和順記 (電氣道) (Closed)

聽朋友講和順記有幾好食，雞髀有幾大隻，我心諗有無咁大隻呀，今日特登喺元朗同朋友去試下，估唔到真係咁大隻，我今日叫咗滷水雞髀，太陽蛋轉咗做黑松露炒蛋，黑松露味道好濃郁，配埋白飯食，簡直一流🤤🤤🤤滷水雞髀勁入味好好味呀🍗另外再叫多個西多士，好有舊餐廳嘅味道，好耐無食過呢種味道，因為出面啲花生醬有好多花生粒，我覺得影響口感，同埋太痴口，呢度完全無呢種感覺，真係好好味，下次我會再去試下其他野食，我無映相，我朋友先有映，下次再去食我一定會映番😍

大大隻雞髀🍗即叫即炸，好好食薑汁豬潤麵出色，好香薑汁味，老闆好細心唔建議外賣，豬潤會無咁好食👍🏼👍🏼👍🏼外賣返屋企，放耐咗都好好食🤤新老闆，新作風….支持支持❤️❤️

📍 天后 和順記我一直覺得炸髀呢樣嘢係「易學難精，可否惡補」嘅代表食物 - 要炸得乾身嘅同時肉質依然要保持嫩滑唔柴皮實在係好難搞 😫 尤其係當隻髀一大隻起上嚟就九成九變成雞肉乾 🐤 我都食過好多出名嘅炸髀但係都令我大失所望 😞欸但係呢間真心唔係雷聲大雨點小喎😉隻炸髀大隻得嚟係 juicy 到無朋友🤩 拍心口推薦下午茶之選❤️☕️#隻炸髀可以大過塊面係咩玩法 #天后 #和順記 #øhhejfoodie #20221005

🧡🧡🧡和順記🧡🧡🧡 又到tea time 又到tea time , 去咗天后行維園，咁熱梗係要食tea 啦🙈🙈🧡豬扒奶油西多士 $48 🤩9/10十級邪惡😈😈炸到熱辣辣嘅奶油西多士🍞🍞配埋咸香🧂滋味十足嘅秘製豬扒🥓真係一次滿足晒兩個願望🥹🥹係面仲已經淋咗啲煉奶💓呢個配搭真係諗都未諗過 但又出奇地好食💓🧡滷水雞髀配沙律 $45 🤩9/10滷水雞髀超級入味 但係仲保持到超嫰滑💦睇相都見到有幾咁大隻🔥配埋啲沙律真係夜晚都唔使食啦🙈🙈______________________________味道😋: 9/10環境👀: 8/10服務👨🏻‍🍳: 9/10抵食💰: 9/10 和順記旺角通菜街2A-2P鴻光大廈地下2C號舖______________________________#香港美食#餐廳推介#instafood #likeforlikes #hkfoodie # f手113foodie ##香港美食#餐廳推介#instafood #likeforlikes #hkfoodie # 113foodie #銅鑼灣#銅鑼灣美食#豆腐花#宵夜#銅鑼灣宵夜#天后#天后美食#灣仔#灣仔美食#

一直都心思思想去依間TryTry～聽聞依間既雞髀唔錯幾好食😋喂食既我今日有時間去食好西～地方雖然唔大不過都有幾多位👍餐牌選擇好多～下午餐時間都唔小人🤓睇黎小編無揀錯😜🍗和順記神級雞髀皇煎蛋飯改配瑞士汁撈讚岐烏冬先講主角～隻雞髀…好好食🤭調味好夾～雞皮脆口👍👍肉質咬落嫩滑～有樣野不得不提～小編發現和順記起埋骨～成舊髀肉位離哂骨～食落超方便🍗烏冬方面爽口彈牙🤩汁醬唔係一般瑞士汁～經老闆調教過又另一種風味😃—————————————————☻非專業食評·純個人口味☻—————————————————📍總結:必定再黎😃雞髀真係幾好食～同時餐廳亦有唔小選擇～依間好推介比觀眾去試下😇有餐廳介紹既歡迎繼續介紹俾小編🙌亦係度要多謝各位支持🙌

每次叫親呢間餐廳嘅外賣，都一定會揀番茄雞扒煎蛋讚岐烏冬。好鍾意食佢個蕃茄湯底，甜甜酸酸，仲有唔少大大嚿嘅蕃茄肉個雞扒又煎得香口好味，仲有隻燶邊太陽蛋，成個餐都好合我口味勁鍾意食

