奇香雞 (Closed)

酸菜魚飯魚有細骨 食個時小心啲而且帶點腥味湯汁 偏咸多過酸 而且好重胡椒粉味胡椒粉係辣味既源頭真心不推介...😶只不過lunch set 大多五十幾蚊包菜 、湯呢個價錢亦不好多挑剔一分錢一分貨同埋呢間舖頭職員出名有態度有性格暫時幫襯過兩次 未必有第三次🙊

星期六行完山 約左兩老係西貢食個下午茶想食啲濕口啲既兩老提議左哩間四川野————————————-會送碟菜同例湯不過今日啲湯賣哂 所以得菜水煮魚飯（$52）魚都有六七片厚身少少 但肉質唔滑溜比較冧 同埋有骨配料都唔少 有薯粉 大豆芽 青瓜等不過薯粉應該係煮得太耐 無左煙韌既口感食落唔算辣 食到少許花椒芝麻味口水雞擔擔麵茶餐（$42）擔擔麵既湯底比想像中稀同淡唔係想像中濃郁既花生芝麻味麵係上海麵 但都係冧左啲 媽子話上次黎食好食啲口水汁唔太辣雞肉算係嫩滑 但本身味淡無嘜雞味變相味道只係停留左係雞既表面夫妻肺片擔擔麵茶餐（$42）夫妻肺片既份量頗多反而哩個啲牛雜本身浸過滷水 已經醃得幾入味哩款既醬汁同口水汁既感覺一樣會見到有齊紅油 辣椒 花生 芝麻 葱花但食落其實感覺平淡 唔會食到話麻辣香既唔同層次跟餐送熱飲 凍飲（+3）野飲正正常常無特別—————————————————食物普普通通 但份量足 價錢相宜三個人埋單都係百五蚊唔使哩個價係西貢大部份餐廳都可能只係夠一個人食飽冷氣夠 座位闊落 環境乾淨一試無妨 再食就未必喇

兩個人食 lunch, 叫左水煮魚同紅燒肉水煮魚鹹味重過辣味好多，食完一淡個口勁鹹，味精感覺好重最重要係無咩麻味青瓜明顯係後落，完全未吸到個湯辣味都無咩紅燒肉就乏善可陳。一句可以講完：標準廣東菜。偏鹹。好處係唔辣總體黎講唔係話唔好食，但唔係川菜味。價錢係幾吸引既，午餐五十幾蚊有（味精）湯，有菜有餸有飯有野飲。但本身諗住可以係西貢食川菜，所以好失望奉勸各位一心想食川味既人唔好特別走入西貢食，你會失望而回我自己就唔打算再食第二次（本身唔打算寫食評，冇特別影相。補兩張食完既相）

呀姐問我，食小菜定晚飯，咁我話晚飯，點知又話我知有午餐到6點，咁我話要咕嚕肉，佢問我要例牌定飯餐，又疾我，頭先咪問你要小菜定晚餐 🙄 算了，食物幾好食，搭夠，去一次無下次。

態度真的麻麻，只係平去吸引人，食過好多次，態度麻麻，聯絡外賣嘅態度都唔好。不能夠再幫襯，嘢食其實還可以，但如果老闆娘的態度咁唔好，10分破壞食嘢的氣氛。本人應該不會再去。

