和味菜館 (Closed)

原本想嚟和味打邊爐，一到舖聞到隔離枱食緊醉雞煲好香好似好吸引，就叫咗半隻嚟試雞斬咗件再拼返好上枱，並唔係放晒落煲，所以無花無假好足料。湯底食唔到有味精，難得！煲完雞淨返一半湯嘅時候飲湯，好濃好正！天氣凍食完成個人都暖晒。極力推薦

❤小分享❤以前就有炭爐邊爐☄️而家已經轉哂做gas爐🔥 但都好有風味💫環境類似大排檔咁 不過佢都真係大排檔黎 有得叫餸食飯 最岩就叫支啤酒 啤啤佢🍻爽！兩個人食到好飽💦湯底: 雙拼 🍅🥔蕃茄薯仔/🥚🌱皮蛋莞茜👉手切肥牛🐂(好食👉鵝腸🦃(極肥美👉鱔片🐋(爽滑👉🏻雙拼 雲吞 魚皮餃👉🏻炸枝竹(肥牛同鱔片底會放啲生菜墊底 所以都無特別叫菜)食完已經好飽好飽🌚食唔哂☹️ 湯底入面已有好多豆腐 🥘打邊爐前會比碗🌶辣椒豉油比你(好似細個屋企打邊爐咁☺原來食材掂就真係唔洗點咁多唔同醬料黎調味氣氛環境都夠麻甩 我中意🤗啲姐姐好有人情味 又nice又好人 服務態度好☺️可以一試👍

從前標磅炭火打邊爐既和味，如今已因牌照問題冇左風味炭爐，唔知係咪因為咁人客都少左。所以坐得好舒服，環境都乾淨。當晚2人飯局，叫左個蕃茄薯仔湯底，飲左好幾支啤酒，叫左碟鮮雞腸，餃子併墨魚滑同雜菜，多食唔晒，碟碟都好大份，新鮮，大滿足!!成餐飯既主角，超大碟肥美新鮮雞腸長到食麵咁食!滿到瀉既雜菜埋單唔使三舊，非常飽同滿足!

好耐之前經過見到炭爐火鍋好想試下, 終於黎到,點知無炭爐!! 仲要搭檯, 時已10點,周圍火鍋都滿晒,唯有一試!點知,一坐低來左個gas爐已知中伏, 最少全場有5-6個人食緊煙! (未開爐又無人食woh! ,如果有,一早走左)地方好細, 坐得極唔舒服!叫左: 桶蠔, 牛肉, 唐生菜唐生菜有沙,明顯無洗過.牛肉垠到無朋友! 無肉味!桶蠔 就經典, 真係成桶上,未開, 未洗!無夠伙記,結果,搵,叫,摧伙記足足20分鐘先至係咁依沖下水返黎!清湯底: 明顯味精水! 口渴到你死! 

天氣凍冰冰，來個暖笠笠嘅火鍋就最開心啦。聽過炭爐火鍋好耐，但係一直都無機會嚟幫襯。一行八人，早兩日已做好準備訂定枱，訂七點半，講明要坐出面。晚飯當日，大家都被相中的碳爐膽得好開心、好期待。七點四我哋已經有四個人到咗。同時，兩名男子早我哋兩步到，老闆問佢哋有冇訂檯，佢哋話無，老闆叫佢坐喺我面前張枱。老闆安置兩名男子之際，我就同阿姐報道。阿姐望望我、望望佢張紙、望望老闆，指住我同老闆講：「喂，呢張檯佢哋架喎」。老闆無理，阿姐就同我講：「咁你一係坐上面好唔好呀？唔係你一係等等啦...」吓？訂枱嘅時候講明訂坐出面架喎？你比咗我張枱人，要我等等？好，算。反正未人齊，即管等等。等時環顧四周，只見電爐同「嘅士」爐，就多咀問下阿姐：「咦，炭爐係唔係要特別嗌架？」阿姐回應：「呀，無炭爐喎！」「吓！無炭爐？」「係呀，炭爐嚟唔到貨...」唔係化？比咗張枱人都算嘞，無炭爐？我特登嚟食炭爐火鍋，你無炭爐？難道你以為我只係嚟坐係你個張高度只去到膝頭哥嘅枱度打邊鑪呀？頂！爭啲扯火爆炸。最後都係去咗第二度食。呢個page一定係太耐無人update過！大家如果係要特登去食炭爐火鍋，咁我勸你打電話問清楚先嘞。PS...

