坤記煲仔小菜

Open Now

Now Closed

今晚叫咗一個白鱔煲仔飯， 一個椒鹽魚頭雲同埋一個油浸筍殼魚白鱔煲仔飯：啲飯粒粒分明，唔會痴埋一嚿，軟硬適中， 唔會太乾亦唔會太油。 白鱔夠肥美新鮮， 冇草味同埋泥味， 肉質嫩滑， 唔會過熟。 跟住好戲在後頭， 飯焦都係精華所在， 飯焦唔會過燶， 脆卜卜， 同埋有好香嘅魚油味， 原來鱔啲油滲咗落啲飯焦度， 反而上面啲飯都唔覺有魚油味， 個飯焦可以話係喜出望外椒鹽魚頭雲： 外皮炸得脆卜卜， 味道唔會過鹹， 恰到好處， 可能魚頭暈啲一pat pat嘅膏濕濕哋， 令到個炸皮冇咁脆， 不過仍然都係脆嘅， 只係稍為比較冇咁脆， 因為佢冇整得過鹹， 所以魚頭雲仍然充滿鮮味油浸筍殼魚： 煮法同椒鹽油炸差唔多， 都係脆卜卜， 唔會太鹹， 亦都發揮到魚嘅鮮味另外想講隔離枱上炒蜆同埋西檸雞嗰陣， 我都聞到好香噴噴， 相信都好夠鑊氣同煮得好好食， 或者有機會下次可以一試至於服務方面， 之前睇咗其他食評， 以為啲服務會好差， 其實都並唔算差， 只要畀啲耐性， 靜心等候阿姐嘅安排， 唔好煩住阿姐， 佢係唔會無啦啦走去難為你， 忍耐等待就可以喇最後想講嘅係， 即使坐低咗點咗菜， 到真係要等一段時間先至起菜， 煲仔飯

知道煲仔饭要等一小时，但是排队一小时，等煲仔饭从6:50下单到8:25 我们刚吃上 并且女服务员 也就是几个大妈服务超差，爷爷还好，导致我的煲仔饭全部过度胡… 黑乎乎没办法吃愿意体验这种服务的 有时间的可以去味道还可以等菜一个半小时起跳建议大陆同胞不要去了 欧巴桑说话很难听很挤 建议小心自己的衣物 没地方摆包 不会给你地方 还会嫌弃你乱放 感觉有优先插队 并不是按顺序上饭坐在那边干等一个多小时并且看脸色 真的是花钱找罪受 呵呵

我同2位友人今晚7點10分到坤記排隊，我拎12號飛既，等左around 大半個鐘之後終於聽到喊我個號數即刻行去店入面諗住店員會即刻安排坐位俾我啦，點知個好聰明既店員竟然安排左3個不知名既人坐左我應有既枱。算！我同店員講叫佢盡快安排番張枱俾我啦，點知我等足左半個鐘佢先俾到張枱我！都算8點3入到去我地即刻叫左3個煲仔飯，途中都有追問店員個飯status係咩。。。。直至等左超過1個鐘之後(即係9點半) 我地好嚴肅問店員我地啲飯得未啦，佢竟然夠膽死問番我地轉頭叫咩煲仔飯😂😂😂👍🏻即係佢地完全係ignore 我地張單！Ignore 顧客問既問題！仲要最尾佢推啲佢地現繩有既煲仔飯俾我地，硬塞啲我地並唔想食既飯俾我地食！本人表示極之無奈同真心嬲！本身我係坤記fans, 但我真係highly recommend 大家要有心理準備好有充裕時間加EQ極強先好去依間餐廳度食囉。

呢間坤記煲仔飯，聽講係外國人必到嘅香港餐廳之一，的確一入到去有幾台都係外國人，當然價錢相對都貴少少，今次點左白鱔滑雞煲仔飯，京都骨，魚香茄子，價錢同大排檔無得比啦，到個煲仔飯一上，啲香味就湧上嚟，白鱔滑雞肉質好滑，少少豆豉係面夠哂惹味，加啲甜豉油落去一啖飯一啖甘香呀，仲有啲飯焦，個人認為煲仔飯好味過four season

聞名已久的煲仔飯放工同幾個朋友去食等位都要等一段時間好彩朋友早到拎定位我都係等左十幾分鐘就入得等待的時間，就是望定叫咩食的時間一坐低，就叫了個豬骨煲再叫了兩個煲仔飯來得坤記，點都會食出名的煲仔飯我們叫了一個排骨、一個滑雞煲仔飯豬骨煲好快上了好像個火鍋咁，有個爐煲住未食已經聞到好香等待的過程中我們還叫了半隻貴妃雞同一個蒜蓉炒九菜花豬骨煲滾起了，香噴噴，有胡椒味急不及待要起動😝個煲好大好多料：大大豬骨好肥美、雞腳煲到好入味，好好食，又有蘿蔔、馬蹄、粟米、仲有一籃仔的唐生菜...大家食到津津有味連粟米芯都充滿豬骨煲的湯味！煲仔飯都來了...打開蓋，好香好香灑上豉油再攪拌更香滑雞煲火飯雞肉又甜又滑排骨煲仔飯的排骨好香配飯食更好水個人較喜歡排骨煲仔飯的煲仔味道比較乾身，滑雞煲仔飯較濕潤貴妃雞都好食，配薑蓉更正炒九菜花比在酒樓食的好好多不會太硬又不是會太軟雖然坐得比較迫但食物好食係有點貴但點都好過出面的酒樓

