勁餃笑

Open Now

Now Closed

餐廳門口已經唔同其他餃子店入去好多貓公仔🐱餃子款式除左經典最常食嘅白菜豬肉之外仲有鮮蝦帶子；芝士辣雞餃～如果唔知食咩仲可以等餐廳幫你揀添🫢甜嘅餃子都好特別有創意！有興趣嘅可以試下！餐廳提供水，紙巾，自助區👍🏻醋，辣油，豉油，青檸汁都可以自己添麻辣雞絲拌麵套餐 面底，份量，辣度都可以選擇👍🏻平時唔太食得辣揀少辣都食得好過癮🤣拉麵煮得啱好唔好太淋份量都啱啱好😚洛神花茶係自家製！少少似酸梅湯咁幾清新醉雞翼酒味唔會太重而且雞翼都唔會太鹹👍🏻唔錯煎餃套餐（10隻）韭菜豬肉餃併鮮蝦帶子餃韭菜豬肉餃入面有埋蘿蔔粒幾爽口而鮮蝦帶子餃嘅餡食得出原粒細粒帶子🤣蝦肉都彈牙兩款餃子調味都唔會太鹹底都煎得幾脆唔會太油膩加花膠雞絲湯麵：湯底少少當歸味但唔會太重藥材味都幾好飲😋花膠都比想像中大條。揀左扁麵幾特別但都好夾！兩個餐都可以要自家製辣菜圃配餃子/面食好好食🥹如果可以好想買返屋企繼續食！辣度夠之餘蘿蔔都好爽而且唔會好油仲有少少蝦米好香🤤

香葱豬肉餃+大葱牛肉餃$46 (6隻）水餃皮煙靱，香蔥同大葱味都好重，牛肉就配大葱，豬肉就配香蔥，兩款都有唔同嘅效果，雙拼仲唔使加錢添。佢會比埋辣菜脯做配菜，都唔錯，後勁重好辣。芝士辣雞餃$46 (6隻)呢個combination比較少有，就嗌嚟試試佢。煎餃煎到好日式咁，有脆皮底，餃子口感煙靱扎實，入面有芝士絲同都幾辣下。麻辣麵雞絲拌麵$30 (加購價)又麻又辣呢個辣係比⼀般辣嘅辣，麻嘅感覺都重，完全係刺激味蕾嘅面，配湯餃食都唔錯

前排紅磡開咗間新餃子店，之前經過都好想試下，咁岩去開紅磡就順便試下佢； 店鋪走簡約木系風，有分bar檯同普通餐檯位，當日就坐咗普通餐檯位，都坐得都幾舒服。🥟水餃：水餃嘅湯底好有家嘅感覺，飲完都唔怕口渴，最尾都忍唔住飲哂啲湯；如果食得辣嘅，建議加埋餐廳自家製嘅菜脯一齊食，會更加惹味！湯餃皮薄餡多，個人特別推介黑松露豬肉餃，黑松露味非常濃，而另外兩款餃子都推介大家試下，其中牛肉餃喺出面嘅餃子店比較少見，牛肉餡料鮮嫩多汁，一啲都唔覺得乾。- 韭菜豬肉餃- 黑松露豬肉餃👍- 大蔥牛肉餃👍🥟煎餃：煎餃同湯餃一樣都係皮薄餡多，仲要每一隻都煎得岩岩好，外皮煎到脆卜卜，內裡嘅餡料亦都非常juicy；個人比較推介芝士辣雞餃，芝士呈拉絲狀態，鐘意食辣嘅一定要叫！紅豆麻糬餃都好特別，佢係甜嘅餃子，麻糬嘅份量都幾好，口感都幾煙韌，值得一試。- 鮮蝦帶子餃- 芝士辣雞餃👍- 紅豆麻糬餃👍🍜麵類：- 花膠雞絲湯麵👍湯底偏杰身，所以麵條好掛汁，而麵條口感都有嚼勁，配料嘅份量都幾多，特別係雞絲。- 胡麻醬拌麵拌麵好適合熱辣辣嘅夏天食，配料都有好多青瓜絲，可以中和胡麻醬嘅膩。🍴小食：麻辣牛𦟌牛𦟌切成粒狀，再配上青瓜粒，

