基哥一品清湯腩 (Closed)

到底何得何能高質美味過群記呢？完全感受不到，普通平凡到不得了的非常清湯清湯腩。而且零招呼，坐低成分鐘，收銀四眼鬍鬚仔繼續同朋友吹水話知您，終於有位大媽係廚房衝出替我落單，四眼廚師走出廳面攞紙巾拉低口罩挖鼻，再回廚房做我張單，狀甚可怕！研究下餐牌，外什麼帶？依度係香港，外賣就係外賣！捍衛廣東話，捍衛繁體字！依舊零招呼，自便坐下隨便大叫想食什麼，四眼鬍鬚仔收銀依舊自顧自地坐定定打機。花膠濃湯娃娃菜，爽甜鮮嫩，湯汁濃郁真的不錯。上湯浸菜芯，出乎意料不是蠔油撈而係湯浸，半爽半嫩半甜，中規中矩過關。咖哩三寶，索價 $25 蚊全部乾乾暗啞，微波叮熱嗎？蘿蔔爽而帶酸帶澀，放棄！豬皮吸盡咖哩汁輕辣爽爽，魚蛋結實有魚香冇咸香食得到陳皮味。黃金花雕雞中翼，熱辣辣送到，黃色似咖哩雞翼，聞落酒味攻鼻，食落酒味重到嗆喉！趙落雞皮雞肉苦苦澀澀，似隊緊燒酒，硬頂兩隻放棄！爽腩麵，聽聞後街依間基哥清湯腩好食過群記？試過便知龍與鳳，口中爽腩都只不過係普通料，無膠無黐無甜無牛脂，連生龍都比不上。微暖近乎室溫直接灌入唔怕灼傷，快靚正即閃！廚師叔叔耐心介紹，有爽腩有崩砂腩，有生麵有上海拉麵，而且坑腩唔值錢，食爽腩更美味。半爽

呢間清湯腩真係好高質，性價比爆燈崩沙腩河竟然$38，加牛筋$8，加花膠竟然$5！！依家啲牛肉咁貴，竟然賣咁嘅價錢，重牛味唔可以話煮得超淋，但咁嘅價錢，絕對係物超所值，個湯底又好飲唔明點解呢間黃店咁都無乜人幫襯，睇嚟大埔競爭真係好大......我覺得呢間店真係好有誠意，個外賣盒分兩層，唔驚河粉吸晒d湯，附加葱花炸蒜蓉，唔使開聲問，都另外俾埋辣醬店員又有禮貌，忍唔住買多包急凍清湯腩希望佢生意快啲好返啲！黃店加油💪

呢間野聽街坊講過好多次今日終於嚟到食呢間清湯腩真心有啲小期待舖頭位置未算話好方便但係有心搵嘅都會搵到講番野食：主角牛腩主要分咗崩沙腩同爽腩我就貪心咁樣就嗌晒兩隻都係當雙拼加$8首先崩沙腩就帶肥膏，口感好特別好香而爽腩就顧名思義食落去係爽口嘅另隻腩都好值得試食完會掛住仲有個湯底我係飲哂唔係同出面一樣係味精湯湯底好鮮好濃老細之後得閒仲過黎吹下水話湯底係用紅棗花膠等等嘅藥材去煲唔怪之得咁正埋單一碗$46絕對抵食好有誠意既牛腩麵

