占占酸辣米線

Open Now

Now Closed

食過唔止一次，之前都成日黎幫襯。呢間米線幾好食，湯底夠濃，選擇都多，如果食厭左譚X嗰啲大牌呢間都係個好選擇，尤其酸辣米線/豬頸肉呢類食過一次都會想再食。舖頭地點唔算太就腳，店內環境較細都唔算太好坐，但整體食物其實可以。以前都有幫襯開，但今次食完埋單嗰陣店員無啦啦話電子支付要俾多1.7%手續費（之前俾開唔使收）自己覺得如果唔想/唔方便收電子支付嘅話應該門口寫明淨係收現金，雖然食物真係唔錯，但要收手續費個人認為有啲趕客

旺角地鐵站過去都要8分鐘，但想試下新嘢，見咁多好評就特登行咗過去。叫咗香茅雞扒米線+3個餸，麻辣湯。飲咗一啖湯，嘩，非常鹹😳決定加水落去溝一溝，都係唔掂。最後成杯水倒晒都依然非常鹹。係死鹹死辣嗰種，好似食緊熱浪薯片一樣，或者另一個形容就係以前細個小食部嗰啲福字牌米粉嘅味精粉再加辣。但由於都唔平，所以都好努力想食多啲。後來忍唔住嗌咗杯嘢飲叫好少少。要飲一啖食一啖先至叫可以食到¼碗麵⋯最終放棄，食晒啲餸就算。唔明點解咁多好評，真係好重味精好鹹，非常之伏🥵舖頭都迫，中間條巷仔不停有人經過，每次都要縮一縮避開人。埋單成$87，好後悔呀！

#搞串個pantry 唔知由幾時開始，香港🇭🇰啲米線舖開到周圍都係😮，可能係我哋好鐘意食米線掛😂。今次就嚟到一間位於#旺角 嘅米線小店，佢嘅位置比較近旺角東同何文田嘅😊。舖頭細細，座位並唔多，平時應該主要serve周圍嘅街坊or打工仔😜！今次我哋就嗌咗兩個三餸米線餐($52)，分別order咗酸辣湯、豬腸、魷魚、炸午餐肉🔴。另一碗就酸辣湯、煙鴨胸、冬菇、牛柏葉🔵。同埋，再額外叫多一碟炸豬頸肉($26)🟢。本身以為酸辣湯會係紅色🌶️，點知一嚟到，一望！竟然係清湯咁嘅色😱！！但係，千祈唔好比佢呃到，飲落口，個湯都幾辣🥵，反而唔係好酸。而啲餸就普普通通，炸午餐肉算比較特例，而且厚切🤩。煙鴨胸就太薄啦，另外個冬菇偏甜，唔係好夾冬菇嘅味道。炸豬頸肉幾好食🤤，食落口好香脆，有陣香茅嘅味道。而豬頸肉嘅肉好嫩，油脂感好重😋。同時，啲邊邊位有啲燶燶地，食落口脆脆地，有陣焦香味🔥。如果你鐘意試唔同米線舖嘅米線，都可以嚟試下呢間小店嘅米線🥳✌🏻！

#搞串個pantry 唔知由幾時開始，香港🇭🇰啲米線舖開到周圍都係😮，可能係我哋好鐘意食米線掛😂。今次就嚟到一間位於#旺角 嘅米線小店，佢嘅位置比較近旺角東同何文田嘅😊。舖頭細細，座位並唔多，平時應該主要serve周圍嘅街坊or打工仔😜！今次我哋就嗌咗兩個三餸米線餐($52)，分別order咗酸辣湯、豬腸、魷魚、炸午餐肉🔴。另一碗就酸辣湯、煙鴨胸、冬菇、牛柏葉🔵。同埋，再額外叫多一碟炸豬頸肉($26)🟢。本身以為酸辣湯會係紅色🌶️，點知一嚟到，一望！竟然係清湯咁嘅色😱！！但係，千祈唔好比佢呃到，飲落口，個湯都幾辣🥵，反而唔係好酸。而啲餸就普普通通，炸午餐肉算比較特例，而且厚切🤩。煙鴨胸就太薄啦，另外個冬菇偏甜，唔係好夾冬菇嘅味道。炸豬頸肉幾好食🤤，食落口好香脆，有陣香茅嘅味道。而豬頸肉嘅肉好嫩，油脂感好重😋。同時，啲邊邊位有啲燶燶地，食落口脆脆地，有陣焦香味🔥。如果你鐘意試唔同米線舖嘅米線，都可以嚟試下呢間小店嘅米線🥳✌🏻！

