勤記潮州食家

Open Now

Now Closed

聽講呢間好好食，平時見好多人排隊所以食唔到，今次行過竟然無人排，咁就入去試下。叫左兩個小菜，加10蚊可以有白飯，例湯同野飲，侍應姐姐話飲品係菊花茶，問我o唔ok, 我唔飲菊花茶既，叫佢轉多個例湯比我，但最後上枱都係一個例湯一杯菊花茶，咁問我o唔ok有咩意義？ anyway, 個例湯飲左一啖就覺得好咸🥶講番兩個小菜我地叫左一個蒜蓉粉絲蒸開邊海蝦同菜心苗炒肉片，碟海蝦有少少梅，啲肉片睇相都feel到有幾鞋！最重要係兩個餸都咸到癲左！！！！！諗住飲啖野沖淡下，但個湯都係勁咸，菊花茶我又唔飲得，成餐飯食得好辛苦😭😭😭以呢個食物質素同服務態度，究竟平時啲人點解要排成個鐘去食🤯🤯🤯

本來見倒個個都咁推介，舖頭好多人排隊又叫外賣，諗住實冇走雞啦，點知都係中大伏。我去到已經賣晒本來想食嘅肉卷，所以只係買左醉雞例牌、一碗蠔仔粥同一碗胡椒豬肚湯嘅外賣。（30/4/2022 7點54分比錢）見佢舖頭多人，比錢果陣都問左要等幾耐，佢話15分鐘，我足足等左30分鐘都算。啲野食唔好食先係重點。（我前面個女仔應該係一早打電話落單，都同我一齊等左咁耐，佢問仲有幾耐先有，果個呀姐仲要話有咪叫你囉，態度勁差）拎到返屋都係30分鐘左右，蠔仔粥已經發脹晒，啲蠔仲要有沙。不過都唔係重點，重點係果碗豬肚湯，我飲左一半先發現入邊舊豬肚繞住左條頭髮。平時見到都覺得嘔心，加上而家疫情嚴重都有啲咁嘅嘢發生，真心你請我食我都唔會再食。成餐得醉雞可以放到入口，但都唔係特別出色，只可以話係不過不失。如果我個食評有假話就天打雷劈😤😤

1月11日諗住食個午餐就去睇紅葉，咁啱星期二就去咗食勤記，專程去試下佢哋嘅港版威靈頓牛)我哋叫仲咗個胡椒豬肚湯飯,跟住一個魚香茄子飯,胡椒豬肚湯好香胡椒味份量亦都好交價錢又實惠,兩個人午餐都係食咗百五蚊左右,真係好抵食！

呢間嘢南疆炸全亦非常之有南薑味,醉雕雞例牌都非常足夠料,飲幾啖都醉醉哋啦.最緊要嘅係咪喺間舖頭你適合一家大細過嚟食, 因為呢食完就好好好快咁打柴！甜品啲大菜糕好有口感.

店子小小的，但有住家味道感覺。小菜款式唔算多，但即叫即煮，份量大，味道好👍👍仲可+$10配白飯和湯，抵食😋雖然好多茶餐廳都會有呢D小菜套餐，仲可能包埋嘢飲，但『勤記』會有種住家飯感覺☺️而且無味精夠健康😊❶醉蝦👍👍👍👍👍個汁酒味唔濃但幾香，仲有少少甜味，唔同其他地方既醉蝦汁，蝦就新鮮爽口， 堅得😎一碟大約7隻，掛住食無影相😅❷煎腐皮牛肉卷 (威靈頓卷)👍👍👍👍皮脆肉嫩，咬落去唔會散晒，味道唔錯。❸ 南薑炸雞翼👍👍炸得香脆，但味道好普通，同一般炸雞翼無乜分別。❹ 土魷蒸肉餅👍👍👍👍土魷勁多，仲有馬蹄，肉餅一D都唔“鞋” 軟硬適中，味道有少少甜(我老公好中意話係小朋友味道🤣)❺ 鹹酸菜豬肚湯👍👍👍👍👍超讚！我本身唔太鍾食鹹酸菜，但呢個鹹酸菜唔會有死鹹味， 豬肚爽口， 胡椒份量又啱啱好，真實好好飲🤣❻蒜香味雞👍👍👍👍👍又係堅好味😍個汁做得好好，撈飯都得😁唔會有勁多蒜蓉，D雞肉質唔“鞋”，咬落感覺有D似台灣鹽水雞既口感，但唔係爽既，真係好好食，掛住食無影相😅整體食物水準偏高，價錢合理😊

