和藏桂林夜市 (Closed)

行完兆萬諗住過嚟買d小食，發現呢個舖位又轉左手，仲要好多款小食，見到有幾款以避風塘主打嘅小食即刻同朋友買嚟試試。首先我地揀左個避風塘豆腐，上面有各種秘制調味粉，所以超級惹味外脆內軟熱辣辣好正之後仲食左避風塘魷魚，啱啱撞正新鮮出爐所以超級脆口，小小辣咁，如果送啤酒食一定好正細細份每人3到4條咁，25蚊算幾抵另外仲食左個三寶，好鬼正！個腸好爽脆又大條，一定要試下。最後因爲要去睇戲就順手買個招牌魷魚絲食，新鮮即製，好香不過略為咸，中意重口味嘅你就要食下

以前一輛手推車賣煨魷魚便可以養起一家人 ,現在的 香港 不再是你付出努力便會得到回報的地方了 ....現在想回味煨魷魚 , 這種街頭美食的地點已不多 , 早前旺角開了間 和藏-桂林夜市，售賣的都是香港地道的街頭美食 ~越嚼越惹味的 " 煨魷魚絲 " 應該都屬於能代表香港的一道街頭美食 , 煨魷魚絲即買即燒 , 既香口惹味又新鮮 , 味道誇啦啦 , 極具懷舊風味 ~咖哩魚蛋和鹵水墨魚 , 又豈能錯過 ~襯惹味的食物更要來一杯 鮮搾日本王林蘋果汁，潤一潤喉嚨 ~好笑的是 , 有很多途人以為這裏是賣 台灣 美食，可能他們是把 桂林夜市 與 "士林" 夜市 混亂了吧 ~ 本篇完 ~

今日經過呢度，見到開左新野。好懷舊既地道野食。整啲小食黎食下。侍應好熱情。見我要個功夫魷魚絲，又送半條俾我。燒得脆，魷魚既香味，就好似細個成日食既燒魷魚。加左啲辣油越食越刺激，好正。避風塘豆腐啱啱出爐，熱辣辣，好似多士仔咁厚，食到陣豆腐既味道，質感好肥美。再整個避風塘魷魚鬚。魷魚鬚炸完好彈牙，加埋少少粉，越食越開胃。魷魚鬚真係最邪惡，食到聽唔到口。炸蠔餅夠大塊。見到啲蠔都想食。大大粒。食既時候完全冇腥味，鮮甜味流入口裡既感覺真係冇得輸。見落好普通既小食，食完發現一啲都唔普通。好有細細個既味道。

早兩日係旺角行街見到呢間新開小食店，突然醒起之前新假期有講過！！ 即刻試下先有別於其他小食店，呢間嘅小食比較特別，平時好少見到。一場黎到，緊係要試下網上講緊嘅魷魚絲啦！ 佢部機係爸爸留俾佢嘅，香港最後一部我以為佢就咁放係機到攪長d魷魚就算，原來仲會燒一燒，落d醬汁有辣有唔辣食落都幾香，魷魚味夾雜左少少焦香阿姐推介左避風塘豆腐俾我食，新鮮炸起 真係好脆口！！！另一樣我覺得幾好食嘅係魚蛋，今次試左唔辣嘅魚蛋， 阿姐話要試下佢地嘅獨家醬料！小小辣，又幾好味喎魷魚乾都好特別！ 佢會燒一燒烘一烘，加上醬汁，。姐姐會問你剪唔剪，我就緊係唔剪啦！一大塊食最有風味煙韌又香脆八爪魚大大隻放係度 原來係會切開嘅小食店個姐姐好熱情，幾好傾

