傅師傅甜品小食

Open Now

Now Closed

黎過好多次傅師傅, 因為近屋企, 實在太方便. 雖然宜家大圍多左好多甜品店, 但一講到食心太軟, 一定要黎傅師傅!!! 等左5-10mins左右, 熱辣辣既心太軟就有得食啦. 呢個心太軟有好香濃既朱古力, 中間既朱古力醬不會太甜, 少少苦, 正呀!!! 加上雲呢拿雪糕球, 絕配呀!!!第一次試朱古力味梳乎厘, 本人覺得太甜啦, , 雖然都幾大個, 但係好似食左陣風落肚就冇啦

是晚晚飯完畢, 朋友提議回去前到大圍吃甜品, 反正都是駕車, 附近都可以'偷雞'停車一會, 便重臨傅師傅 雖然以往平平無奇, 畢竟距離上次光顧已有一年時間, 姑且再一試吧, 果然進步了呢!看見字面, 很特別的配撘, 吃下不知會怎樣, 即管試試! 結果不奇怪, 雙皮奶不會太搶, 芒果又不會太搶, 兩者的平衡不錯, 很滑的雙皮奶, 又夠味道而不會太甜或酸的芒果, 讚呢!很潤的龍眼燉雪梨, 不太甜, 很足料, 不妨一試!酥皮層很薄很脆, 當中的水果配撘不錯, 忌廉份量剛好, 整個甜品不會令人太飽, 又不算太甜, 不錯的口感!

阿傅師傅附近開左五代同發記, 都有啲擔心阿師傅會唔會支持唔住.不過好彩琴日去都有好多人, 我地都要等左一陣.話哂果啲連鎖店去到邊都有得食啦, 黎大圍, 梗係要食傅師傅!!! 係咪咁話呀? 師傅!我朋友叫左繽紛世界, 我就叫咗個佢地打左粒星既焦糖燉蛋.雖則我個蛋打左粒星, 但其實冇想像中咁好食, 對於我來說都幾甜, 所以對此冇乜野好講.反而係呢個個名娘到爆既繽紛世界俾我一個驚喜!!佢一捧來果刻我已經好驚訝: 嘩!! 好大碗呀!!上面配上五顏六色, 七彩繽紛既生果, 下面仲有一層安靜而內斂, 含蓄而踏實既大菜糕默默守護著上面呢啲頑皮既生果.生果非常清甜, 大菜糕則清淡而有口感, 兩者配搭得天衣無逢, 絕對稱得上係俾咩係繽紛世界一個全新既定義!!呢個咁有層次同內涵既繽紛世界, 只售廿蚊!!!! 廿蚊咋!!!!謝謝你, 繽紛世界, 讓我有一個繽紛的晚上.

有朋友住係大圍...咁今日放學無野做就去左食炸雪糕了!!!因為我住係青衣...青衣無呢D野食~~所以炸雪糕完全地對我黎講係新奇又有趣...HAHHAHAHA個老細又識搞下GAG咁..服務都幾OK!叫左炸雪糕!下午茶餐仲有野飲送~~32$朋友叫左心太軟...30$!有3種雪糕味...個人認為朱古力味最好食!溶溶地既雪糕加埋熱啦啦既炸皮....好好食個人認為心太軟不過不失..算係OK...唔係太甜!好普通的心太軟@@"

岩岩食完雞煲過黎食甜品"一坐落台都幾好招呼"我地叫左四樣野"其中2樣係炸雪糕同心太軟炸雪糕口感其實真係唔錯"如果個皮可以薄番d就very good喇"心太軟比起之前食評有所改善"真係熱辣辣"d朱古力漿真係流出黎"唔錯"唯獨要改善既係個toilet"友人去男廁番黎同我地講d水滿到拉廁會流番d水出黎"真係dirty"下次會再黎食過"但希望會改善下個廁所啦"

次次都叫: 脆皮焗香蕉真係唔錯 ! 水準之作 !不過老細要留意舖面既衛生情況 ....就算晚上所見, 都好多人幫襯, 呢面舖面滿座, 老細開埋隔離....蜜瓜西米露 都唔錯 !!!

星期日晚上，老公要給我拿點東西，為了令旅程更有意義，順道到大圍吃飯後甜品。臨行之前，他說比較想吃中式糖水，但我又想吃西式甜點，結果在網上找到這間中西合壁的傅師傅，由我拍板，就啟程了。大圍內街食肆林立，而且很多食店（尤其是小菜館）都設有露天座位，因此內街依然熱鬧非常。傅師傅就是這類食店之一，露天位雅座比較有風味，多數客人都選擇坐在戶外。正當我們思量應點什麼甜品其間，同一店員２次問我們想好了沒有，令人頗有壓迫感。研究了餐牌一會，決定要一中一西分享；老公決定要法式香蕉班戟配雪糕，中式的話本來想點西米露，可是找來找去也不見椰汁西米露，只有一系列生果西米露。最後點了楊枝甘露，想它該有椰汁吧。就在等食期間，用手機上FACEBOOK。自從出了打卡功能後，朋友們都在分享自己的位置。此時按一按地標，赫然發現人人都說自己在什麼什麼甜品屋，原來週日這個時候很多人都在吃甜品！幾分鐘後，先送來了楊枝甘露($24)。楊枝甘露的色澤很黃；攪拌一下，就發現它一點也不杰；再吃一口，就確定它完全沒有椰汁成份了！只有表面的少量奶狀物，但也不足以取代椰汁香。沒有椰奶，質感自然不幼滑。西米份量偏少，令本身已經不杰身的楊枝甘露更

