來多碗車仔麵 (康寧道) (Moved) New Location

中學係觀塘讀書，一lunch就會跑去係宜安街既舊鋪食車仔麵人大左，好少再番觀塘區今晚友人竟然提出到觀塘區找食，於是我就提意食呢間，尋找舊回憶！裝修好新淨，而且座位幾寬敞，光線又充足，食得舒服！價錢公道，而且都算幾多款揀，四餸麵都係$36！加汽水都係$8揀左四餸，分別係必叫牛腩、魷魚、冬菇以及紅腸！仲加左腩汁TIM! 最鐘意食夠濃味既車仔麵~值得一讚係配料份量都幾多！店內姐姐極推牛腩，(令原本唔食牛既我又要破介啦)原來牛腩係鎮店之寶！淨係睇樣都已經覺得好夠味，一咬，好林好入味！另外一款值得推介的是冬菇，估唔到咁入味！甜甜地又有冬菇味！再配埋舊包裝檸檬茶，真係咩回憶都番晒黎！整體黎講，牛腩是必叫的味精唔叫重，食完冇口渴性價比！

我仲記得好多年前第一次聽呢度食係喺裕民坊搞回鄉證，見近近地喺呢間度食。嗰陣間野好似仲係叫金橋小食，以前我經常係夜晚打完波我都會趕去食車仔麵因為呢間鋪頭唔係開到好夜，後來去到發現佢執咗，上網search返先發現佢原來開咗間新嘅係呢邊。我覺得佢最好食嘅係魷魚同埋嗰個黑色嘅辣醬。我鍾意佢呢單嘢嘅原因係因為佢比車仔麵嘅湯並唔係清湯，有時佢會比啲蘿蔔或者牛腩嘅汁你，令到碗麵同其他地方嘅車仔麵唔同。可惜嘅係以前既煎釀三寶好好食，可惜而家已經冇再賣。

觀塘區不乏食店，但因為舊區重見令到該處經常污煙章氣，每次lunch time及晚飯時間又多人等位。 今天我發現了這間不起眼的車仔麵店，店內裝修簡單，像一般茶餐廳的格局，亦有卡位可以坐。 沒有固定的menu，食客只需舉頭看看牆上的餐單選擇餸菜。全部都是肉類，不過點餐時選擇蔬菜也可以。 看到師傅煮麵的過程，好快手呢！ 牛腩漢堡扒雞翼尖生菜米粉牛腩份量不少，入口雖然不重牛味，但感覺不韌。漢堡扒味道不會太咸，充滿肉感。雞翼尖很軟，好容易吃，咀內滲出滷水的香味。至於生菜，感覺份量少了一點，不過入口都幾爽口。米線入口不鞋身，亦不會黏在一起，吃完好飽肚。 魚蛋牛腩芝士腸蘿蔔米線這碗是朋友點的，感覺比我的更豐富，魚蛋可以選辣的，會令到湯底加了一份香辣感，另外值得一提的是店內有秘製辣醬，顏色頗深色，但不要被嚇到，不算太辣，而且令到湯底更香。以後又有多個平價的選擇。

對於經常出入觀塘的我，在觀塘搵食可謂易如反掌。細有細食，大有大食，大多的餐廳都已經吃過。不過觀塘咁大，總有些角落還未留下腳毛。康寧道一帶稍為遠離觀塘市中心，而且附近都是舊式住宅，平常都不會經過這邊，今次就來到康寧道斜路的一間餐廳。餐廳是經營車仔麵的小店，裝修以車仔麵來說已是非常企理，感覺整潔。抬頭一看已經有齊餐牌，自選麵，自選餸，簡簡單單，車仔麵的模式。魚蛋牛腩芝士腸蘿蔔米線揀了四餸米線，深色車仔麵湯味道濃，還加了餐廳秘製辣醬。秘製辣醬甜甜辣辣，但辣得溫和。魚蛋頗彈牙，蘿蔔牛腩夠腍又入味，還有又脆又爆芝的芝士腸，加上滑口的米線，一碗簡單車仔麵都很豐富。最後，食車仔麵又點少得汽水！

吃得清淡如水，有時侯都想外出晚膳。是夜相約友人到觀塘區小聚片刻，我認為車仔麵是最健康的食物又多款式。觀塘區想找價廉物美的麵食，多不勝食但我卻選擇此店。莫過於有份情義結，從前經常到附近玩耍也經過此地。 不減人氣大排長龍吃麵食是常識吧！長長的牌坊例明一麵二餸24蚊起，我想這個小香港愈來愈少吧！減肥的關係，選擇清湯是必須的。清湯配米粉，你知道應該是瘦食之物。餸方面好老實多不勝數，但我決定選擇魚蛋、豬紅、蘿白、鹵水蛋等，另加多通菜吧！ 首先清湯對我來說，已經覺得津津有味。蘿白浸得尚算入味，魚蛋稍為失色全因發漲了不好吃吧！不過豬紅及鹵水蛋完全合我心意，鹵水蛋入味無比不會太過硬不俗。米粉下加點生菜，頓時減了不少膩度。 吃過後又要喝一杯ZERO可樂開心一下，這是給自己一份獎勵吧！減肥都可以減得開心又快樂，健怡可樂是常識吧！ 與友相聚不需要昂貴食物，只在乎見面便可。來多碗給了我們不少從前的回憶。