位於「西貢」市中心一半行人步行，另一半局部行車的街道「灣景街」，跟行人專用街道「沙咀街」之間，形成了一個類似「小蘇豪」，中外食肆林立的美食區，包括有一間四川菜餐廳。這間四川菜餐廳的實際店名名稱，叫做「奇香雞」，我在食店店名招牌裡面，還另外看到有一個副題，副題的名稱叫做「小甜甜」，跟「奇香雞」食品整體辣味味道，有截然不同的感覺。適逢我上門光顧「奇香雞」的時候處於「下午茶」時間，所以我點了一份「口水雞擔擔麵」下午茶茶餐，至於茶餐飲品則選擇了享用「凍奶茶」。「奇香雞」下午茶茶餐飲品「凍奶茶」實際味道，跟一般港式茶餐廳相差無幾，都是偏向比較重「淡奶」甜味，飲品的整體茶味味道因為「淡奶」甜味而沒有變澀。雖然「奇香雞」也有為下午茶茶餐，提供了一杯「紅茶」作為基本餐飲，但是我還有比較喜歡味道偏甜，溫度感覺比較冰涼的「凍奶茶」多一點。至於「奇香雞」下午茶茶餐裡面的主菜食品「口水雞擔擔麵」，「口水雞」跟「擔擔麵」麵條分開用不同湯碗盛載起來，所以「口水雞」表面的「辣椒醬」辣味，沒有滲透進入「擔擔麵」湯底裡面。但是實際上「擔擔麵」的實際味道，已經因為「奇香雞」廚房在「擔擔麵」表面上，放置了一小撮味道偏辣「豬

西貢少之有少的川菜突然之間想食川菜，發覺西貢好少選擇叫咗水煮魚，店員問我要咩魚，有三款魚可以揀，佢介紹咗鯛魚，原來鯛魚偏爽，我都係鍾意平時食開嘅水煮魚，個底味好正，啱啱上枱嘅時候仲聽到啲滾油聲好辣好香，個底啲薯粉比較軟身，可以提議下唔好太林，個口水雞好味，最推介嘅係炒土豆絲，味道剛好，好入味，超級好味，送飯一流，最後驚唔夠飽叫咗碗酸辣粉，唔係最正宗嘅酸辣粉，但係就有雜菜同蘑菇，同埋個薯粉都好煙銀，好大碗，下次想試吓佢個南瓜餅同小菜

Came here the first time and got amazed by the food with such affordable price. The tea set menu comes with a free soup, a plate of bak choy and choice of coffee or tea.Where else can I find such price especially in sai kung? Love the chicken tan tan noodle especially if added with the chilli sauce from the chicken.Also, recommended to try their wanton. Its not that bad too. Overall I think its worth it and very affordable. Will definitely come again for other food.

今日入開西貢，本身打算坐船去鹽田梓，但無船去，唯有先食lunch再決定去邊，見到好多西餐廳，但又唔太想食西餐，行行下見到這間，裡面又無咩人，得一枱，於是決定食這間，佢午市套餐幾抵，除了有個五味鵝飯要$88，其他三十幾四十蚊有交易，有主食、湯、飲品及菜，幾抵👍🏻，佢間舖叫奇香鷄當然要叫佢個奇香鷄食下，另外叫了個黃酒豬手，餸嘅份量也ok，餸還餸，飯還飯咁上，個奇香鷄我自己覺得麻麻，比較多骨無咩肉咁，而且又唔係好滑，一般，個豬手也入味，味道ok，不過無咩肉，個湯應該係冬瓜魚湯，幾好味，天氣熱啱飲冬瓜湯，不過有一點唔係幾好就係我叫了杯菜蜜，個杯有漬同崩的，唔係幾好，感覺唔知邊個位飲乾浄啲安全啲😖，不過這個價錢係幾抵👍🏻

門外放清楚餐單banners，價格十分公道。進店感覺很企理，店員很用心介紹菜色。是次是試午市套餐，$48主菜附有湯有菜，味道一試是知道沒味精那種（個人口味，我認為淡淡很合適）很美味。晚市各款菜式價錢也很合理，洗手間等公共衛生，也很乾淨，不會有異味或濕滑。是次點餐為：酸菜魚飯、麻辣口水雞飯、麻辣粉條、小食為韭菜豬紅。全部煮餐都會奉送湯及有機蔬菜一客，凍飲加2元，每位客人都會有茶飲及紙巾提供，絕對值得推薦。

