大排檔小炒 (華發大廈)

Open Now

Now Closed

千祈唔好去！ 好中符相片唔使作假，望落好似好正，但是食落牙都甩幾隻…白胡椒蟶子係今晚最好食但都over cooked 咗30秒，鞋鞋哋，唔爽。味道唔錯。 脆皮牛腩真係好脆，𠝹口，肉質柴到咬唔斷，廚師好爽手，好大舊，完全咬唔到，麻煩自備剪刀，剪細啲可能可以吞得落。最最最出色係咕嚕肉，拔𢇁，厚皮到5mm以上，（我打包返屋企拆肉證明）. 同行朋友根本咬唔落去，搞唔掂。 高興去但失望兼唔飽離開，我人生第一次寫負評，希望係唯一一次，奉勸冇牙力嘅朋友千祈千祈唔好去攞苦來辛！同職員反應淨係識笑，話啲嘢炸過係咁㗎啦…. 總之，絕對冇下次！！

一家人去食飯，見人多，一坐低已經好快點咗菜，人頭湧湧坐滿人，等預左要等下，但等左一個鐘頭都未上過菜，問侍應係咪漏咗單，無人理我。。。再問第二次係咪漏單，敷衍我人多要等多陣，再等多20分鐘之後，行咗去櫃檯同櫃面講，已經等咗個半鐘，唔會再等，與我所料啦，櫃面嗰條友無跟進，對唔住都冇句，仲即刻大聲講話，我個枱唔需要上菜。。。唔怪得而家人人北上，咁嘅服務，咁嘅價錢，咁嘅態度幾好食都冇用，無下次。。呢世唔會再黎。。

好L 難食，唔明點解咁多人話好食，諗住同個fd 收工食下大排檔，OpenRice 見到呢間野咁多好評應該唔會中伏......點知🤣乃曬野，叫左2個餸，諗住唔夠先叫，但食完己經冇勇氣再叫😂，2個餸係沙拉骨同小炒王，首先小炒王，D魷魚硬到應該可以咬崩隻牙，唔明點解可以咁L 硬，應該用微波爐番叮，係d9菜可以接受，可能當我地9菜咁劏🤣，沙拉骨，d骨多過肉，過醬又比較重口味，同埋上左2碟都可以完全唔熱，真出色，對比上次旺角食女人街食飯公司，真係差天共地，人地都係大排檔，但好食好多lo

今晚真的是一個愉快的晚上，黎到銅鑼灣大排檔小炒🤤服務員，肥肥哋的 （不知道他的名字叫什麼）他的態度真的是非常好，需要什麼也會盡量配合我們的。但是不知道是不是太多人，餐廳的炸物比較失望，滿心期待的炸蠔 外表比較厚，另外椒鹽粟米也很失望 粟米不甜及好腍 好像沒有太多鑊氣。但是他們餐廳的招牌菜 芝士龍蝦飯 ，真的很出色，份量也足夠龍蝦也很鮮甜😋他們的海鮮也非常新鮮 價錢很合理 服務員的態度也非常好。另外門口坐的 不知道是不是經理， 當我進來嘅時候他會主動帶我們給我們的位置。今天的晚上實在是非常滿足😌會再嚟幫襯他們

係疫情期間依間依間大排檔轉形做左兩餸飯🍚都做到有聲有色😍次次經過都會好想食😛同樣每次都坐滿晒人🤖今次經過門口眼見有吉枱，我緊係唔會錯過啦🤣.🦀火焰鹽焗奄仔蟹 $398/隻好似睇表演咁🎤咁岩到左奄仔蟹既季節，隻蟹既膏超多😍啖啖蟹肉，出面圍住一個火圈🔥睇得又食得.🐟椒鹽九肚魚 $149嚟到食大排檔一定要食椒鹽系列既野食😂因為屋企整唔到🤣依到做到外脆內軟😍鹹香惹味.🍍拔絲咕嚕肉 $128依個係餐廳既招牌菜，咕嚕肉炸到好脆口㊙️夾去咕嚕肉真係做到拉絲效果👍🏽 配上甜甜酸酸既醬，超級開胃‼️.瑞士汁乾炒牛河 $118鑊氣十足😍牛河炒到好乾身，牛肉既糧都好足，整體不過不失

