大漁屋台 (Closed)

地點雖然比較難找，但美食通常都係比較隱世。今次是朋友推介，就特意來試試。原來位置就在九龍灣淘大隔離的小商場，本以為這個小商場都是街坊生意，茶餐廳居多，竟然意想不到，有個小food court在內，另外有日本拉麵……等。這小小居酒屋，座位寬闊，侍應都熱情主動有禮，因為天氣都凍凍地，所以侍應都推介我和朋友試試佢個牛肉豚肉火鍋，清清的昆布湯底，涮個新鮮的肉肉，perfect match，仲有靚靚新鮮蔬菜，食到最後都跟埋日本食法，用日本雞蛋加米飯落湯中，變成好有肉味嘅雞蛋粥，為整個晚餐劃上完美的句號

難得屯門的朋友來九龍灣, 當然要一起去找好吃的。德福淘大的食店大多連鎖, 特色的比較少, 而得寶就顯得異軍突起了, 雖然位置比較吊腳, 但商場同食店都顯得小而精。帶著朋友來到這家日式小店, 其實之前就已經想試, 因為看著裝修就已經好有味道。場地不大, 但坐得舒服, 沒有擁擠的人流, 全晚維持在七八成入座率左右, 非常適合吹水怪小聚, 我們基本坐到了最後先影到如此"乾淨"的場地。本來是想來吃壽司/刺身, 但天氣都涼涼地, 店員推薦刺身火鍋二人前, 一次過滿足曬兩個願望。前菜海鮮蟹膏豆腐沙律, 完全令人驚豔, 豆腐一點都唔豆腐, 蟹膏味超濃厚, 好想問問大廚究竟如何做出來的。因為是二人前, 所以基本上每款刺身都係得两件, 好吃是好吃, 但略嫌未夠喉涮涮鍋鍋底比較清, 黑蒟蒻大大塊爽口彈牙, 而所配的安格斯牛和黑豚肉都算厚切, 肉味濃郁。蔬菜盛合裡面有趣的是有配上銀杏, 即係白果, 反正我是沒遇過的。涮完肉和菜之後, 留下的精華湯底, 會配上一碗白飯和一隻雞蛋來煮粥, 真是一點都沒浪費。除了二人前套餐之外, 再單點了條秋刀魚, 色澤非常漂亮, 感覺其他燒物應該也會不錯, 下次可以再試。

2018年12月19日 星期三今日早左放工，同女朋友四周圍行下睇有咩好食，去到徳寶花園先發現原來呢到開左好多間食肆，特別係商場裡面，我地搵左一陣發現呢間既外表好有日本屋台既感覺，於是就入左去食。坐低左之後店員好細心介紹有咩推介，當時得令既魚係乜餐牌既食物全部都好似好吸引，幸好有店員推介，否則可能揀好耐都未決定到店舖裡面好有和式感覺，好似身處日式海鮮餐廳咁，坐位都幾闊，空間都幾大柚子冰頭漬: 原來係三文魚頭，第一次凍食，有好香既柚子味，有咬口，幾開胃極品三點盛: 有深海池魚同其他深海魚刺身，每一件都好新鮮，完全無腥味，加埋青檸汁一齊食仲可以帶出魚既鮮味之後有叫少少壽司，左口魚壽司肉質好彈牙，中間既蟹肉蟹膏壽司好好食，蟹膏夠鹹香，重海鮮味，而右邊既蝦好大隻，無霉味海鰻壽司有好大條海鰻，配埋個燒汁完全係絕配牛肉和紙火鍋，無諗到咁足料，差不多倒瀉，配料新鮮又豐富，冬菇好大粒最後黎個鰻魚飯，燒得好香，魚好肥美，食落有油脂整體感覺唔錯，有置身日本既感覺，好似返左一轉鄉下咁

不嬲覺得食好既日本野一定要出油尖旺 旺區先食到.但今次呢間9龍灣屋村入面既小店質素幾高先講刺身三文魚腩刺身勁肥 可以望到油同肉既比例好好三文魚油香 同魚肉味好重 完全冇腥味新鮮$58油甘魚肉質都唔錯 肉質夠滑同實關東煮 香港應該唔多地方有推介年糕福袋 入面包住軟熟既年糕$16大根冇渣 加上淡淡既醬油 $10軟殼蟹水菜卷$68隻軟殻蟹仲熱 外面勁多魚子 同沙律醬好夾呢個我最愛最後叫多一條秋刀魚$38有手臂咁長 冇咩料味 普通鹽燒但幾香脆 同咸香有跟埋檸檬 但咁酸 我就冇落啦

