城記飯店

Open Now

Now Closed

假日中午超級多人 不過城記算系上水熟食中心嘅大戶人家所以位比較多 易搵位 店員手腳快👍🏻👍🏻👍🏻呢度嘅早餐系全日供應 ✌🏻✌🏻✌🏻正!!!!!!!!!小編叫左 $31 早餐雪菜肉絲腸仔米粉 配 餐肉熟蛋 牛油方包😍😍😍😍😍正雪菜肉絲好入味 唔會太咸 okay !腸仔煎得岩岩好 有一條餐肉就略為薄左少少😟😟煎熟蛋都幾好多小編覺得呢度嘅熱奶茶好不錯😍茶味甘香 溫度夠熱 唔落糖都好好味🤩🤩🤩

平時去開石湖墟街市熟食中心，多數都會去食牛腩麵或米線，但今日想試下其他嘢，就一於黎城記食碟頭飯啦。城記喺熟食中心入面都算大間，有好多個舖位，除咗中式碟頭飯之外，亦有蒸飯，點心，雲吞麵等等，總有一樣啱你食。碟頭飯一碟都係三十零蚊送例湯，加飲品都只係加五蚊，非常抵食。今日叫咗粟米斑腩飯， 碟頭飯即叫即整，鑊氣十足，相當大碟，斑腩數量都幾多，食落冇乜雪味，粟米汁鮮甜，份量亦夠，唔駛驚食到最後唔夠汁， 以三十幾蚊嚟講算收貨啦。

星期日下午去開上水買野，去咗市政大廈入面食，城記我之前都食過好多次，因為佢啲炒野好出色好味又夠鍋氣，我哋先叫咗個排骨飯，排骨份量好多又夠滑嫩，然後再叫咗個番茄牛肉意粉，個芡汁酸酸甜甜好開胃，牛肉份量又多又夠滑，加埋好健康嘅蕃茄，我哋兩個人食得非常之飽，呢度價廉物美好抵食！

位於街市既熟食中心，有潔癖既人會覺得環境唔好，但個種親和力實才難以抗拒！話說上到熟食中心，未諗到食乜之際，個姐姐已經好殷勤咁問你幾多位，想食乜⋯ 仲成刻搵個位比你坐！依種態度實在值得一讚！呢間餐廳中西合壁，有點心，盅頭飯，通粉，牛肚/魚蛋粉⋯ 乜都有！今次叫左碗牛肚河，賣相唔夠啲大型連鎖店靚，不過份量十足！不時啲大型連鎖店得幾件手肚，佢就有十幾件牛肚味道還可以，不過河粉就一般，略嫌好厚，唔太滑

今日男朋友黎同我食lunch..簡簡單單..帶佢去石湖墟熟食中心我叫咗碗牛肚牛筋河 個腩汁5夠濃但啲筋好韌 又有淋嘅又有硬過龍而金錢肚做得5錯，，肉質分明，每口好彈牙，靚料河粉幼身奶白色，5會黏埋1舊舊，5會淋得哂 但好食好軟個湯淡左啲，麻麻，蔥花好香，好翠叫了我至愛紅豆冰，呢個用花奶加紅豆蓉，creamy左啲，都係牛奶嘅好冰用左冰花我地2口子仲叫咗個奶油豬，有點失望點解5係烘之前搽牛油而係烘完搽，仲一撻撻，無誠意，味道係可以嘅，亦夠脆

自從沒在附近上班後，都少了機會過來一盅兩件，聽聽茶客帶來的「相思」、「畫眉」的叫聲，實在有點懷念，就找了個放假天，獨個兒大清早跑了過來。顧客依舊以老人家居多，一壺濃普洱，一盅飯，一碟點心足夠了。普洱當然不是什麼上品，無茶色而茶香亦一般，將就將就一下。鳳爪排骨份量十足之餘，仲會加上少許灼菜，肉汁都滲入飯粒之內，結果飯粒太濕，而且油份幾多。另外加點了雞紮，其實幾懷念從前的淮山雞紮，有冬菇、魚肚及火腿，今時今日，變成大大舊芋頭又或者蟹柳，不倫不類。幸好城記暫時未有用芋頭「濫竽充數」，只不過腐皮蒸得太耐，已經溶溶爛爛，有豬肚已經不錯了，老實講，此刻只是想回味一下兒時回憶，味道還是算了吧 !