今次邀請到元朗居民帶我食盡元朗美食，佢就介紹咗我嚟呢間老牌嘅潮州店勤記。首先講蠔仔粥，蠔仔多到不得了，而且隻隻鮮味！加埋湯底好有胡椒味道，辣辣地非常惹味，我覺得係我食過最好食嘅蠔仔粥！一大鍋，我哋好快就清晒。南薑雞翼一碟三隻全翼，炸到金黃色卜卜脆，但雞翼裏面都仲好多汁，都好多人食。我自己覺得算濃味，食一隻就夠。另外試咗胡椒豬肚湯，足料亦好夠火喉。本來仲想試佢個聽聞係老闆特製，鎮店香炸腐皮脆肉卷，可惜試唔到，希望下次有機會。絕對會再嚟幫襯。

素聞勤記出名平靚正，所以假日時間嘅晚市經過都座無虛席，門外等位嘅人更加係大排長龍，外賣單亦都係一個接一個。終於比我有機會試到啦！🔹薑汁肉片炒芥蘭：芥蘭夠嫩，肉皮亦醃得有味，份量亦都唔少，但薑汁味可以出啲會更好🔹炸南疆雞翼：雞翼即炸即上枱，加上個泰式酸辣汁，點一點，酸酸辣辣，又開胃又解膩，27$ 三隻即炸雞全翼，抵！🔹胡椒豬肚湯：我最鍾意佢夠多鹹酸菜，豬肚又唔會切到大大舊，size 適中，加埋胡椒味，非常惹味暖肚👍🏾🔹蠔仔湯飯：蠔仔好新鮮而且數量都唔少，但個湯嘅味道未見特出。可以叫一碗黎食，飽下肚都ok. ㊙️ 南薑雞翼一定要叫（當晚差唔多枱枱人都叫！）

勤記潮州食家，元朗區很多餐廳，這店有家庭式飯堂感覺，星期六日有午餐套餐，我見最平$38有交易，店內又有很多食客，我都要去試一試。餐廳用餐坐位正常，小店食堂風格，店員都好有善。我叫左鹹菜胡椒豬肚湯飯和香茅豬扒飯。鹹菜胡椒豬肚湯飯非常足料，胡椒味重。香茅炸豬扒大大件，正正常常，個人覺得肉碎汁太多。午餐還包括送菊花茶及非常熱例湯。總結：家庭式飯堂，有人情味。鹹菜胡椒豬肚湯飯非常足料，胡椒味重，勝價比高。香茅炸豬扒飯，不過不失。謝謝

係元朗食到冇野好食，間唔中周圍試新野，搵D未食過嘅鋪頭仔中下伏今次真係極差嘅晚餐體驗😰😰先係門口排咗成２個鐘都算，入座後其實我地已經坐得好近門口位，成個樓面只有一個阿姐我地由坐低開始已經馬上可以叫野食，但係叫阿姐寫野可以等足半個鐘都唔肯寫😰佢要忙住埋單收錢，忙住狂做外賣，但係就死都唔肯落單，其實分先後次序係咪咁難🤷🏻‍♀️或者真係忙到咁你就唔好放人入座，一係做晒外賣算啦等足40分鐘，係真係罰坐足足咁耐，終於先至落到個order🤦🏻‍♀️佢Ｄ野食超好食嘅話都猶至可，最慘係佢D野食難食到嘔，嬲到成把火我地成班fd唔會再想食屎，唔會再想排晒長龍嚟食🤮🤮🙃🙃🙃🙃花雕醉雞肉燥飯 $46醉雞酒味算濃，好可惜D雞肉係好鞋又硬，完全稱不上有半點滑Ｄ肉燥根本撈唔勻碗飯，份量極少咸菜胡椒豬肚湯飯 $46又冇咸菜味，又冇胡椒味，勁淡，豬肚好多沙，明顯冇洗乾淨份量好少飯量稀，成碗湯基本上冇飲晒，個底全部沙🤮🤮🤮🤮潮州南薑雞全翼 $27３隻雞全翼，算係成餐飯比較好食嘅一味，夠香脆，個雞肉同主食花雕醉雞比較下，顯得嫩滑真係唔明點解個醉雞可以鞋成咁泰式白雲鳳爪(4件) 套餐+$13好細碟好細隻嘅鳯爪，套餐加錢平D咪試下

