大排檔小炒 (華發大廈)

Open Now

Now Closed

大排檔小炒．鑊氣四溢的港式美食今次與外國朋友一起感受港式大排檔滋味，去食大排檔小炒，此店位於銅鑼灣駱克道，人氣高企，好在早到，不用等位，食客不只有香港人，更有大量遊客，受歡迎程度可見一斑。此店出品的菜式，都展現出獨特的香港風味，不僅深受本地食客的喜愛，對於外國朋友來說，也充滿了新鮮感和吸引力。首先，要重點介紹的就是鹽焗奄仔蟹這道菜不僅是桌上的主角，更是食客們爭相品嚐的焦點奄仔蟹保留了蟹肉的鮮甜，尤其是那豐富的蟹膏，充滿了濃郁的鮮香蟹殼脆到不行，一拆就開，易食又好食當剝開蟹殼，蟹膏滑嫩豐盈，入口即化，蟹肉嫩滑鹽焗的烹調方式讓蟹的天然甜味被完美鎖住，又不會過於鹹重，臘味炒芥蘭是一道充滿鑊氣的經典之作大火爆炒，令芥蘭的鮮脆和臘味的濃郁香氣充分融合芥蘭脆爽口，臘腸和臘肉的油脂滲入芥蘭，賦予了這道菜一種獨特的香氣，這種鑊氣菜式令外國朋友讚不絕口雲耳鮮百合炒藕片雲耳夠彈性，百合清甜，藕片切得薄且均勻，口感脆爽此菜式突顯了蔬菜的天然鮮味充滿了層次感，是享用了幾道較重口味的菜式後的一股清流蔥油沙薑雞煲一道地道的港式煲仔菜沙薑香氣撲鼻，蔥油濃郁雞肉完全吸收了沙薑與蔥油的精華，肉質嫩滑且入味雞皮軟嫩但不油

銅鑼灣大排檔小炒🥢地方吾係街邊檔也有種大排檔既風味😋果然名不虛傳，還遇見港姐莊X明一起用餐👀地方環境氣氛很不錯，很熱鬧💃🏻🦀火焰鹽焗奄仔蟹送來的奄仔蟹服務員點上🔥火焰爆膏的奄仔蟹，蟹肉有著微微的玫瑰露酒味，份外鮮咩🥢拔絲咕嚕肉這道應該是店鋪必點的拔絲咕嚕肉炸脆，少少酸甜，好味🥦醬爆砂鍋有機花菜XO醬石鍋，香噴噴，第一道菜已很惹味🍚一品貴妃炒飯假炒飯面上舖上一層炒香的蝦米乾🌟價錢合理🌟有鑊氣

到訪不下二十次的大排檔小炒是目前最高質的一家！所有朋友來港都會帶去的一家地道小炒店無一不被驚艷到！！（個人覺得銅鑼灣分店味道更好 份量也更大方環境比一般港式大排檔乾淨企理愈來愈受歡迎（難 book 📆 建議至少提前 3 天訂位 - 心水必點菜式 -經典款：🍯 蜜薯牛柳粒🦪 薑蔥焗桶蠔煲🥬 啫啫通菜煲🦑 黃金鮮魷🌽 椒鹽惹味粟米✨ 香脆乳鴿🍲 豉汁白鱔煲仔飯獨家：🦐 乾燒蝦油粉絲煲🌿 金沙黃金涼瓜大排檔小炒 (銅鑼灣)銅鑼灣駱克道405-419號華發大廈地下A號舖

><每次傳菜都有陣誘人香味 即時要吞返啖口水小炒有鑊氣之餘 唔會死鹹食到口渴火焰鹽焗奄仔蟹(398)預備時間大約30分鐘店員會澆上一圈酒再點燃火焰視覺滿分亦添上酒香 鹽焗之下蟹肉變得實淨 滿是膏香蜜薯牛柳粒(138)薯仔半煎炸過後金黃香甜 牛柳粒有嚼口 加上黑椒更惹味椒鹽豆腐(78)炸得乾身不油膩 豆腐皮脆內滑蒜蓉炒通菜(88)出街要點返個蔬菜 整體碟頭大 好啱一班人嚟食前菜(10) / 汽水(15)><><><><><><><><><>< 大排檔小炒銅鑼灣駱克道405-419號華發大廈地下A號舖