約咗朋友睇戲，早咗出嚟肚有d餓餓地咁就梗係去搵嘢食下啦咁喺戲院附近行吓行吓睇吓有咩好食啦，俾我發現有間新開嘅街頭小食喎! 梗係要試下啦 原來呢度就係之前有報道過賣功夫魷魚絲嘅小食店，咁就梗係要試吓佢個由魷魚絲啦功夫魷魚絲係即製嘅，首先將風乾魷魚擺落部機度壓扁，魷魚就會被反覆拉壓成為長長嘅魷魚絲，壓扁魷魚部機據聞係老闆爸爸留低俾佢嘅，所以特別有意思手拉魷魚絲，加上秘製醬油和辣汁再燒香。新鮮即製真係零舍唔同，小小韌又唔會難咬炸豆腐都係一個出色嘅小食，即炸，好脆口魚蛋係用自家制嘅醬汁，唔會太辣，幾惹味仲有避風塘軟殼蟹同埋魷魚鬚都係香脆可口 ，一開始畀佢嘅辣椒嚇親，但食落唔算太辣喎

係旺角食完飯又未飽，就去登打士街掃下街，而家野食既選擇比而家多左好了，無特式或者太普通既都會難以立足喔平時好中意食魷魚絲，估唔到掃街都有得食。見佢寫功夫魷魚個名幾得意，以為係得個名，點知原來真係要一番「功夫」囉有兩款魷魚，一款係原隻烤，有$38同$48兩款揀，分別左於size，我試左隻細既，嬸嬸就即刻放落部機到烘佢，嚴格啲講係烤，大約一分鐘就食得，乾身之餘偏硬，咬落幾有咬口，要有牙力先咬得開呢啲先係烤魷魚嘛!!!另一款試左就係所謂既功夫魷魚，同樣係烤過既魷魚，但之後嬸嬸會將烤過既魷魚放去呢部機到攪呀攪，大概向前又向後半分鐘，就可以了呢個時候魷魚就已經「面目全非」變左勁長既魷魚絲，半條$18，買兩條有半，可以揀加辣醬。咁樣整既魷魚絲都係第一次見乍真係好佩服嬸嬸既手瓜力！佢話條條都係由佢一個人攪出黎心諗我做一定可以隻手好瘦！哈哈！除左燒魷魚仲有普通魚旦燒賣果d，另外就係有內藏串，$10一串。章魚同火雞腎同樣爽口，加埋冰涷又係口感一流，好新鮮既感覺，嬸嬸仲勁nice係咁問我要唔要多d芥末同甜醬喎臨走食到口乾，見有人叫蘋果汁我又跟單因爲平時好怕呢啲掃街檔果汁，一早溝哂糖水又稀喎見佢鮮榨我就試下

登打士街一帶係掃街好地方 間唔中經過都會想黎買下野食今次經過見到呢間桂林夜市 鋪面好新淨 而且擺滿左我鍾意嘅魷魚 就忍唔住去睇下😋一行埋去 見到小食種類都幾多見到好多人都叫功夫魷魚絲 於是都跟風叫下 點知即叫即整 仲係我面前表演埋😆首先即刻揀條新鮮魷魚放上鐵網上燒跟著就放左上部滾輪機都將佢滾大我好奇問點解要咁滾 佢話咁樣可以令魷魚更鬆化 真係第一次見 都幾得意😝最後加上醬料就完成！食落好香 係好新鮮嘅魷魚味 而且煙un得黎又唔會太硬 口感好好👍🏻 跟著都叫左避風塘魷魚同軟殻蟹帶返去同人share 雖然放左一陣 但依然好脆 而且避風塘好有風味 微辣同埋夠香 😋最後叫多份魚蛋 一遞過黎真係嚇親 成條辣椒係到 食落魚蛋幾彈牙 唔會好粉 辣度真係好足 但都好香 所以唔食辣嘅朋友可以叫唔辣😂會記住呢間風味小食 一定encore!

