坤記煲仔小菜

Open Now

Now Closed

🍚坤記煲仔小菜🍚🔸白鱔滑雞飯$105等大概30-45分鐘是必須的一上枱打開個刻是香噴噴熱辣辣的主角白鱔大大舊而且沒泥味，有魚油香味❤️🔹京都鴛鴦骨$110酸酸甜甜味道令人胃口大開等待⌛️的時間是絕對值得👍🏻👍🏻👍🏻

秋風起，又到了吃煲仔飯的季節。6點幾打電話去訂枱不過坤記說要8點半才有位，帶著一顆執著要吃煲仔飯的心衝去西環，竟然等了5分鐘就有位😎點了最愛的白鱔排骨煲仔飯，由於即叫即做等了半個小時才上菜， 但是一打開煲蓋聞到香噴噴就知道值得了🤤🤤豉汁排骨醃得非常入味，肉質也很稔身，新鮮的白鱔入口爽口彈牙，煲仔飯的飯焦分量和硬度剛剛好，越吃越上癮😋😋除了煲仔飯之外另一樣必點的就是豬骨煲，湯底非常足料而且清甜，裡面有大量的豬骨和啖啖骨膠原的根和軟骨，還有粟米、蘿蔔、雞腳、馬蹄等等， 如果一行有幾個人的話不妨試試👍🏻。作為煲仔飯巨頭之一，除了本地人還有遊客會慕名去坤記排隊，如果不想等的話大家最好提早訂枱啊〜

第一次去坤記，當然是要點佢地出名的煲仔飯。聽朋友介紹，坤記的煲仔飯會起到成塊飯蕉，十分期待。我們點了豬骨煲和白蟮臘腸煲仔飯。白蟮味道不錯，但加$20一條臘腸就有點貴。最後沒有吃到傳說中成塊起的飯蕉，有點失望。

不要以為有什麼高雅裝修，老闆娘態度也是看她的心情時好時壞，但是卻，不要管這些起，這裡的煲仔飯，這裡的小炒讓你欲罷不能，久久不會忘懷，煲仔飯實在是以絕望喜歡排骨黃鱔味，濃郁鹹香，我總能把一煲都吃完！

聽說坤記很出名，所以我們前兩天已經打電話來訂枱。還未到六點，門口已經排長龍啦！ 由於我們晚飯後會上朋友屋企玩，所以我們都很快就點菜了：椒鹽九肚魚 - 炸得剛剛好，不會有厚，外面金黃色，內面就是白雪雪的魚肉 椒鹽豆腐 - 我最愛，想吃點健康但又香口的，一定椒鹽豆腐 🤣 真是外脆內嫩 蝦醬炒通菜 - 炒得很有風味，但個人覺得很鹹 豉椒炒涼瓜 - 這個很好吃，涼瓜很甘 臘味田雞煲仔飯 - 重頭戲就是煲仔飯，這個煲仔飯很大，有很多田雞，田雞肉很滑，飯焦很脆，連平時不吃飯焦的我都爭着吃 白鱔滑雞煲仔飯 - 煲仔飯怎能只點一煲，我們還點了這個。由於我比較怕有骨，所以只吃了一小片魚，但是都覺得很鮮，雞肉又很滑 食物真的是好吃，但是店員的服務態度就真是一般了，可能真是老字號吧。

