和藏桂林夜市 (Closed)

點解好好，如果你系做生意都會想出哂的舊貨，新貨吸引新客話說好想食椒鹽魷魚，知道呢間有，咁就叫一份，當叫完，丫姐姐就話你等唔等多陣丫，入面整緊的新架，嘩，一聽到緊系話等啦，因為新咁又唔會有塵又感覺清潔的（自我感覺量好），因為佢有的舊你唔會知佢放左幾耐先，咁講真都系馬路就近，車來車去，唔多唔小一定有的塵，所以第一下姐姐咁講完真心舒服（買得舒服，食得開心），個姐姐好老實架，仲要我地上fb比個like, 脆到又可同佢講要幾辣大家行過去食下，好小有架

旺角花園街盡頭，接近「廣華醫院」和登打士街的位置，有很多大大小小不同街頭小食。而其中本來有間，很多食客光顧的韓國街頭小食店「뽀끼正宗韓國小食」，無論是辣炒年糕還是韓式炸雞，都不乏捧場客，包括我在內。可惜不久之前，「뽀끼正宗韓國小食」突然結業，原有舖位很快就被其他人接手，變成另一間街頭小食店，可惜小食店不是賣韓國菜，而是一些地道港式街頭小食，店名就叫做「和藏桂林夜市」 。「和藏桂林夜市」屬於賣港式街頭小食為主的食店，最基本的「篤魚蛋」，食「豬腸粉」好像是光顧「和藏桂林夜市」的指定的動作。但是我發現，「和藏桂林夜市」還有一款還算有點創意的街頭小食，就是「功夫魷魚絲」。驟眼看「和藏桂林夜市」店內，有關「功夫魷魚絲」的食物相片，我覺得 「功夫魷魚絲」外形實在很像，我兒時在大戲棚和士多買到的燒魷魚，不過士多的魷魚絲是後天工廠加工包裝，始終都會有點防腐劑在裡面。反而我以前在西貢大戲棚，曾經吃過類似「和藏桂林夜市」「功夫魷魚絲」的燒魷魚乾小食，只可惜那記憶現在已經殘缺不全，否則應該可以在此食評中，更完整地記述下來。值得一提的是，「和藏桂林夜市」店員的服務態度算是不錯，可能是因為「和藏桂林夜市」剛剛開

今日難得放一日假去完旺角行街之後有啲肚餓 咁就梗係要去登打士街一帶掃街啦～之前聽到好多報道都講呢一間桂林夜市好正咁就今次就終於試喇  唔通佢啲嘢食全部都真係好似台灣嘅夜市咁樣?! 第一樣要試嘅當然係佢嘅功夫魷魚絲啦我呢就叫咗一條因為想留肚試埋其他野呀嘛睇住姐姐首先燒香塊魷魚之後呢就再擺落個部機度搞啊搞 過左一陣一條長長嘅魷魚絲就出嚟啦 再加埋醬汁食 正呀～除咗魷魚我仲試咗避風塘豆腐($12/2件) 豆腐炸得好香口我好鍾意佢嗰陣辣辣蒜香味! 當中要講一講嘅係佢嗰個特製醬汁! 嗰個醬呢呢酸酸地又辣辣地 混埋脆脆地嘅椒鹽豆腐黎食 成件事好夾好惹味!

今日收工趕住番屋企做埋份功課，落雨又唔想出街食，唯有拿拿林食少少野醫下肚，行經呢間野先發現原來賣韓國小食果間鋪已經執左。黎到門口見佢個個擺設都幾靚，幾光猛，姐姐好熱情，佢介紹我食呢個超10蚊既抵食組合，不過我無食到。同埋我發現佢係肥姐格離賣墨魚鴨腎😯 於是叫左串墨魚，發現個味道同肥姐差唔多，以後唔想排隊排咁長，可以試吓食呢間😂😂😂呢個就係炸豆腐喇，正，佢個皮炸到好脆，咬落去唔會有咬唔開d皮既情況，加埋個汁，豆瓣醬同埋辣椒粉，好惹味。 呢一個係必食，一定要試下。

呢日放工行過油麻地，諗住掃街食小小野先再行街，行下行下，見到間小食檔好似係新開嘅，咁就諗住試下啦！行埋去個陣，鋪頭前面有兩位靚靚auntie 超熱情，好熱情咁介紹佢地嘅招牌魷魚絲啊豆腐啊，我被佢嘅熱情感染到，咁就决定試下佢d招牌野啦！我叫左佢地嘅招牌秘制魷魚絲，靚auntie 即叫即做，用呢個特製烤網將新鮮魷魚用火熗烤乾。Auntie  真係好似打功夫咁，起曬勁咁用部機拉呀拉，將條烤好嘅魷魚絲拉到超長。成套太極拳降龍十八掌打完之後，條魷魚絲就拉到咁長😝好勁呀！一路睇住auntie  打功夫咁拉佢，一路等住食，都幾開心我叫左辣，所以auntie  就係上面落左佢地嘅秘制辣醬功夫魷魚絲（$28），好好味，勁香魷魚味，有咬勁有火侯$12兩件嘅避風塘豆腐，呢個真係好食到炸！我見佢地會不斷出新嘅豆腐出黎，一出爐就敲鐘，吸引周圍行緊嘅人過黎望幫襯，咁樣每個人食到嘅都會係食鮮炸起，好正呀！岩岩炸起嘅豆腐，食落個外層炸到索索聲，入面豆腐超超超軟，真正嘅外脆內軟啊！佢個汁都好正，唔辣但微微地酸，岩岩好平衡番炸野嘅油膩感，呢個豆腐真係正到我要encore  幾次囉！