主打港式小炒的一間餐廳, 以大排檔風味聞名, 人流‘’一枱接一枱‘’, 就算八點後都依然有新客人, 以平日來說十分厲害! 👏🏻 火焰鹽焗奄仔蟹 $398/隻正值嚐蟹最佳季節, 我們點了這道餐廳招牌菜, 新鮮的奄仔蟹經過鹽焗處理, 侍應送上蟹時會點火, 絕對增加了視覺效果 🤩 正正因為用火燒一燒, 蟹膏口感變得像蛋黃, 更加香更加濃郁 😋 蟹肉會有微微玫瑰露酒味, 單純鹽焗, 能嚐到蟹肉鮮甜味! 奄仔蟹並不細, 雖然越細越好吃, 但這隻質數都很好 👍🏻拔絲咕嚕肉 $128另一道餐廳招牌菜, 還有蜜薯牛柳粒都是招牌菜之一, 不過我二選其一。咕嚕肉炸得脆口, 有少許拔絲效果, 一般餐廳的拔絲咕嚕肉都會比較甜, 但這個酸甜度十分適宜 😊 還有它的肉沒有肥膏, 雖然平時我喜歡半肥瘦, 但咕嚕肉是例外的 😬魚香茄子煲 $108上碟時嗅到魚香香味四溢, 茄子煲維持在一個超高溫的狀態下, 所以就算吃完奄仔蟹後這個煲都仍然熱騰騰的, 這點特別加分 😁 魚香味濃厚, 咸香味重, 相當惹味, 同時不會太油膩, 絕對是撈飯一流的菜式!黃金脆鮮魷 $148薄薄的炸粉, 外面加了咸蛋黃, 㕑師選用比較高質的咸蛋,

好鐘意食大排檔，依家越開越多坐得舒服又好食嘅！依間選擇好多平日夜晚都keep住有人排隊一坐低有花生、雲耳同青瓜食住先，凍凍地酸酸地，幾開胃首先叫左火焰鹽焗奄仔蟹＄398，一黎到店員會點火，好勁視覺好有享受！粗鹽能夠帶出奄仔蟹的鮮味，同增添鹹香，所以食落味道真係幾鮮甜，肉質結實，蟹膏仲好多好甜另外依到個拔絲咕嚕肉($128)都多人推介，酸酸甜甜咁好開胃，個咕嚕肉外皮好脆口，肥瘦適中，仲好大嚿！仲試左乾燒蝦油粉絲煲（$138），味道都好驚喜有好香好濃郁嘅陳皮味，用左蝦乾、蛋、娃娃菜去炒，同粉絲味道都好夾，食落又唔會太乾最後食咁有鑊氣嘅嘢梗係唔少得要啤啤佢！呢度食物嘅選擇仲有好多，下次真係要多啲人嚟食試多啲！

今日同朋友又過嚟銅鑼灣覓食啦！今次嚟咗呢間大排檔小炒，位置在銅鑼灣駱克道405-419號華發大廈地下A號舖，簡單嘅裝修風格，服務都幾好，感覺好街坊！ 又系食蟹嘅季節，今日就點咗火焰鹽焗奄仔蟹，服務員先嚟個火焰蟹表演，只奄仔蟹真系超巨型，蟹膏好多，每啖蟹膏都軟滑甘香，蟹肉鮮嫩鮮甜，帶有少少鹹香，超值得食！鐵板干鍋爆生腸，生腸處理得好干淨，加上干鍋嘅配料爆炒，再用熱鐵板保住熱力上菜，咋咋聲，令整碟菜嘅香味都散發出來！入口生腸惹味！簡直令人回味無窮！拔絲咕嚕肉，這間出名嘅咕嚕肉，當然系必點啦！咕嚕肉有拉絲嘅效果，酸甜适中！外脆內嫩！配上菠蘿，口感豐富！ 清炒油麥菜，雖然系清炒，但是都好有鑊氣，碟菜都可以配一碗白飯了！ 今日同朋友都有比呢間鋪驚艷到，下次來銅鑼灣可以繼續再來！