一早就知道有這家新的清湯腩，但是沒有空來嘗試，有天想不到吃什麼🤔，就剛好可以來了。位處街市轉角位，看上來很舊式，賣相好像舊式豆類製品店。第一次來，你不知道它的味道，雖然明知道叫雙拼應該會少一些，但由於友人點的是湯飯，因此我還是勉強點樣個雙拼，一次過可以試兩種。牛脷，分量普通，因為只有兩片，但都非常大，雖然牛脷不算太厚，但是味道香濃，薄切的牛脷放在湯上邊，軟軟林林，質感還算不錯，與日式燒烤的厚切牛舌，質感截然不同。反而清湯腩，因為我要的是爽腩，亦都是薄薄長長的，脂肪以及表皮的比例不算太多，以瘦肉為主，因此不算格外出色。下次再來的話，可以試一試崩沙腩。米線出色，第一，份量夠多，應該比起其他牛腩店多，網網千斤；第二，米線煮得煙韌，總不會因為它是間牛腩店而求其煮，有心有誠意友人的湯飯套餐，原來包了飲品，還算划算。看到人家的凍檸茶，也不差，有一次了，茶香夠濃，味道還算不錯，而且，細細個的凍杯之中，竟然有五大片檸檬，難得難得。辣椒油味道也不錯，夠香夠嗆。但是這間店舖的室內環境，雖然好像有點冷氣亦都見到有風扇，但是亦都比較炎熱，要抵得熱的食客才能夠來。

呢個星期入左大埔舊墟既富善街行下同揾啲乾貨入手。之後一齊去食左碗清湯腩做lunch😃⠀爽腩清湯腩麵 ($35)⠀半肥瘦牛腩，好有咬感！連埋湯飲，絕對唔會有好肥膩既感覺。⠀⠀番茄牛腩清湯腩麵 ($35)⠀香淡既番茄味，令到碗麵食落比較鮮甜，但係牛腩比爽腩硬少少。⠀好港式味道既腩麵店，平令正，都好多人幫襯。份量都好多，無論麵定系牛腩，所以經過會再食下，真心唔錯。不過環境比較迫，同埋夏天食都比較熱，冬天食應該幾正

琴日去咗大埔踩單車，晚黑就喺嗰邊食飯。想搵吓有啲咩地道美食，不過時間可能有啲晏，好多小店都已經關左門。結果誤打誤撞去到一間食牛腩麵嘅小店。裝修比較新，環境都幾乾淨。點了牛腩河試吓，加埋一份炸魚皮。牛腩河有驚喜喎，應該唔係普通貨式，係一啲比較好食嘅部位。，睇到半肥瘦，食落口果然唔會好鬆軟，黐住舊肥膏亦都帶點油香味。雖然有啲肥但係整體都幾好味。湯底應該冇咩落味精，因為食完都唔覺得好口渴。至於炸魚皮嘅質素就一般啦，不過不失。牛腩麵盛惠$35絕對合理。

今日終於有時間去品嚐一下，想不到個湯底比起出面的有好大分別，是因為個湯真的好清甜，牛腩和牛丸你一定要叫來試吓，因為牛腩唔肥好軟綿綿你唔會覺得硬，另外個牛丸好彈牙第一口咬落去會感覺到好香牛肉味，原來牛丸是自己手打出來，不是機器做所以個牛肉味好突出食了返尋味，我發現了有一些小菜包，加熱就可以食，真的好方便。

大埔忠誠盆菜嘅盆菜就食得多啦今次基哥踩過界做埋清湯腩同大埔某名店一較高下😳基哥一品清湯腩位置比較隔涉，比較難搵差啲誤會咗係富善街入面嘅店舖店舖嘅設計好開揚但因為後面街就係街市所以都幾多蚊飛入嚟🙈叫咗清湯豬手拼牛腩河粉 $43 & 蕃茄牛腩米線 $35豬手皮整得彈牙。牛腩比較薄身，肉質爽。但湯底嘅牛味稍嫌唔夠濃。有待改進。仲有一點係 店舖嘅辣椒油味道辣得嚟又好特別～唔知加咩秘方呢見到隔離枱食緊清湯牛腩火鍋不過見到餸菜唔算多同埋9點30就要買單，要閂舖。打邊爐咁樣唔盡興。哈哈～