作為紅磡街坊見到新餐廳梗係要試吓咩味道啦我同朋友都好鍾意食餃子🥟哩間餐廳真係性價比非常之高👍🏻👍🏻👍🏻隻隻餃子都非常之飽滿🤩🤩餃子 + 麵食+ 飲品 + 小食 （自己可以配搭）餃子煎得非常香脆 賣相都好掂🤤大蔥牛肉餃 真係啖啖肉 大蔥增添咗牛肉嘅鮮味店員介紹檸檬汁 可以去除煎餃嘅油膩又真係比點醋更好食🤤鍾意食煎餃點會少得白菜豬肉餃呢個係最正常嘅配 肉汁可以保留起餃子入面 鮮蝦帶子餃呢一個就比較少見到有啦帶子粒同蝦肉都好平均 粟米增添咗口感麻辣雞絲拌麵 都算大碗 可以揀正常辣 / 大辣 正常辣都比其他餐廳既辣椒辣 yummy 麵條質感好好 帶點煙靭味噌大根 好入味 外皮帶小小渣 自家製辣菜脯 好有驚喜 好好食 菜脯脆口 鍾意食辣嘅朋友一定愛❤️最值得一讚係個洛神花茶酸甜味配搭得好好

勁搞笑就成日都聽，紅磡黃埔有間餃子舖剛剛新張兩個月，名字就係叫 「勁餃笑」🥟，顧名思義主打就係手包餃子，店舖裝潢有別於一般餃子店，以木系設計感覺和諧又舒服，設有自助斟水和醬料吧，非常乾淨整齊，睇睇餐牌價錢非常親民，餃子套餐可以左拼右拼，包括小食、麵食、飲品都可以用優惠價錢加配👍自家製餃子每日新鮮即包，有多達10款可以選擇，而且可以選擇湯餃或煎餃，特別一提，佢哋嘅湯底係用新鮮雞每日熬製，非常清甜絕無味精，仲有自家製辣菜譜免費俾顧客配合餃子一齊食，香辣又惹味，另外飲品除咗一般汽水之外，仲自家製作養生飲品，例如羅漢果白茶、洛神花洛神花，煲製之後入落鋁罐，非常用心今日我哋揀咗兩個套餐，分別有八隻餃子、兩碗麵、一個小食和兩軟飲品，加埋都唔使 $200▪️水餃套餐（8隻） $ 81🥟白菜豬肉餃拼鮮蝦帶子餃 餃子皮厚薄適中，煙煙韌韌，鮮蝦帶子餃真材實料，大大隻蝦爽口又彈牙，帶子鮮甜，整個餃味道鮮香，白菜豬肉餃食得出豬肉好新鮮，配合帶點爽口的白菜，最原始的美味🍜胡麻醬拌麵 （拉麵）估唔到咁大碗，拉麵軟腍腍適中，帶一點點爽口，換上花生味十足嘅胡麻醬和青瓜，夠惹味🥤羅漢果白茶好欣賞呢一貫自家製嘅飲品，味道就

自從屯馬綫開通之後，我哋多咗好多地方可以發掘，去黃埔就更加方便，今次就嚟到一間黃埔新開嘅新舖頭，主打餃子，而且裏面嘅裝修都比較特別，會有啲貓貓嘅擺設同埋筷子座都係用咗餃子🥟🤭而且佢哋嘅調味都有好多，最特別嘅呢就係有檸檬汁🤗餐廳主打煎餃同埋湯餃，分別可以叫六隻或者八隻或者10隻仲可以雙拼，小編分別就叫咗唔同款式佢試吓，湯餃方面就叫咗鮮蝦带子餃拼大蔥牛肉餃，湯底喺個濃郁嘅雞湯味，再配上大大隻嘅鮮蝦帶子餃，好鮮甜，材料好足，大蔥牛肉餃再配上辣椒油正呀！至於煎餃方面，我哋就叫咗芝士辣雞餃＆黑松露粟米餃，芝士辣雞餃好似有少少韓式餃子嘅風味，少少辣，唔會好辣，終於韓風嘅朋友一定要試吓，至於黑松露粟米餃仲有淡淡黑松露香，感覺好高級😋另外小食方面，小編極力推介佢哋嘅醉蝦同埋醉雞翼，都好入味，醉蝦就已經去咗蝦殼，直接完隻擺入個口就OK啦，相當方便啖啖肉😊，餐廳好有誠意之作另外仲叫咗個麻辣雞絲撈麵，小編今次就轉咗闊面，麻辣醬勁香辣，鍾意食辣嘅朋友記得要挑戰吓，裏面有雞絲同埋青瓜絲撈埋麻辣醬一齊，真係辣得好過癮最後佢哋嘅洛神花茶同羅漢果白茶都係餐廳自家製，洛神花茶酸酸美美好開胃，羅漢果白茶好清涼好清熱氣😝黃

