台灣ET鹽水雞 (Closed)

自己對台灣鹽水雞無甚興趣，友人卻大力推薦，話去到台灣係掃街必食，結果去年係台中食過一次，一般般無甚特別，所以興趣不大.今次幫襯ET鹽水雞，一來係哩個美食巿集霸咗個好位置係鹽水雞對出，兩來年尾去台灣，想再食多次鹽水雞，再比較一下.近日天氣太熱，根本無胃口食 lunch，但因為突然左眼生瘡，要食藥，所以要食D嘢落肚送藥.做咩生眼瘡？咪鬼提啦！點咗個鹽水雞套餐，另外點咗西蘭花同薯仔做配菜.雞肉本身平平無奇，但淋上甜中帶少少酸同咸嘅秘制醬汁即刻味道提升，另外我好怕食大大塊雞皮，超重罪惡感，餐廳好醒目，將D雞皮切細塊，入口嫩滑，欣賞餐廳哩個處理手法.只可惜雞肉肉質比較鞋口，唔夠嫩滑，失色不少.做咩生眼瘡啫？重問？打得少呀！

今日去左大圍呢個fooddcourt食lunch，都好奈冇食鹽水雞，一於整番兜黎過下癮。每次見到咁多送揀，就會忍唔住想樣樣都剔，最後都真係好貪心咁剔左五六個送，咁奈冇食就唔計咁多lu。海帶（以為一塊塊原來一絲絲）、芭樂、青瓜、百頁豆腐、芋絲......好似仲有一樣但唔記得左。成兜野既size都幾大兜，撈多幾撈就發覺量都集中喺麵底度。麵底既大小簡直係以前喺對面海果邊某間食過既加底咁滯，對於怕唔夠飽既人黎講，的確係好事黎。可惜雞同配料既份量就真係唔係好夠睇頭，老實講直頭有d失望。至於味道，其實就ok既。佢既調味粉落得都幾多，所以香味都夠。

在瘟疫蔓延時，作為身壯力健的年輕人時，經常悶在家，委實難受😪，於是唯有外出運動，偶然踏單車🚴🏾‍♂️去到大圍，本來想走走之前看到網上有一間很多冰鎮食品、或是花雕食品的店舖，後來醒起可能是在某個街市的領展商場內。想不到，走着走着，竟然見到這個「搵食市集」，內裏的裝潢好像內地那些美食廣場，中間很多長櫈供客人在現場進食，店舖全部都只有一個開放式檔攤，食客又可以大家光顧不同的店舖，旁邊又有充電器可以讓食客把手機充電。這個美食廣場，內裏又不盡是中式食品，反而包羅了各國美食，例如荃灣吃過的韓正屋、佐敦吃過的景霖米線、還有葵芳或尖沙咀都有的ET鹽水雞、但竟然旁邊那一間泰式食品才最多人排隊。於是，一場來到，就買了個ET鹽水雞外賣，因為上次試了半隻雞，除了份量比較多之外，其實雞肉偏向又乾又硬，倒不如這次直接叫雞翅膀，或是雞腿比較穩妥，雖然明知雞肉應該會比較少，但是好吃就夠了，不好吃，給你一大盒也沒有用。😉一個雞腿，雞肉不算太多，但是非常之滑溜的雞肉，剪得非常之細小，好像手撕雞一樣的細細條雞絲，有些連同雞皮，味道不錯；這兒終於有甜不辣，甜不辣份量也不算太多，應該都是五、六條之內，但是非常之煙韌，咬落非常彈牙

多次出入台灣，也未嚐鹽水雞，今天路過大圍市集，一試無妨。大圍市集是區內獨一無二的food court，選擇和外邊大商場的也差不多。點了一人A餐要雞胸，配皮蛋，齋鮑魚，招牌洋蔥。買回家試。整盒東西就主要靠撈的醬料調味，紅噹噹，其實不是很辣。反而是辣粉料，油之類調不開，味道帶苦澀，不知道這是否台灣口味？鹽水雞，想必是鹽水浸雞一類，口感硬實靭，雖是雞胸，也不至於此，想必過程處理得不好，或是來貨？說實話也沒說明原隻浸雞，或許可以來貨雞髀雞胸再浸熟，這樣質素就難講了。齋鮑魚，麵根一類，切開後完全沒有特色可以，就是麵根加辣粉味，本身也沒味道。皮蛋可以，配辣本來就好。招牌洋蔥。無言，不過就是洋蔥，有可能輕煮可醃製，但有幾塊好靭，是洋蔥表面幾塊？何來招牌？想聽聽説法。整體而言，是不是台灣口味我不知道，反正不推薦。還好沒配飯麵。

