劉興記生煎包專門店

Open Now

Now Closed

荃灣沙咀道好多小店，價錢又平又好食，平時經過呢間生煎包，成日都排長龍，今日有機會入去試吓，食完就明點解成日咁多人蟹黃生煎包餐廳有個牌寫住，「生煎包如果唔留汁，會退錢」，可以做到咁，品質一定有保證，一咬開生煎包，啲蟹王汁流晒出嚟，好好味！而且外皮煎得好脆，果然係鎮店之寶，我見到每一台嘅人都都有叫呢一個生煎包，非常推介上海排骨菜飯個排骨都煎得好鬆脆，好香酥味，好好味，如果菜飯都唔會太油，飯既質感好好👍🏼👍🏼

必食爆汁生煎包❤️生煎包唔夠熱仲可以換2款生煎包都有叫🤩招牌生煎包&蟹黃生煎包 果然係必食😏，熱辣辣，爆汁勁juicy，包底仲煎得香脆，口感好豐富，真係超級好食🤤招牌上海排骨菜飯 生炸雞扒 另外估唔到佢嘅炸物都咁厲害，外皮炸得勁酥脆，排骨同雞扒肉身都勁多汁，有啲驚喜招牌擔擔麵，湯頭都幾濃郁，肉碎都好好食，麵質夠軟，好入味荃灣分店仲有得豆漿任飲，無限添加職員會好主動咁間中行幾轉，幫手加豆漿👍🏻👍🏻

劉興記專做上海小食，環境簡單但人情味十足，價錢親民。麻醬手撕雞絲粉皮粉皮夠薄夠滑，每一條都吸滿咗濃濃嘅芝麻醬香，入口又香又順滑。手撕雞絲嫩滑又帶少少鹹味，配埋爽口嘅青瓜絲，整體口感清新又唔膩！排骨蔥油拌麵必試之選！蔥油醬拌勻之後鹹香味十足！排骨份量多，肉質鮮嫩又唔會乾，仲帶有少少焦香，有驚喜。蟹黃生煎包絕對係係一大亮點，蟹黃嘅鮮味同肉汁混合喺一齊，一咬落去有滿滿嘅肉汁湧出嚟，真係一試難忘！原味上海小籠包小籠包皮夠薄，包住滿滿嘅豬肉餡同鮮甜嘅湯汁，一咬就感受到湯汁爆出嚟嘅快感。原味生煎包底部煎到金黃香脆，肉餡鮮嫩而且調味適中。涷豆漿豆味濃郁又唔會太甜，冰凍嘅口感非常解渴。

又來到荃灣的飯堂，這裏人來人往的常常要等候位置，還好這還上菜快，客人每位都吃得快，不用等太久麻將青瓜雞絲粉皮青瓜的爽脆搭配雞絲，色澤清新，粉皮更增添了口感的層次感，味道清淡但保持了食材的原汁原味，不錯糖醋炸排骨湯面湯面香氣撲鼻，糖醋炸排骨外酥內嫩，甜酸的口感令人回味無窮，醬料濃郁，搭配筋道的麵條，互相輝映。招牌生煎包必點的生煎包皮薄餡多，底部金黃酥脆，記得小口咬開，防止湯汁四溢，豬肉餡鮮美，口感極佳。蟹黃生煎包蟹黃生煎包是海鮮愛好者的夢幻之選。包子內的蟹黃鮮甜，與豬肉餡出奇的夾，同樣每一口都小小的咬，吸吮濃濃的海鮮湯汁很是滿足。雞絲酸辣湯這道酸辣湯酸味適中，雞絲鮮嫩，搭配香菇絲等食材，讓湯的層次感更加豐富，若可以選擇醋量更會完美。手功豆沙窩餅這款窩餅外皮酥脆，內餡豆沙細膩香甜，甜而不膩，是一款極好的飯後甜點。上海菜品一直是最合我心的，每月總要過來吃上一次才滿足呢全是現場包的

呢間上海嘢好勁，中午12點已經排晒長龍！不過啲人都走得快，等咗十分鐘左右就有位。價錢非常合理，有套餐嗌，仲有豆漿送，唔怪得知咁受歡迎。招牌生煎包（$20）一定要嗌，係鎮店之寶！一咬落去，啲肉汁爆曬出嚟，非常之juicy。蟹粉小籠包（$80）有好香嘅鮮味，同埋真材實料，蟹肉好多，呢個都大推！雞排蔥油拌麵（$42）麵條有驚喜，粗身偏好彈牙，好味～雞排份量唔少，性價比好高。招牌擔擔麵（$42）呢個都ok，我覺得如果再辣啲會惹味啲😆 不過呢個價錢就已經好高質了。

