大圍小食

Open Now

Now Closed

夜麻麻仲一出大圍地鐵站。見到好多人排隊。仲要係派錢添，原來係嗰個係等住識少食宵夜。原來有臭豆腐，好正哦，臭豆腐啊！不過香港的臭豆腐係黃色！類似台灣嘅臭豆腐。其實唔係好臭。都幾蘇香！仲有就係我最中意嘅大腸好麻啊，好腍口啊。洗得好幹淨。大舊大舊好大口！然後居然仲有串燒喎。腸仔啊，牛🐮丸仔啊，夠香口！然後又變咗傳說中的老板。長頭發木村拓哉咁嘅樣。好靚仔啊！有聽過我喺旺角都有分店喎，下次去幫襯下先。加油啊

早兩日幾個朋友上去住喺大圍嘅朋友屋企玩，佢介紹我哋呢間小食老店，於是我哋就買咗一大堆小食去佢會所食。呢間小食店喺正大圍港鐵站對面，初初以為啲嘢食會好貴，點知原來性價比好高，超抵食！除咗平時啲街邊小食，呢度仲有車仔麵、狗仔粉、銀針粉呢啲飽肚嘢食，呢間鋪仲開到好夜，簡真係大圍嘅宵夜之選。我哋總共4個人，叫咗勁多小食，差啲食唔哂，最後食到超級飽。⭐煎釀三寶⭐陳皮魚蛋⭐燒賣⭐炸大腸⭐臭豆腐⭐鹵水雞髀⭐生炸雞髀⭐生菜魚肉碗仔翅⭐生菜魚皮餃⭐串燒⭐肉碎狗仔粉每樣野都唔錯，我最鍾意佢嘅串燒，燒都好香，而串燒豬勁肉好爽口，食落一啲都唔乾。鹵水雞髀就鹹中帶甜，醃得好入味。煎釀三寶亦都有好多款，每款都大大件，魚肉幾彈牙。碗仔翅勁大碗，所以再食的話，叫細碗就夠。狗仔粉非常足料，好多冬菇、肉碎，個湯仲充滿蝦米味，狗仔粉份量好多，食落煙煙靭靭，幾好味。呢間小食咁抵食，下次去開大圍一定會再幫襯。

今次要介紹嘅就係呢一間大圍20年嘅小店，你講得出嘅小食都有得食😎😎 每當行過既時候都會見到好多人排隊幫襯👍🏻👍🏻 好犀利！ 我覺得最好食既孖寶，一定係陳皮魚蛋+燒賣！！！ 陳皮回甘，魚蛋彈牙燒賣煙韌有彈性，加埋佢嘅自家辣醬，港式小食之選當然唔少得既仲有佢哋既煎釀三寶，他們的三寶價錢不算很貴，款式都幾多，除了有平常時常見到的青椒、茄子、豆腐、魚蛋、紅腸等款式，仲會有西蘭花🥦🥦 認真有新意👍🏻炸雞髀，以及串燒雞肉和豬頸肉等，都是香港小食的經典代表作。九款味道：孜然、川椒、七味、黑椒、咖喱、香茅、辣椒、蜜糖同沙嗲任君選擇，總有一款啱你心意。我試咗沙嗲加蜜糖，落單後在你面前烤，鮮艷亮澤，睇到流晒口水！韭菜大腸豬紅推薦！！大碗 份量十足！豬大腸乾淨軟腍，配脆韭柔口感味道一流臭豆腐好臭好正！搭配辣椒醬食更佳～碗仔翅魚肉好足料的碗仔翅，口味濃度適中，仲加咗魚肉，好飽肚