好多人都推介呢間車仔麵，放工一於黎試下。今日可能落雨唔係好多人，總算唔使逼住食麵。今次叫左個4餸麵，麵底揀左粗麵，餸包括4粒普通魚蛋,、魷魚、牛腩、2粒魚皮餃，盛惠36元魚蛋: 好味，都算彈牙魷魚: 有少少辣，爽口牛腩: “林林”地幾好味魚皮餃: 6蚊得2粒有少少搵笨，ok好食啦粗麵底: 有啲啲硬身好似碌唔熟咁其實啲餸嘅份量唔多，剛剛好而已，如果大食啲話呢度未必啱你食。價錢ok啦…不過呢度有道好就係食哂成碗之後唔會口渴，即係無咁多味精

小編最愛吃麵食， 而其中車仔麵更是我的心頭好❤️。😂 有次和小妹去開觀塘看電影， 在openrice專欄看到編輯推介， 所以就來試試「來多碗車仔麵」～🍜 聞說「來多碗車仔麵」前身為觀塘宜安街30多年的金僑小食， 價格親民，所以一直深受街坊歡迎， 店舖雖是普通裝修，但勝在乾淨企理。😉 「來多碗車仔麵」中最出名的就是豬大腸、水魷魚、豬紅，當然要試下啦！😏 我還另外點了牛腩呢～ 水魷魚以秘製辣汁拌勻，爽口彈牙，好味道！😋 豬紅滷得入味，入口軟滑不易碎，不錯！ 豬大腸滷水味都算濃郁， 且洗得乾淨，沒有多餘的內臟味，值得一試！👍🏻 牛腩炆得入味，可惜切粒口感較差，份量又少，有點不值呢。😟 食得辣的就一定要加埋秘製辣醬， 甜甜辣辣，都算惹味。😎 整體來說， 「來多碗車仔麵」食物質素屬於中上， 價格親民，兩餸麵$24蚊，四餸麵只是$36， 符合一個人食的低消費原則。 最令人感嘆的是學生餐，一麵三餸， 還附送陽光檸檬茶都只是$28，好抵食～😳 讓人很懷念做學生的時光呢。🙈😂

以前係觀塘讀書既時候lunch成日都食車仔麵，真係好懷念以前既味道。今日放工就同舊同學一齊去重拾下回憶。雖然車仔麵已經加價唔少，但三十幾蚊仲有四個餸既真係買少見少！！傳統車仔麵鋪有既餸佢都有提供，仲可以跟餐加野飲，著校服仲免費送野飲tim！！入到黎首先揀好自己要咩麵同餸，係門口排隊買，然後姐姐就會幫你加埋醬汁，連埋野飲幫你搵位坐。咁我就揀左河粉配雞翼尖、魷魚、滷水蛋同豬腸，加左少少辣醬。因為自己本身好好好鐘意食蛋既關係，平時食車食麵好少見有滷水蛋，所以嗌左黎試下。由佢表面睇都已經覺得佢好味，食落去果然同想像中既一樣，連蛋黃都入晒味，鐘意食蛋既人一定要試下！雞翼尖同蛋一樣，都好入味，好有傳統車仔麵既感覺，份量仲唔少tim！然後到豬腸，雖然明知有d唔健康，但每次食車仔麵都會忍唔住嗌。豬腸真係好肥美，雖然食落有少少邪惡，但絕對係車仔麵不可缺少既餸，而且佢處理得好乾淨，唔會有怪味最後飲埋杯檸檬荼就perfect啦！

早前在觀塘上完堂後, 便到附近的食店覓食, 見到一間叫來多碗車仔麵食店, 好耐無食車仔麵, 心血來潮想食. 由於只是六點左右, 時間尚早, 見不用等位, 便入去食個快餐. 這裡是先排隊選擇嘢食, 付款後, 再送到坐位上. 見到多款不同的餸選擇, 一麵二餸24蚊起, 我選了油麵, 餸選了四款, 包括牛丸, 雞翼, 豬紅和芝士腸. 飲品點了雪碧, 一共44蚊, 算是幾抵食. 對於我來講, 食車仔麵最鍾意配油麵. 油麵麵質軟硬適中. 雞翼有兩隻, 算幾大隻. 雞肉幾嫩滑, 味道再入味一點更好味. 牛丸有兩粒. 入口較平日食的牛丸質感稔身一點, 口感不錯. 已經好耐無食豬紅, 這款餸是車仔麵中不可缺少的配料之一. 豬紅吸收晒湯的精華, 特別好味. 芝士腸. 這個正常, 純粹我自己鍾意食, 所以點了這個. 由於坐近點餸位置, 見到附近的食客有不少也點了魷魚, 這個下次要試下.