近排台灣大選成為全球焦點，猴子都湊湊熱鬧，來到台灣ET鹽水雞吃一餐台式午飯。猴子點了最大眾化嘅A餐，係一人份量，主食係台式冷麵，餸菜就揀咗雞腿、皮蛋同雞腎。  烹調方法係將所有食材混入加了醬汁嘅冷麵，然後炒埋一碟。由於醬汁味濃，所以各種食材嘅味道都分唔到太清楚。幸好雞腿同雞腎係兩種截然不同嘅口感，一個滑，另一個爽，所以食起上嚟都唔會太單調。至於皮蛋，由於味道同醬汁有啲「撞」，所以食起上嚟有種「無乜味」嘅錯覺。  話明係鹽水雞，所以都預咗鹹味比較高，食完之後雖然有啲口乾，不過唔鹹又好似冇咁惹味。

1人餐配鹽水雞+3項配菜+冷麵 ($56):配菜有好多款選，例如金菇、貢丸、芋絲、西蘭花等，可以自由選擇，每項配菜有大約3-4舊到。鹽水雞既份量都幾多，冇骨有皮，溫度剛好，鋪滿係冷麵上面；肉較韌同痴牙，不嫩口，可能煮得太老，或者係雪得太耐，而且食唔到雞肉既鮮味，每一舊只係充滿鹽巴、白胡椒粉、五香粉味，舊舊都好粉，雖然唔太咸，有少少藥香味，但整體味道係令人有d失望。我今次叫咗大辣，但完全唔辣，我以前食譚仔係食小辣，都完全唔覺得辣。至於冷麵冇咩特別，麵條略嫌夠乾，不易拌勻醬汁，味道一般！總括黎講，我覺得整體食物一般，雖然份量多都抵食，但味道就麻麻，味噌味重，應該唔會再幫襯！By instagram: foodiewithualways

相信好多去過台灣既人都有食過鹽水雞﹐真係又平又抵食，仲要好好味！！ 可惜香港雖然有好多台灣餐廳，但係鹽水雞就好少見，有時癮起想食都唔係咁易~ 經過見到呢間台灣ET鹽水雞咁特別，當然要試下同台灣有咩分別😄一人餐($46) 可加$10加配飯/麵一人餐可以揀雞胸/雞脾/三隻翅+三款自選配菜，我地選擇左雞脾+甜不辣、蜂巢豆腐同雞腎。 付款後店員會俾一個牌你，餐點整好後就會響提示你取餐，一打開個盒隻色係紅色的，食落醬料亦似韓式辣醬，有別於係台灣食過既味道。 可幸係雞脾滑溜，而且已經拆左骨成一塊塊，非常容易進食，三款配菜以甜不辣最出色，軟糯軟糯有d似年糕，係我鍾意既質感，蜂巢豆腐同雞腎表現正常，雞腎爽脆唔會梅。整體味道同係台灣食既有分別，可能係為左香港人既口味而作出改變，好唔好食就要睇個人岩唔岩口味，自己就覺得可以接受。份量係無加配飯麵情況下都有一大盒，量好足夠，亦適合作下午茶或小食食。

四十幾蚊想有菜有肉有飲品，又唔想食茶記，台式鹽水雞都係一個唔錯嘅選擇。 尤其天氣熱，涼菜類嘅更加適合開下胃。鹽水雞係台灣都係街頭小食，賣相唔係重點，係呢度都一樣😂 46蚊嘅套餐有鹽水雞+2項自選配料，雞無乜肥膏亦幾有口感，係不規則嘅肉條狀。我就選左金菇同木耳，選係「相對健康之選」，底可以選冷麵或白飯，飯唔錯唔太林，份量多，我食左2/3已經飽，不過呢d辣辣口味配冷麵好似更加夾。ps.建議唔喜歡太鹹嘅朋友可以選淡味鹽水雞，因為d配料同汁調味都幾重。