已經好多年冇食過臭豆腐同炸大腸，咁啱聽日有個演出， 夾band之前買啲小食 同朋友一齊食！！！之前經過大圍火車站已經見到呢間舖頭好多人， 今日嚟到都係滿庭若市🐰🐰🐰果然係性價比高嘅多年老店👶🏻👶🏻👶🏻⭐⭐⭐煎釀三寶之前見到啲食評推介個個都會叫煎釀三寶， 果然好有驚喜， 因為之前都冇見過會有西蘭花係煎釀三寶度😂😂😂amazinggg有位好食得辣嘅朋友都話佢嘅青辣椒 超級超級夠辣😂😂😂 每一件都好大舊，大滿足⭐⭐⭐👉🏻紫菜魚皮餃除咗有好多隻大大隻嘅魚皮餃之外， 紫菜都非常知足料👍🏻👍🏻👍🏻👉🏻沙嗲串燒豬頸肉個人覺得呢個串燒幾出色，燒汁好味之外，口感香脆⭐⭐⭐👉🏻正宗古法臭豆腐Wow 好耐冇聞過，一打開，係依個味啦！！！加埋甜醬，正！！！👉🏻椒鹽炸燒賣因為太趕自己落唔夠椒鹽！！可惜！！！👉🏻港式炸大腸都好大粒酥脆內軟🐰🐰🐰👉🏻大碗仔翅都叫左好多少食，估唔到佢嘅大大碗仔翅真係好大盛！！！😂😂😂 想乜都試下嘅朋友其實叫細碗夠了😂😂😂

呢間食店長期都咁多食客幫襯，除了大件夾抵之外，最重要系好食，口味夠地道。位於大圍站對出嘅大圍小食，最少幫襯咗十幾年，佢個魚蛋、燒賣仲攞過獎。如果鍾意食辣，必定要去試佢個秘製辣醬，好惹味，辣得好過引，食過系會掛住嗰種好食。阿媽話今晚有幾位內地既親戚嚟屋企作客，叫我打幾個外賣加菜，即刻諗到香港地道小食，每款買D，呢個大雜匯不得了，煎釀三寶、辣魚蛋、燒賣、串燒、豬大腸、牛拍葉、生菜魚肉、土魷、鹵水、生炸大雞脾，臭豆腐，水魷....等，個個食到樹起手指公，吃光大圍小食，反而剩咗阿媽煮嘅菜😂。佢地話有食過香港既街頭小食，但無見過份量咁足咁大件，煎釀三寶件西蘭花大大梳，魚肉大大片，狗仔粉超足料，豬頸肉串燒勁爽，豬大腸外皮炸得好香，魚蛋彈牙，仲叫我教佢地點去，自己要再去掃１次貨，因為我每款小食要１份，佢地唔夠喉。

🔥講到香港小食唔知你哋覺得邊樣最具代表性？呢一間，喺大圍屹立咗超過20年嘅小食店，噏得出嘅小食幾乎都有💫雖然佢係一間老店，不過佢嘅運作模式一啲都唔老，定期就會推出一啲新產品，例如呢排推出咗嘅💐煎釀三寶西蘭花💐就非常受到一班街坊嘅歡迎🥰要數佢其中一樣最好食嘅孖寶，肯定係呢度嘅燒賣同埋陳皮魚蛋！配上香濃秘製嘅辣汁，而且價錢竟然只係💲12/10粒！🐔大大隻嘅生炸雞髀更加唔少得，食完一隻今晚都唔使食飯！都只係25蚊🧆煎釀三寶當然係小食裏面嘅主角之一啦，一大盒我都只係買咗30蚊，每一件都非常大件，佢度嘅釀尖椒係辣辣地㗎！佢呢度煎釀三寶有個特色就係有啲街外出面唔會有嘅嘢就例如魚肉西蘭花同埋冬菇咁樣！🫔椒鹽燒賣，到底有咩吸引？咪就係香脆囉！加少少辣醬，簡直係perfect，幾多錢？12蚊！🦑呢幾年大熱嘅芥辣墨魚呢度都有，仲係新鮮即整，唔使驚食到肚屙😋🐷炸大腸，應該都係香港名物之一。呢度嘅炸大腸唔好睇佢十幾蚊一串，佢係大腸包小腸！絕對值呢個價錢，出去食碗牛腸河都三四十蚊得嗰幾舊仔，呢度舊舊都係大大件🐔串燒，呢樣就真係唔係週圍嘅小食店都會有。呢度嘅串燒雖然買16蚊一串，但係份量大！係喺你喺街邊食到十蚊一

