呦呦鹿鳴布丁燒

Open Now

Now Closed

放工揾食去葵涌廣場掃完街後，無意中見到呢間小店幾有特色，於是買返個百爵茶布丁燒earl grey味道真係好有濃濃既茶味，加上滑啫啫，好soft! 真係幾好食喎😋做飯後甜品一流呀👍🏻 下次會再幫襯試下其他甜品

慢工出細貨,想食就要早D到葵廣呢間小店,長期有人龍原來大家都係等出品口味有基本款,朱古力,另有幾款特色口味,店主用水浴法焗製而成,與一般的略有不同芝士味輕,布丁好嫩滑,一杯甜品,2種質感加上微苦的焦糖醬汁,味道幾出色另有不定期限量既新款式難怪開鋪至今,天天都要排隊才吃到$38 一杯原味雲尼拿布丁燒,有咖啡味,椰子味抹茶味,伯爵茶布丁燒 $38可熱食可凍食熱食味道更突出,凍食就食到2種口感想熱食先預訂每一杯都印上可愛的圖案呦呦鹿鳴布丁燒葵涌廣場3樓3069號T5-T6舖

間中會去逛葵廣可是很少看到有甜品店，這間小店在頂樓，某次經過見到牆壁的畫覺得很有心思就留下印象，剛好臨近聖誕想買些甜品上朋友家一起慶祝就想起這間小店！總共買了4隻味道包括椰青，朱古力，伯爵茶和焙茶共5個！打開看到有招牌的小鹿標誌剛好很應節！4款布丁都很香滑，當中的朱古力味道香濃可以一試，另外的焙茶和伯爵茶比較普通沒什麼特別！最值得推薦的是椰青味，入口很香的椰青味，甜度也很適中，是4隻味道最值得試的！

電台大哥之前喺節目都有試食過呢個布丁燒，聽完一直都好想試吓———————————————回魂布丁燒 🍮(HKD38)咖啡 ❤️❤️❤️牛奶 ❤️❤️❤️❤️雞蛋 ❤️❤️❤️❤️今次去葵廣就係衝住呢個布甸燒而去！望到櫥窗有十種口味，包括：雲尼拿 、啤酒 、咖啡 、椰青 、抹茶 、焙茶 、伯爵茶 、 鐵觀音 、茉莉花茶 、朱古力好似隻隻都好好味咁，掙扎咗一陣，最後揀咗人氣No.1嘅回魂布丁燒(☕️咖啡味)喺門口食緊嘅時候，有新鮮嘅雲尼拿味布丁燒啱啱出爐，陣蛋糕香真係勾走咗個魂魄🤤好彩叫咗回魂布丁燒回一回魂👻———————————————講返個布丁燒先！蛋糕部份唔係海綿蛋糕，而係芝士蛋糕！雖然唔係特別幼滑, 但倒咗出嚟之後，吸咗布丁嘅焦糖漿變得濕潤易入口❤️而布丁燒嘅本體就係個布丁，蛋奶比例調校到挺身但保持滑溜，有少少慕絲嘅口感，真係非常CREAMY🤤而咖啡味好香好濃，完全唔苦澀，同布丁嘅蛋奶香可以話係天作之合💕食完之後香味仲會留喺口一段時間❣️(傳說中嘅齒頰留香 )寫完個食評回想返個味，搞到心思思又想再食🤤

布丁燒有分凍食同熱食，個人偏好熱食重點係唔算好甜，易入口，而且味道都相當濃香（食過椰子，雲呢嗱同朱古力味）不過一個成38蚊，細細個，其實都偏貴，唔係好捨得成日食，都係間唔中一次半次

間中行葵涌廣場有好多新發現，三樓絕對係小食天堂。行過呦呦鹿鳴布丁燒係其中一間人氣小店，只賣每日手做燒布丁，款都$38 每款布丁都係店主一手一腳研製，布丁燒上鹿形圖案精美有心思，口味有六款，有幾款限定發售 ，周末仲會有特別口味 雖然鋪仔細細，店主都有好心機去佈置，多可愛公仔打卡影相 全店最搶眼一定係打卡牆，畫得有心思，買完仲打卡 伯爵茶布丁 $38我最喜歡伯爵茶味，茶味會少甜。店員仲好細心倒布丁上碟，可惜倒出碟上反轉睇唔到可愛鹿圖案上層布丁，下層軟芝士蛋糕，布丁入口奶味香，茶味適中，甜度剛好，芝士蛋糕質地輕身，上下層加起有兩重口感有機會可能買到新鮮出爐熱布丁

