友義氣‧酸菜魚

Open Now

Now Closed

疫情下冇得出外旅遊，唯有周圍搵嘢食走到榮芳街一個小商場入面，突如其來好想食酸菜， 該店主打四川菜、避風塘小炒及邪惡黄金小炒 食後感不錯，仍有進步空間， 但以價錢合理， 仍會繼續光顧 嘗試不同菜式

酸菜魚這個為夏天吃的好東西，朋友工作多，沒有想吃的，就帶他吃一個好魚湯，環境舒適，店員也很好，牆上中式的裝飾也要看看。被遺忘傳統滋味，今天要來一吃這特別的食物沙拉骨熱愛大牌檔小炒，也就來個簡易版沙拉骨～平時在家喜歡煮西餐，其實中菜也很愛吃的，大牌檔的小炒，重點看到師傅手勢。或許讀書的時候已經很喜歡吃大牌檔了，一個菜，一個湯，令人快樂～沙拉骨酸甜開胃！這沙拉骨是一道小菜，以煎炸過的先將排骨酥炸至金黃色，棒，可以吃下數個飯，份量非常多，不錯～酸菜魚看書明白到酸菜魚是四川家常名菜，以鮮草魚為主料，配以酸菜，和其他調味料理。麻辣美食都很吸引，夏天會吃川菜～川菜店獨有之食物～不論主角酸菜魚，抑或肉類、涼菜 小吃，價錢都非常親民，適合想初嘗酸菜魚。店子之酸菜魚花樣多，除了原味外，可選胡椒上湯微辣及大中小辣。骨未變硬的加州鱸魚，每天直送，然後泡薑、泡椒、花椒粒、自醃酸菜等來滾煮，感覺棒棒，新鮮！芒果梳打夏日飲了很棒～透心涼芒果梳打，吃熱食物飲！

一直好想試酸菜魚，因為係我記憶入面我好似冇食過❓係葵芳行完街心血來潮想搵下附近有冇酸菜魚食，就搵到哩間啦🐟☑️標準酸菜魚 $188佢地聲稱湯底都好好飲，上枱既時候姐姐會叫你飲左湯先食魚🐟所以我都試飲左幾啖，酸酸辣辣又幾好飲喎🤣辣度方面我叫左小辣🌶️除咗有辣椒仲有滕椒，魚肉係用鱸魚，超級滑，而且冇骨，魚肉索哂啲味道，食得超過癮，裏面仲有寛粉，芽菜，酸菜，萵筍，金針菇😍萵筍意外地搭，又入味又爽👍🏻☑️黃金鮮魷 $108所謂既黃金係用蛋黃做成，每條魷魚外層都包左一層蛋黃去炸，本身炸魷魚已經好香口，加埋蛋黃既味道更上一層樓🥚☑️荔枝梳打 $22荔枝既味道好清新，唔會過甜，入面仲有啲爆珠粒粒，適合夏天既味道。☑️草莓乳酸 $22濃濃既士多啤梨味加埋乳酸，入面同樣都有爆珠粒粒，用黎送辣野都唔錯。

入開葵芳，順便去試之前朋友介紹的餐廳食酸菜魚，說平靚正！友義氣、酸菜魚位於葵芳恆景商場，近葵涌廣場…友義氣店舖不太，但坐位也算寛躺，在門口看看餐牌時，店員已經很有禮貌地介紹和招待🥰老檀酸菜魚（標準和中辣），魚片是用鱸魚片，厚切，鮮嫩彈牙！配菜也不少，薯粉是寛薯粉，口感q彈！湯底濃郁，又夠清，飲完也都唔覺得口渴！水煮牛肉客飯，雖然是客飯，但牛肉份量不少，用咗鮮牛而且是厚切！越食越麻🤣🤣豉蒜虎皮椒，虎皮椒顏色鮮綠，略帶焦糊的味道，香辣油潤的感覺！