好耐無黎得寶啦，依個商場仔唔算就腳，但我就鍾意佢入面有啲小店，今次就試吓依間日本野。豐洲丼 有三文魚、帆立貝、蔥花吞拿魚蓉、海膽、甜蝦，依個價錢黎話算豐富架啦！每樣刺身都好新鮮，就連個醋飯都有啲心思。屋台丼 依個新品丼有海膽、赤身、牡丹蝦 、蔥花吞拿魚蓉 、立魚、三文魚、蟹鉗同蟹味噌，賣相比豐洲丼更豐富同吸引，刺身一樣新鮮，比較特別嘅係蟹味噌，配埋醋飯食係一流！食完個丼係非常滿足！日本直送三點刺食日本野唔少得嗌個刺身，依個三點刺有金目鯛、深海池魚同油甘魚，池魚肉質比較爽；油甘魚就比較軟身；金目鯛有火炙過，食落帶有啲蕉香，三款魚有唔同嘅口感，幾好！

因為朋友食對面的拉麵店時見到這間貌似日本居酒屋， 於是就約了我今天過來試一試，朋友一早已看過餐牌，跟日本大眾的居酒屋也差不多，都是以~涼拌前菜、刺身、天婦羅、火鍋為主題。我覺得一間日本餐廳做得好唔好，主要係睇刺身是否新鮮，所以今次叫了個雜錦刺身咩都有啲試吓啦！仲有天婦羅有一整隻軟殼蟹，都幾特別，而且味道出奇地好有蟹味，不是雪藏貨。而另外侍應推薦的豆腐蟹膏沙律，找了半天都見不到蟹膏，原來豆腐就是蟹膏做的，好豐富的蟹膏味，感覺好正好特別

天婦羅我就比較小食香港食到好天婦羅既地方應該都唔多今日呢間係天婦羅方面幾正宗既.⭐️什錦天婦羅手打烏冬$78天婦羅係另上既（基本啦）👍🏻烏冬可以 凍或熱👍🏻當中加分既係 佢個天婦羅汁有蘿白蓉👍🏻跟足正宗日本餐廳（上次去日本見d日本人係用蘿白蓉天婦蘿汁餸飯）👍🏻如果唔夠蘿白蓉可以問店員拎👍🏻天婦羅 炸粉唔厚 即炸 好夠熱 蝦都夠彈🤔同其他天婦羅店比 係香港算係平.🤔烏冬普通 清鰹魚汁湯 冇特別（基本野）.想健康既 可以叫⭐️刺身季節沙律$58所以唔同季節都係唔同👍🏻當日 有問店員有咩 而我老婆想食三文魚所以最後黎左三文魚沙律👍🏻呢個減肥一流 應該好低卡路里👍🏻酸酸地既醬油好開胃👍🏻仲有大 同小魚籽 帶子 八爪魚......基本上咩都有d ⭐️健康開胃推介～.#大漁屋台地址：九龍灣得寶花園得寶商場地下123號鋪.⭐️評分：味道：4/5 環境：4/5服務：4.5/5 好好服務 有禮衛生：4.5/5抵食：4/5

得寶商場位於牛頭角區🐴，在淘大商場隔離，主流人潮🚶‍♂️🚶‍♀️多數在淘大行走，其實得寶也有不同的食肆🥢，龍虎雲集各具特色🔴，今天到這區工作，適逢中午時間🕕，所以便往得寶商場午餐🍚。日本餐本身是我嘅頭號首選🚩 ，所以見到這間餐廳便進去品嚐，餐廳佈置簡約，滲出淡淡的日本風🎏。而我被安排坐在餐廳的一角，看到食客埋頭苦幹吃到渾然忘我😋，我也很心急看餐單有什麼選擇📒。午餐有很多款式，魚生🐟、刺身🐙🦐、烏冬🍲等有十多種。我就點了一客釧路丼🍚套餐，釧路是北海道的一個城市🏘，那裏的海鮮出名新鮮，而我叫的這碗丼有海膽、甘蝦🦐和三文魚🐟 ，套餐還包括一客沙律、一碟前菜☘ 、一碗味噌湯🥣、一碗蒸蛋🥚，還有一杯雪糕🍦，只係$78十分豐富。味道方面每款刺身也新鮮，海膽有淡淡海水味🌊，放在口中👄，融化在舌頭👅味道不錯，三文魚刺身和蝦也很鮮甜，最驚喜是米飯🍚，飯並不是平時見到的白色⚪，反而是淡淡的草黃色，味道混入了酸醋平衡了米飯本身的甜度🍬，軟硬適中。吃過後已經很飽👏，卻心中仍然未滿足，所以再叫了一些小食。三串燒🍡分別是雞肉串🐔、鹿兒島黑豚肉串🐽及杏鮑菇串🍄，當中我最鍾意食豚肉串，因為肉同脂肪嘅比例恰到好處❤，肉燒得