有無人同我一樣都係好鐘意食大排檔？但平時成日會覺得坐係街邊食無咁衛生，最近就係銅鑼灣搵到一間味道水準都唔錯，提供地道的大排檔美食既餐廳，環境闊落之餘又好乾淨，非常適合三五知己去劈下啤酒食下野。係到同大家分享下幾款我覺得唔錯既菜式：火焰鹽焗奄仔蟹聽講係每一個食客嚟到必點嘅菜式，上菜嘅時候會係你面前用酒精淋落隻蟹，即場再燒一次，燒完後隻蟹外殼會散發一陣酒香，令人更加有食欲，隻蟹肉質亦都好鮮甜，十分推薦！椒鹽脆鮮魷佢外脆內嫩既程度應該都係數一數二，椒鹽味道亦都十足，是餸啤酒既好選擇。石鍋辣酒花螺辣酒花螺亦係一道vip，味道香辣惹味，螺肉彈牙，真係會食到停唔到手，一大碗好快就俾我同朋友掃哂！脆炸BB鴿BB鴿炸得外皮酥脆，肉質鮮嫩多汁，亦都係值得一試。鐘意食大排檔既唔好錯過啦~

台灣朋友話王陽明都食過呢間大排檔小炒所以嚟香港指定要打卡同款美食好彩一早就book定枱 真係好full呀火焰鹽焗奄仔蟹朋友本來想跟足王陽明推介食避風塘炒蟹 但見到火焰蟹更IGable就試呢個上枱後加入玫瑰露再點火 陣陣酒香鹽焗奄仔蟹夠大隻 超多膏好甘香 蟹肉夠鮮甜拔絲咕嚕肉咕嚕肉大大件 炸漿唔太厚好脆口 酸甜度啱啱好 乾燒蝦油粉絲煲今餐嘅mvp當之無愧 王陽明係識食嘅蝦肉夠爽口 蝦油粉絲真係勁香好好食呀朋友話要打包多份番酒店做宵夜臘味炒芥蘭芥蘭菇菌同臘味炒特別好味 芥蘭幾嫩幾清甜臘肉臘腸夠油香 膶腸食得出係靚野

今日叫嘅每款餸都好食！難怪舖頭人氣爆棚😼✨火焰鹽焗奄仔蟹 $398店員會喺面前點上火焰🔥 奄仔蟹滿滿都係蟹膏，第一啖食落去聯想起蓮蓉月餅咁香濃。十足既蟹膏加上淡雅既鹽味，恰如其分既酒香，令整道菜式生色不少。✨蜜薯牛柳粒 $138牛柳唔係走焦香路線，口感軟嫩多汁，甜蜜蜜既嘅感覺，令人忍唔住一口接一口。✨金沙黃金四季豆 $108金沙鹹蛋黃味突出，包裹處每一條爽脆嘅四季豆，鹹鹹香香非常下飯😝 適合多人分享～✨三色肉碎蒸水蛋 $98 賣相已經令我垂涎欲滴🤤 醬汁調味剛好，唔會蓋過蛋香，口感香嫩，撈飯亦係一流。

呢間係以地道的港式大排檔風味而聞名！我哋嗰日平日6點半左右到已經勁full🤯火焰爆膏鹽焗奄仔蟹上枱嗰陣侍應會係席前加酒點火，打卡一流！奄仔蟹勁大隻勁新鮮！爆晒膏咁濟😻😻肉質好新甜彈牙，本身以為鹽焗完會好咸，但反而更加帶到蟹肉嘅鮮味！好surprise! 蟹膏好濃好軟滑！絕對要試！豉汁蒸白鱔白鱔好厚肉肥美，肉質爽彈，帶淡淡陳皮香～唔會太咸拔絲咕嚕肉咕嚕肉可以做到拉絲效果🤣咕嚕肉皮唔會太厚太鬆散，呅落微脆，肉厚軟腍半肥瘦～味道酸甜調中，都幾好食！