家姐黎葵芳搵我食lunch ，她一向也是無辣不歡的一族十分喜歡食口水雞。今日一於帶她去葵涌廣場附近的酸菜魚粵川菜館， 嘆一個勁辣的午餐：）這裏食物種類眾多，除了主打的酸菜魚等川菜外，亦提供港式茶餐、早餐及小炒，價錢便宜。一坐下侍應很熱情地介紹食物給我們， 我們order了主打的酸菜魚 、口水雞和雞絲粉皮套餐。 看著牆上的餐牌才知道酸菜魚是用鱸魚製作的我都是第一次食十分期待。當酸菜魚上枱時真是又驚又喜；好大碟又熱辣辣的， 侍應提議我們先喝湯才吃魚肉。湯很鮮味，魚片厚度適中滑溜；好好味。而配菜更是多元化 內有金菇 、薯粉、 大豆芽、萵筍等。十分足料及正宗～ 好食到差點兒連口水雞也忘記吃了🤣口水雞的雞肉幾嫩滑又正宗，家姐說最緊要夠辛辣 😂。如果想中和辛辣的味道，吃一口麻醬手撕雞，也是一個不錯的選擇。 最後來一 凍鴛鴦和士多啤梨乳酸涷飲解一解渴。士多啤梨乳酸內， 有一粒粒粉紅色的爆珠，珠內有士多啤梨汁令人十分驚喜。這餐家姐說十分滿足，下一次一定搵時間再來辣一辣。

呢排經過葵芳想食酸菜魚 就開OpenRice 搵下就搵到呢間 位置唔算好遠 就試下去到等左幾分鐘就有位 職員好有禮貌 就推介左黃金蝦比我地黃金蝦黃金蝦係有啲咸蛋黃係面 表皮超鬆脆同好香咸蛋味 好似食緊咸蛋黃炸魚皮咁 仲要係有鑊氣嘅蝦餅🥰🥰超邪惡嘅咸蛋黃配埋可以連殼食嘅蝦真係超幸福🥰🥰 十分推薦大家試下酸菜魚跟住就嚟主角酸菜魚 配料同魚肉都好足夠 配料有金菇同薯粉同芽菜 十分足夠🥰🥰 同埋味道都好夠 夠酸夠辣 個味唔會唔夾 諗起之前去過一間荔枝角嘅酸菜魚 食得出啲味係完全唔夾 所以覺得呢間好好 仲要平啲魚肉仲大大舊 有十五舊左右 真係好抵食🥰🥰野飲就叫做芒果乳酪同埋青檸梳打 但之後都想叫返大大杯嘅凍檸樂🥰🥰因為真係勁大杯 可以慢慢飲 但芒果乳酪都唔差🥰 甜甜地好開胃

有一日去咗葵涌廣場行街，晚飯時間搵嘢食之際，老公就話想食酸菜魚，然後即刻搵吓附近有冇可以食酸菜魚嘅食店，然後就搵咗呢一間近近地，就過咗去食，入到去店舖細細，對佢冇乜期望，坐低咗之後呢面就俾咗菜單我哋睇，我哋就叫咗一個標準size嘅酸菜魚，一個鮮果咕嚕肉，亦都係我老公好鍾意食嘅一個菜式，然後就加多一碗白飯，酸菜魚嚟咗之後個樣好靚，店員同我哋講話食魚之前可以先飲咗個湯，會比較鮮味，我哋跟店員先飲咗個湯，果然真係好好飲，好鮮味，本身對佢哋冇乜期望，但係我覺得係我食過咁多間嘅酸菜魚來講，佢係算係高質素，份量有多足夠兩至三人份量，然後味道又夠，辣度我哋就叫咗小辣，本身酸菜魚裏便會有一啲寛薯粉，芽菜，酸菜，雲耳，萵筍，當然唔少得嘅就係魚，佢哋選用左海鱸魚去製作，魚肉嘅份量都好多，完全唔會慳水慳力👍🏻👍🏻👍🏻👍🏻真係值得推介，食到一半之後鮮果咕嚕肉都上枱啦，好香菠蘿味，原來佢係用菠蘿搭配咕嚕肉去整，咕嚕肉入口好軟身，完全唔會覺得粉多過肉，相信佢哋另外嘅小炒菜式都會好好味，最後我哋叫咗一杯青檸梳打，同埋一杯菠蘿梳打，兩杯特色飲品一啲都唔甜，最啱一路食酸菜魚辣辣地一路飲👏🏻👏🏻👏🏻👍🏻真係超級推介呢間小