喜歡瓹窿瓹罅搵食既朋友仔，我又有好介紹！講緊既之唔係位於TBG Mall內，提供高質日式料理既店舖。呢度其實唔算太難搵，地鐵九龍灣站B出口，過咗條天橋向左行你會發現有個得寶花園，毗連商場就是。打開餐牌，有刺身、shabushabu涮涮鍋、串燒、卷物、天婦羅等，而我就點選了丼飯，就是黑松露帆立貝油甘丼。此丼飯配料豐富，有三件帆立貝，上面撒了黑松露，香甜味美。丼飯上有油甘魚、三文魚籽、吞拿魚蓉、紫薑，油甘魚非常鮮味，仲有少少彈牙。我強烈推介廣島蠔(揚物)，炸到甘黃香脆，炸漿內保留蠔身肉嫩滑多汁，有圖有真相，師傅好功架！至於一口芝士(揚物)，咬開流心芝士湧入口腔，唔係燙口嗰隻，可放心大啖食，正！雞尾串燒和鹿兒島豚肉串燒，前者估唔到咁滑，雖是雞尾但一啲羶味都無。後者大大塊啖啖肉，上碟時仲滋滋響，好有咬口。這間隱世小店質素屬中上，舖仔雖細但佈置好有日本感覺，天花板既魚網、鯉魚旗、牆身既電影海報等都仿如置身日本咁架呢！

19/12/2018 @牛頭角 大漁屋台今日同男朋友行完九龍灣，去了得寶商場度找東西食， 行到最入面見到有一個走廊的地方看似幾得意，於是我們就行了入去，看見這間大漁屋台裝備幾特別，是一間色彩繽紛的日式餐廳。入到去播的是韓文歌我地先點了柚子冰頭漬，其實即是三文魚頭刺身三文頭頭切得好靚，薄薄的半透明，食落非常爽口鮮甜， 而且有強勁的柚子味，十分清新還有一客日本直送三點刺，有金目錭兩件、 深海池魚兩件和油甘魚兩件， 加少少青檸汁一起吃更加能突出魚的鮮味！之後叫了幾款壽司， 海鰻壽司、左口魚邊壽司、松葉蟹肉蟹膏壽司和甜蝦壽司壽司除了壽司醋外還有些少醬汁混在壽司飯中，而且壽司飯不多令魚肉更加突出。牛肉和紙火鍋， 牛肉十分新鮮即使煮得耐也不會靭，新鮮蔬菜也不少。最後還有鰻魚丼， 鰻魚夠大塊而且煮得十分淋生，鰻魚汁滲入在鰻魚肉內，連同魚肉下的煎蛋和飯一起吃，口感豐富以食物的質素來說，這餐連加一，兩個人每人大概三百元也不錯。

朋友介紹呢間大漁屋台食日本料理很正，便去試下食晚餐，地方竟然比想像中大，環境舒適 ，服務員好有禮貌 ，笑容亦好甜美😊我們二人選擇了大魚屋台二人前🍜🍵🍢🍲份量不算少， 應該好夠我哋二人食😋😋日本蕃茄八爪魚沙律:八爪魚配蕃茄好鮮味 仲有啲雜菜 還有碟小前菜添刺身盛:是令薄切8切 三文魚 油甘魚 帆立貝各2切好鮮味食材真的很新鮮 好似去咗日本咁呀😍😍😋😋海膽蔥花拖羅容卷四件:紅色嘅蔥花第一次見 海膽真的好新鮮呀串燒拼盤: 煙肉廣島蠔 黑豚肉 青魚翠玉瓜件件都好食到不得了 特別煙肉裏夾住隻蠔豆乳雞肉軟骨丸子和紙火鍋:味道淡淡地 湯白雪雪 有一啲唔知係咪烏冬好特別一條條白雪雪安格斯牛肉湯烏冬 有兩碗呀 牛肉超臨配埋麵豉湯底好味仲有兩球雪糕甜品 圓滿