因為疫情關係，最近揸車去多咗空曠嘅地方，其中一個就係西貢。首先去碼頭買魷魚絲，之後再漫步行下，發現呢間中餐廳，有燉湯有川菜，個Menu幾吸引又可以坐出面就入去試吓！兩個人叫咗一個辣炒土豆絲，一碟水煮魚，一個人蔘雞湯 (附送一個飯一碟菜），仲有酒釀湯圓做甜品！首先講吓辣炒土豆絲，$48個份量好大，辣味啱啱好！水煮魚原價$138，但個人喜歡無骨魚，所以加$50轉左另一款魚，$188又滑又好食！人蔘雞湯就$88，感覺上冇乜味精！酒釀丸子都OK！兩個人加埋$380埋單，性價比唔錯。辣炒土豆絲水煮魚人蔘雞湯酒釀丸子

這店，我在黃昏時段經過過無數次，從來沒有吃過。今天，在下午茶時段經過，好吧！就來吃一次，看看好不好吃；店裏空無一人，我也樂得清靜。點了一份奇香鷄擔擔麵。店名曰奇香鷄，那該是招牌菜了！餐單上說，可以加15元，得一份有機菜。我問美女今天是什麽菜？美女說：不知道。客人不能指定。厨師出什麽就是什麽！嘩！好有氣勢！我去吃fine dinning，沒有menu，不過訂座時，他們會先問客人有什麽禁忌，讓他們設計合適的菜式。好！就加一份菜。（因爲我很想吃蔬菜）不過，餐廳可不可以用好一點的方式跟客人溝通呢？前台的美女問厨師一聲今天提供什麽，讓客人決定要還是不要。客人可能有食物的禁忌啊！還有個人愛好的口味，餐廳是否要有對客人的尊重呢！食物陸續分段送到。先來一小碟雞和一碗擔擔麵。待了一會，再來一碟菜（應該是紹菜之類），等了一會，再來那杯檸檬水。這樣上菜，大家覺得這食肆的專業如何？好了，那份奇香鷄，是一個雞槌，剁成四大塊，底下墊了些青瓜絲，整個碟底是一些黃色的油之類的醬汁。賣38元一份的下午茶，那雞槌原材料是急凍的我絕對無異議，很正常。不過，把急凍的材料煮好成爲招牌菜式，才是重點。這個奇香鷄真奇怪，完全沒有香

住西貢咁耐冇遇過態度同服務咁差嘅餐廳。星期日搵地方食晏，見佢門口有寫lunch set 12點開始，去到得11:50所以問門口個阿姐有冇，佢話“咪寫咗囉”，我已經燥咗，你寫12點呀大佬，問你一句好阻你？原來入面張點餐紙改咗11點，但你門口個牌又唔改又寸返我轉頭…Fine，未食過即管坐低試，lunch set寫住跟奶茶/咖啡，我地要咗奶茶，轉個頭落餐哥哥同我地講奶茶要等15分鐘，當然覺得好出奇啦一間餐廳最基本奶茶咖啡仲要餐牌寫到明有你竟然會冇，呢個時候門口個阿嬸又大大聲話“唔係冇，我地每日新鮮沖架，我地11點先開門呀，你食完飯先叫嘢飲囉”。火都嚟，你開門做生意係唔係應該開門前準備好你地會賣嘅嘢？神邏輯，你未準備好叫我晏啲先落order，去掩飾你未準備好？要等都唔緊要，本身我係諗住等，但呢個阿嬸嘅態度真係好趕客。好彩只係啱啱寫單，我真係食唔落呢餐飯起身走人。

開始喜歡西貢，決定嘗試不同食物，今晚就試奇香雞。完全冇失望。野生魚頭薑湯好好飲。魚頭非常新鮮和好多肉，湯也夠薑。麻辣雞煲都得，擔擔麵也不錯。值得再試。最好係啲餸一啲都唔油。

The lunch set($42)  includes main dish, rice, a dish of vegetables, fish soup and drink. It is yummy, healthy and worthy of price. I also tried   水煮魚 yesterday night. The spice is very 正宗. I don't understand why are ppl criticizing the restaurant tbh. I will recommend it rather than another 'famous' noodles shop in Sai Kung lol. P.S. resident of Sai Kung