銅鑼灣橋底附近有一大新派排檔,人氣滿滿.環境乾淨企理,不少經典菜式及惹味小炒,選擇繁多.新推出海鮮更搶眼吸睛,如火焰奄仔蟹🔥及特大瀨尿蝦,適合一大班人熱鬧聚餐🔸火焰鹽焗奄仔($398)店員即場面前點火,添加精彩感覺.奄仔蟹巨大,蟹膏滿滿且肉質鮮甜.鹹香味不算強烈.貼心地配有食蟹用具🔸椒鹽九肚魚($148)份量不少,九肚魚特別地切開後炸.咬落口感比平時不一樣,感覺似魚柳,香口香口🔸大漠風沙雞($178/半隻)色澤金黃,雞皮炸得香脆.上面灑滿炸蒜味,鹹鹹香香.旁邊更配上芝士薯片🔹Asahi($36)🔹前菜($10)我們重口味人士今餐點了多款熱氣香口小菜,當然要叫鬼佬涼茶清爽一下.多款啤酒更有買三送一

銅鑼灣超人氣大排檔小炒，人氣程度係短短2條街就有2間店舖，而且仲座無虛席！不要懷疑，店舖名正正就叫大排檔小炒！🤣海鮮新鮮，有魚缸養住生猛海鮮，見到佢哋嘅，斑馬瀨尿蝦真的有手臂咁大隻，於是乎就叫了一隻椒鹽特大斑馬瀨尿蝦。啲椒鹽好入味得啱啱好，殼走油後脆脆地好易剝殼，肉質嫩而且爆膏，膏比肉還多真的很誇張！🥹蜜薯單骨雞翼，啲雞翼燒到啲蜜薯汁入面，啲肉又嫩又多汁，啖落去仲有啲甜甜嘅味道加黑椒味，食得得好過癮！跟住係拔絲咕嚕肉，炸到好脆肉質啱啱好，配上啲甜甜嘅醬汁，肉質軟嫩，再加上啲絲絲嘅糖漿，但都唔膩口！最後係椒鹽惹味粟米，鹹甜鹹甜真係味道爆炸！整體黎講，食物新鮮好味，份量十足，價錢又親民，真係物超所值，一定會再食返多幾次！

記得以前讀大學嘅時候，一班老死都會搵大排檔圍爐，今日就同其中一個閨蜜去懷緬一下舊時光！呢間餐廳大鑊好平，真係樣樣都好有鑊氣而且喺銅鑼灣地段嚟講，價錢都唔係好貴～👍🏻鹽焗奄仔上枱嘅效果相當吸引，紅噹噹嘅火焰特別有氣勢！奄仔蟹膏超多，肉身帶有少少鹽味，食落實淨鮮甜。👍🏻薑蔥魚雲煲魚雲炸到卜卜脆，唔會太厚粉之餘薑蔥味道非常之香，叫一煲加碗白米已經好惹味。👍🏻蜜薯牛柳粒超級推介，一絲絲嘅蜜餞入口甜而不膩，薯仔炸得乾身，邊位帶點焦香感，牛柳粒一口size，口感好軟淋(⁎⁍̴̛ᴗ⁍̴̛⁎)餐廳仲有一個水缸，確保真係新鮮