雖然喺波蘭係咁食餃子，但返到嚟香港真係好掛住食香港嘅餃子，紅磡開咗間餃子店，除咗店名，裡面嘅菜式都好有創意10隻餃子嘅套餐嘅定價都好合理，仲可以雙拼𠻹白菜豬肉餃菜肉比例啱啱好，唔會話得肉味冇菜味大葉雞肉餃即係紫蘇葉，呢種餡料大胃都未食過，原來好香㗎要過澱粉癮嘅話都可以加碗麵，花膠雞絲湯麵非常足料，好大塊花膠，雞絲好壯，湯香醇都飲清光煎餃套餐價錢都一樣，煎得當然揀啲特別嘅口味啦例如芝士辣雞餃，又真係微辣得嚟有芝士香大蔥牛肉餃都好啱用嚟煎，牛肉好惹味，連蔥都好腍索晒味皮蛋醬拌麵係好特別嘅fusion，麵好彈牙，皮蛋份量好足，辣辣地拌芫荽超正朱古力原來都可以成為餃子餡料，心諗work唔work㗎，但又好想試吓，點知真係五體投地朱古力唔會好甜，流心得嚟又唔膩，同脆彈嘅餃子皮又好夾記得記得加佢地嘅菜脯食，雖然幾辣，但自家製真係世一，勁好食仲有4種醬自助配，最特別連檸檬汁都有

路過見到, 又唔洗等就入左呢間小店店舖唔大，我去果時都好多人係入面食, 差唔多Full晒同朋友叫左湯餃, 煎餃, 花膠雞絲湯麵 & 麻辣雞絲拌麵, QR code落單都幾方便餃子- 湯餃 (白菜豬肉餃 + 大葉雞肉餃)- 煎餃 (黑松露粟米餃 + 鮮蝦帶子餃)餃子真係無乜好出色，佢size偏細隻，湯餃同煎餃都無乜好出色，鮮蝦帶子餃算係4款入面最好食, 但香港太多好好食既餃子店，呢間我真係唔會推介花膠雞絲湯麵D麵一舊舊，唔算難食，不過不失咁啦麻辣雞絲拌麵呢個唔ok, 純粹雞絲, 青瓜, 花椒油, 辣油 放埋一齊，我唔expect餐廳整出黎仲差過自己煮佢應該要加返D醋, 豉油，加返D䶢味比個拌麵會好D辣菜脯笑左，最好食係個菜脯。建議大家refill多幾轉，因為好食佢D蝦米味好香，菜脯有點辣，唔怕辣可以食多D, 因為真係幾好食

黃埔一向美食多籮籮，見到呢間餃子店個名幾有趣：勁餃笑！於是入嚟試吓鮮蝦帶子餃皮薄餡靚，食到粒粒迷你帶子&蝦粒，而且可以在自助醬料區調配醬汁，本人就試左用餃子蘸lime juice~ 微微的酸味尤其開胃！黑松露豬肉餃每一啖豬肉都帶有微微嘅黑松露香味，而且黑松露亦不會搶晒風頭，再飲啖自家製清湯底，更加fresh!花膠雞肉湯麵（揀左扁麵）麵條彈牙煙韌，花膠新鮮淋甜，雞絲手撕即製，再配上自家製菜脯，既香辣又惹味！不過食唔到辣嘅朋友要注意下，因為的確幾辣～味噌蘿蔔好清甜，咬落去蘿蔔唔會有一條條根，配上味噌更加香口！醉蝦師傅將蝦肉剝埋殼，再放上花雕酒醃得更入味！醉雞翼應該醃左一段時間，雞翼肉質厚實，每一口雞翼都充滿酒香味！自家製金羅漢果白茶係呢個炎炎夏日飲一杯清甜茶飲，尤其解渴！