德寶商場裝修了后都無去，原來變身成為牛下，變靚了，多了不同類型的新商店。門口真的很有日本風。內裡感覺似居酒屋感覺，座位有足夠的空間。原來再行進內，會有多幾枱座位。提供熱熱的茶。加州反卷($48) - 包著青瓜，雞蛋，蟹柳，加上外層脆卜卜的蟹子😋串燒 ㄧ口蕃薯($18) - 甜甜的，一口放入口，只溶在口。雞腿肉($22) - 燒汁加上白芝麻，夠惹味。鯖魚($18) - 無骨的，魚皮燒到有點脆脆的，仍附有燒汁😋天婦羅海鰻($18) - 天婦羅很脆身，魚肉有質感。沙椎魚($16) - 這款頗為特別，魚肉質地是爽爽的紫菜蘆筍卷($12) - 這個也很好味。芝士年糕 ($15)- 整個質感柔嫩，配上外層的紫菜，很有層次感。餐廳的餐牌。也有套餐，見隔壁枱點的，份量不少。總括而言: 價錢平宜，而且食物質量好，超值!

難得一家三口出街食，我就二話不說提議食日本野！今晚帶左兩老去就近的九龍灣得寶商場食呢間大漁台屋！聽聞性價比都幾高～店內的擺設很有日本台屋feel~我地三個人，決定叫個二人餐，再加少少野食就夠喇～二人餐先來的前菜沙律，開胃一流。個八爪魚片好淋，一啲都唔”un”，連老人家食都話唔錯。刺身也很新鮮呢壽司有四件的海膽蔥花拖羅蓉卷，呢個配搭唔係成日有，蔥花作饀食落好爽口，估唔到都唔錯wor~味道較清淡的豆乳雞軟骨鍋。串燒有四款，老豆話個廣島蠔幾好食。豆腐親子鍋，個豬扒炸得很好，肉同脂肪的比例均勻👍🏻二人餐仲有兩碗安格斯牛肉烏冬！食完真係好飽！

難得請老死食飯，特別用心上網check下有咩餐廳好食，大家都係觀塘區人，又唔想去啲大型連鎖店食，左揀右揀最後都係揀食日本野，同埋今次決定支持小店！離遠已經見到餐廳門外嘅裝修十分色彩繽紛。而餐廳入面亦都見到充滿着日式居酒屋風情嘅裝修，感覺有如置身於日本街頭嘅居酒屋內食日本野點可以唔食刺身？呢個刺身拼盤有齊時令嘅魚類及帶子，品質很好。鍾意食香口野嘅我哋叫咗幾款串燒，分別有煙肉廣島蠔、燒青魚、黑豚肉及翠玉瓜，估唔到個廣島蠔都幾鮮甜。天婦羅亦係我嘅至愛！而我最鍾意就係番薯及南瓜。滑蛋豬扒飯嘅炸豬扒炸得非常嫩滑，而個醬汁味道十分之好，洋蔥煮得非常入味，用嚟撈飯食一流！日式關東煮唔係好多日本餐廳都有，呢到既味道都屬水準之作！

呢排食得多熱氣野，想食返個清淡啲既晚餐，就諗起食日本野～之前行經得寶商場見過呢間日式餐廳，一直都未有機會試，今晚就決定黎試下！得寶商場都算係一個屋村商場，而呢間大漁屋台店外的裝飾好靚，即刻感覺食得grand左好多一坐低見到呢個二人前就比佢吸引住，懶得諗食咩既我地見啲野都岩食就決定食佢～三式前菜日本蕃茄八爪魚沙律 - 沙律就係用咗西式嘅沙律醋，是一道很好的開胃菜。刺身盛 - 分別有油甘魚、三文魚、鮮帶子及時令薄切，款款都鮮甜美味。海膽蔥花拖羅蓉卷 - 蔥花做壽司嘅餡料十分清新，面頭配上海膽及拖羅蓉，食落口感一流。豆乳雞軟骨丸和紙火鍋 - 豆乳湯底比較清淡，除咗雞軟骨丸之外，仲有蔬菜、什菌及木薯粉等。串燒拼盤 - 分別有煙肉廣島蠔、黑豚肉、鯖魚及翠玉瓜，每款都燒得香脆可口。最後每人仲有一碗安格斯牛肉湯烏冬，湯底濃郁，牛肉嫩滑，食埋碗烏冬真係十成飽！最後每人仲有一杯雪糕作結！