今晚微涼天氣，最岩食煲仔飯，呢間出晒名，唔預先訂位都未必有得食！今晩可以坐出面，每人叫一煲，有白鱔煲仔飯，魚味帶點鱔嘅油香，加埋豆豉醬一齊焗，正呀！另一款為滑雞，雞肉幾入味，亦幾滑！再淋上甜豉油之後再焗一焗，食到尾仲有飯焦，滿足！

第一次寫食評 正確黎講係無食到既食評完全無諗過一間店既服務差到咁尋晚一行三人晚上五點幾到達該店詢問一個短髮阿姨有無三人位佢問完有無留枱 我話無啦佢淨係一個超衰既嘴臉搖頭 一句野都無講一直係到接電話 我一直係度等佢覆我啦因為我眼見其實好多張枱係空既 之後佢接完幾個電話都係無打算回覆我既其間有一個大陸客到左問佢拎位佢仲語氣極差趕左佢出去坐 當我問佢出邊有無位 佢就話‘唔係同你講啊 無啊無啊 走走走走‘我覺得食餐飯真係無謂要受呢種人既氣🤬極力不推

The food is amazing, the egg and beef clay pot rice, the kale and salty egg with pork soup and the coriander and fish with tofu and preserved egg soup are my favourites. Expect to have the staff bark at you, and people who share your table to be spitting bones out onto the table.There is always a bit of a que but I have never had to wait long as I always go with just one other person, and people just eat and go as the environment is crap, and you wouldn’t want to hang out there.The staff are alw

第一次上openrice寫負評，但今次不得不寫，訂左枱準時去到，入面hold晒枱，我問短髮阿姐：唔該，我地係咪坐出面坐出面啊？佢好大聲話：得啦！得啦！開枱俾你地啦！問問問！當時未係繁忙時間，店內冇乜人，唔明點解短髮阿姐咁燥底之後係出面垃圾筒隔離開張枱，對住d垃圾聞住惡臭，兩個小朋友實在唔可以對住垃圾筒食飯，於是我問員工：唔好意思，如果入面有位，可唔可以轉番坐入面？另外一位扎辮既阿姐好大聲話：乜嘢啫！入面冇位啦！當時我以為我自己去左乞食，最後當然冇食到就離開了如此態度，就算好食又如何，食到一肚氣，對待客人好似隻狗來乞食咁，都係留一點尊嚴給自己比較好

上網見到坤記好似唔錯，所以慕名而來。坐電車到附近，因為唔熟路，所以稍微用咗啲啲時間搵路 閒日來到 而且大約6:00pm, 所以可以即刻入座參考網上推薦，叫左椒鹽多春魚 同 白鱔排骨煲仔飯率先來咗多春魚，大約十五條，每條手指公大/長，兩個人食，其實會多咗啲魚係有骨，但好軟身，絕對安全吞入，魚身好稔但冇腥味，只係量較多，比較適合人多時食！煲仔飯係我比較期待白鱔好稔，有豆豉，好惹味排骨較肥，一般飯夠乾身，有飯焦，可以食到乾乾淨淨！整體唔錯，加埋$10 一樽凍可樂，更上一層樓！

作為煲仔飯愛好者，一年四季都要食煲仔飯😋今日嚟到闊別多時的坤記煲仔飯由於煲仔飯即叫即煲，叫咗椒鹽九肚魚醫住肚先🤤極推呢個九肚魚! 熱辣辣脆卜卜之外，最抵讚嘅係真係啖啖肉，魚肉好滑，脆漿好薄👍🏻煲仔飯最推白鱔飯☺️鱔片夠肥美，冇泥味，好新鮮🤤而魚嘅鮮甜亦入哂飯到配埋豆豉醬同埋煲仔飯豉油一人一煲冇難道😎食完仲有煲仔飯精髓: 飯焦脆口得嚟唔會過燶👍🏻另外仲叫咗田雞臘味煲仔飯抵讚嘅係田雞分量多，亦好鮮甜👍🏻但臘味就一般🙈雖然呢到環境唔係最舒適，但高質食物絕對會吸引我之後再返嚟☺️