同朋友係黃埔睇完戲經過見到呢間餐廳 比個鋪名吸引咗就決定入嚟試下 呢度有10款餃子可以隨意雙拼 不過湯餃同煎餃就唔可以拼水餃套餐 (6隻)鮮蝦帶子餃食得出一粒粒嘅蝦 仲有帶子同粟米 味道鮮甜大葉雞肉餃有淡淡嘅紫蘇葉香氣 而且餃子係用咗雞肉感覺幾特別 第一次食呢個口味嘅餃子估唔到都幾夾 韭菜豬肉餃除咗有韭菜同豬肉入邊仲有沙葛粒 口感爽脆白菜豬肉餃白菜同豬肉嘅比例均勻 入口扎實 煎餃套餐 (6隻)韭菜豬肉餃餃子嘅外皮煎到微微金黃色 底部帶有少許冰花 韭菜香氣十足黑松露豬肉餃入口係好濃嘅松露味 同樣有粟米增強口感花膠雞絲湯麵套餐 (多葱)湯麵可以揀拉麵 米線 扁麵或者菜底 朋友就揀咗扁麵 花膠再配上雞絲 而湯底係清雞湯嚟 健康得嚟又好味涼拌日本山藥第一次食涼拌嘅山藥 沾上醬油同wasabi 清涼爽口 好啱夏天食!

紅磡有好多間餃子店，琴日經過見到一間裝修比較新派，急不及待試試。夜晚8:00 ，一推開門已經坐滿人，令我好期待。兩個人試咗幾樣食品：1）前菜：香辣菜脯，超惹味，記得要食呀！😋😋2）鮮蝦帶子餃併椰菜豬肉餃鮮蝦帶子餃真材實料，除咗蝦同帶子之外，加入咗粟米，帶出一份甜味。椰菜豬肉餃椰菜夾豬肉，椰菜爽脆，豬肉嫩滑，絕對冇粒粒肥肉嘅情況。越食越有驚喜，就係湯餃碗雞湯，淡白色嘅雞湯，味不太濃，勾起有花生雞腳湯嘅感覺，好有家的味道，最後我係捧住成碗湯飲晒。（後記：飲晒之後都冇口渴，應該冇味精）👍🏻👍🏻3）煎大蔥牛肉餃，拼鮮蝦帶子餃煎餃子上枱時是一排煎出嚟，見到外皮煎到十分香脆大蔥牛肉口味比較新鮮，蔥香肉嫩，冇牛肉臊味，下次會再叫鮮蝦帶子餃跟湯餃口味是一樣，但煎出嚟嘅口感絕對是兩樣，值得一試3）胡麻撈麵（跟餐叫）配煎餃一齊嗌，份量適中。面配以胡麻醬，加上青瓜絲，感覺不太膩，反而有一份新鮮感。4）煎紅豆麻糬餃喜歡食麻糬嘅朋友一定啱，豆沙份量不吝嗇，食起嚟似加咗麻糬嘅豆沙煎餅，唔太甜！以食物來說，整體性價比十分高，真材實料。下次有機會一定要試吓啲特色飲品，琴晚大部份都售罄。其實我哋一路食飯嘅時候都發現餐廳

📍 勁餃笑（紅磡）以日系風格做裝修估唔到一間餃子店都可以感覺自己入咗日本餐廳一樣🎌店內好多款餃子可以揀～可以堂食亦都可以外賣🥡店內設有自助醬料區🫗本人比較鍾意佢嘅辣椒油。呢款辣椒油由後勁辣出嚟，好特別😍加落湯麵🍜辣得過引🌶️由於店內太多餃子選擇佢有一項係｛唔知食乜好｝所以我哋湯餃同埋煎餃都揀咗呢一樣由廚師發辦～廚師就幫我哋發辦咗依幾款招牌餃子🥟✨ 黑松露豬肉餃濃郁香醇的黑松露汁配上多汁可口的豬肉餡完美融合在薄薄的餃子皮中。口感細膩,餡料分量適中🥟✨ 鮮蝦帶子餃真係原隻鮮蝦同帶子係餃子入邊，十分驚喜🫶🏻✨ 香蔥豬肉餃豬肉餡料都好豐富，而且新鮮嘅香蔥，食落好清新～✨ 黑松露粟米餃比較重黑松露味，如果鍾意食黑松露嘅你一定要叫。粟米亦都好多，岩哂我😍😍✨ 芝士辣雞飯依款辣雞餃子，真係好辣。而且煎餃嘅話芝士仲食拉絲🧀依一款係我覺得最特別嘅餃子🐔✨ 花膠雞絲湯麵湯頭濃郁香醇,滋補養身。雞絲鮮嫩、花膠Q彈,口感層次豐富。麵條質地適中,吸收湯汁。湯濃麵爽,既養生又美味😋