2021年7月21日(三)晚餐人齊先可以入座座位有30個6:50pm到達兩人食又係叫到成枱都係蒜香香味雞(半隻)$80好吃潮式蠔仔粥(碗)$42好吃香炸腐皮脆肉卷$57呢個只食到芋頭味好多芋頭，應該叫香炸芋頭卷適合啲潮州南薑雞全翼(3隻)$27新鮮炸起雞翼，外脆卜卜，味道一般，冇驚喜馬拉盞通菜炒牛肉$57今餐最差是馬拉盞通菜炒牛肉，首先上菜太遲，食晒所有嘢先至上菜，牛肉勒到食唔到，通菜偏油，但係馬拉盞味濃郁惹味。甜品芒果海石花凍$24，跟餐價$12$12 OK嘅， $24就唔會食啦，芒果肉最正一款小菜加$10，有一份白飯、例湯及飲品飲品要左菊花茶，是凍及小甜的今日例湯是蕃茄薯仔湯，住家味好飲。講返食物，家庭味道，小菜是即叫即煮，小菜要等好耐，新鮮煮好，火候夠，好難難食，但冇一道菜想食第二次。有下次，我只會想試其他未食過嘅菜式。好多客人食小菜，追菜追到發脾氣氣氛不太好，人人都變成第一道菜，等第二道菜等到燥底雖然寫到明即叫即煮時間要耐啲，都唔係食晒前邊幾道菜都未上。張枱唔係大，食完碗碟都唔會主動執拾，直至到差唔多食完啦，佢就問你係咪埋單及不斷執枱趨人走7點鐘堂食未滿座，門口有人叫外賣，廚房

最近成日出街食飯，今日想食得清淡啲～聽男友講呢間勤記幾出名，見佢主打家常菜無味精，就同男友去試下～禮拜日下午一點左右去到咁岩有人走唔駛等👏 weekend都有優惠午市套餐，very nice！👍我地叫左個蒜蓉菜心苗炒肉片飯($41)同埋一個單點胡椒豬肚湯($26)～午市飯餐跟咗例湯同埋薑汁薏米水，例湯係南瓜豬骨，真係好家常，味道非常清淡完全無鹹味😂 但就飲到少許本身南瓜既甜味～薑汁薏米水既薑味唔算濃，味道非常少甜，又係好健康😅由於即點即整所以都等左一陣，黎到出晒煙，菜心苗炒得岩岩好，無渣，肉片算幾滑，完全就係媽媽的味道，清淡健康無味精👍胡椒豬肚湯好大碗足料，胡椒同鹹菜味平衡得剛剛好👍唔會好辣，豬肚爽口唔腥，呢個價好抵飲，即刻同男友講下次懶煮飯果陣可以就咁買碗湯屋企自己煲白飯就一餐🤣總括而言就係健康清淡抵食之選，值得支持👍