銅鑼灣嘅🌟大排檔小炒🌟，閒日晚市都爆場💥！餐廳供應優質嘅大排檔菜式♨️，自設魚缸🐟養住鮮活海鮮，以🦀蟹、🦞龍蝦、仲有🦐瀨尿蝦為主打，好受歡迎！🦀火焰鹽焗奄仔蟹 $398上枱先點火，散發住誘人嘅香氣！爆膏嘅奄仔蟹，真係啖啖都鮮美！甘香可口嘅蟹膏真係令人欲罷不能！🐓大漠風沙雞 $178/半隻做到皮脆肉嫩兼惹味，有水準！🧡拔絲咕嚕肉 $128甜甜酸酸嘅口味啱啱好，而且口感軟淋，正！🍻Asahi $36提供雪凍咗嘅戰鬥碗，飲得更爽！

我好少入去一間餐廳食嘢食到咁嬲，你話難食，咪下次唔幫襯，冇所謂，反正香港咁多餐廳。但係服務同態度呢兩樣野，真係會令人感覺到好差。假日返工已經夠攰，放工只想好好地食完個飯就返屋，呢間以前食過一向知道服務係麻麻地，但貪佢煮野夠快同味道，冇所謂啦，炒幾個小炒食完就會返屋企。8點到達餐廳，餐廳差不多滿座。所以安排座位後，冇多諗，馬上舉手叫侍應幫手落單。20:12落單嗌咗三樣佢哋餐廳最出名嘅小炒，咕嚕肉，薯仔牛柳粒同豉椒炒30多分鐘之後我張枱完全都係一樣嘢都冇，但係我已經留意到隔離有兩台遲我地入座嘅客人已經陸續上菜，但侍應們對於我哋張2人枱一句解釋都冇，愛理不理，反而嗰啲操普通話，叫晒海鮮嘅，就一枱都係餸🤔我馬上詢問返個侍應，佢哋既解釋係今日比較繁忙，師傅都係跟單做。明白，我再等多陣，呢個時間已經係21:00，我嚟咗差不多一個鐘，依然係一個餸都冇，同侍應一句匆忙既解釋廚房已經知道你哋張單。（原來我哋等咗一個鐘廚房先知道我哋張單！！）真係好嬲，所以當下決定同個侍應講已經9點，我地唔會再咁等落去！！待應嘅回覆都好匪夷所思「咁你哋想點，一係問下廚房可唔可以幫你取消張單」呢個時候我想聽到一句有誠意嘅道歉

等左成50 分鐘都冇上菜，服務已經唔好，又唔跟進啲菜嘅進度，50 分鐘完全冇野食要你等。連上單連道歉都冇，冇下次！完全冇服務可言，店員冇服務，個個淨係忙自己野，等50分鐘淨係一句話節日人多打發你。呢間野唔會有下次。 就算野食幾好都好，咁嘅服務係絕對唔會收貨。 希望香港嘅餐飲業可以反省下。

今晚到銅鑼灣一間人氣滿滿的港式大排檔吃晚飯，走進這家港式大排檔，讓人彷彿回到熱鬧的香港街頭。餐廳內的燈光柔和，牆上掛著各式各樣的海鮮照片，營造出輕鬆愉快的用餐氛圍。餐廳環境乾淨企，提供不少經典菜式及惹味小炒，選擇繁多。今晚食客頗多，全場滿座，可想而知食物有一定的水準。火焰鹽焗奄仔蟹火焰鹽焗奄仔蟹絕對是一道值得推薦的美食，不僅視覺效果驚人，更是味道上的一大享受。火焰蟹頗大隻，充滿蟹膏。店員細心地安排了用具給我們吃蟹，包括手套、濕紙巾、蟹鉗和蟹匙，讓我們能方便地拆蟹肉吃。蟹殼光亮，肉質豐滿。上桌後，店員會在蟹上淋上玫瑰露，隨後點火，瞬間形成一片火焰，立即吸引我瘋狂拍照。火焰散發着酒香，蟹肉鮮甜，肉質緊實，搭配著微微焦香的蟹膏，令我們吃過不停。果真是一道十分出色的美食。蜜燒豬頸肉蜜燒豬頸肉份量十足！大大的一碟！外皮燒得金黃酥脆，肉質則保持著多汁的口感，外脆內嫩。蜜汁的調味恰到好處，甜而不膩，讓人一口接一口，實在值得一讚！鐵板乾鍋爆生腸生腸經過特製醬料醃製，燒烤至外焦內嫩，外皮香脆，內裡卻保持了鮮嫩的口感。鐵板的熱度讓配料保持熱辣辣， 十分惹味。配菜也頗多，有西椒、辣椒、洋蔥、蓮藕、西芹等，和