勝利道除咗好多日本餐廳同寵物店之外 仲有間米線小店(究竟勝利道屬於旺角定何文田😂）自從有次發現咗呢間餐廳之後 平時得閒都會走去食吃-3餅米線餐(酸辣中辣) $52[👅9/10]我通常都係叫魚腐貢丸魚皮餃🐟啲餸就正正常常 無乜特別 不過魚腐就係魚片頭嗰款湯底方面 酸度十分足夠 亦都夠鮮 唔會好大浸味精味😋辣味啱啱好 唔會好啃米線爽口彈牙 比平時食嘅幼身 同譚仔 /三哥真係有唔同另外佢哋個墨魚春卷都幾唔錯 但係餸入面無得揀呢個 淨係得套餐揀💰朋友話佢哋嘅豬大腸都好食 不過我唔食腸 所以唔知咩味喇🫠🤣差少少在於餐廳實在太細 有啲逼😖行入去都好驚撞到人🤷🏻‍♀️📍占占酸辣米線旺角勝利道16號地下B號舖

係勝利道嗰頭工作，得呢間係專食米線，所以就試吓，估唔到呢間嘅米線比平時食開嗰啲幼身，叫咗清湯底味道都OK但感覺味精比較重，叫咗三個餸$52有啲偏貴，佢係套餐，但熱飲都要加$4，凍飲要加$6。食物方面，豬腸比較瘦，冇乜肉食。豬紅夠實淨，唔會一夾就散。推薦食辣腩肉。

我記得旺角有間叫占占酸辣米線嘅食物水準好高，今次同朋友行開嗰頭就去試下。今次點咗招牌沙嗲村屋三寶米線，入面有豬皮、牛柏葉、魷魚，每款都新鮮可口，重點係個沙嗲醬，完全係港式味道而且有花生碎粒，絕對要試，清湯底完美食出沙嗲味，加上細長幼滑米線，好食！另外叫左清湯底米線，配料有秘制手打牛丸同埋炸魚角，米線好食不在話下，牛丸超級彈牙又好有牛肉味，係必食之選，炸魚角同樣有魚鮮味道。另外炸燒賣及炸墨魚丸係即叫即炸，值得一試，特別係炸墨魚丸。如果大家鍾意食車仔麵咁自己揀餸，可以嚟占占酸辣米線。

 去開旺角勝利道寵物街買嘢，見到有間米線好多人排隊食，😳米線控嘅小妹梗係要試吓啦！😏呢度嘅米線有五款套餐，有招牌沙嗲屋村三寶（豬皮、牛栢葉、魷魚）、墨魚春卷、自家製手打牛丸、黃沙豬潤、肥牛，或者可以叫三餸米線起，加$4就有杯野飲，價錢都算合理。三餸米線餐（$52）酸辣（少少辣） 腩肉、雞中翼、貢丸 鍾意❤️呢度嘅湯底夠酸，湯底又唔會油，少少辣都夠晒惹味！😏米線比平時食到嘅米線更幼細，口感更煙韌！貢丸好食，有一絲絲咬口，肉香味美～☺️雞中翼比較細隻，味道普通，腩肉爽口，值得一試！黃沙豬潤米線（$52）麻辣（少辣） 加魷魚🦑（+$9） 麻辣湯底嘅辣味獨一無二，一啲都唔油，但辣度卻十足！🌶豬潤鮮嫩，魷魚爽彈～炸物拼盤（$48）拼盤有炸燒賣、墨魚春卷、炸墨魚丸，🌟推薦❗️ 炸墨魚丸彈牙！🌟推薦❗️炸燒賣食落感覺似係雞肉燒賣，好有咬口，🌟推薦❗️墨魚🦑春卷外皮薄而脆，仲有粒粒墨魚粒，咬口十足！😋