身為大西北人，自中學畢業後，都好少係元朗搵食，通常都係同一班中同約食飯先會係元朗食😂😂呢間餐廳係無得book位，一定要walk in，我地等左大約30分鐘🙉·1️⃣香炸腐皮脆肉卷($57)聽個名好似幾吸引，一於叫黎試下，食落去都幾特別，肉味幾香，原本唔食腐皮嘅我都食左幾舊🤤仲被喻為「威靈頓卷」，當然唔係英式果種啦😂·2️⃣蒜茸菜心苗肉片($49)呢個係是日晚市小菜果個牌其中一款，睇相都見到菜心份量多到🤣🤣肉片都無渣流攤，大大塊😋·3️⃣花雕醉雞($46/例，$80/半隻，$150/隻)醉雞整得幾入味，雞肉都嫩滑，但我唔記得咗我地係叫左例牌定係半隻😂😂·4️⃣潮式蠔仔粥($80/鍋)作為一隻蠔怪，我當然連蠔仔粥都唔會放過😂😂蠔仔份量又係超多😍唔淨止你地睇相見到面果層，我地食到落底都仲有蠔仔，真係啖啖都係蠔😍😝·5️⃣南薑炸雞全翼($27/3隻)9蚊一隻即叫即炸嘅雞全翼⋯熱辣辣超好食，就算唔點醬食都已經好好食，咁抵食去邊度搵😭😭😭·印象中，呢餐飯有六個人食，食到好飽，埋單每人都只係五十幾蚊咋😳😳唔怪之得連祖堯都推😆😝

勤記潮州食家哈哈...或者你會同我一样，會俾個名嚇親，以為佢係老式的潮州食店，環境應該污污糟糟，但食物就一定有水準。 不過呢間就完全令我改觀，佢樸實的名字，四四方方的長方形式環境，門口就可以直望廚房，沒有多餘修飾，啲桌椅分明，左右各一字排開，開出一條紅海般的安全通道（寬約2人通過都無問題）俾店員招呼客人，和客人的出入。而店內的職員十分有親切感，第一次黎，感覺就已經好熟咁了。職員會親切哋告訴你：你知唔知點嘅雞翼會係凍嫁？我答：啱啱知道了職員：你果兩份套餐係有一湯或一菊嫁，你飲咩啊？我⋯ 啊⋯ 佢講緊咩呢？小貼士：原來「菊」係指菊花茶好有嬷嬷婆婆媽媽般，為我準備健康又美味嘅午餐咁啊！又唔會覺得我麻煩午餐：1、香蔥肉碎菜莆蛋，好開心今日做咗餐（貼心嘅職員提我嫁）2、醉雞餐飯（一樣啦，咁啱今日都有做套餐）PS 跟餐有是日餐湯- 冬瓜湯、凍菊3、南薑雞全翼 -炸得好香脆，又入味，用黎做小食或煲戲應該一流啊！ 配白飯仲提升咗白飯嘅甜味呢！4、胡椒豬肚湯 -胡椒味唔重，反而咸酸菜味就好突出，啱晒唔食得太辣嘅人飲，你會飲得好舒服，豬肚都處理得好乾淨嫁！可以放心食用。

其實呢間野一直都係元朗屹立咗好多年，不過一直都冇去食，近排好Hit，就去試試佢啦！💛💛💛醉蝦好似會好快賣晒，就算午市個餐牌唔見，我都問吓店員有冇，就叫咗個醉蝦肉燥飯～醉蝦爽口彈牙，啲殼都可以摵，不過陣酒味就唔係啱我口味嘅～至於個肉燥感覺打左好多軒咁，飯又比較淋，唔係咁好食。朋友叫咗個肉片炒菜心苗，我覺得幾正。平時啲午市通常都食碟頭飯，但係呢度有好多蔬菜，係健康嘅選擇。套餐仲包埋菊花茶同埋例湯～

元朗國不嬲出名多嘢食，但估唔到呢間鋪仔細細，竟然臥虎藏龍。勤記鋪面望落都幾噏耷。當日好熱，但係鋪面門口排滿晒人。由於太怕等位嘅關係，所以唯有嗌外賣返屋企。本身好想食脆肉卷，但係佢話已經賣晒，仲話要食嘅話要等下個星期。去到最後唯有嗌咗佢嘅招牌雞每款半隻。首先講吓佢呢個非常之多蒜嘅雞，呢個雞麻香味濃，醬汁酸酸甜甜，配埋佢超級多嘅蒜，成個味道真係冇100分，都有99分，我覺得絕對係入店必吃自選。食完上面個雞，再食個醉雞，又係另一種滋味。醉雞個肉質實淨，配埋濃濃嘅酒香，完全係另一種感覺🥰