I saw this pudding place online, so I wanted to try it out haha. Known for their "deerlicious" pudding, this place sells puddings of various flavors. I chose 㭉莉花 pudding because I wanted to try something different, but I dont know what kind of flower it is to be honest with you haha. It kinda had a hint of rose flavor to hit, but it wasn't very strong. The bottom of the pudding was a sponge cheesecake and was really soft and fluffy. The pudding was good, but would have been better if it had a st

行葵廣掃街是常識吧見到呢間布丁燒好多人排隊，d壁畫仲好靚添～一於試試先！見到好多布丁排排隊，好想每隻味都試下啊！我地試下earl Grey味！仲要係低糖口味黎架！好香earl Grey tea味，仲好香滑，唔鐘意太甜既朋友仔一定要試啊！下次想試下雲呢拿😆😆

約了朋友在附近吃晚飯，決定提早到附近逛逛街，葵涌廣場是女孩子逛街必到的地方，衫褲鞋襪化妝品什麼都有，電話配件也有很多。很久沒有來，發現小食店多了很多，但已經吃過了午飯，所以咸點對我來說不是太吸引，一邊逛走到了”Top世界”區，在轉角位被這一間布丁店的”鹿仔”吸引了。“Deerlicious” pudding, 很有心思，感覺像台灣的甜品小店，一問之下，原來他們一家人經營，仔仔特別到台灣去學布丁，布丁樣子非常吸引，先揀味道試試先。有很多味道，選擇恐懼症又來了😆，一個也要$38，但用了北海道牛奶整，還要交租，我覺得可以吧。見到黑板介紹鐵觀音是新的味道，就揀了這個，另外揀了一個招牌的，椰爺布丁燒。老闆娘說要倒出來吃，所以吃之前先影影鹿仔。鐵觀音的味道不會太甜，不愛吃太甜的揀茶味就好。自己很喜歡椰爺的味道，裏面還有椰肉，好味道。新鮮出爐的非常吸引囉，但是已經吃飽了。如果送給朋友還有禮盒裝，好美哦😍

近排轉左黎葵芳番工，附近有得掃街好開心😎今晚約左男朋友接我放工，順便去葵廣掃街，重温下當年做學生妹既感覺😂平日夜晚既葵廣依然咁多人，而我依然會係葵廣蕩失路🤣搵左好耐終於搵到呢間布丁燒😋店面好可愛，舖面牆身係店主親自畫既繪畫，好有心機👍有好多種味揀，選擇困難症又發作啦🤔原本揀好想食招牌既椰香，點知見到有限定既茉莉花茶，就一於試下新口味😎男朋友就揀左朱古力味。枱仔decoration好可愛😍有狐狸仔，刺猬仔同兔兔，打卡一流呀。布丁燒面有鹿既圖案，店員仲好細心俾我影相打卡先放落碟。我地影完相之後，店完仲好熟手咁加左少少糖漿，一手Cup轉左個布丁，震震下咁個布丁🍮就完完整整咁Cup左出黎了。食布丁前一定有指定動作，就係要動L下佢，2個布丁都好有彈性😂介紹番先，朱古力布丁係勁濃郁既朱古力味，有d似double chocolate咁，加上布丁本身微微地凍，就唔會話好膩。另一個茉莉花味布丁，食左一啖之後就慢慢滲透出淡淡既花香味，十分清新。整體黎講，係葵廣掃完街想輕食個甜品既話，呦呦鹿鳴布丁燒絕對係你其中一個選擇。

葵廣係廣為人知嘅平民美食掃街天堂，行街買衫食嘢一個地方搞掂晒真係好方便。每次黎，都多左好多小食店，撈面、炸物、特色飲品，應有盡有。其中一間吸引我眼球嘅，就係呢間呦呦鹿鳴。小店舖面設計簡約開揚，仲有個別具藝文氣息嘅壁畫牆做打卡位，單係呢樣嘢已經啱晒我呢啲偽文青影相呃like。食物方面，呢度主打布丁燒，有熱有凍，口味選擇眾多，搞到有選擇困難症嘅我好掙扎！豆腐味、焙茶味、Bailey味、Earl Grey味，全部都好想試，但得一個肚，最後揀左兩個凍嘅Bailey同Earl Grey。布丁燒嘅Structure 基本上分為三層，最底係輕芝士嘅餅底，中間係吹彈即破，滑不溜手嘅布丁，面頭係焦糖。Bailey 嘅布丁燒面頭會再倒一層Bailey 酒，加重左奶味之餘，酒味又有解膩嘅感覺。由於Bailey味道比較出，而另一款Earl Grey 始終係茶味，清新但味道相對比較淡，所以顯得較為失色，不過其實佢Earl Grey味係非常足夠，如果你係呢隻茶嘅愛好者，一定會鐘意! 我自己非常推薦Bailey 味，建議大家食完其他味先食佢，咁就唔會顯得其他味好淡。

