來多碗車仔麵 (康寧道) (Moved) New Location

對上一次食來多碗車仔麵已經是半年前，一直好想再來多碗，正好到觀塘辦事，所以決定再去一次。車仔麵的靈魂在於車仔餸，每一樣餸料絕對要花點時間洗淨和調味，很花時間。來多碗車仔麵的車仔餸絕不馬虎，尤其推介魷魚、豬紅和蘿蔔。我叫了一碗一麵四餸，加杯凍奶茶。一麵四餸 $36 每一次吃車仔餸面我都會點粗麵，喜歡粗麵的口感彈牙。每次嚟都會叫豬紅，呢度既豬紅唔會有怪味，口感一流，彈牙而不易碎。魷魚以秘製辣汁拌勻，滷水蘿蔔非常入味，完全沒有渣。喜歡吃辣的人千萬不要錯過他們的辣椒醬，辣醬以湖南辣椒、糖等調校，甜甜辣辣的。我比較喜歡喝奶味重的奶茶，呢度嘅奶茶奶味重之餘又唔會冇茶味，好過飲可樂。估唔到咁耐仲可以keep住水準，下次再來多碗！

公司附近去年開了間「來多碗車仔麵」，一看其像麵醬般的辣醬，嚐過其水魷及豬大腸的味道，便知是以往觀塘名店「金僑」的班底弄的。就是呢三樣野可謂冠絕觀塘，佢既辣醬看似平平無奇，黑沉沉的一舊，但愈吃愈有辣勁，是化腐朽為神奇之物也。至於此店的水魷爽而有咬口，豬大腸肥瘦適中兼鹵得入味，今天貪心點加埋魚蛋、豬皮及青菜，再配一點米粉，便是平民一頓盛宴了。相對以往的「金僑」，此店比較光猛乾淨，難怪它近日已成為我的食堂了。

係觀塘做完gym,順便行去大孖買兩支豉油！買完經過來多碗！見佢話係之前金橋車仔麵班底！其實我唔係觀塘友，所以唔太清楚金橋好唔好食！不過見幾乾淨企理又幾多人食就試下啦！點左雞翼，魷魚，牛腩油麵加辣汁！牛腩都幾淋同入味！ 雞翼鹵完都幾嫩不過好似未太入味！魷魚個汁都唔錯小小辣！不過水魷可能唔太索汁！所以一淋d湯落去！d汁都沖走哂！個湯本身就一般啦！加埋辣汁就好味D！價錢都唔係好貴！3餸都係30蚊左右！如果再經過都會幫襯！

好耐之前食過呢度嘅車仔麵，一直都好念念不忘。之前舊舖搬咗，一直都唔知搬咗去邊， 直到今日路過先見到，梗係即刻入去食啦。上晝11點幾左右，可能未到午飯時間，鋪面唔多人，一入去就有位坐。價錢亦都好實惠，叫咗個三餸麵， 價值＄30，份量啱啱好。叫咗魚蛋冬菇同埋魷魚加油面，重點係加辣！佢個辣汁真係不得不提，溝埋落個湯到好惹味！魷魚亦都係必選之一， 食落非常爽口，我每次都會嗌！不過如果佢個湯可以落多啲就好啦，我每次都會飲晒

到觀塘工作過後，又到了晚飯時間，記得開飯網正好推出了［一個人開飯］一個人觀塘食乜好？的專輯，專輯內有推介了5間小店，最後還是選了之前也有吃過的「來多碗」車仔麵。除了因為經已知道餐廳的確實所在地，不用再花時間尋覓其他餐廳的位置外，價廉物美亦是另一個考慮元素 而且以車仔麵店來說，「來多碗」的店內裝修的確較為優勝，除了清潔度尚算不錯外，更設有數個卡座，即使是速食還是想舒適地慢慢品嚐，同樣適合 價錢方面，跟以往一樣，沒有太多變化，一麵兩餸$24、三餸$30、四餸$36。而學生優惠就有$27的一麵三餸套餐，還會多送一盒檸檬茶 而配料方面就有魷魚、豬腸、牛腩、豬皮、豬紅、蘿蔔、豆卜、冬菇、雞翼尖、鳳爪、牛丸、魚蛋、腸仔、芝士腸、餐肉、豆、魚皮餃、漢堡扒及鹵水蛋等⋯ 一麵四餸 $36 ［分數：8/10］ 在多款配料之中，最後決定貪心一點，來個四餸米粉。而四款配料分別點是豬腸、牛腩、雞中翼及魷魚，配料份量蠻多的，當中以招牌魷魚的份量最多。湯底由於加入了腩汁，所以顏色變成深啡色，然而湯底的咸度適中，米粉吸收了腩汁湯底後，令味道變得更加香濃好吃 魷魚 淨餸$12 ［分數：8/10］ 辣魷魚是這裡的招牌菜，