這家新小食店就開在一家當紅小食店旁邊，有新店，當然要吃！主打魷魚和香港特色，阿姐們都好熱情，有潛質搶客😂看到那麼多魷魚絲，怎樣都要試啦~即叫即烤，要時刻看著進度，不留神一秒就會燒焦，盡考功夫。烤時還會加自家製醬汁和辣醬呢。味道非常香口，又有咬口，正啊。那辣醬真的好辣，吃不到辣的千萬不要加~避風塘魷魚炸得酥脆，不會太辣，又脆又彈牙有多種口感。墨魚會先掉進魚蛋爐內加熱再上醬汁，出來熱辣辣，又加了辣醬，味道愈吃愈辣啊！質感更彈牙，好爽！逛街逛到悶吃下街頭小食也不錯~

每星期總會出旺角逛一圈，有時帶小狗洗白，被逼流連；有時約朋友用膳，故意早點到達，閒逛一圈！今日被逼四處遊蕩，天氣炎熱，汗流夾背，完全提不起掃街的衝動！不過，驟眼看到黃澄澄的招牌，得悉又有新舖進駐，實忍不住嘗鮮、嘗新的衝動，就急急腳去湊熱鬧！店內的「姐姐」客套地招呼我，熱情地介紹著她們的招牌魷魚絲！好新貪吃的我，當然立刻放下十八個大洋，試一試這旺角街頭的新寵兒！（上網看看之前的食評，慶幸我是烈日下經過，才免卻了排隊之苦！）「姐姐」們可能見我一臉胖乎乎貪吃的樣子，還特意請老闆娘烤一份新鮮的給我，以鮮我嘴饞之苦！老闆先把魷魚放上烤爐用微火烤香，大概烤了1-2分鐘。我在旁邊等，邊嗅著那陣陣的魷魚香，實令人垂涎欲滴！烤妥之後，還得放入機，反覆壓成絲！看著，魷魚被拉成三四倍長度，我已忍不住，提起手，預備接我那份美點！奈可！老闆娘看穿了我的心思，大聲笑說：「你一定很年青，未嘗過烤魷魚，還未好，多等一會！」老闆娘加上特製魷魚汁、辣椒油，把魷魚再放上烤爐，快手兩面烤它十秒八秒，一陣魷魚香再次籠罩著我！終於烤完了，我可以一嘗濃濃、香香的魷魚絲了！魷魚絲熱騰騰的，再配上醬汁和辣椒油的惹味，實在停不了口！可恨

今日同朋友行旺角，見到一間新嘅舖頭，又見有少少餓我哋就去試 。今次我哋買咗幾款嘢食價錢都好抵食， 腸粉十蚊五條，腸粉食落去好滑，比心目中好食，而且醬汁都唔錯。魚蛋我哋有叫咗一半辣一半唔辣 ，難得係魚蛋係保持到魚味，同埋份量都幾大粒，辣度都唔錯。之後我哋再叫咗 魷魚，原來佢哋嘅魷魚係燒左陣之後再攞部機壓壓一條長型嘅魷魚絲，十分特別。之前係未見過，食落去有少少乾身，但係十分香口，而且有少少辣味道，都幾特別，而且價錢都好平講緊係十八蚊一塊，三十蚊兩塊。十分抵食。之後有少少口乾，我哋就叫咗個蘋果汁，蘋果汁好清甜，問返分店員原來嗰個係喺果欄買嘅日本蘋果汁，如果以這個價錢十八蚊嚟講都十分抵飲 。最後叫咗一個大腸同埋魷魚，當初可以為好淋身生，但係食落去都好彈牙，而且加上少少辣嘅芥末同埋紅醬味道十分好味。應該下次會再試佢哋其他唔同嘅小食因為價錢都唔係貴。