我今日同朋友去咗位於華發大廈嘅大排檔小炒，試咗幾款招牌菜，真係好出色！首先，話咁快，鹽焗奄仔蟹就上咗枱。佢哋用新鮮嘅奄仔蟹，經過鹽焗處理，外脆內嫩，真係鮮甜美味。啲蟹肉入口即化，再加上火焰燃燒嘅視覺效果，味道更加濃烈，實在令人難忘。之後試咗蜜椒牛柳粒，牛肉嫩滑多汁，淋上蜜椒醬汁，辣中帶甜，非常開胃。每一口都帶有微辣微甜嘅風味，絕對係好滋味！拔絲咕嚕肉亦係一道必試嘅招牌菜。咕嚕肉外脆內嫩，配上甜酸醬汁，口感豐富，甜中帶酸，絶對係港式經典菜色，令人回味無窮。最後，馬拉盞炒通菜帶嚟一陣香辣風味，通菜爽脆唔老，馬拉盞醬汁香濃開胃，配合啤酒或者白飯都好正！總括黎講，大排檔小炒嘅菜式新鮮靚味，服務亦好周到，環境舒適。係一個食好飯同埋悠閒嘅好去處，一定會再黎！強烈推薦大家一試，食完絕對會滿足！

上網搵到一間多人推介嘅必食大排檔，去到嘅時候就發覺有少少似酒樓，入面都係有幾間包廂，私隱度都幾高，平日晚市都幾乎滿座鹽焗奄仔蟹：呢道菜係店家嘅招牌菜，上菜嘅時候仲會用火焰燒一燒隻蟹，蟹嘅表面都係有少少鹽，但係就唔會太鹹。最正嘅部位係蟹膏嘅部份，食食吓又會覺得有啲似鹹蛋黃，可能因為鹽焗過嘅關係，蟹肉會比較實淨乾身，又係另一種風味魚香茄子煲：呢款魚香茄子煲非常惹味，茄子都會索晒啲汁，魚肉碎嘅部份都唔會太鹹，但係就略嫌太多油，不過撈埋飯真係一流蒜香蔥仔骨：排骨都係有炸過嘅，成碟嘅份量都幾多，而且排骨嘅位置都比較多肉，食落有陣陣嘅蒜香味椒鹽九肚魚：呢款椒鹽九肚魚其實單食都已經好好食，未必要再點酸汁，啲魚肉唔會炒到散開，上面嘅粉比較薄

大排檔小炒有外地朋友嚟探我，梗係要帶佢去食啲地道小菜。坐低睇吓餐牌叫咗幾味撚手小菜食。火焰鹽焗奄仔蟹餐廳人氣之選，見到隔離枱玩火咁即刻叫咗出嚟。見到真係嘩一聲！奄仔蟹超爆膏蟹肉鮮甜啲飯滲頭髮啲蟹汁撈埋啲蟹膏一齊食真係超好食。椒鹽九肚魚外層脆卜卜粉漿唔厚食落鬆脆，九肚魚新鮮嫩滑好食。脆炸BB鴿炸到金黃色卜卜脆，BB鴿肉質鮮嫩好稔。拔絲咕嚕肉餐廳招牌菜個拔絲汁掛哂係咕嚕肉表面，入口鬆脆美味。咕嚕肉食落口感豐富。果然有水準。座位舒適 滿足的一餐