撞巧要落 大圍, 知道佢地果度好多好野食, 於是上 OPENRICE 搵定資料費時入錯黑店麻 !發記太多分店變得唔吸引 !搵到呢間傅師傅, 一試難忘...很難想像一間細舖仔點解會做得咁出色 !!???由於本人對朱古力麻麻, 所以冇緣試佢地既 " 心太軟"火焰雪山都冇點到 ~點左另一招牌 " 脆皮焗香蕉" $32雖然貴左少少, 不過我覺得超好食 ! 佢脆得黎個皮有蛋味 ! 好似食緊薯片咁 !!!唔知點解叫呢個有得送豆腐花, 老公食左, 重豆味呢 ~ 芒果布甸 $15 一樣出色 !有兩枱係舖外佢地仲有BIRTHDAY CAKE 訂... 真係好想試, 不過我又唔係住呢區. 應很難有機會吧 !!!

食完新斗記，快D嚟個甜品，嚟到大圍，朋友話傅師傅D甜品好食，緊係要試吓啦。個人最愛芋頭西米焗布甸，推薦大家。至於朋友們都讚焗酥皮香蕉好食。皮薄餡靚。心太軟呢個價錢有呢個水準，讚！炸雞翼好香，配西瓜好得意。燒賣同釣魚蛋一般。

今閱同男友喺大圍食完dinner,突然想起好耐都冇黎傅師傅食甜品la,因為之前聽過好多朋友講過話傅師傅個5星級廚師冇做,換咗另一個廚師,d甜品冇咁好味,所以一路都提唔起興趣黎,但今晚突然心血來潮想黎呢度食。一如以往,我order了心太軟都保持到水準ar!! 唔係朋友講都咁差丫!!男友order咗個涼粉系列,都話ok好食,好野!! 以後又多番個甜品店選擇!!

今日同男朋友入沙田 佢帶我去呢間甜品店 如果唔係佢帶路...我唸真係唔知呢度有間甜品店..!! 都幾入下!!我地叫左個心太軟 + 麵包布甸 $ 30睇佢介紹佢係做開5星級hotel既甜品師傅心太軟 - 味道not bad 不過一般 因為個心流得好快 ($ 30 有埋麵包布甸好抵!!)麵包布甸 - 好重牛油味!! 好好食!! 不過同hotel平時食個d唔同 但我更愛呢個因為真係好好好香 不過都幾油 可能落得多牛油啦

（經修改版本）老闆端上數款甜點，西瓜西米露、芒果布丁、芒果涼粉、凍朱古力疏乎里、心太軟。西瓜椰汁西米露，西米露不算難吃，幸好西瓜鮮甜；芒果布丁，芒果而上，混有花奶，布丁中含有果肉，相信要改良較粗糙的質感，芒果配合時令，鮮甜豐汁；芒果涼粉，混合少許花奶，及格。凍朱古力疏乎里，另類款式，屬挑戰食客的一環， 其貌不揚，因雪藏而質料是頗硬身，甜度是頗甜而沒有朱古力味道，故眾人吃得如「許願」似的；而心太軟，熱烘烘的成品，朱古力漿較少，內餡味道調得合適，還算合格。倘若下次再臨，嚐試一下傳統甜點後才作最終判決。

本來同老人~ 去swim...點知無開 勁無奈.....行左去大圍食完坤記~食糖水~去左傅師傅好耐無來~ 唔知水準點~叫左下午茶 (心太軟+ 牛油麵包布甸) << 勁好食~心太軟真係有hotel水準個布甸同平時hotel食唔同~ 但好好食too同埋叫左個 1x 西瓜明珠大菜糕 <<唔掂 = = 好一般埋單~ $ 60 左右

因之前在「心飴」吃了又貴又不好吃的甜品......一直想吃好吃又不貴的甜品作補償，於是便到了大圍的傅師傅~~~聽說老闆以前是在有名的酒店作總廚，所以做甜品很有一手~~~晚餐只吃了些腸粉便吃甜品了~~~一到達便點了兩個招牌甜品~~~鮮果千層酥生果很多，亦很甜~~~不過每次吃也覺得如果酥皮能夠厚一點就好了~~~因為酥皮太薄，生果很厚，吃起來酥皮的感覺不夠~~~吉士醬味道很好~~~不會太甜~~~不過用「硬膠碟」........有點奇怪........心太軟再次吃心太軟......切開前心情很緊張.......會不會像「心飴」那麼不濟呢~~~順帶一提.....心太軟亦是用「硬膠碟」........= ="""切開一看，雖然朱古力醬不算流得很澎湃~但亦是很液體的流出來~~~最少比「心飴」好多了~~~又熱又軟的心太軟配上凍冰冰的雪糕~~~太滿足了~~~朱古力醬亦不會太甜~~~不過焗的時間還可以短一點點，讓朱古力醬流得更澎湃~楊枝甘露雪糕芒果布甸吃完之前的甜品~~~感覺肚子還有一點位置~~~結果再加點了另一個甜品......名字已把這甜品的內容都說出來了~~~芒果布甸很滑，質感也很夠~~~不過這楊枝

朱古力梳乎厘($32):個梳乎厘好大個，食落好滑、好軟。而且d朱古力味都幾夠，加埋入面既朱古力醬食就Very gd喇!馬來亞喳咋(是日甜品):好夠甜，入面既豆好多，好味!!