凍冰冰最好梗係拾下拾下!o係和味菜館打邊爐感覺好新鮮，因為真係好多個第一次!第一次街邊用炭爐打邊爐；第一次食雞腸；第一次食聽都未聽過既豬心頂!咩黎架!好特別既食材!! 本來可以再多一個第一次，用羊腩煲做湯底，但有同行朋友怕酥所以作罷，改用豬骨湯底，一樣味美。 d雞腸肥到呢，無唸過食雞腸肥美程度可以同拖羅比美!唔使講膽固醇超高，一致認為一年一次好啦!豬心頂好爽脆，有少少似墨魚片。 不得不提呢度幫忙加炭既伯伯，隔住條毛巾就單手(係單手!)拎起個滾緊既鍋放炭落個火爐度!好牙煙咁，每次加炭都有d驚，但又不得不佩服佢純熟既技術! 

又是冷得要命的星期六，理所當然又係吹雞去打邊爐，友人提議幾年沒到的和味菜館﹗晚上八點，一行八人，幸好有朋友早到取位，唔係要搵個位都難，成條後巷插針都插唔入﹗和味我於幾年前已提交過食評，今次來到，環境仲惡劣過三年前，後巷既迫又人多，咁岩又要坐在傾倒廚餘的竹籮旁，真係睇見都驚﹗但為了其美味的炭爐邊爐，值得忍一忍，呢度既生料的確出色﹗點了醉雞鍋，一隻雞$198，湯底有濃甜的藥材香，雞大隻唔肥亦嫩滑﹗手切牛肉大碟，是雪藏貨切片，牛味濃，有點點韌但好吃﹗這兒的牛肉粒很出色，四成肥六成瘦，灼熟後牛味香濃，那份油脂香叫人難忘，是夜點了三碟﹗有膽既可以試佢地既游水墨魚刺身，$10兩，要了一斤四的，墨魚即劏，上碟時魚鬚還在動，蘸日本芥辣吃，鮮甜美甘濃，一百分﹗如怕吃刺身亦都在鍋中輕灼再吃，也一樣的爽脆鮮味﹗韭菜餃自家製，韭菜偏多夠香﹔蝦滑與墨魚滑都是新鮮打的，彈牙好吃﹔友人點了鴨粉腸及泥鯭，兩樣也新鮮出色﹔四寶丸就普通街市貨，一般﹗是夜藍妹叫完一轉又一轉，懷疑喝了廿多支，街邊吃可開懷大笑，開心盡情﹗埋單一人才$250，抵吃，炭後的後遺症當然係衫褲鞋襪一朕味﹗記住唔好著大褸來，唔係炭味吹九日都未必散﹗

這裡的食物滿是老鋪的風格，特別是各式內臟。當晚要點的牛心、心頂、雞腸、鵝腸、粉腸、豬皮、魚膘等內臟，一應俱全，但每碟份量並不算多。特別是雞腸、鵝腸、粉腸和魚膘，全部都是連厚厚的肥膏上碟，碟碟膏多過腸，非常新鮮肥美，吃得人滿口油香，甘香非常！好此道者，不容錯過！當雞油、豬油和魚油都盡是一煲的時候，是時候加入青菜。當晚選了蓎蒿和油墨菜，份量很大，一大筲箕上檯。至於湯底，選了沙嗲，惹味到不行，不是一般火煱店可比！畢竟，環境超差，但“差”在風味很夠！約９：００離開和味，後巷的檯亦已坐滿。在這裡最和味之處，就是離開時身上沾有久久未能散的炭燒味。下班著西裝去和味就最和味了。