今晚同同事去咗旺角勝利道揾食，揾到呢間米線小掂叫「占占酸辣米線」！🍜😋兩個人點咗兩碗三餸清湯米線🍜同兩個小食！🤤☃️點咗芽菜、牛柏葉、炸午餐肉米線$52😏炸午餐肉好厚切，炸到油而不膩❤️🧡炸物拼盤$48包括墨魚丸、墨魚春卷、燒賣，炸到好香口，炸墨魚春卷同炸燒賣有驚喜，大推👍🏻💛炸黃鱔骨皮$22炸到香脆可口，就咁食或者放湯食都好正👍🏻📍 占占酸辣米線 (旺角)旺角勝利道16號地下B號舖#勝利道 #旺角美食 #墨魚春卷 #炸午餐肉 #炸燒賣好好食 #foodiehk#hkigers #hkgirls #hkgirlstyle

占占酸辣米線🍜｜旺角 重口味米線 流曬口水 必食炸墨魚春卷｜😚我自己就真係非常之鍾意食米線呀，但係得來又夠飽肚，最重要平平地咁就一餐。今次就嚟到旺角試吓呢間喺小巷入邊嘅米線。聽講佢嘅炸墨魚春卷非常之好味🍜酸辣湯腩肉魚腐豬大腸米線 $52湯底方面，重口味人士一定會好鍾意，不過我覺得酸味可以再重啲。腩肉都幾入味，魚腐索晒啲湯汁，咬落去就爆曬汁。豬大腸都冇其他異味，都好軟，唔錯嘅OK。米線就偏向幼身啲嘅，比起食譚仔嗰啲闊度就再幼啲，但都幾彈牙🍜招牌三寶米線 $52招牌三寶米線就包左右沙嗲汁魷魚，沙嗲汁豬皮，同牛柏葉。我覺得佢嘅沙嗲汁味道都幾特別，因為從花生醬味之餘，味道仲係甜甜地。仲食得出啲花生碎，真係幾唔錯，推介俾大家清湯生菜 $20清湯生菜個湯一啲都唔清，重口味人士一定好鍾意，湯底仲有少少辣辣地咁炸墨魚春卷 $28炸墨魚春卷就一定係必食推介。佢外面嘅腐皮炸到好趣又好薄身，而入面嘅墨魚就好彈牙，味道都好夠鮮凍檸茶 $6

位於旺角及何文田之間的酸辣米線店，食店不算多，附近一帶主要都是寵物店、獸醫及寵物美容店。米線店入面都是高達模型的掛畫，估計店主是高達擁躉呢，很特別。而食物方面則供應湯米線，以車仔麵形式揀選餸菜、湯底、辣度等。另加少少錢可跟餐飲。湯底：酸辣 少辣必食套餐：墨魚春卷米線加餸：雞絲、魚腐、鮮枝竹 上枱時還以為是下錯單，因為湯底看似清湯，湯底毫不油膩。湯底酸，酸度足夠，主要是來自醋來調味；而辣度方面不算辣，米線份量多，比平日的米線粗度更幼細，口感很煙韌，相對上會很掛湯。酸菜湯底裡面有甜的酸菜。墨魚腐皮卷有粒粒墨魚粒，有嚼勁；雞絲其實是較大條雞肉條，有多條，都是連著脂肪部份。鮮枝竹多片且厚實。湯底：酸辣 中辣3餸米線餐：炸醬、豬皮、魷魚加餸：豬大腸、豬紅本身湯麵已經有包含芽菜、韮菜、蔥花、芫茜。而炸醬也加進湯裡。每一份餸菜都有數份／粒，相當豐富、足料。豬皮很有韌性、爽彈；魷魚爽滑；豬紅及豬大腸滷得入味，豬大腸沒有強烈的異味。