大圍新興既飲食市集，不常去，因為不近屋企。但呢日朋友到訪，應友要求，就黎呢度試試。見到鹽水雞，即心心眼去過台灣就愛上食鹽水雞，依家大圍有喇，當然要食。我同老公兩個，叫個台式冷麵二人餐，可以揀三款配菜，我地揀左雞肉，雞腎同木耳，辣味都有幾級，老公揀小辣，等左一陣就有喇。個樣好吸引呀，以為自己去左台灣一食落口，就知高估左自己食得辣既程度雖然辣住咁食，但相當有風味。配料既份量好夠，汁係撈得好均勻，每條麵每舊餸都沾滿汁，雞肉黏住皮，雞食雞皮既朋友就岩晒。惹味惹味

夏天天氣一熱就會冇胃口, 唔想食熱野, 呢個時候就好想食鹽水雞。一人餐可以揀雞胸或者雞腿加三個配菜。今次我揀左雞腿配青蘋果, 皮蛋, 青瓜🤤 青蘋果同青瓜係我每次必點嘅😋我會揀淡味, 淡調味嘅雞腿加清甜嘅青蘋果,爽脆嘅青瓜, 真係好夾🤤

大圍個揾食市集開左咁耐都未試過，今日咁岩經過就入去試試。因為4點幾，人不多，很多座位。見到有鹽水雞飯，$38連飲品，相對平宜便點了一試。大約等了5分鐘就有，我點了少辣，份量適中，但感覺比較多洋蔥，而且比較生，影響整體味道，個人來說就不太喜歡。

第一次食叫左個二人餐半隻雞加三款配料蘋果 芭樂 小黃瓜小辣另加左一個飯一共$85價錢同區比較算平外賣拎返屋企打開個盒一睇好似成盒泡菜咁既色雞既份量十分充足無咩骨 得雞翼雞比位有骨呢樣野要加分但要講下減分野第一樣要彈味道- 好似加左韓式大醬咁既味仲有生蒜味 之後就得返辣味份雞咁好但個調味真係跟唔上第二樣 唔知係咪我唔識叫配料佢地同隻雞完全唔夾咁不如比幾個套餐或者建議因為我咁樣叫法真係唔好食浪費左隻雞最後一樣就係呢間野真係要更多元化因為無咩好揀行過咁多次（都30次以上）都無咩意欲買佢今晚屎忽痕先食第一次

今日拜完車公 。。所以過咗嚟大圍搵食叫咗個a餐 雞胸配三款配菜加麵配菜要咗小黃瓜，娃娃菜，百頁豆腐整體嚟講成碗野都唔係好夠味。。。 小黃瓜係可以接受 ， 娃娃菜太過淋，百頁豆腐完全係冇味道可言失望

一直係et既fans 平時幫襯開葵廣分店，見大圍開左新分店就試下啦⋯⋯叫個a餐，點知份量比葵芳分店少差不多一半，西蘭花同娃娃菜好林好梅..全部剪到超細粒..十足餸頭餸尾最過份係西蘭花只得三細粒莖，以及好多好似鼻屎咁細既菜花..前前後後幫襯左佢三次都係咁樣，以後唔會再幫襯！！不知所謂！！！！！！！！！！！！！！！！！！！！！！！！！！！！！！

平時係ET鹽水雞既粉絲，食過荃灣、葵芳、尖東分店，間間都好有水準。早兩日經過大圍分店，一見到即刻幫襯，但食完真係要講粗口，未食過甘差既鹽水雞！d雞肉係「梅」既！完全唔同其他分店既口感！配菜都係唔新鮮！d娃娃菜都係「梅」左甘！芭樂同青瓜都係唔新鮮！得青蘋果係正常！究竟d野擺左幾耐先會又梅又林？甘既質素都夠膽比客食，食完肚痛點算？我以為呢d加盟店係有QC、有質素保證，但原來可以爭甘遠！希望店家好好檢討一下！