我們到此家店吃炭爐火鍋...雖然坐得10級辛苦, 但為了試試又何妨呢....我們一共6位...先點湯底....未決定時...已嗅到隔離的沙爹香味...我們便馬上點了...朋友未到齊, 先點魚皮......好味wor~之後朋友到了, 因為地方太窄關係....我把電話相機通通收起, 沒有影相了吃到中段...朋友突然大叫....為何不是炭爐...??? 呀...我地食左咁耐先知係電池爐.....太失敗, 仲要坐到咁辛苦~~~唔怕....可能野食好好呢...我地先叫美國肥牛 : 只有5塊.... 好麻麻脆鯇片：一d都唔脆鱔片：新鮮鵝腸：冇拿過, 不過唔肥~豬潤：麻麻地...唔粉手切肥牛：好味, 不過太少啦生菜：叫錯左, 因為以上食物都會有生菜0係底.....................牛柳粒 : 肥瘦適中, 牛味香濃不過失敗係試唔到炭爐~~~~會再去....試...但一定要炭爐~~~~整體食物ok, 新鮮, 但份量太小....了...

去左呢間野都有4次到之前有2次都要等位(一來可能凍啦)2黎有揀左星期六同日，所以比較特別多人今次閒日去，同埋2個人7點半就去到，所以岩岩好有位每次我地都叫沙嗲湯底(個湯底唔錯)不過我見到隔離台果d醉雞煲好香好正咁，下次要去試下先 鱔片：新鮮同爽脆鯇片：一d都唔脆都唔新鱔豬粉腸：過得去啦豬腰：過得去啦：手切肥牛：都幾好味嫁，不過d菜係底好多lor，如果多些牛肉會好d唐高：咩菜都好味XD但我想講一下個環境先！如果唔坐果條行仔會好d~上面又漏水不過成班fd傾計食下野飲下酒都幾好既

琴日同男友放工立即坐車去搵位.....去到已經勁多人等候...而且又冇得開後巷位...要等人食完先有位..好彩的係琴日都唔係太多人只吹唔食...好多都食完便走了...所以係我地的預計時間2030前有位...太好了...照樣我地叫左個羊腩煲黎打邊爐, 叫左牛肉粒 (好好味) 墨魚丸 (自家製---好有墨魚味) 吊桶 (好新鮮) 芝士腸 同烏冬便可以一到食一到睇電影了...雖然身邊不斷有客人等位,睇住我地.但美食當前都冇理..

周六與友人去完尖咀飲完紅白酒，晚飯大家決定試下旺角和味﹗和味賣點係炭爐打邊爐，七點來到岩岩好仲有一張枱。環境在大廈後巷，當然麻麻地不過又未至於超dirty，我呢0的地盤工友無咩問題，至起碼後巷條坑渠未有污水進進出出。天氣凍有個炭爐0係前面感覺確係唔同，12度之下都可以只穿短袖衫﹔湯底我們點了個大豬骨鍋。份量相當大，豬骨、粟米、蘿蔔等滿到瀉，先試湯頭入口陣陣胡椒肉香，正﹗牛就不可少，價錢唔算貴75蚊有一大碟手切牛，另外要了牛肉粒，$40，我唔食既鵝腸、墨魚刺身、丸類、水餃等。牛肉比較肥，肥一半瘦一半，油脂甘香，牛味卻未算濃，而且比較韌一點﹗反而牛粒雖然只係$40，淥佢十五分鐘味道十分之甘香，牛味香濃，呢個反而encore﹗和味門口有新鮮游水墨魚，見阿叔推介呢度既墨魚刺身就試一試，好似12蚊兩，切完之後用冰鎮上碟，超新鮮0的墨魚鬚仲係郁來郁去的，蘸少少日本豉油及芥辣同吃，入口軟糯得不得了，鮮甜味美，我呢個墨魚魷魚怪覺得超好食﹔不過在後巷吃刺身，怕唔乾淨感覺就唔太好，但實在太美味都唔理得咁多，最後食完完全無事，可放心開懷大吃﹗水餃超大粒，飽滿足料﹔鵝腸佢地話夠哂肥，超正，仲話我唔食是唔識食﹗