平日到旺角逛街都喜歡吃街頭小食，最近發掘到這家和藏桂林夜市，賣的小食十分地道且有心思，所以都要在這裡分享一下。平日吃臭豆腐吃得多，避風塘豆腐也是第一次試。用了多種調味，包括味椒鹽、豆瓣醬、泰式辣醬、辣椒粉等等，令豆腐的味道濃郁，辣中帶點酸，非常惹味。豆腐內裡的質感滑，切成三角形而非平常的一塊塊磚塊似的，有心思。這款功夫魷魚絲亦非常有特色！看魷魚絲的準備過程就猶如看耍功夫一般，店員先把一整條乾魷魚烤焗，然後放進機內拉長了至少兩倍，再使出功夫把魷魚壓得扁扁的，最後烤焗後塗上燒汁等不同調味，整個過程很新奇。咬下去煙煙靱靱，辣味充足，令人回味無窮。

睇到啲雜誌介紹好似好正咁我勁鐘意食燒魷魚有日睇戲前有少少時間所以走去試份量有少少細，不過旺角租貴都明既(凱都戲院岀面個魷魚伯伯都係好貴)我淨係買左呢個，唔記得叫咩已經有部機碌岀黎魷魚味好香，辣椒油幾好味，可惜唔係炭燒，否則一定再正啲如果香港多啲食肆可以用炭爐就好了，問過消防朋友，原來係極難批，唔怪得咁少。。。btw老闆娘好好人，天氣好熱，見到啲小店就覺得啲員工好辛苦，下次經過都會再支持下，試下其他野食，以後喺呢邊掃街又多一個選擇

看電影前去了旺角掃街，見到了小吃店的功夫魷魚絲名字好特別，就跟朋友點了一個來吃。原本一條像手掌一樣大小的魷魚在老闆娘使出的功夫下不出5分鐘就變成了像的手臂一樣長的魷魚。然後再在火上烘一烘，即傳來陣陣的魷魚香。再加上一點點的辣椒粉，就又香又辣，撕來吃特別有風味。然後身為魷魚的愛好者當然要點一份魷魚鬚，由於那時間的魷魚鬚剛炸好，又香又脆，又不太油膩。再點個避風塘豆腐，由於加上了不同的調味料(老闆娘說加了獨家秘方)所以吃起來味道有酸甜苦辣，很有層次。不過如果豆腐本身都滲入了這些味道就更好了。

上星期去開旺角整野就順便去登打士街掃下街先，其實而家掃街都唔平，小食越嚟越貴，煎釀三寶以前食開嘅5蚊4件變做10蚊4件，不過有時想過吓口癮，冇計啦。本身諗住去食肥姐，點知太多人排隊，走咗過去隔離小食店，竟然見到有我最愛嘅魷魚絲啊，仲要係即烤嘅，唔使諗即刻點嚟食。功夫魷魚絲點解叫功夫魷魚絲，原來真係好多功夫架。首先要將佢擺喺爐上面反覆咁燒，燒到咁上下就要拎佢去碌，碌下碌下魷魚絲越變越長，但係都未得架，再攞返上爐上面加埋醬汁再燒，搞掂！咁多功夫魷魚絲想唔好食都難呀！入口夠晒趣，而且醬汁惹味，仲加左少少辣醬，火速已經俾我K.O.左！搞咁多功夫都只係＄38，點可以唔再嚟幫襯呀！魚蛋另外小食都好吸引，我當然亦都叫咗我至愛嘅魚蛋啦！魚蛋分原味同埋麻辣味，店員推介我食原味，再加佢哋嘅秘製辣汁，果然有料到。魚蛋頗彈牙，但重點係個醬汁，令人越食越想食！

假日旺角行街真係有啲攞命，如果唔係為咗買遊戲機都未必會走過黎，一出商場，覺得有啲肚餓，見前面有間鋪頭幾多人圍住，當然唔執輸走去望下有咩食。見到有我最愛嘅避風塘魷魚絲！！重要啱啱炸起，唔怪得之咁多人圍住啦，個個爭住點一包！好彩都比我搶到，一食就知點解咁多人爭啦，炸粉一啲都唔厚，啱啱炸起，仲熱辣辣，配埋惹味避風塘，邊有得輸呀！而且份量都幾多，兩個人食啱啱好！食完有啲唔夠喉，走去點多兩舊避風塘豆腐，我哋話要辣，佢就落咗啲類似泰式辣汁嘅醬料，又係好開胃呀！而且豆腐外脆內滑，一流呀！肥姐以外既新選擇! 