今日一行三人去坤記食碟頭飯，係西營盤黎講佢都算大碟夾抵食，午市去坤記係可以直入唔似晚飯咁要訂枱，當然午餐係冇佢最出名嘅煲仔飯。一行三人睇餐牌，我當然揀最平嘅碟頭飯，椒鹽豬扒飯，一上枱超大碟，唔記得叫少飯多汁添。肉排肉質唔難咬但冇菜，多返條菜就好了，加杯熱奶茶，完美。友人A叫肉絲炒河，多芽菜多獻汁，好易就淸哂一碟，但是，對於女仔來說就份量多左少少。友人B叫左菜遠肉片河，有少量芽菜，但有菜遠，肉片都幾滑，多獻汁，又係大大碟！結論：下次叫下炒河，好鑊氣！午市客飯送野飲，但凍飲加$2。

煲仔飯一向都係香港🇭🇰人既集體回憶，我都唔例外。之前會特登過海去廟街四季食（講到好grand😂😂但其實係大排檔）不過食好味，地道既煲仔飯點洗下下都過海住港島既港島人當然有屬於自己既煲仔聽人講西要都有間，長年要排隊既煲仔飯🍚，就等我會一會佢先黎到門口已經有一堆人潮，我地9點到，唔算係最多人既晚餐🥣時間但都好多人。等左15分中，終於有位喇，都比想象中快。今次叫左：豉椒炒蜆蜆肉粒粒都有醬汁包圍，食得出係新鮮炒，好有獲氣，椒絲都有小小燶邊，成碟一上台，香到爆可以送幾碗飯腐乳通菜通菜冇渣，菜入而煨滿腐乳汁椒鹽九肚魚依個真係唔好講笑，勁好味炸粒唔會厚，咬落去魚既鮮嫩仲keep到，外皮蒜脆加上椰菜絲，食過最好味的炸九肚魚，屬必點菜。誠意推介。到主菜出場啦～登登登登依道煲仔飯有新底舊式，叫左窩蛋牛肉煲仔飯同臘腸滑雞煲仔飯。兩個都好好味，飯粒食得出係泰國香米，加上甜豉油同蔥，焗一焗，食得。即係兜佢幾下，唔好太多飯焦。飯粒有配料香味，每啖都有飯焦香，但又唔年咬崩牙好味啊

坤記喺西環出名食煲仔飯， 已經有兩間分店。 星期六同家人外出食飯， 決定去坤記， 當以為要排隊嘅時候， 去到唔便等已經有位坐。夏天天氣熱， 坤記煲仔飯更熱。呢個應該係夏天唔多顧客， 但係冬天要排到爆嘅原因。 仲記得上年冬天排坤記，排到放棄，實在太多人。坤記一向唔愁冇顧客嘅態度， 大家都知道， 所以如果你係一個對待客之道有要求嘅人， 就請三思。 坤記廚房火喉夠，鑊氣大，坐喺出面都聽到蓬蓬聲，所以佢嘅小菜或者蒸餸， 都唔係一般家庭可以煮到咁有鑊氣。晚餐嗌咗生炒骨，排骨飯，窩蛋牛肉飯。 生炒骨好食， 窩蛋牛肉飯啲飯淋咗啲， 排骨飯正常。 可能夏天食嘅關係， 好似冇冬天咁好食。 始終食煲仔飯呢啲熱食，都係冬天食特別好食。

窩蛋牛肉煲仔飯➕白鱔田雞煲仔飯 📍西營盤 | 坤記煲仔小菜·連日豪雨到今日先放晴呢排睇緊一出韓國綜藝節目『街頭美食鬥士』係韓國大叔美食家白宗元行走世界各地品嚐街頭巷尾美食見到佢係香港特登去食煲仔飯原本不愛煲仔飯的我都口水直流·住西環的人應該都知道坤記我都久仰大名但嗰大名唔係話佢地好味（好味係冇錯）而是佢地嘅服務不盡人意上openrice睇番d食評10個有8個都話『態度極差』故而我同frd一齊去之時都有小小猶豫事實是佢地態度絕對稱不上親切溫暖我地到嗰陣裡面仲有大圓桌有位 但嗰服務員唔俾我地入清左張細嘅先俾我地言語之間都有一種『食食 唔食走』嘅fu·講番煲仔飯我之所以唔鍾意食其實係因為我唔鍾意d飯硬硬地我不孬都喜食淋淋地d嘅米飯但人都要嘗試嘅嘛呢一次嘅嘗試還是值得·窩蛋牛肉上來時嗰蛋仲係生嘅借助熱氣迅速拌勻就算溫度很高 牛肉亦沒有變老白鱔其實就是大陸的鰻魚肉質肥美食到最後有少少膩不過d拌飯醬汁調配得完美即使不慎加多都唔會覺得好鹹·宜家天熱食煲仔飯人少左冬天呢到等位都係一個鐘最少如果你唔介意d服務態度又鍾意煲仔飯呢到都可以接受除左桂香街呢間德輔道西仲有另一間分店可供選擇·