喺旺角行咗成日街，真係肚餓到流淚，所以坐火車返屋企之前就去食碗米線醫吓肚啦！喺勝利道嘅占占酸辣米線係我哋其中一間米線私竇，占占酸辣米線嘅酸辣比例好啱我哋口味，所以我哋嚟開呢頭，真係行過路過唔好錯過。炸黃鱔骨皮小食就揀咗炸黃鱔骨皮，同平時出去食開嘅炸魚皮唔同，因為餐廳選用咗黃鱔嘅皮去脆炸。炸黃鱔骨皮較厚，所以質感偏硬，食嘅時候需要浸湯食，勝在魚味濃郁，值得推介。招牌沙嗲屋村三寶米線沙嗲屋村三寶即係豬皮、牛柏葉同魷魚，餐廳細心將沙嗲屋邨三寶分開上，咁樣就唔會令湯底溝淡沙嗲味啦！沙嗲唔辣，但非常香濃，仲帶有粒粒花生，口感充滿層次，而豬皮同牛柏葉索晒汁，好惹味。三餸米線餐 - 炸魚角、腩肉、貢丸酸辣米線配料嘅選擇有成30款，而且所以選擇都係均一價。湯底可以揀麻辣或酸辣，當然可以揀埋辣度啦！我就揀咗最愛嘅酸辣湯底，酸辣比例好啱我心意。配料方面，首推係有少少辣味嘅腩肉，非常入味，米線底同配料份量十足，夠晒飽肚。

占占酸辣米線何文田區高質平民之選今日帶隻寵物去何文田睇醫生順便搵野食行過依間門口幾多人排嘅米線見價錢都合理就去試下入面好多gundam 嘅poster幾有趣～好啦講返啲嘢食叫咗佢哋嘅三餸米線麻辣湯底小小辣有牛柏葉魷魚魚皮餃首先要讚下個湯底個麻辣味好過癮食完個口有小小麻但又唔會過喇辣食到成頭汗米線份量正常男人都食得飽之後講吓啲餸有三粒魚皮餃煮得幾好 無overcook然後啲魷魚好爽口而且夠厚身正呀少少煙韌牛柏葉都幾爽口同洗得乾淨跟餐加$4要咗杯熱奶茶茶底夠濃奶夠滑最後亦都加咗個清湯娃娃菜份量好多係一個大碗娃娃菜好甜成餐好健康好滿足個湯底真係要講多次真係幾唔錯店員都幾有禮貌

同朋友玩完室內攀石，好攰，見到對面呢間米線店，我哋兩個都想快快脆脆食個晚餐，然後返屋企。 小店裝修格局，乾淨企理。湯底有清湯、酸辣、麻辣3款口味，我哋兩個都鍾意麻辣🌶，喜歡花椒那份麻香的味道。🍜三餸麻辣米線$52 (腩肉、韮菜、 魷魚🦑)🍋飲熱檸水+$4我點咗三餸麻辣米線，要求少米線，湯底不太油膩，麻辣配合得亦平衡，係我鍾意嘅味。腩肉燜得入味、魷魚爽滑。🐟炸黃膳骨皮$42呢個小食其他地方好少有， 炸到金黃脆卜卜，幾惹味，我浸落麻辣湯到，吸收麻辣湯，加添惹味，但口感依然脆卜卜，口感高分。🐮麻辣肥牛米線$52，煎午餐肉+$9，韮菜+$9，飲凍檸茶+$6🍋朋友選了肥牛加午餐肉，十分邪悪😆，肥牛份量都唔少，而且每一啖都食到配菜，酸菜、芽菜及韮菜都幾多幾慷慨，又麻又辣好過穩。再飲啖凍檸茶，佢話好正😆。

平時外賣占占就多堂食就第一次都係食酸辣米線😛男朋友嗌炸醬、腩肉、雞翼我地都鍾意佢個炸醬大粒過譚仔食落比較有口感腩肉大小不一 係有醃過嘅 唔錯雞翼夠滑 有兩隻+$6飲咗凍奶茶我就嗌咗炸午餐肉、大腸同牛栢葉午餐肉真係厚切😍不過我覺得炸物如果分開裝會好啲🤪牛栢葉我見佢推介所以試下 不過不失大腸夠肥 有鹵過都夠入味我地仲嗌咗個小食拼盤share除咗有招牌墨魚春卷，仲有炸燒賣同墨丸我地最欣賞都係嗰幾粒墨丸下次可能齋嗌佢🤪