油麻地呢條食街真係有勁多小食，一日係冇可能試得哂，見到原本賣韓國小食既店轉手賣炸物魷魚絲等等就同朋友叫左幾款試💁🏻⭕功夫魷魚絲姐姐將一塊魷魚干燒熱再擺係機到攪成絲，90後的我從未見過呢種做法！加左d辣油，食落同出面個d真係差勁遠，呢度係勁香炭燒味，好易咬開，又唔會死咸食完唔會勁口渴！推薦！ ⭕避風塘豆腐新鮮出爐熱辣辣，炸粉薄，豆腐又勁滑！避風塘調味料又唔會太多，配上甜酸醬黎食，勁夾！推薦！ ⭕避風塘魷魚鬚魷魚鬚勁彈牙易咬，唔咸冇咩味精！同酒樓街邊個d唔同，炸粉勁薄，推薦！ 呢度主要食濃味野，但呢度既食物唔會要狂飲水沖走陣味，食得出店家既心機！加上姐姐勁親切，會再翻兜😋

今天約了友人到旺角行街，行到近好景商場時見到這檔 <和藏桂林夜市>中的避風塘魷魚鬚剛剛新鮮炸起！於是<為食小肥兔>決定試一試佢檔口姨姨好親切地問我地食唔食得辣，知道我真係BB班的時候就話 : <咁就落一下辣粉啦！>，好貼心呢！食左幾條先記得影！因為姨姨遞過來一刻真的熱辣辣又超級香，都唔記得左相機先食魷魚鬚炸得香香脆脆，配上淮鹽同辣粉，真係超級惹味！而且香脆程度拍得住係大排檔的鑊氣，勁正而友人則點了大份的<功夫魷魚絲~$38>，雖然小份的只需$18，但友人見我的避風塘魷魚咁正所以點了大份。姨姨先把一塊大魷魚夾到網入烤熱。接著便用火槍的真火燒了一會兒接著重點來了！姨姨把烤好的魷魚放進手攪機反覆壓扁！魷魚塊隨著姨姨不斷反覆攪動著手攪機而變得越來越薄亦都變得越來越長！姨姨非常親切，同我分享她的<威水史>，她說她參加過比賽，壓魷魚壓到成55寸長，破左健力士紀錄看見姨姨自信的笑容便知道她對自己壓魷魚的功夫十分有信心包藏的紙袋十分點題，有隻章魚，好搞笑呢！

避風塘豆腐 ($17/3件)-首先想講 依度既姨姨勁好人😂😭服務態度👍🏻💗食落幾惹味 雖然有d早就炸好 但食落仲好香脆!!! 炸漿唔會太厚🤤相信係用左硬豆腐 因為一咬落去 豆腐唔會即刻散開哂😌😈姨姨仲灑左唔少蒜蓉辣椒 七味粉 岩哂重口味既肥妹🤤☺😋唯一要彈既係 豆腐中間唔夠熱 只係微暖不過都會再黎嫁呵呵😂🙈

港式地道小吃店 食物款式眾多 價錢超值 有人情味 對食物質素有要求 支持用心嘅小店旺角區呢種小食店有好多 但和藏桂林夜市夠特別 原因佢個功夫魷魚好出名 係店嘅招牌美食前排蘋果動新聞介紹過佢個功夫魷魚 今日一於無名而來你試下先由1隻乾曬魷魚 可以變成超薄超長嘅魷魚絲店 店員即場製作 好似睇表演咁 好精彩即席將魷魚乾拉成 魷魚絲 功夫魷魚絲是果然名不虛傳 魷魚絲加上醬汁及辣油 味道更惹味 魷魚燒得好香 口感一啲都唔硬避風塘炸豆腐 新鮮出爐熱辣辣 外皮香脆 豆味濃郁 後面幾種醬料才是重點店員會加上炒香嘅椒鹽 帶辣味嘅七味粉 豆瓣醬 以及泰國風味嘅酸甜醬 配合豆腐一齊食 另有一番風味避風塘椒鹽魷魚 又鹹又辣 魷魚鬚彈牙 外皮夠脆 好香囗店舖仲有好多香港特色美食 可惜胃就得一個 下次經過試埋其他

早前經過旺角鬧市，發現一向吃開的韓式小食店，變了一家很有香港道地風格的小食店，看名字還以為是台式小食店，原來不是因此有興趣看看，最後被這個魷魚絲吸引住，就決定買來嚐嚐選好要的魷魚，店家就會幫忙用機器壓魷魚絲我選了點帶辣的，味道更討好惹味而且即叫即弄的真是很香呢魷魚絲煙煙韌韌，我喜歡撕開一條一條吃，如果配上啤酒，更是討好見其魷魚咁吸引，甚為受歡迎，於是又選了炸魷魚鬚回家慢慢吃，不過不建議放太久，因變腍就不好吃了惹味鬚炸的魷魚鬚，香脆可口，口感煙韌十足，十分好吃，不過就不建議多吃了，熱氣了，就會爆痘痘哦！