突然好想食生煎包，於是就搵咗呢一間諗住試吓一去到門口就已經見到好多人排隊不過都好快就可以入去見到幾乎每一台都叫咗個排骨，所以都叫咗個小食嚟試吓#秘製上海炸排骨其實都唔可以話佢係一舊排骨，佢係完全冇骨，而且啖啖肉，真係超級正，就算唔點排骨汁都好好味而且佢嘅炸粉係好薄，唔會食到成口粉而一場嚟到又點可以唔試吓佢嘅招牌生煎包呢，本身都仲糾結緊叫邊一款，最後諗諗吓都係兩樣叫晒見到周圍都貼住小心爆汁嘅字句，姨姨拎過嚟嘅時候又會提小心熱，仲諗有冇咁誇張呀，點知一咬落去成啖汁飛咗出嚟，果然有一啲提示唔會無啦啦整出嚟🤣🤣🤣而無論招牌生煎包定係蟹黃生煎包都有好強勁嘅爆汁效果，當中蟹和生煎包真係一咬落去就睇到一粒粒蟹黃喺入面，絕無花假除咗呢啲小食之外，仲叫咗個麻醬青瓜雞絲粉皮，食落口好濃嘅花生醬味，伴隨着大量青瓜，可以中和返個口味，成碗粉皮配搭得好好，而且呢一度有個好貼心嘅安排，如果你覺得唔夠麻醬可以叫姨姨幫手加，基本上其他舖頭都唔見有呢一個安排，所以呢間舖有咁多人食咁多人排隊絕對有佢嘅道理

呢晚入荃灣搵朋友食飯，行左去荃灣街市附近，呢間生煎包有好多分店，如果叫套餐就可以無限添飲，所以就叫左套餐！蟹粉生煎包蟹粉生煎包應該係即叫即煎，每一個包皮底都煎到金黃，其實就好似硬身嘅小籠包，咬開都係爆汁，蟹黃都係金黃色。陣蟹粉味好鮮，會上癮。蟹皇小籠包(4隻)招牌貨！小籠包D皮簿到見到D餡同埋湯汁，咬左個頭已經見到金黃色湯汁同埋蟹膏，之後一啖食落去更加爆汁，好邪惡！炸雞扒乾蔥撈麵炸雞扒有好多塊，件件都仲有肉汁，炸得啱啱好。乾蔥撈麵非常香口，可能我比較重口味，如果可以鹹D就無得輸。豆沙鍋餅鍋餅本身好薄身，中間D紅豆餡唔好甜，所以食落口好舒服。

Lunch time去到唔駛排隊,叫左2個set,麻醬手撕雞絲粉皮配爆汁生煎包，另一個係炸豬扒爆汁生煎包配菜飯。豆腐係無限refill, 個味道似係自家製,值得讚係個姐姐會不停refill,係唔駛叫佢架。麻醬手撕雞絲粉皮,睇落份量好似好細, 但係食完會好飽,粉皮同青瓜係好爽口。爆汁生煎包,舖頭寫明唔熱或者唔爆汁係可以即刻換過! 生煎包煎得係脆口,真係爆汁,喺舖頭見到佢新鮮製造,100分!!!炸豬扒有驚喜,豬扒係Juicy,唔會乾爭爭,炸皮亦都唔會厚, 值得一試!

今日中午去食，排左大概15分鐘~店內座位唔多，滿場時要搭枱，但贏在夠乾淨，每位店員亦好nice🥹今時今日好難得遇到好食又好態度既小店了‼️🩷-💕 招牌生煎包 $20/2隻👅好味指數：9/10果然好爆汁💦即叫即煎❗️包底超香脆，食完唔會成口油❗️豬肉內餡超足料又唔肥，湯汁都好鮮甜，包皮厚薄適中，唔會過厚，係正既！-💕 蟹皇伴麵 $150👅好味指數：9/10超足料份量多！蟹皇夠伴哂成個麵有突😂，蟹膏蟹油味道濃郁又夠香，上海麵好彈牙唔易碎同腍👍🏻又好入味🥰份量多，2人1碗剛好！-💕 豆漿 Free❗️👅好味指數：9/10免費仼添豆漿❗️無糖解膩🥰店員會自動自覺睇有冇客人需要添加，值得一讚🥰👍🏻-環境：9/10服務：9/10整體味道：9/10回頭率：9/10

呢間開係排晒隊糯米糍的民豐旁邊的生煎包人氣小店，主打上海美食，有生煎包、菜飯、酸辣湯等等，每款都好抵食。點咗🥟兩隻招牌生煎包$20，煎到外脆內軟，咬開入面真係超多湯汁。🍜上海排骨湯麵$42新鮮即點即炸，炸到金黃酥脆之外，而且係薄切成一條條，賣相好似炸豬扒咁，食落好酥脆，份量都幾多。湯麵口感偏軟，仲有條菜喺度。🌶️雞絲酸辣湯$30呢個係我最喜愛嘅菜式之一，每次都會點！味道唔會太辣，重點係好足料又大碗，有好多冬菇、豆腐、木耳、筍同雞絲等等。今日啲雞絲份量特別多同大條😋。