恆景商場啲餐廳出名好食，特別好食果幾間總會大排長龍，其中一間就係依間友義氣酸菜魚，一於試試佢喇😋未食前要讚下店員好友善，會好有笑容咁同我地打招呼同落車，感覺好有人情味！我地今次試左招牌2人份酸菜魚、黃金軟殼蟹同埋雞絲粉皮，真係唔係講笑，樣樣都好好食，贏出面餐廳幾條街！首先講下個酸菜魚先，我地點左bb辣，食落酸同埋辣好平均，味道剛剛好！而且份量好多，魚塊應該係新鮮魚片黎，好滑、好鮮而且好大片完整！超好味！！😋😋💕（我地食到最後仲要飲哂啲湯！勁癲）另外黃金軟殼蟹上枱果陣係剛炸好，咬落好脆但內裏又係好鮮嫩嘅軟殼蟹，好耐無食過又脆又薄炸粉嘅軟殼蟹了，而且食落有好香嘅咸蛋黃味，超正！十分推薦！！而雞絲粉皮味道亦在水準之中，粉皮條條分明，好新鮮，而且夾埋雞絲同埋胡麻沙律醬一齊食真係好開胃！🥰好耐未試過食一間餐廳係無中伏了，每道菜都感受到廚師嘅用心同埋對味道執著嘅匠人精神，依間餐廳值得比更多人認識☺️☺️正皮！！

呢間舖頭名好切合今晚主題，因為好姊妹係俾我臨時拉夫，捉出嚟陪我食飯聽我吐苦水，認真友義氣。餐廳舖頭開盅明義係食酸菜魚，當然要食。標準嘅份量都好足，夠晒兩個人食，因為入面已經有埋寬薯粉。佢個湯做得幾好，一啲都唔油，夠晒酸，唔會得個辣字，用嚟撈飯都好正。而佢啲魚肉都好大片，起晒骨啖啖肉，最重要係夠晒滑。另外佢仲跟左啲我最喜歡嘅萵筍，不過就唔係好入味。另外我地仲叫左個黃金軟殼蟹，一拎試嚟已經超級香，佢個調味好好，夠晒香嘅咸蛋黃但食落又一啲都唔膩，啲炸粉又岩岩好唔好太厚又鬆脆，一食就停唔到。嘢飲我就揀左個草莓乳酸，幾好飲，唔會太甜，又解到辣。呢度可能因為主要做街坊生意，啲職員個個都好親切好好人，都會嚟同你傾下計，分享下覺得邊樣好味，而價錢都中肯，兩個人食飽飽都係$350，比起其他地方，有質素又抵食。

朋友係葵芳收工約埋一齊食晚飯🥣，大家商量之後，就揀咗「友義氣·酸菜魚」，小店除咗有我們鍾意嘅酸菜魚之外，還有小炒菜式可選擇，啱晒我們😘😘老壇子酸菜魚 $188四川酸菜、泡辣椒🌶️、花椒、辣椒滾湯而成，酸辣適中，入口刺激，再喝點湯帶鮮甜、魚片嫩滑，再加上紅薯粉，大豆芽等配菜，惹味開胃👍沙拉骨 $85是一道大排檔熱門的中式小菜，小店用上秘製醬汁醮制過排骨,炸得外脆內軟，拌入沙律醬，酸中帶甜好開胃，送飯一流😍😍友義氣小炒皇 $98鑊氣十足，鮮蝦球，帶子肉，韭菜花，乾魷魚🦑蝦乾，炸腰果等丰富材料，難怪吃得一口鹹香又滋味👍👍芒果乳酸 $22 荔枝梳打$22芒果味乳酸凍飲🥤，酸酸甜甜，荔枝蘇打凍飲，夏天來一杯最解暑，小店更特別加入果汁爆珠，飲落好得意😎