開會開咁鬼夜緊係搵間就腳嘅好野食下野醫肚喇，係附近搵左下，最終決定都係去呢間最近嘅餐廳，地方雖然唔算太大，但員工就夠晒勤快，落單後肯定好快有得食，唔會有咩問題 一入到舖頭，見到食物嘅種類都算多，所有野食真係超級香噴噴架。 之後我就即刻係櫃面自行配搭自己嘅車仔麵，我就簡左油麵、牛腩、魷魚，鹵蛋呢啲都係我食車仔麵比較鐘意嘅配搭，因為咁樣最飽肚。 豬紅，唔會太鬆散，可以一下夾得起，而且味道都算入味，唔會太淡。 鹵蛋，呢個係精華所在，因為佢吸收左湯汁嘅精華，夾起身果下，非常輕鬆，味道又唔會太咸魷魚，魷魚係餐廳嘅賣點，雖然唔算太大條，但夠晒口感，而且餐廳整到味道又唔會太咸架。。 牛腩，入口好香濃夠晒口感，而且仲唔算太肥，而且味道因為湯汁所以都幾惹味架呢度近公司，對我黎都算就腳，有機會再試下其他先得

To me, local food is the only way to represent that place and 車仔麵 cart noodle is definitely one of the most underrated traditional Hong Kong food to enjoy. Kwun Tong is all about cheap eat but it doesn't mean that quality has to be low at the same time because this cart noodle shop is actually quite famous for their good taste so that you can actually see that the shop is always quite packed any at time of the day. The price is very economic from $24 for 2 toppings, $30 for 3 toppings, and $36 f

同男朋友係觀塘行街買衫， 行到中午有點攰想食下野。 突然我醒起有朋友提過呢度有間老字號既車仔麵店幾唔錯， 所以決定去試下。 一入到店，就見到各種不同類別既「車仔餸」， 其中有我鐘意食既雞翼，唔好講咁多，即刻叫個麵黎試下先。 呢度係要比錢排隊買左車仔麵先入去入邊食。話咁快，碗麵就搞掂左！ 今次叫左個油麵食，餸就有魷魚、蘿蔔、雞翼同牛腩。 d餸都幾入味，睇得出師傅有比過心機整呢d餸，我最鐘意佢既蘿蔔，真係入哂味、好甜。 油麵都ok，幾彈牙！ 奶茶 最後梗係要整多杯奶茶啦，一飲之下有驚喜， 個人覺得奶同茶既比例岩岩好， 唔會太多奶覆蓋左茶既味道，比起茶餐廳過之而無不及。總體黎講，野食係幾唔錯，特別鐘愛佢杯奶茶， 下次經過觀塘會再黎試！

今日同朋友經過觀塘要做casting發現原來附近有一間車仔麵！好耐冇食過車仔麵啦！入到去地方都幾寬敞，唔似一般嘅車仔麵檔咁狹窄食得好唔舒服。見到廚房裏面有兩個女人，不停煮緊一啲餸菜出嚟，熱辣辣好多煙。而且前面有10幾道餸可以選擇，我已經即刻流晒口水@@知道呢度最出名嘅係玻璃魷魚，啱晒鍾意食辣嘅我，所以我就毫不猶豫，叫左呢一個餸啦。佢嘅豬紅睇落都幾唔錯，我都叫埋黎食！真係覺得同其他店好唔同，因為佢非常之入味。個麵好快就到左，不過我真係好鍾意食辣，最後都加左去枱面嘅辣椒醬。原來佢嘅產地係桂林，呢隻桂林辣椒醬料好香口，食完之後又唔會話好口渴。除咗玻璃魷魚和豬紅，我仲叫咗墨魚丸，都好彈牙，又唔痴牙，口感一流。而其他餸菜，包括雞翼豬大腸嗰啲，全部都已加工入味，味道調得唔錯。豬大腸最緊要就係清理得夠乾淨又爽口^^離開呢間店嘅時候，仲覺得啱啱碗麵係個口到，啲味道未減去！好long lasting ！而且4餸都係30幾蚊，經濟又實惠=]

成日中午經過都見到大排長龍就知來多碗來頭不小，今日夜晚經過就買個外賣翻屋企叫左魷魚豬紅蘿白豬大腸河粉小辣，辣醬果然係呢度招牌又香又惹味，食得辣既最後就一啖加少少咁，真係食唔停口。佢個湯係腩汁夠濃味，但食到最後可能會覺得有啲鹹，河粉比較幼身易斷，食到又啲痴埋曬一舊咁係比較可惜既地方，但佢個粉同料份量唔少都算大方豬紅食落有啲散唔夠滑，蘿蔔夠淋夠甜夠入味，推薦豬大腸處理得乾淨冇異味，但有點太肥，如果可以去少許入面既肥膏會好啲魷魚係呢度招牌，個個都讚好，係鋪頭見到好大盤水魷用秘制醬醃到深色，想必非常入味，但始終係水魷難似蘿白般入味，落左湯之後就洗走左啲味，不過如果有幸佢比魷魚頭你就特別入味，不過一啖湯一啖魷魚始終係無得輸