記得小時和家人在街邊打邊爐,當時只得炭爐,配料的選擇沒有現在那麼多.只得大或小的雜錦或海鮮可以揀,用一隻蒸魚用的大鵝春碟,粉絲同菜墊底跟住牛肉、雞件、丸類、豬膶、水魷每樣都有小小咁排滿隻碟,再插多幾隻用竹籤穿著的蝦,面頭擺一隻雞蛋(到現在也不明白那"一隻雞蛋"的用途!打落隻碗度定打落個煱度?定係成隻烚嚟食?唔知!)這夜和數名80年代尾出生的小朋友來這裡見識炭爐的風味.五個人沒有大肆掃場:羊腩煲(大)----羊腩全部好似粒甄沾記椰子糖咁嘅Size!肉質炆得很淋很軟身!尚有少少羶味.配料只有枝竹無馬蹄,不過份量真係細!汁的味道很濃,加幾次水都仲夠味.手切肥牛----一碟有二十片左右,肉質出奇地軟滑!而且牛味頗重.即劏鱔片----即叫即劏,半條都已經好大碟!而且上檯時個頭仲郁緊,新鮮!肉質爽脆,食味與雪藏貨無得比!(因為平時食果D多數係劏好唔知喺雪櫃擺咗幾耐)豬頸肉($35)----急凍豬頸肉切條.四寶丸----四款凍肉舖的"雪"丸.滑雞件----雞件斬得頗碎有肉的部位不多,多數是皮連骨!不過食落都幾滑.雲吞拼魚皮餃($45)、芝士腸($30)----全部都雪得幾實吓!出前一丁x2----羊

朋友想試試炭爐火鍋，就來了這店試試看。雖然天氣已經回暖，但仍是頗多人的。剛好店內還有一小圍，走慢一步就要坐後巷了。矮矮的一圍，一陣陣的炭味，頗有風味。一行三人所點不多亦不特別，本地牛肉，雞件，四寶丸，魚滑，牛柏葉，雲吞，水餃，冬姑，烏冬，菜等。食物質數跟酒樓任食火鍋不相伯仲，用炭爐火鍋滾出來的味道跟電池爐亦沒什麼分別。有伙計推介一個墨魚剌身，但想起這裡的環境，衛生，都是不要了！值得一提是有阿叔自動過來加炭加水，服務算是不錯吧！食物不算特別好吃，價錢也不算平，試過就算了，相信沒下次了！

尋晚(22-1-2009Thur)放工後,join男友一齊o黎呢o度打邊爐,只係8點多啲啲,已經full晒,真係咁旺場?我o地同個女仔講要兩個位,佢就求祈叫我o地上樓上,我同男友講上去就唔係用炭爐,係電爐o黎o架喇,咁佢一心想試炭爐邊爐嘛,於是我o地就問過個亞叔.亞叔就指住後巷話o個張.我o地入到去,啊,呢張枱都唔係好入,重有張椅畀我o地擺o野.亞叔好快就問我o地要咩湯,要咩食……我o地揀o左$35.00o既蕃茄薯仔湯.好快o黎到,湯冇油,好清.而我o地叫o左:1. $35.00o既美國肥牛呢個冇咩問題.2. $30.00o既雞腎好爽脆,好正,又大大碟,呢個抵呀!3. 雞腸好大碟,不過我唔係咁鍾意食,因為熟o左後口感好粉同有陣味,如果係喧 ,我寧願食鵝腸.4. $45.00o既牛心頂第一次食呢樣o野,好爽口,不過味道淡淡的.5. 10兩海蝦(時價)有8隻重要係大大隻,好新鮮o既蝦.男友話正,咁至有口感嘛.唐生菜漏o左單,一直都冇畀過.後加:6. 烏冬一包滑滑鳥冬撈湯飲好正.7. $48.00o既鱔片呢個都係漏o左單,但我死心不息又叫多次.終於o黎到,都幾大塊,仍都爽口o既.8. $30