究竟運氣有幾好先可以walkin&冇俾人鬧&廿分鐘上齊餸？回頭率：🌕🌕🌕🌕🌑環境：🌕🌕🌗🌑🌑服務：🌕🌕🌗🌑🌑份量：🌕🌕🌕🌗🌑味道：🌕🌕🌕🌕🌑價錢：HKD220/Pal  等待時間：walkin, 20mins◆Summary◇‼️記住訂位‼️超貼地舊式煲仔飯店，唔好奢求服務態度。極力推介椒鹽九肚魚，煲仔飯略貴但味道出色，炒菜夠曬鑊氣份量頗大。整體性價比中等偏上。————————————————————————◆白鱔排骨煲仔飯+臘腸◇HKD105+20 😋白鱔肉質鮮嫩，滑得黎好彈牙; 排骨同臘腸就普普通通。飯粒分明，淋上特質濃稠甜醬油更係開胃非常。最後的飯焦偏油，不過好香脆，亦唔黐牙。◆椒鹽九肚魚◇ HKD90 😍爆分推薦❗️火候啱啱好，薄薄一層炸粉，外脆內嫩，外表炸得乾身，入面仲保持到魚肉嘅濕潤。椒鹽香味突出，一啖啤酒一啖魚，夠曬豪放。◆豉椒炒蜆◇ HKD82 😋好夠鑊氣，蜆肥美冇沙，又一下酒利器。💁🏻‍♀️我地5:40pm去到排隊walkin, 排第二，最後好似總共入左3檯walkin。所以最好提早訂位，唔好挑戰運氣😂💁🏻‍♀️都話姐姐

前幾日同幾個朋友去食，book左七點鐘四人台，去到時未有太多人，安排左我地系最入邊廚房出口果張圓台。因為系收工由公司行去食，大家都帶住背囊或者公事包，見我地張台底有多幾張凳就用來擺袋。於是被人鬧，“你地得幾個人，用甘多張凳？”我地又唔系去其他台攞凳，同埋大把位未有人坐，唔明有咩問題。但系唔想嘈交，即時話，如果一陣有人要用，我卑返張凳你呀。個阿姐冇再出聲，但系好唔高興甘望我。都唔明我做錯d咩...叫左個煲仔飯等左成一個鐘，其他四五個送已經全部食晒，於是想睇下個煲仔飯系咪漏左單。問佢系咪仲有個煲仔飯，又被人凶，未得，系要等甘耐架。食完之后即刻叫我地走。我等個煲仔飯都等左一個鐘，你卑多我一分鐘都唔得？完全系店大欺客，態度奇差，質素奇低。

半年嚟冇食，今晚食返夠本先，如果各位想環境好，服務好的食客，咁就唔使嚟都得啦，因為全店女性都十分十二寸。包括老闆娘坤記必食梗係煲仔飯排骨煲仔饭90蚊，頭圍一般半小時有得食，排骨醃得入味，鬆化，豉油又調味煑得刚好，呢兩年换咗新款瓦煲，煲飯飯焦冇痴底，但又有飯焦，唔太焦，又好味，可以每粒飯都食晒冇浪费。貴妃雞135蚊半隻，D雞有雞味又滑，好過好多飯店酒家賣D乜雞物雞，老闆娘話係新鲜雞整㗎。豉椒炒蜆80蚊，炒得干身D，但個汁落太多糖，偏甜油浸筍殼魚110蚊，炸得鬆脆。好正奉勸各位，想食煲仔飯就必先訂位好啲，唔係walk in 冇位就掃興啦。煲仔飯只做晚市，午市只做碟頭飯及小菜。午市經常有遊客碰釘白行。

號稱係全西最 jeng shit 嘅煲仔飯，真係要 check check 有乜咁巴閉，六點幾去，雖然全場爆滿，但係等左十幾分鐘就可以入座，食左兩款煲仔飯，#窩蛋牛肉飯 $95 同埋 #臘腸滑雞煲仔飯 $120，絕對係我食過嘅最貴煲仔飯，打其他為炭火燒，但整體個炭味冇乜，滑雞就一般，臘腸正頭冇肥得瘦唔太好食，而窩蛋牛肉就普通滑牛黎架姐，係流心嘅窩蛋叫做有啲睇頭，整體冇乜特別，成煲嘅精粹優點只係得個飯焦可以讚，個飯焦係靚係脆而且係好有炭火味，其他真係碎料，經過嘅話可以試一次個名氣就算 🤡

久聞其名，即管去試下。晚飯時段，才6:30，都未滿坐，就要我們兩人搭檯塞在已經坐了6個人的8人檯。檯底放滿雜物，很不舒服。坐底即落單，煲仔飯要40分鐘才到。隔離兩個早我們很多已經落單的等了一個多鐘都無得食，結果怒氣沖沖的走了。店員只是說「隨便」田雞煲有鑊氣，但「老」到好似柴皮。白鱔煲的白鱔就肉「梅」無質感。價錢又唔平，真係食大快活或者一粥麵好過。完全失敗，Never go again！