大圍的這家小店相信係大家太熟悉因為佢實在提供大量種道地的香港小吃,包括煎釀三寶、狗仔粉、魚蛋燒賣、臭豆腐和韭菜豬紅等，仲要個個都好好食，所以喺大圍嘅老字號，而且性價比非常之高#煎釀三寶 他們的三寶中實在太多元化，必定推介豆腐煎餃傳統的茄子尖椒還有香菇等等### 狗仔粉這家的狗仔粉做得很地道,麵條彈牙,汁汁濃郁,加上飽滿的蝦仁,整體口感十分豐富。湯頭香濃,湯汁入口回甘,吸滿湯汁的粉回味無窮。#串燒 豬肉雞肉，任你選擇仲有唔同嘅粉俾你揀司華力腸燒到外脆內軟啖啖肉燒賣魚蛋萍萍無奇嘅燒賣魚蛋加埋佢哋嘅B仔辣椒醬食即刻別有一番風味難怪拎𡘾### 臭豆腐臭豆腐外酥內嫩,香氣撲鼻,配上特製醬汁,甜辣開胃,雖然有些許臭味,但並不刺鼻,而是恰到好處的香氣。### 韭菜豬紅新鮮的韭菜與柔軟多汁的豬腸搭配,韭菜脆嫩,豬肉鮮美,醬汁恰到好處,回味悠長

每次經過呢間大圍小食都會忍唔住買D野食, 因為佢既選擇真係太多!總會揀到一樣岩既野食😋一眼望埋去, 已經見到好多唔同款式既小食, 例如煎釀三寶, 咖哩魚蛋, 串燒, 碗仔翅, 鹵味......真係超級豐富👍🏻我地買左幾樣野返屋企做下午茶😆煎釀三寶: 見佢個員工不停咁炸起, 拎到返屋企, 每件都仲熱辣辣同夠新鮮, 真係抵讚!我尤其鍾意佢個魚蛋, 好似拳頭咁大 , 真係好抵食🥰咖哩魚蛋拼燒賣:店員好好幫我咖哩汁另上!佢個咖哩汁又夠辣又夠香😝魚肉碗仔翅:佢D魚肉份量夠晒多, 碗仔翅都好足料, 有埋冬菇絲, 好好味😍炸大腸: 呢個一定要叫, 外皮炸得相當炸, 入面仲煙煙韌韌, 好高質🫶🏻仲叫左燒豬頸肉, 即叫即燒, 仲落左D醬汁,真係有HEART☺️

大圍呢一間老字號真係每次行過必食，買嘅過程快靚正，店員嘅服務態度仲好好，真係值得一讚👍🏼❣️魚蛋 燒賣 食過咁多間個人覺得呢一間嘅魚蛋最好食！尤其是佢個秘製辣醬，就算唔係好食得辣嘅，我都又要辣又要食😆仲要辣得來好香，越食越過癮❣️韭菜豬紅大腸蘿蔔呢樣亦係必點之選！大腸煮到好淋唔會韌，蘿蔔好入味，唔會有渣😋食到一口接一口，價錢又抵又大碗，啱晒我呢啲打工仔🤩❣️炸大腸喺最肚餓嘅時候真係好需要有啲咁邪惡嘅食物揸住立即食😆炸得超香口！不過略嫌大腸有啲韌🤏🏼但絕對係可以接受嘅範圍👍🏼❣️串燒串燒都係第一次食，燒豬頸肉大大串超吸引！肉質唔會淋又咬口🥰仲有蜜糖同孜然粉調味，冇得輸！司華力腸梗係比我想像中好食！亦係必食之選😋🛎熟食嘅湯可以另上，咁樣外賣返到屋企就唔怕淋晒啦😉