和藏桂林夜市旺角登打市街55 號地下6.號鋪登打市街 有好多小食店 近排新開左間和藏桂林夜市 專食港式特色小食 除左有一般魚蛋 腸粉 燒賣等 仲有特色懷舊小食 魷魚絲等等 睇落幾吸引功夫魷魚絲 18 蚊令人懷念既魷魚絲 首先將原條乾身既魷魚拎走腳部 上面身部位成個即席燒 落鹽調味 燒到熟 將成塊放落手攪魷魚絲機慢慢用人手攪 , 好耐冇見過人手攪既魷魚絲 甘樣整口感更好 更香 攪完後魷魚絲會變得好長身 再落以辣粉 醬料 既香又好味 尋回兒時一路睇戲一路食魷魚絲既味道避風塘魷魚酥 25 蚊用避風塘醬料整既魷魚酥 用紙袋載住發住好勁既避風塘香味 魷魚酥 出面炸得好脆身 同辣既避風塘味合而為一 入面既魷魚保留應有既水份 好彈牙新鮮 好好食秘製麻辣豬皮魚蛋 30 蚊好豐富既麻辣豬皮魚蛋 仲有豆卜 同羅白豬皮好爽滑， 羅白燘得勁林勁入味 , 魚蛋大大粒有彈牙口感 豆卜個人最鍾意 出面帶點脆 入面十分juicy好好味 重點係佢既醬汁 用左少少豉油加甜醬 . 然後加上秘製既辣醬 辣醬口感辣得黎 好有aftertaste唔係一辣就冇嗰隻 又帶點甜同咸 好有層次感 , 正！

各式各樣嘅小食睇到我眼花繚亂，問問店員有咩好推介，佢地都推介功夫魷魚絲火辣火辣嘅魷魚絲即叫即做，新鮮出爐，顧客可以望到燒魷魚呢個畫面，好得意。魷魚絲整好之後，熱辣辣，當然即刻試下啦！香噴噴，辣辣地，好惹味！避風塘魷魚鬚炸得超鬆脆，大大條，啖啖肉，好爽呢！味道適中，唔咸唔淡，脆家！最中意食脆野啦！辣辣魚旦，魚旦用香料煲得好入味，叫上一味，配埋佢特有嘅醬汁，係未好吸引呢？辣得過癮又彈牙，我可以食上好幾磅！

出旺角shopping 最愛就係掃街，平！靚！正！經過登打士街見到宜間新開既小食檔岩岩新鮮出爐避風塘魷魚鬚，好多人排隊買，唔執輸既心態下，我決定排隊買黎試下！避風塘魷魚鬚炸得外層香脆，炸漿一點都唔厚粉，非常好！入口乾身唔油膩，水準不俗！魷魚鬚煙靭有咬勁，唔會'死實實' ，口感一流！加上辣粉令辣度提升，更加惹味，非常喜歡呀！！！另外仲叫左腸粉同辣魚蛋，腸粉好滑好滑，滑到差不多會自動滑落喉嚨咁，加上老闆娘一啲都唔吝嗇，落了好多醬汁，令腸粉更加好食呀！辣魚蛋辣勁十足，愛吃辣既我十分滿足呀！

行過旺角街頭，被香噴噴嘅燴魷魚味吸引左...手掌咁大既魷魚乾拉成長長既魷魚絲，真係令我嘆為觀止！😍魷魚絲拉完再用火槍燒，外皮乾脆，又唔會靭到咬唔開，非常有咬勁！😋😋😋最吸引既係魷魚鮮味突出，加左祕製醬汁&辣汁更加惹味❣️另外仲食左個冰鎮滷味三寶，火雞腎、豬大腸、墨魚...加左甜醬同芥末醬非常惹味！芥末醬微辣，但很嗆鼻，很刺激唷！豬大腸比平日吃到既大件，而且清洗得好乾淨，入口口感非常爽，正呀！

尋晚食完飯，覺得唔係幾飽。經過登打士街，見到一間新開嘅小食店，門外好多人喎，立即睇吓啦。。首先叫咗魷魚絲。原來係即叫即整嘅。一塊小小嘅魷魚絲，經過幾個步驟。又拉又燒又加辣汁。終於變成一條咁長嘅。。。真係充滿咗誠意。即叫即整嘅小食梗係好味啦。。老闆娘有推介我食避風塘豆腐。我同朋友食完一啖都覺得個辣汁。超好味。炸到熱辣辣。個皮超脆，豆腐有滑。真心讚。。魷魚酥新鮮炸起，香口到不得了，炸粉唔會太厚。鍾意食炸魷魚鬚嘅一定要試。 呢幾款小食真係好邪惡啊。但係好好味究竟幾時先可以減肥成功。