好多年前來過坤記，當時記得真係好好味，成個飯可以連飯蕉甩出個煲。 6/7年後有地鐵方便左，決定再來一次。原來係可以打電話提前訂台架，膽粗粗打去一問，留左3人台。叫左一個白膳腊腸煲仔飯，馳名豬骨煲（送菜）同椒鹽九肚魚。九肚魚夠酥香， 不過煲仔飯就無左以前一塊的飯蕉，有點失望。最後個豬骨煲，其實5-6條豬骨無咩肉食，成個煲都係雞腳，同行有朋友唔食雞腳，好慘成個煲無野好食。而且啲雞腳煲得唔夠林，有啲硬硬地。

見朋友講過呢間好好食，所以試一試吧！ 西環有兩間店 去總店話比人book左 full晒！ 其實我有打電話去問 佢話唔可以book 叫我直接黎拎飛！ 黎到又話比人book晒 full左 😑😑😑都算！ 去佢另一間到食啦，大約等到30分鐘就有位 ，我一坐低即叫左兩個煲仔煲同一個菜煲！ 菜煲食晒個兩個煲仔未到（都正常） 因煲仔飯係會耐小小 之後一路等 ！咁我張枱係坐係收銀格離 聽左好多人話取消煲仔飯 話等左個半鐘以上，枱既人不斷走 不斷罵等左咁耐都未有 ! 我地最後都等左個幾鐘先黎到。味道都ok！ 不過我唔食個焦既 ！

打電話去book位啲態度差到爆！明白係book完都要等，我只係答佢好阿好阿，跟住佢話好咩姐？留低個姓啦，之後就Cut左我線。咁無禮貌，幾好食都無用啦！知你出左名生意做唔黎，但都唔需要咁趕客囉！咁唔想做未電話都唔好聽！無需要咁對人囉，希望你真係長做長有啦！仲有禮貌真係睇到一個人嘅家教！

今天晚上，特意到西營盤是一間煲仔飯很出名的餐廳。這間餐廳我有數個住西營盤的朋友也強烈推介，這間餐廳就是坤記煲仔飯小菜。去到門口，見沒有人排隊，打算直接入餐廳坐低。點知有個阿姐立即說沒有訂位的就要等到晚上九點半，那時只是七點鐘。最後我也決定等下去，因為始終也是特意由荃灣到西營盤試食這間餐廳的。好彩的是等了不到15分鐘就已經有位了。所以回想起阿姐說要等到九點半感覺有點奇怪。一坐低，我們就點了四個餸，分別是他最出名的白鱔煲仔飯，之後是排骨煲仔飯，椒鹽九肚魚及椒變腐乳炒通菜。老實講，我在香港食個10多間不同餐廳的煲仔飯，但真心的覺得這間坤記煲仔飯小菜的煲仔飯真的很好味。白鱔及排骨也煮得十分夠味，他的甜豉油也與其他餐廳有分別的。同時最值得讚的是他的煲仔飯飯焦也十分翠口，絕對是好好食的。其他餐廳的煲仔飯的飯焦也會很易煮得過分焦黑及硬身，所以真的絕對抵讚。整體來說這餐我十分滿意，我也覺得不枉此行，有機會的話一定會再試。

呢個係港島區名物之一坤記叫左兩款野食(白鱔滑雞飯 $105 窩蛋牛肉飯 $93)其實香港好多食煲仔飯既地方，個個都話自己係第一。咁就逐間逐間試，但係過程中有一個小插曲，就係好多都要訂先有得食。一定要打電話訂座先有機會食。煲仔飯製作，時間都需要45分鐘。呢度既白鱔，真係幾好食，肉質嫩滑好新鮮。不過所提到既滑雞，就失水準，D雞一D都唔滑。如果想香D，就可以加潤腸(加多20)，不過今次加左，味道無咩提升。窩蛋牛肉飯黎講呢，真係有D失望。雖然牛肉份量算多，又厚身夠腍。但差D牛味，無驚喜。