幫公司送完野，行黎呢邊食野就搭車返屋企，不過重建好似好多地方唔同左，我都費事再亂行，見呢間車仔麵幾多人，又唔太貴。呢度唔洗剔紙，係響食物檔位排隊揀，姐姐即場執，放湯，再收錢，個感覺好似返返去中學年代。4餸都係36蚊，2餸24蚊，真係好抵。4餸要雞翼，豬紅，辣魚蛋，豆卜配米粉。湯頭顏色較深，飲一啖味道濃郁，但唔咸帶少少辣，買既時候聽到有人要中辣或大辣，應該幾刺激。雞翼滷水過，軟腍入味，肉質夠嫩。豬紅滑溜，質感唔會太散，帶少少甜味。辣魚蛋都算辣，大大粒夠爽彈。豆卜係原粒，所以索左湯都唔會浸腍晒，唔油好味。米粉軟硬度剛好，好爽口。

✿╮❤╭✿ ✿雜感女生 好味日記✿ ˚*•✰。HEY！來多碗車仔麵。✰•*˚ ✿✿舌尖上的觀塘✿✿ ❤餓底飯聚．食勻全世界❤ ❤ 作為一個香港人，怎會沒有試過車仔麵? 車仔麵簡直是香港人最地道的口味！ 車仔麵的特色是容許食客自由選擇麵條、湯汁及配料 記得以前有個朋友對我說過 他的爸爸就是做手推車麵檔的 以前是在深水PO經營，想當年，幾多人排隊幫襯 現在他爸爸老了，不再做了，做白領高層的他也直言怕辛苦 想吃的時候，就是出街找找 在他的推介下，真是推了我入去觀塘食麵！ 真係咁好食？要入去觀塘？！ 走到一家小店，名叫「來多碗車仔麵」 原來仲諗緊，點知愈來愈多人 即時入去搵個位先！ 點了個三餸麵：牛腩原來是鎮店之寶，好稔好入味 魷魚超多人叫，果然爽口彈牙 豬紅就是小時候的味道，滑溜又足味 而且這裡秘製的辣汁，是任加的！ 好多外賣的叔叔都會叫加辣！ 一邊食辣麵再一邊配凍檸茶的感覺，真爽呀！ 平民中的滋味其實最有自由的風格 每間小店都有自己特色的調味 而且車仔餸選擇多，要咩有咩自己揀 抵食親民的選擇，那份親切感，就是香港人的風格！ 難怪有唔少司機叔叔，唔要堂食，叫外賣拎走！ 車仔麵

遠離大商場，在觀塘遊走會發現近街市那邊有挺多平民小食，車仔麵的店舖更是尤其的多，可能是因為官塘區的學生比較多的原因吧。 猶記得以前用學生價食的車仔麵特別便宜，喜歡同時可以拼多個餸，頓時覺得整個下午變得十分滿足。近日收工約了朋友在這間近康寧球場的車仔麵開餐，讓我們都情不自禁談起中學時期的回憶。先排隊揀餸再付錢，店中的姐姐會幫忙將麵和飲料遞到桌上。 麵底有幼/粗麵、油麵、河粉、米粉、米線和公仔麵等等。最多五餸一麵，另加配需每樣餸加錢。湯頭用豬骨湯，飲落夠濃郁，嗜辣朋友可以試店中祕製辣醬，不夠喉還可以加辣呢！辣魚蛋香噴噴，祕製辣汁好惹味。雞翼肉質好滑嫩，醃得好入味。魷魚鬚大條，爽口彈牙。與朋友聚起來聊天，即使食材簡單美味，如紅腸、魚皮餃、芝士腸，配幼麵又是滿足的一餐，可謂知足常樂。朋友近日喉嚨痛，還是食得清淡一點，將辣都遠而敬之，下次再辣！車仔麵配汽水需要另加錢，而我則喜歡手製凍檸茶，甜度適中，裡面加入三塊超厚檸檬片，酸酸甜甜般，解渴消辣的必備佳品。

看過揾食食評，路過此地，一於試吓我的至愛車仔麵，快、靚、正。一麵三餸，盛為30元。店鋪設有裝修，坐得舒服，更有冷氣，不需汗流夾背，麵餸不過不失，豬皮夠乾淨，出名的魷魚並不特別，以這個價錢算合理，略奄湯太咸，一吃已感口渴。

早幾日已經想去食，難得今晚有飯腳，即刻話要去食呢間車仔麵！最吸引我係佢個辣醬，味道辣中有帶少少甜，總知就好味（但友人唔食得辣叫左少少辣都覺得好辣）兩餸一麵$24 超抵食今次揀左豬紅同豬腸豬紅夠入味豬腸又唔肥

食開3餸30個大洋，連豬大腸，牛腩都唔洗加錢，最鐘意係佢個辣，不過如果可以調較一下再香少少會更好，環境就普普通通無咩特別，有幾張卡位檯，食飯時間就一定要搭檯，附近有幾間學校，特別多學生哥幫襯，想要食得比較化算更係選牛腩，豬大腸，魷魚，單點係會比較貴，位置我覺得有少少不方便，地鐵站去要10分鐘左右，仲要上條斜路，地方又不大，有時排隊要排到出去斜路，隔離就係馬路，未食麵先食塵，如果可以用紙點會比較好，叫完餸會有人幫你送去你個位，比較貼心服務。