#MC帶你去紅磡 #MC帶你去黃埔.除咗米線店，餃子一樣開到成行成市。平時收工食米線多，今日決定轉一轉口味。見依間餃子店個名幾特別，又新開業新裝修，決定試一試。➖➖➖➖➖➖➖➖➖➖➖➖➖➖✨ 勁餃笑.餐廳主打新鮮現絞、現包、現煮的傳統及創意手工手餃。裝修新簇清雅，採用日系簡約設計，以暖色為主調，純白色牆身配以木系餐桌及柔和均勻燈光效果，倍感舒適溫暖。➖➖➖➖➖➖➖➖➖➖➖➖➖➖🥢 雙拼水餃｜.手工餃子皮滑飽滿，鮮蝦帶子餃用了珍珠帶子、爽彈蝦肉及粟米餡料，味道鮮甜；黑松露豬肉餃餃皮薄身，隱約見到黑色餡料，松露味剛好，餡料一樣有粟米粒，豐富了口感！➖➖➖➖➖➖➖➖➖➖➖➖➖➖🥢 雙拼煎餃｜.即叫即煎整煎餃呈微微金黃色，餃子底仲有少少冰花狀，十分吸引。芝士辣雞餃十分推薦！芝士中和咗辛辣口感，微辣易入口，十分惹味；韭菜豬肉餃香氣十足，肉汁滿滿。➖➖➖➖➖➖➖➖➖➖➖➖➖➖🥢 麻辣雞絲拌麵｜$50（跟餐加配 $25）.辣度有美式少辣/英式正常辣/特濃加辣。煙靭彈牙嘅拉麵配上辛辣麻醬、嫩滑雞絲、爽口青瓜絲，口感豐富而且味道刺激，先麻後辣，辣勁十足無死辣！➖➖➖➖➖➖➖➖➖➖➖➖➖➖🥢 花膠雞絲湯麵

最近發現紅磡新開了一間餃子專門店，店舖名稱非常特別，今晚便來到這裏。水餃套餐（10隻），白菜豬肉餃併 大葉雞肉餃，原來大葉即是紫蘇葉，這個放在餃子內做配料都是第一次吃到，想不到味道都很特別：喜歡紫蘇葉的必定要試。醉雞翼$23，酒味香濃，雞皮爽口，雞肉鮮嫩，軟硬程度適中。醉蝦 $28，爽口彈牙的蝦肉吸收了紹興酒的香味，變得更加惹味，是一道不錯的餐前小食。羅漢果白茶（凍）$10，自家製的羅漢果白茶，羅漢果味香濃，又不會太濃郁，對喉嚨和肺部非常有益。煎餃套餐（6隻），（煎）鮮蝦帶子餃$8.0併（煎）香蔥豬肉餃，兩款鮮餃子都很美味，其中以鮮蝦帶子餃的味道最為爽口彈牙。麻辣雞絲拌麵 $25，棉質爽口彈牙，麻辣醬味道香濃，具有四川特色，伴勻之後味道適中。洛神花茶（凍）$10，酸酸甜甜，非常開胃，甜度適中。

自家製水餃店越開越多，食過一啲係充滿味精，狂飲水要到第二朝先覺得唔口渴。亦都食過一啲個皮仲厚過裏面啲餡！要幾恐怖有幾恐怖！今日試呢間餃子店，裝修門面好似日式拉麵咁，仲要個店名好有創意！加上有貓貓做主題，位於紅磡黃埔新村一帶。裝修好乾淨企理。主要做街坊生意，亦都見到有好多外賣平台落單。今日試咗四款餃子，每款八隻，雙拼麵餐。我哋都選擇咗胡麻撈麵同埋雞湯底，佢嘅雞湯都幾濃厚，而且一啲都唔鹹，我覺得清清哋好有feel！完全冇加味精！松露餃豬肉餃子黑松露味道濃郁，配搭豬肉，一齊做餃子，咬落去爽口彈牙！韭菜豬肉餃子傳統口味，裏面加有沙葛，食落口感似馬蹄，口感非常豐富！好好食！白菜豬肉餃子水餃鮮香多汁，充滿白菜嘅甜味！雞肉大菜餃子水餃裏面嘅大葉，即係紫蘇葉，紫蘇葉嘅香氣好濃郁，配埋雞肉做水餃，我都係第一次食，感覺都幾清新！金羅漢果白茶完全係自家製feel，唔甜，苦苦澀澀，飲落口，覺得好清涼好解毒！呢間餃子店，完全可以encore！