今日假期超級多人呢，人頭擁擁，間間爆滿，見到城記有個位就即刻坐低喇，食完又趕住買餸開 party。嘩！城記包左三份一場，魚蛋粉、燒味、茶記、點心、蒸飯、等等，勁呀！唔知係街舖其他食市係咪佢架呢？花多眼亂，左睇右睇，好采我唔係憂悠寡斷既男人啫，直覺話我知要食出前一丁先 ﹗跟住直覺話我知之後輪到潮州粉麵喇 ﹗對面位小妹妹仲咩係咁望住我喎，人家會面紅怕醜架麻，您唔適合我架呢。妹妹您望得我咁實，係咪想食我碗魚蛋牛腩撈粗呀？唔好食架喎，麻麻地。單身良伴離不開即食麵就杯麵架啦，仲會咁好興致花長時間揀咩，最緊要快靚正。請問火腿奄烈可以轉太陽蛋嗎？唔可以？道理何在呀？依位大陸阿嬸，火腿奄烈唔可以轉太陽蛋？離晒譜架，咁我加錢要多隻太陽蛋得唔得呀 ﹗見您服務態度好又有禮貌，算數唔同您計較。沙嗲牛肉腸仔出前一丁跟火腿奄烈走包，仲搭左幾片爽甜生菜喎。自家鮮牛黎喎，唔係罐頭貨，非常難得，讚 ﹗牛味濃又有咬口，不鞋不硬，仲有淡淡沙嗲甜味，不濃不嗆。腸仔係扒爐辣左野再烚，腸皮微燶香口，係靚腸不是怪味腸，good ！火腿奄烈睇落成塊紙皮咁，好可怕 ﹗硬著頭皮塞入口試試啦，既然黎到都食左先講啦。嘩，食落裡面好 juic

放工急急返上水食個 lunch，今晚同事 BBQ 及大閘蟹聚會，突然變左我負責加料買海鮮囉！一心諗住去東莞佬食粥，但居然兩點半粥都已經賣晒，唯有是但轉場，趕時間。見到城記有蒸飯點心又未試過，就搏一搏啦！點知蒸飯剩返鳳爪排骨飯，點心剩返燒賣，仲要係最後一籠囉，另外仲有鳳爪。原來三點蒸飯點心收工，唔怪得咩都無，坐低左費事又要再轉場。最後一籠燒賣比埋我啦，鳳爪排骨就鳳爪排骨啦，比盅飯我啦。乾蒸燒賣，乾蒸？唔係掛，濕到滴水喎，蒸左成個鐘都唔出奇！熱到辣咀，因為勁多水份，滾水一樣，免強頂得住。蒸到內外都溶掉，燒賣皮漿住個咀，餡料只有豬肉鬆，無蝦無菇，一咬即散，腍劈劈又超濕既燒賣，味道唔洗講當然麻麻！劣質都要 $17 蚊，銅鑼灣曉廚既高質黑松露醬燒賣都係 $20 蚊乍！鳳爪排骨飯，我想食淨排骨飯架。咁既銻兜排骨飯都要 $22 蚊，銅鑼灣曉廚都只係 $28 乍。賣相完全唔掂，色澤暗淡無光，睇落仲好濕，排骨個樣又肥又細舊，完全影響食慾。放膽一試，排骨肉質散，味道一般，鮮甜味欠棒，有點死實，唔難食既。個飯底咁奇怪既？明明濕淋淋架喎，但撈上甜豉油勁好味，飯香濃厚，就係依隻飯香喇！而且飯粒嚥韌飽滿，雖然未及