去咗圍方行街，臨走之前去呢間老字號嘅小食店買外賣返屋企，同一班朋友睇波一齊食。小食店應有盡有，諗得出啲街頭小食都有得賣。最吸引我就係臭豆腐，最鍾意食臭豆腐，越臭越正🙈呢度啲臭豆腐仲配上鉅利醬園嘅甜醬同埋豆瓣醬，外面香脆裏面柔軟，好滋味。另外小食店必備嘅魚蛋、燒賣、煎釀三寶呢度梗係有，我哋每樣買咗啲。魚蛋係陳皮魚蛋，煙煙韌韌，加上舖頭特製嘅辣汁，香辣惹味。魚肉燒賣就正常發揮，煙煙韌韌。煎釀三寶其實唔止三寶，我哋每樣執啲，有釀青椒、釀紅腸、釀豆腐、釀西蘭花、釀冬菇、仲有炸鯪魚球同埋炸餃。我仲叫咗蜜糖燒豬頸肉，真係即叫即燒，豬頸肉厚切，肥美甘香，配上甜甜嘅醬汁，絕配。燒黑椒牛丸都正，夠晒黑椒味。肉碎狗仔粉最正係店舖自製嘅辣菜譜，肉碎加上蔥花再加爽脆辣菜譜，令到味道即時提升，狗仔粉軟滑，連湯一齊食好易入口。另外仲叫左生菜魚肉同埋碗仔翅，今次真係過足口癮，我諗得出嘅小食呢度大部份都有齊。

今日放工好想食魚蛋，於是買一串辣魚蛋($12)嚟試，唔食辣既可要求唔辣，我食辣既緊係揀辣。辣魚蛋一串有10粒，估唔到買一串魚蛋都用透明膠兜仔裝住，舖頭真係幾肯揼本。魚蛋係陳皮魚蛋，細細粒，呢款魚蛋配辣醬最正。辣醬係辣得嚟有啲咖喱味，似係自製，辣味香得嚟有少少後勁，對我嚟講唔算太辣，如果唔係要留肚食飯，會想試埋椒鹽燒賣。呢間值得推介，真係好好味，見到舖頭有賣埋車仔麵，等天氣無咁熱會買外賣返去食，下次會再嚟試其他款。

大圍小食出開大圍就諗起呢間野 大圍小食係屬於大圍既小食呀🤣次次係D出口出都會睇到呢間野聽聞佢係大圍嘅老字號小食店所以次次都好想食今次終於有時間 買左煎釀三寶食$4/件 $20/5件不停俾呀姐善意Upsale 好好笑買多兩件送飲品🤣 唯有講好啦咁食多幾件啦 反正都好想食件件都幾大件 仲整得好Juicy試叫一件虎皮尖椒 辣得好爽但幾個人只食到一條 頂唔住🤣🤤好食指數：10/10👛抵食指數：9/10🪑好坐指數：掃街🤓再食指數：高

前兩日落大雨，咁啱放假，就買咗啲街頭小食返屋企🤤呢d街頭小食真係香港嘅特色！價錢又唔貴，學生都負擔到🧡好多街坊幫襯呢間老店呀🤣👅煎釀三寶（$20/5件）好大件！款式又多～最鍾意係釀茄子🍆同埋菇🍄‍🟫！唔會油膩又又少少濕潤！正！👅陳皮魚蛋（$12）👅椒鹽炸燒賣（$14）魚蛋個辣醬拎過獎架！唔怪得食到咁上癮！炸燒賣都好正！外脆內軟！🤤魚蛋燒賣，必不可少！👅八爪魚/炸大腸（$16串）兩樣都煙煙韌韌～又有嚼口！睇波一流！🤩👅碗仔翅-大碗（$38）👅魚肉翅-大碗（$48）唔錯！夠大碗！我哋四個人食夠晒飽！更加推介魚肉翅，比碗仔翅更豐富！加埋醋同胡椒粉，口感好正！👅韭菜豬紅豬腸（$35）份量好足好大碗，豬大腸唔會有異味～👅滷水髀炸雞髀（$25）好大隻！好厚肉！尤其鍾意食滷水髀！好入味啊！👅臭豆腐（$16）離遠就聞到臭味😂最適合配辣椒醬！好多好多嘅醬可以揀㗎！見我外賣返屋企，店員幫我裝幾袋醬料！啲樽都好乾淨，唔會黏笠笠！🤤