朋友發掘到呢間食酸菜魚，知我都食所以帶我黎試下酸菜魚 特選海鱸魚 (標準 $188)一上酸菜魚就覺得好香，食落有麻既感覺，叫左小辣，辣度可接受，唔會好似出面啲小辣都勁辣咁，雖然味道麻辣但唔會覺得佢太重味或者太油膩，魚都幾滑，仲有芽菜金菇同煙煙銀銀幾有口感既粉皮做配菜我通常食酸菜魚都配飯，白飯$10黃金鮮魷 $108外脆內軟，外皮沾滿香濃嘅鹹蛋黃味尖椒糖心皮蛋 $48充滿尖椒嘅麻辣，再配上晶瑩通透既皮蛋，格外滋味食辣野點少得飲番杯凍飲，同朋友叫左杯梳打，賣相好靚，一開始都好夠氣，放耐左就無菠蘿梳打 $22甜甜嘅菠蘿味同好多爆珠係底鮮青檸梳打 $22淡淡既青檸味，唔會落咗糖水好甜咁

今日去了葵芳！同朋友去食酸菜魚！在恆㬌商場！食"友義氣，酸菜魚"內面裝修簡潔！有中式山水風！。我們點了招牌～酸菜魚鮮菠蘿咕嚕肉黃金金沙南瓜飲品～大檸樂招牌～酸菜魚酸菜魚～有不同的辣度我們選了bb 辣，唔食辣的可以選不辣！魚肉好多，內面有寬粉，萵苣，豆芽......鮮菠蘿咕嚕肉有六分一個鮮菠蘿，咕嚕肉好好味！黃金金沙南瓜外面脆脆，金沙醬好香！內面的南瓜軟糯好濃！🤣😂飲品～大檸樂好大杯！今次真的"大檸樂" , 好努力飲！

最近好想食酸菜魚，於是約左媽媽一齊食酸菜魚。⚠️酸菜魚：用左海鱸魚，魚肉非常嫩滑，有入口即溶既感覺。酸辣剛剛好，好開胃，配上香濃的湯底，惹味十足。⚠️雞絲粉皮：麻醬加青瓜絲和粉皮，仲有雞肉絲，唔錯。⚠️黃金軟殼蟹：內軟外脆，炸得好香酥脆，再用鹹蛋黃炒一炒，食完一塊接一塊。⚠️啫啫生菜煲：由於加左蝦米，魚露和鹹魚粒一齊炒，整個菜都好香鹹香味，而且生菜炒得好翠綠又爽脆，用黎送飯一流。⚠️飲品：食炸野同辣野既既必備飲品，酸酸甜甜，好冰涼。

抱著試下嘅心態進店，首先服務態度已加分🥰午餐好選擇也不少，但睇嚟睇去都係望住酸菜魚😆😆落單後有點期待，標準盤的份量已不小，碟邊印了魚好吃湯更好喝，那不得不試吓，可能合個人口味，果然不錯👍🏻😋 海報註明海鱸魚，肉質也滑，酸菜有丁點咸但也可接受，配菜薯粉、萵筍、大豆芽、金菇都不會過熟👍🏻由於係二人午餐，沒再點其他食物，酸菜魚$188已包括一碗白飯+茶餐廳飲品，已足夠飯腹。見其他客人點了辣子雞，下次會再試埋口水雞😬

友義氣酸菜魚認真有義氣！魚肉都多過人🤣酸菜魚BB辣原來都有啲辣，下次我會食唔辣😅$188大大碟酸菜魚，話就話酸菜比魚好吃，但我始終都鍾意食無骨又好滑嘅鱸魚🐟多d，香料好足，味道好掂！入邊仲有啲薯粉夠晒入味！新鮮菠蘿咕嚕肉🐷$88咕嚕肉新鮮炸起仲脆卜卜全部都係肉唔會有肥膏同埋骨簡單菜式但係做得好出色！新鮮菠蘿燒過特別甜！大檸樂$22今次真係大大大大大檸樂😹好大杯！解辣一流👍🏻荔枝梳打$22鮮甜荔枝味，夠曬氣😶‍🌫️，入邊仲有爆珠！呢間酸菜魚味道正，份量多，一定有下次！