今日遠到上水新都廣場辦事，真的極少會到這區，中午過後，五臟廟有點啓示，天氣好熱，只在幾個商場打個圈，發覺全是沒有特色的連鎖食店，好彩天橋盡頭有坐巿政熟食中心，電梯直上見到這有粉麵食就坐下來，叫了牛腩河粉，凍檸茶，腩汁通菜，$47，熟食市場果然平少少。牛腩份量不少，且大件，食落有驚喜，好入味，有入口即溶化感覺，極有水準，好好味。辣椒油也不錯，好香辣。見到對面枱食緊淨牛腩，相信這裡的牛腩真的很不錯。誤打誤撞找到好野食。

自從在市政大廈的熟食中心吃過東西之後，久不久都會來市政廈，看看有否合適的食店開餐。上次就是因為選擇了好幾間食店，而最終沒有來到的市政大廈，今次就一心一意在熟食中心午膳好了。在熟食中心有間城記飯店，提供了點心飲茶和碟頭飯，也有港式奶茶咖啡。而在下於這裡飲茶，今次都算是第一次。這裡沒有酒樓般的裝修，也沒有茶樓般的座位，只有的是一個大排檔式的設計。坐下來就開了一壼水仙，是在下喜愛的其中一款茶，味道帶甘而且醇厚，還有茉莉花的清新香味。在一壼茶過後，依然甘醇和有回甘的味道。喝過一口茶，就拿過餐牌，當然有不少在茶樓的點心和盅頭飯，而餐牌上卻寫道招牌盅頭飯，也許在下又久未吃過，欣然點了其中一款，再加上一碟腸粉，就是在下的午餐。話說鳳爪排骨飯已經有一段時間沒有吃過，今次再一個好了。鳳爪排骨飯分為小盅和大煲，在下當然要了大煲。雖然鳳爪排骨沒有被椒絲醃過，也沒有惹味可言，但是卻又做很夠味和很腍，而且沒有雪味，加上米飯粒粒分明，蘸上甜醬油，頗具口感。牛肉腸粉粉皮略厚，與舊式茶樓的腸粉可以比美，雖然皮是厚了，但是牛肉卻異常嫩滑鮮甜，加上蒽花，就更加美味可口，而且蒸得剛好，不嚡也不靭，不過牛肉的份量就偏少了。在

係北區讀書, 經常光顧的一間餐廳。點解? 學生去食飯, 23蚊午餐, 連飲品, 凍熱特飲同價成個熟食中心, 只此一家 =]話說近日去食飯,揚州炒飯+ 凍奶茶,飯好大碟, 足料, 食左半碟已經食唔落!杯奶茶, 不過不失啦! 甜左少少, 唔香。俾錢先23蚊, 食飯黎講係好平。睇著其他餐廳由24蚊食到28蚊,呢間到依加仲係23蚊,算係甘啦 =]

城記是這幾天頻頻接觸的食店，簡單來說，只要去自修室，便必定會到這裡吃個早餐。沒什麼特別原因，我對這街市大獲好評的粥店不予置評，午餐我是此街市的常客，至於早餐，好像沒有試過。晨早流流，係街市食翻個西式早餐，別有一番風味。及後也來試了早茶，是次食評將兩次的食品結合。城記主打的似乎是一盅兩件，第一次來我和女朋友仔竟都吃了個西式早餐這次點了個牛排煙肉蛋，這個絕對不馬虎！早餐用上的薄身牛排當然被招呼過，不過煎得十分之香口，配上個不知名的汁，簡直驚為天人！難道我吃得太多大Ｘ樂或大Ｘ活的早餐牛排？這顆蛋不用多說吧，煎得剛剛好，一口咬破溢出的蛋汁，教人回味無窮呢！煙肉也是煎香的，這一條長長的煙肉不是　８０％肥糕：２０％肉，而是圖中所見，只是邊邊位置有少許肥肥的，以港式早餐論，呢塊煙肉絕對係超哂班，無得輸跟餐既咖啡太酸了，嚥不下去以下是早茶點心的部份之後幾天去也是吃點心，到現在已經吃過餐牌上５成以上的點心了。點心整體質素不錯，相對酒樓價錢便宜一點，平均十二蚊左右一籠點心，份量也足。先介紹我點心至愛牛肉球、之後一隻招牌糯米雞、再加籠蝦餃皇。前文已提及，我把幾天的點心一次寫在此食評中，當中牛肉球是天天也有點

