 但係暖暖地夠鬆軟, 仲有嗰粒唧咗花嘅牛油, 有心思~ 前菜要咗菠菜芝士焗美國生蠔拼凱撒沙律, 生蠔即焗所以好夠香, 芝士味亦都好濃~ 生蠔夠大隻,質地肥美好豐富, 加埋芝士同菠菜個口感夠晒濃郁, 唯獨菠菜少咗d同碎咗d. 凱撒沙律有齊晒基本野, 生菜煙肉粒麵包粒, 撈一撈凱撒醬, 普普通通味道都算係咁~主菜係紐西蘭西冷牛扒意粉, 上枱其實同碟頭意冇乜分別, 牛扒意粉加上一pat汁, 配上少少雜菜就搞掂~ 牛扒味道唔重, 都係嗰d平價扒餐嘅薄牛扒, 所以加上紐西蘭呢三個字有少少多餘… 好在個蒜茸汁夠味又夠多, 牛扒肉地又夠淋,

打算去食扒，但想去去花園餐廳或第尾牛扒以外的餐廳，沒想到做了個極錯誤的選擇。是夜和友人分別點了晚餐的羊扒及西冷扒。先勿論出菜次序混亂，上了我們的前菜給比我們遲來很多的客人。湯﹑麵包及前菜的凱旋沙律及及蠔也算正常。不過凱旋沙律的麵包未知是否因為炸了太久的原因有些油益味。湯和前菜都吃完，等了15-20分鐘才上主菜...我的羊扒沒甚麼味，但心想$80的扒餐也不能其望太高，而且有蒜蓉汁總算是有些味道。到我的朋友的西冷扒餐，朋友說意粉太"林"。一看之下，他用叉挑起了好幾次意粉都立即斷了。試吃一口...感覺像麵糊。吃了西冷扒後他說很鹹，要吃白飯才能送牛扒，還以為是他受不了鹹。誰知我吃了一口... 真的是超級鹹!!!!!鹹得吃完以後條脷有點麻痺，所以我叫他不要吃下去，實在對身體不健康。店員允許我們改叫焗飯，叫了一個海鮮焗飯，但等了25分鐘有多也沒上菜。可憐我的朋友由8點坐到9點也只吃了丁點湯和前菜。正當打算叫店員來問幾時才會上菜，女店員轉個頭過來竟然拿著賬單以為我們要賣單!!!= ="首先店員之間沒溝通，那位店員完全不知道轉焗飯一事。我們唯有等她確認，順便叫個餐飲好過沒東西落肚。確認完畢，她好像失憶

是晚跟媽媽到這裏吃飯，最初以為這是一間"茶餐廳"。但看了餐牌後才知道這是一間西餐廳.......真是 "人" 不可以貌相。由於我們約六時便到達，所以店內人也不算太多，也很快就能安排我們入座。我倆叫了一客燒春雞套餐及是日晚餐。晚餐相當豐富：有餐湯，有頭盤（芝士焗蠔拼凱撒沙律），主菜為西冷牛扒，另外亦有甜品。餐湯方面我們也點了羅宋湯：坦白說味道好一般，喝不出任何蔬菜的鮮甜味。頭盤方面芝士焗蠔不太腥，還有少許蠔的鮮味，值得一試。沙律就能吃得出是用買回來的沙律醬，而且味道極甜，吃了少許便不想繼續吃下去。主菜燒春雞及西冷牛扒方面則水準不錯~燒春雞味香兼肉質尚算嫩滑。雖不算十分出色，但絕對值回票價。西冷牛扒不是甚麼頂級貨式，但牛扒烹調時間恰到好處，"medium"半生熟剛好。這裏的裝修格局雖然看似茶餐廳(價錢也是)，但我能"吃"得出其實他們對自己的出品有一定的要求，絕對不甘於被別人視作為一間"茶餐廳"。還有這裏的服務也絕不是一間茶餐廳的服務態度~ 讚~下一次我會再來試試其他的菜式~

一行五人入去食晚飯,其實e間餐廳之前都去過好多次,因為水準佳之餘價錢服務亦滿意,我地去到時都經常會叫德國豬手,因為佢焗得好正,聽聞佢每晚得幾隻豬手如果想食最好BOOK定,PIZZA,焗飯同意粉都好正,睇得出好比心機,其實最主要係服務態度好,我成日都話服務態度好重要,我地果晚食得好開心.