$45 嘅下午茶炸雞髀，唔算平但對得起價錢嘅Size 有塊面咁大，新鮮熱辣辣炸起👍💯雖然比較油，有稍微鬆肉粉味，但肉質真係好嫩，塊皮超級脆🤩調味就無特別，以炸嘢黎講都算淡口環境就一般啦，感覺唔係好乾淨🙈有少少up 味奶茶算幾好飲可以encore🙈

去到叫招牌炸雞肶飯，問有冇薑蓉跟，個待應一句講，唔緊要照叫之後嚟咗碟難食招牌炸雞肶飯好乾，炸過頭冇咩味。之前係香脆有汁好食雞肶消失了，之後連食兩次都難食，雞蛋一早煎咗凍曬

炸雞髀🍗，童年滋味回憶，兒時媽媽獎你默書100分時必定會嘗到，你又有冇呢個兒時回憶呢🥰🌟和順記價錢親民，吸引不小街坊幫襯，經常大排長龍，最出名當然係鎮店之寶生炸雞髀🍗拎起墜手、咬起燙口、雞皮脆卜卜、食到滿嘴油香和肉汁、熱氣到爆炸的感覺，快樂又墮落🤣🍗生炸雞皮煎蛋飯 $58超巨型大過我塊面🙊，攞上手熱辣辣，脆卜卜，且肉汁豐腴Juicy，加上流心太陽蛋🍳，個飯唔覺唔覺都食哂，好滿足🤤加埋杯凍飲🥤爽哂😆

每次經過天后都多數會來出名大雞髀的和順記～今次再來幫襯但唔食大雞髀. 叫左個避風塘豬扒飯同必食大炸雞髀食！真心味道真係好正，不過我覺得避風塘豬扒有少少辣會再好食啲….下次要試下個豬手先，見到好多人叫豬手同埋牛柳黑松露蛋，隔離食黑松露蛋個黑松露味道好香👍🏻⋯⋯不過我大多數來都是食大炸雞髀再加個檸檬可樂，真係絕配. 好多人以為炸比薯條嗰隻係配大雞髀其實炸髀薯條是配細髀. 我上次都搞唔清楚. 如果想食大雞髀一定要叫淨髀皇或雞髀飯.

我食牛扒飯,西冷,成嚿肉都冇味,我都唔知自己食緊啲咩肉,我最怕嗰嚿肉冇味,唔似食緊牛肉,完全冇牛肉味,跟住又好鞋呀, 好唔掂呀!一般茶餐廳質素, 隻煎蛋好hea~無下次~

我食牛扒飯,西冷,成嚿肉都冇味,我都唔知自己食緊啲咩肉,我都話最怕嗰嚿肉冇味,唔似食緊牛肉,完全冇牛肉味,跟住又好鞋呀,唔掂呀!之前仲以為好好, 係好一般吖大哥!

今日再黎食，之前黎食過佢哋嘅神級大炸脾，因為太大隻食到超飽，所以之後黎都係食豬潤麵或蕃茄濃湯烏冬果類其他嘢但依家夜晚🈲堂食，搞到夜晚搵食艱難唯有揀D，有大食大兼飽肚架啦，所以今日又諗起佢，上檯隻雞髀超大隻，水準依然見到都有🈵️足感，我下午食完個炸脾飯，足足飽到連晚餐都唔洗食，免咗6點後嘅煩惱，呢D係咪叫另類賺咗呢，好嘢梗係要再些牙下啦

突登黎試馳名巨型雞脾皇所有相片或評語也吹噓大個塊面那我塊面比起巴比公仔還細了重點店員態度問題極為不禮貌起初以為下午茶會比較細隻當看見每一枱上脾時我切切實實覺得世界就是不公平於是試試問“點解既”結果換黎冷言冷語“你估機器啤出黎咩？！係咁架喇 ”ok 沒有下次

大過我塊面嘅雞脾呀收工返屋企嘅途中，見到一間自稱生炸雞脾皇嘅餐廳，睇相好吸引，所以決定試下一試佢啦由於接近完堂食時間，所以選擇外賣見店員攞住一個好大嘅飯盒，心諗一隻雞脾啫，唔洗咁大個盒嘛點知係真係要咁大個盒架佢雞脾嘅香味，完全可以慢慢係個飯盒入邊漂出嚟，顏色都炸得好平均咬落去第一啖，脆脆脆，啲皮好脆，入邊嘅油同肉汁一齊出哂嚟，加上肉質好嫩，唔係炸到乾哂嘅雞脾，而佢嘅味道都非常好，醃嘅薑蔥同醬油嘅調味可以食得到佢真係一隻有用心整嘅超大雞脾