葵廣除咗買嘢之外仲有唔少嘅美食😍同朋友行完街，買完嘢，當然仲要食下嘢啦💛我哋比呢一幅靚靚嘅壁畫吸引住原來係食布丁的小店~~ 通常係葵廣都係會食燒賣魚蛋，飲手搖飲品見到一間如此別緻嘅小店， 馬上被吸引住💛見到有好多唔同味道嘅布丁仲見到佢有一個18+bailey布丁🤣就更想試試一打開布甸盒嘅蓋， 就見到好可愛嘅小豬同小鹿應該係新年特別version公仔🤣🤣布甸十分香滑，食落有淡淡bailey酒香， 而朋友食的焙茶口味，也有香濃茶味。食住香濃滑溜嘅布丁 ，再打番個卡， 心情upup 💛

講起葵涌廣場，大家一定會諗起有好多街頭小食，當然葵涌廣場喺學生嘅天堂，踏入打工階段，有時我都好怕啲人多擠逼嘅地方🤦‍♀️今次嚟到葵涌廣場，特別黎食呢個甜品，佢有乜嘢特別之處？記得之前有飲食雜誌介紹過佢哋係一對年青小情侶一齊開始嘅，布丁會喺指定時間出爐一次，所以限量發售；震騰騰，開心心嘅雞蛋布丁 配上濕潤嘅蛋糕體🤩今次我揀咗烘茶味，起初唔特別濃，但係入口之後，漸漸回甘出嚟；低糖配方食完唔會好甜，做餐後甜品最適合不過👍記得細個鐘意睇邪留丸，邪留丸又鍾意食布丁🍮佢一定會搖一搖隻碟，令到布丁震騰騰🤤呢一間布丁燒同樣做到呢個效果，細細地一個三十零蚊，價錢合理，一個人食又食得曬，呢啲淺嚐甜品，回頭率極高❤️

葵廣有好多小食，呢間呦呦鹿鳴係少有地好清新嘅甜品店。佢有好多款唔同口味嘅布丁燒，見到佢寫住獨創口味，就試咗佢嘅鐵觀音布丁燒。本身見佢布丁上面嘅logo都幾靚，諗住影相打卡，點知佢擺喺碟度嘅時候係掉轉cup落去嘅，所以就冇影到相。亦都因為呢個原因，我哋係食咗佢底部嘅嗰層芝士蛋糕先，蛋糕非常之軟滑，有好香嘅芝士鹹味，食食吓就食到佢中間嗰層布丁，真係好香鐵觀音茶味，超級綿滑，配埋焦糖真係好好食。希望下次可以試吓其他茶味啦。

葵廣出名美食多，今日行街經過發現店鋪充滿好多卡通小鹿的身影，原來隱藏左一間特別的布丁燒小店。舖頭細細但麻雀區全，外面放滿了不同口味的布丁燒甜品櫃，內面就用作廚房，方便人手制作。布丁燒真係第一次食，尤其望著甜品櫃，擺放著琳瑯滿目的口味，作為甜品控的我當然想立刻試試。招牌回魂布丁燒 （coffee-熱）在老闆娘極力推薦下，挑選了店內的招牌之一，回魂布丁燒。其實回魂布丁燒系咖啡口味，夠曬醒腦提神，適合上班族。除了口味，布丁燒還可以挑選凍食定熱食。我們揀了後者，熱的布丁燒外觀有少許似梳乎厘加心太軟。當然 味道有好大分別。熱的布丁燒，香味撲鼻，面頭系一層類似海綿蛋糕包住，中間餡料酒系軟滑滑的咖啡布丁，咖啡味超級濃郁，果真稱得上回魂。熱的布丁燒口感突出，尤其中間布丁，好似燉蛋的感覺，軟滑至極，十分推薦。Earl Grey 布丁燒（凍）另外，我亦挑選了時下好多女生的最愛，伯爵茶口味。凍食和熱食的感覺截然不同，會把布丁燒先倒轉，然後布丁部分朝向上，剛剛提過的海綿蛋糕朝向下。凍食的感覺就真係好似平時食布丁的感覺。伯爵茶茶味好香，淡淡的味道蔓延了整個布丁燒，下層會有類似食千層蛋糕的口感，一半布丁一半cre