咁啱經過呢間牛腩舖就入去試吓阿姐推介牛什但呢間舖嘅牛什同一般有d 唔同冇平時嘅腸膀肺但有嘅係牛筋牛舌牛腩同平時牛什必有嘅牛肚曾經喺其他舖頭食呢四樣野嘅combination 係叫牛四寶雖然同平時唔同但阿姐一早講我知所以都冇嚇親講返碗牛什河湯底湯清味濃不過鹹，但如果甜返少少會更好河粉底就冇咩特別，唔厚唔薄唔過硬但又未係最滑果隻但牛筋同牛舌我都非常欣賞牛筋係我中意嘅黏口口感又入味，因我最怕爽嘅筋牛舌牛味足又軟嫩牛肚都濃味又夠淋可惜嘅係牛腩略嫌有點硬，作為舖頭招牌真係要扣分但總括黎講都係一碗好食嘅牛（什）河

雷聲大 雨點小 本人對食都有少少研究 而且好喜歡吃清湯牛腩 大埔某名店我都經常光顧 所以特意前來大埔富善街 不知街頭還是街尾 這個新開特麵店 係媒體上看見該創立人說要做一碗非一般的清湯牛腩 所以暮名前來一試 點知一來印象已經扣分 開放式設計 好明顯冷氣不足 服務差 環境差 湯底毫無味道似清水 牛腩唔知似乜 可以講全大埔最差 一碗清湯腩河 湯底竟然無牛骨味 失敗！牛腩無牛味 又唔淋 似食無牛味牛𦟌 與群X比完全唔入流 開張時有傳播媒體介紹 真係大失所望

一早就想試下呢間新開的清湯腩。群記就成日排長龍，點都要發掘D新鋪比自己頂下引。基哥清湯腩環境好開揚，但位置比較偏僻，今晚成條街就好似得佢一間開鋪咁。條街人氣不足，都真係鄧佢難挨。今晚天氣凍凍地，我地叫左個二人套餐清湯腩火鍋，有牛腩、牛丸、牛脷、牛根、蘿蔔、枝竹、菜、米線、炸魚皮。火鍋料唔係任食，但汽水、豆漿任飲。清湯腩、牛根十分霖、牛脷好爽、牛丸好彈牙，清湯可以一碗碗咁飲，大滿足！將D湯加入米線，米線吸收晒D牛內味，真係可以再食多幾碗都得。食到最後一定係要講D蘿蔔，蘿蔔終於煲到霖晒，好有關東煮 feel，但無關東煮咁甜，味道剛剛好。又係食到停唔到。但實在太飽，不可以再食啦！唯一發覺佢地D菜洗得唔太乾淨，有兩粒發泡膠粒。

兩個字，垃圾，牛腩不行，清湯普通，我個人覺得佢做番老本行盤菜好点，大埔隨便一間茶餐廰牛腩都比佢好吃，莫説跟群記作比效，拿清湯腩作招牌，根本就自討没趣，我個人一定不會再幫襯

I came here because I watched the YouTube video about this shop and heard that the 清湯牛腩 here is really good. Although I’m a big fan of 群記清湯腩, I thought I should give this place a try seeing that people seemed to prefer this place to the other place.I only ordered the beef brisket noodles soup. Firstly, the meat texture was different to that of 群記, it was more “爽” and I suppose this chewiness is due to the fact that they ice the beef brisket right when it is cooked so as to not loose texture a

係FB見到好多人都讚，聖誕節一早嚟試下，10:45am左右到重有早餐當然快快叫，一個豬腩什河+凍檸茶、一個豬手河+熱檸茶，早餐價錢係$28，飲品凍飲+$9、熱飲+$7。食完埋單個位收錢嘅亜姐(亦都係幫我地落單個一位)居然話而家過咗早餐時間，要收你地午餐價錢，你無嘢吖，你寫完單唔寫價錢，到個客食完埋單你話收幾多就收幾多，好彩我起碼記得自己幾點入坐啫，唔係俾你地收多$14，你地咁樣做生意都唔會有人再嚟幫襯🤬🤬。