位於銅鑼灣駱克道❣︎大排檔小炒❣︎係一間主打食海鮮小菜嘅港式餐廳，今晚一個普通嘅星期一，全場滿座😵我心知一定係好東西來😋小菜全部即叫即炒，海鮮有魚缸養住，保證新鮮👍🏻呢到環境乾淨企理，超推薦比大家晚飯之選👯‍♀️❣︎火焰鹽焗奄仔蟹❣︎$398🌟必食之選，上枱時侍應即場喺我地面前點火😍好精彩👏🏻👏🏻奄仔蟹超大隻，蟹身灑滿粗鹽，啲蟹膏滿滿🤤肉質鮮甜，呢到最貼心係有埋食蟹用具，手套，濕紙巾同紙巾比你，超好服務👍🏻❣︎拔絲咕嚕肉❣︎$128咕嚕肉外脆內軟，夾起身仲有拉絲效果，醬汁酸酸甜甜超惹味😋👍🏻配菜菠蘿青紅椒好新鮮。❣︎鐵板黑椒牛仔骨❣︎$168鐵板上枱時熱辣辣🤤牛仔骨入口軟腍啖啖肉，黑椒汁惹味超好送飯。

平日嚟到都人頭湧湧 好熱鬧餐牌款式有好多 有海鮮，同埋有普通港式口味嘅菜💛黃金脆鮮魷用鹹蛋黎炸 好惹味 鮮魷新鮮爽口份量都幾多💚金銀蛋肉碎 時蔬白菜 好大窩，係成大個碗載住鮮甜嘅湯，仲有皮蛋同埋鹹蛋時菜嫩滑好味🤤🖤醒胃黑醋骨少少酸既味道 唔會過酸 開胃肥瘦肉均勻 一粒，一粒食到好滋味🧡最後到主菜 鹽焗奄仔蟹一嚟就用把火燒起佢 場面非常震撼蟹好大隻 有大量膏有手套同埋適當嘅工具 慢慢挑起啲肉嚟食都幾多㗎飲多杯啤酒 🍻cheers!

✨火焰鹽焗奄仔蟹上枱時會即席加酒點火 打卡一流奄仔蟹好大隻 勁新鮮 爆晒膏肉質結實彈牙 蟹膏軟滑甘香簡單鹽焗做法 鹹中帶淡淡酒香 好有驚喜 睇得又食得✨豉汁蒸白鱔豉汁濃郁惹味 帶淡淡陳皮香白鱔厚肉肥美 肉質爽彈 送飯一流✨拔絲咕嚕肉酸甜醬汁加入左麥芽糖 令咕嚕肉可以做出拉絲效果咕嚕肉 皮薄鬆脆 肉厚軟腍味道酸甜調中 啖啖肉 ✨絲苗白飯總結：食物唔錯 份量足 小炒出色 好夠鑊氣 菜式選擇多環境正常 服務唔錯 價錢可以地點夠方便 絕對係去銅鑼灣必食大排檔

講起香港特色美食，一定有大排檔份，家常便飯叫幾碟小菜，每款都夠晒鑊氣，係屋企煮唔到嘅味道！食到食物真材實料，同埋唔會加味精同太多調味，又食到鑊氣，算係出街食都冇咁Heavy嘅一間大排檔！------------------------------🦐◖椒鹽特大斑馬瀨尿蝦◗ $320瀨尿蝦上面鋪上大量炸蒜，上枱已經聞到超香！已經切好一嚿嚿，食落啖啖肉，蝦肉緊實，同埋有好多蝦膏，特別鮮甜！🐂◖蜜薯牛柳粒◗ $138最鍾意呢一道菜式！牛柳粒份量唔少，加入青椒薯仔粒同蜜糖一齊炒，食落好香甜甜地～薯仔粒外皮有少少焦脆，裏面軟爛好粉，甜甜地超好食🤤🐖◖醒胃黑醋骨◗ $118同想像中有少少出入，佢係用黑醋醬裹住啲排骨，充滿醋香，有唔少軟骨嘅位置，酸酸甜甜，幾開胃惹味🥬◖杞子豬膶浸時菜◗ $108豬膶好多好厚又大塊，口感軟綿，用杞子上湯浸住，豬膶同時菜索曬啲湯，食落清甜多汁！🌟Encore指數：8.8/10