今日中午同老公去左市政大樓成記食晏, 見到隔離食緊蒸飯, 個蒸飯好似好好食咁, 但我同老公都肚餓, 所以叫左乾炒牛河同夏門炒米, 每碟都係23元, 我地仲加左4元熱檸茶同5元涷檸茶, 飲品到左先,檸茶茶味夠, 唔會苦澀,好好飲, 等左幾分鐘, 先上一碟乾炒牛河, 色水都好靚, 而且有鑊氣味, 牛肉都幾大塊下,心裡不禁大叫一聲好好食, 之後夏門炒米又黎, 嘩....入面竟然有酸菜, 好多地方已經唔再放酸菜落去炒, 其實我覺得酸菜先係夏門炒米既精髓, 仲有d叉燒,蝦仁,雞蛋絲一齊加茄汁炒, 好味到不得了, 食完之後,我再飲熱檸茶,依然都係咁好飲, 唔會因為涷左而味道大減, 今日lunch 真係食得開心

典型的大排檔格局，木折枱上是裝滿橙紅色筷子的筷子筒，鮮粉紅色的膠托盤上疊著中式飲茶的碗和杯，橙紅色的辣椒醬，粉紅和棗紅色的醬油樽，橙色糖漿瓶裏面是金黃色的糖漿……雜亂得來又很相襯。以為這裡只是供應中式茶市點心食品，原來還有一點驚喜。推介這個士多啤梨西多士 - 賣相一看已經非常吸引，西多士上面有大大粒士多啤梨，中間有一團忌廉，在淋上士多啤梨醬，酸甜好味！賣相和味道比很多cafe都要好，連一杯飲品的價錢只是$18，非常不錯！熟食市場有通風的窗，醒目的麻雀也飛進來揾食，不時可以發現有麻雀飛來飛去，很過癮！

中午經過街市，差不多到食飯時間。想了想，和媽媽說我想吃排骨飯，樓上就有，不如試一試吧。媽媽有點猶豫，但還是成功給我的眼神打敗，答應去街市飲茶。因為只是十一時許，人不太多。叫了茶，我便迫不及待地詢問大包的下落。一聽有貨，大喜，當然想也不想就叫了一個。外加一盅豉椒排骨飯，鴨腳扎和一件飽也引不住叫的邊位馬拉糕。大包一上，我立即雙眼發光，包的皮有點厚，是叉燒包的造型。不能整個拿起就咬，我就用筷子分開包身，想快點一探入面的虛實。先是豬肉餡，吃著吃著竟然給我找到一粒很細的鵪鶉蛋！我夾起那一粒蛋，好像拾到寶物般向媽媽展示，然則告訴她關於大包的簡介。之後當然是少不了四方大粒的火腳和一大塊的雞肉，而且還有多一粒的蛋呢！雖然我不知道正不正宗，但這個如此豐富的大包下肚後，我已經甚是滿足了。因為媽媽不好包，所以排骨飯我把大部分交給了她。排骨的味不錯，也不會太肥，只是飯有點淋，和面頭的菜絲是凍冰冰的。對於我們兩個吃熱的人來說，味道自然大減。而鴨腳扎就真的很足料，炸腐皮內是一隻普遍的鴨腳和一件大大塊的火腿，當然還有豬肉雞肉，不過不失。已經很飽的我，但是心情因大包而十分興奮，所以不理三七二十一，冒死也要多叫一個馬拉