黎開呢頭探朋友，朋友帶左我黎食車仔麵入到去有大大個餐牌響度，仲有好大個開放式廚房，啲野食仼你揀。一入去就可以講低食啲咩，然後坐低一兩分鐘就有得食。超快就有得食，肚餓嘅時候去岩哂！叫左豆卜 豬腸 漢堡扒 芝士腸 米粉，湯底要辣嘅匙羹上面嗰啲係辣醬嚟嘅，可以撈勻佢黎食又得就咁點都得。我將佢哋撈勻左佢地嚟食個湯底即時已經深色左。食落唔係好辣，但就等撈勻左都仲飲倒湯底好清甜嘅蘿蔔味。最岩就係攞啲豆卜吸哂啲湯佢。塊漢堡扒咬落林林地冇平時響百佳果啲咁實肉，個口感好唔同好特別。佢食落冇果啲咁鹹，感覺上冇咁濟。個豬腸真係唔係講笑，真係幾好食！條豬腸超級肥，咬咬落好煙韌而且中間仲好林好多肥肉好好味。食落仲有好入味嘅鹵水味！呢個係冬菇 牛丸 芝士腸 魚皮餃 清湯湯底。啲冬菇煮到超能咬落去好多汁，個味好出。啲芝士腸入面超多芝士，好在冇煮到超熱，如果唔係實燙親嘴。啲牛丸超大粒，一啲都唔硬，咬落林林地，冇牛筋，絕對唔會痴牙。啲食物真係上得好快而且又唔差，36蚊4餸真係好扺，已經好耐冇見過又扺又有質素嘅車仔麵！

觀塘區其實唔難搵野食，不過行過見到呢間車仔麵就試下啦係門口位已經有得揀送、麵、湯汁，選擇都算幾多價錢都適中，平均30幾蚊一碗我叫左魷魚，蛋、豬紅、菇，油麵麵質唔錯，唔會好林，剛剛好食車仔麵又點少得豬紅，份量都幾多，有四五舊我覺得個蛋如果係原隻上會好d，個人麻麻地切開左，然後蛋黃甩左落個湯度我最滿意魷魚，口感爽彈湯底味道都幾濃郁，我覺得唔錯。而且車仔麵份量都好大，一定夠飽！整體都不錯，還有飲品，又食到港式車仔麵風味

比較貴既車仔麵，睇食評寫得幾好，經過諗住就去試下，一試，唔會嘩一聲，無咩特別驚喜，，但唔難食既，叫左個4餸幼麵，豬腸，牛腩，羅白，尤魚 ，1豬腸勁肥又5多，羅白ok既，尤魚正常，最後諗唔到問佢有咩好食，店主推介牛腩，但我覺得最差就係個牛腩，另外食物選擇少 4餸加可樂43蚊 係我食過比較貴既車仔麵，同價錢唔成正比，食過一次完，我成日食黃大仙果間x記先35蚊連可樂，款式多，價錢合理，下午茶必食之選，所以最後總結，1次性>完啦

又回到觀塘，當然要再來吃地道的「來多碗車仔麵」了工作完成過來，剛好8點多晚飯的人潮已散去不少可以安安靜靜地慢慢品嚐吃車仔麵也要吃豪點一麵四餸也不過才$36，超值又飽肚這次選了粗麵，貪其粗身有咬口又能吃到麵本身的香味粗麵只是略微燙熟再浸在湯汁裡吸引味道吃到完時麵質仍很爽口蘿蔔絕對是必試之選清甜的蘿蔔用湯汁煮過更加惹味咬下多汁甜美而且完全無渣喜歡車仔麵湯汁的也要試試冬菇冬菇吸盡了湯汁的味道一咬下就爆汁但仍保有冬菇本身的香味辣魚蛋雖然細細粒但咖喱的辣味很突出比街邊的咖喱魚蛋有過之而無不及吃完簡直想另外叫多一串雞翼尖卥得很入味而且一咬下就骨肉分離令人欲擺不能凍奶茶口感細滑茶味與奶味互相融合絕對是正宗茶餐廳的級數

我對車仔麵情有獨鐘，每星期總會食一次，所以車仔麵我真係食過好多間，呢間令我為佢打篇食評，係我覺得佢好味得黎，食完仲要唔口渴實在值得推介（個人覺得食完唔口渴即係味精唔多）我同老公過左lunch time去，人流唔算多，但朋友lunch去過，話真係好多人要排曬隊先食到，所以店內都有標籤提醒客人要先排隊。車仔麵好多款式選擇，而且店內環境都好乾淨衛生。我地叫左2碗麵，價錢合理，我地點左4餸麵$36。另加$8多杯飲品主角來了，我地每人都叫左碗四餸車仔麵，包括鳯爪（好淋有口感）、雞亦（大大隻夠多肉）、白蘿蔔（超級入味，好甜好好味）咖哩魷魚（辣辣地好惹味，口感夠煙靭而且份量唔少）配米線一齊食，米線唔會太淋，質感剛剛好，湯底係夠曬濃郁。老公就叫左米粉配咖哩魚類（好辣，夠彈牙）、豬紅（好入味，好滑）、雞亦（一樣好味）、牛腩（好淋，重牛味，一d都唔靭，口感非常之好）我同老公食曬成碗後，我地2個都無好口喝感覺，證明味精少，但味道依然好好加上夠曬足料，特登坐車去食都覺得係值得既。