📍#大圍小食 (大圍)大圍富嘉花園22號地舖▪️▪️▪️▪️▪️▪️▪️▪️▪️▪️▪️▪️▪️▪️大圍小食20年老店，水準依然👍🏻👍🏻👍🏻 ✨#燒賣必食之選，醬汁就係燒賣靈魂所在，勁濃郁之餘帶點辣味。✨#串燒｜司華力腸｜豬頸肉 串燒必食豬頸肉，豬頸肉燒到兩邊金黃色，賣相滿分，口感爽口，配上秘製醬汁調味，好食！✨#油渣麵 油渣麵係我最愛🤩 豬油渣炸得好透，份量大方，入口卜卜脆，令人一口接一口停唔到😆，而加上店舖既秘製辣菜譜，辣辣地好開胃✨#肉碎狗仔粉肉碎狗仔粉order左份細既，份量都好充足，食到非常飽！同樣加辣菜譜食一流。✨#紫菜魚皮餃而家大圍小食仲做埋魚皮餃，魚皮餃加上大量紫菜，味道都唔錯，下次值得再食！✨#煎釀三寶煎釀三寶種類選擇豐富，有青椒、魚蛋、餃子、茄子等等，熱辣辣，係非常經典嘅小食！▪️▪️▪️▪️▪️▪️▪️▪️▪️▪️▪️▪️▪️▪️

沙田友必食小食店😋😋1998年已開既老店，由細食到大，性價比高！店員有熱情服務又好，每次返娘家都要必買😜 佢地自設工場，所有出品都香港製造！所以真係好多人買，直程排隊到出的士站添～秘製辣汁咖喱魚蛋燒賣秘製辣汁真係唔錯，惹味 辣頭得來又唔會辣到噴火！魚蛋係我最鍾意嘅陳皮魚蛋🧡燒賣都好彈牙！煎釀三寶嗰啲煎釀三寶都係抵食及大件！外面都炸得好香脆，呢度返屋企食都係好夠熱💛最鍾意就係茄子🍆唔會乾爭爭咁，炸完都係非常飽滿中間，亦都好嫩配甜豉油食好味🤤韮菜豬红豬腸豬红好多舊，有咬口～韮菜有好多感覺好健康，多蔬菜豬腸唔會太肥，同埋洗得好乾淨🧡沙嗲串燒豬頸肉同雞肉，BBQ燒完肉質都好嫩，仲可加孜然、咖喱、七味、香茅、黃姜，辣椒、黑椒調味！司華力腸，勁大大條，好抵食！臭豆腐 呢個份量係超大嚿！去外面炸到勁鬆脆，入邊呢就熱辣辣，軟腍腍，好正！再配香港品牌鉅利醬園豆瓣醬及甜醬，好惹味！食唔停口！魚肉碗仔翅 大 由細到大都好鍾意食魚肉碗仔翅！魚肉量好多，碗仔翅都好足料，有冬菇、肉，竟然仲加左竹笙，提升咗口感層次！豉油王雞髀🍗夠晒大隻！雞肉又夠嫩滑，又唔會太過鹹。🍱大圍小食📍新界大圍富嘉花園地舖22號（對正大圍火