劉興記的生煎包真係好正，外脆內嫩，咬下去仲會爆汁😆 作為一個愛食蟹的人，當然要試下佢哋嘅蟹黃生煎包。招牌生煎包已經好味，但蟹黃生煎包更添鮮味，真係冇得輸！另外，麻醬青瓜雞絲粉份量勁大，粉皮滑滑的，加上大量青瓜，完美減低油膩感。再配上免費任飲嘅豆漿，真係解油膩必備！手工豆沙鍋貼脆脆地，最重要係唔甜，對於怕甜又鍾意食甜品嘅我來講，真係岩晒😍最後提醒大家，食生煎包嘅時候要小心啲，唔好像我咁差啲被燙親。

今晚經過劉興記，見到咁多人排隊，就入去試吓先，我哋點咗幾款試吓。**蟹黃生煎包** 🥟：呢款生煎包真係爆汁，每一啖都係蟹黃嘅香味，肉餡嫩滑多汁，外皮煎得金黃香脆，好好味。**上海小籠包** 🥢：呢四隻小籠包皮薄餡靚，每一口都係滿滿嘅肉汁，味道非常豐富，真係好食。**小雲吞湯麵** 🍜：呢個湯麵非常清新，雲吞皮薄餡多，湯底味道清甜，麵條彈牙，真係想吃多碗。**麻醬青瓜雞絲粉** 🥗：呢道菜清爽開胃，青瓜同雞絲配埋香濃嘅麻醬，味道層次分明，好有口感。**香蔥油餅** 🥞：呢款油餅外脆內軟，香蔥嘅香氣撲鼻，每一啖都好香，好值得一試。整個用餐經歷非常滿足，每一道菜都係精心製作，非常美味。劉興記真係值得再嚟，希望下次可以試更多唔同嘅菜式！😋🥢🍲😊

今次黎到荃灣 見到呢間食生煎包講到一口爆汁 唔夠熱又可以換豆漿仲可以任添🤭決定入去試下！蟹皇生煎包兩個生煎包送到上黎出曬煙熱辣辣一咬落去啲肉汁已經係咁流出黎食個陣真係要睇熱！個皮又煎得好香脆咬落去脆卜卜加埋好香既蟹膏蟹肉味成個包既層次都好豐富！上海小籠包小籠包隻隻都包住滿滿既上湯佢既豬肉餡好夠味一咬落去 又係熱辣辣同爆哂汁比起煎 蒸既更清甜不膩 都好值得試糖醋炸排骨湯麵炸排骨都好出色肉多過骨！糖醋醬既酸甜度調較得好好唔會甜到嗱喉又唔會太酸暫時係我食過最好食既糖醋醬！麵底就用上海麵鋪頭煮熟得岩岩好 超彈牙湯底好清甜 飲完都唔會頸渴麻醬青瓜雞絲粉皮麻醬好夠香 而且好多 足以撈哂成碟粉皮粉皮既厚薄都做得好好唔會太厚 但又有咬口百步香蔥油餅呢個蔥油餅上枱已經聞到好香蔥味佢望落去好似春卷皮但食落起係完全另一個口感！係好酥脆而唔係春卷個種脆皮既口感呢個反差俾到我好大既驚喜亦都超級好食加埋啲蔥香 成個蔥油餅真係可以再食多個！呢間價錢好親民又好食已經入左我既回頭餐廳list入面！

🔹️蟹黃生煎包🦀🐷呢度嘅蟹黃生煎包實在係太好食，超多汁勁juicy，要小心啲咬🤣，唔係就會爆汁，入面係好多蟹黃💛、蟹肉🦀配嫩滑嘅豚肉🐖，蟹黃嘅鮮味令人回味🤩🤩，一定會返來encore。🔹️招牌生煎包🐷(表面係黑芝麻個款就係)雖然我地覺得蟹黃生煎包好咪啲，不過招牌招牌生煎包🐷都好食，而且平啲。🔹️麻醬手撕雞粉皮：超級大碗，手撕雞份量好多，味道配搭得好好，食落好清爽🐥🥒🔹️上海小籠包🔹️酥炸小雲吞12粒

荃灣街市對面其中一間大排長龍的就係劉興記生煎包專門店，劉興記有好多分店，雖然顧客多，但職員好有禮貌安排我地入座。蟹皇小籠包(4隻)招牌之一，蟹粉小籠包皮簿得能見到内裏的肉餡，咬落去爆發了啖啖肉汁，配上醋能有效中和肉的油膩感。招牌生煎包(2隻)生煎包即叫即煎，包皮煎得香脆可口，咬開超級多肉汁，而且容易爆汁出來，食既時候要小心辣到嘴。蟹粉生煎包（2隻）蟹粉生煎包同樣即叫即煎，包皮煎得香脆可口，咬開超級多肉汁，而且容易爆汁出來，咬落開有陣陣蟹粉鮮味，一試愛上。雞絲酸辣湯麵雞絲雞味濃郁，酸辣湯麵開胃提神，辣度適中，容易入口。麻醬手撕雞絲冷麵手撕雞味濃郁，配上惹味的麻醬，麻醬超多，雞絲加入青瓜絲使冷麵口感更為豐富，增添層次感。