家樂小廚 (Closed)

<極硬身鐵絲藏通菜>今夜，晚黑， 同屋企食晚餐， 叫咗啲通菜食49hkd， 點知一食就中招， 通菜不是時令菜，但店員點菜時推薦食通菜，咁就叫左一碟，點知見到菜內面有鐵絲， 同店員講，佢一聽到就轉頭叫餐廳負責人黎睇，負責人秒速將硬身鐵絲揼去垃圾桶 再走黎回應"呢啲好閒事啫!""洗碗鐵線跌咗入去，唔出奇!""同你cancel咗啲菜，幫你成碟拎走佢，大家當冇食過，冇事發生過!"<一句道歉說話都冇! >希望餐廳管理方面/ 衛生/ 服務上都要加強注意! 令每一位客人都食得開心，本人只是如實敍述事發經過，冇加入個人意見。

今日叫咗三餸一湯咕嚕肉杞子紅棗北菇炆雞煲 魚香茄子煲 14 （湯 + 飯）咕嚕肉 係最好食炸嘅功夫做得好好唔會炒得過咸，或者過甜扣分位~~~~~杞子紅棗北菇炆雞煲諗住應該係好健康誰不知原來係將由放入去全部攞嚟炒同想像中好大出入呢個菜式都住得有啲古怪唔係正宗嘅煮法非常油膩應該改做"杞子紅棗北菇炒油雞"湯就夠老火睇得出烹煮咗超過5個鐘夠甜有豬骨又足料靚仔煮得好食唔會過軟餐廳大但員工比較少食客多好多員工都要""跑""住做嘢標準晚餐一人100@

找到一間地道的茶餐廳， 香港越來越少一些地道的茶餐廳， 因為大多數都係連鎖店。 今次試咗這間家樂小廚茶餐廳， 試咗這個快餐， 非常豐富，有煎豬扒通粉， 豬扒煎得好香口， 有双蛋還有厚多士， 奶茶香滑， 這個茶餐成為44蚊都是物有所值的。

夜晚屋企無飯食, 又係周街去嘅時候嚟到尚德想食D小炒野, 於是走入家樂小廚食小炒🤗一坐底侍廳已經奉上2大碗例湯😍當然都係一般茶餐廳味精湯, 哈哈🤣入到茶餐廳通常都會洗下碗筷先😎但碗筷不夠乾淨, 洗來洗去都好油...😫😫最後換咗幾次先搵到兩個無咁油淋淋😓隨意點了幾個餸😎味菜牛聊絲炒麵味道可以, 但炒麵未夠香口, 而且個芡汁比較濃🙈柚子豬腩排入口陣陣柚子味, 甜甜酸酸都叫野味, OK☺西蘭花蝦球感覺味精多咗D, 蝦有少少霉, 唔夠新鮮😓感覺真係街坊隨意😅

前幾日落機翻到屋企擺低行李都差唔多10pm附近又冇乜鋪頭收得晏 所以就求其去左樓下茶餐廳食叫左碗沙爹牛肉腸仔米線+凍奶茶碗米線啲餸嚟嚟去去都係咁，冇咩好評價但啲米線真係離奇地硬好似煮都冇煮過就拎出黎咁奶茶不過不失~但價錢都唔係平，差唔多$45總結係，如非必要貪佢夜關門，都唔會去

買外賣炒海蝦$88蚊，一拎己經輕飄飄，打開十隻都無。但都算炒得香同掛到少少色。《強烈建議》大家可以坐低先，嗌完上左菜之後，再叫外賣盒拎走先會大大份。價錢都係一樣。

夜晚想食簡單啲，去咗家樂小廚買外賣食。之前有食過佢個鴨腿湯，份量十足，而且味道唔錯。今次就試下佢個粥。佢地都有好多唔同粥可以揀。及第粥，配炸両($40)粥份量都多，食落比較竭身，唔會好稀。啲料就麻麻地，望落好似好多咁，但好多都係花生、薑絲、蔥花咁，無乜及第粥既料。至於炸両比較遜色，油炸鬼係脆口，不過就過於油膩，唔夠乾身，所以食咗一、兩塊，就覺得好膩。最後食咗三件就放棄咗。整體而言，睇黎家樂小廚粥品質素有待改善。

唔舒服嘅第四日要食粥家樂小廚早餐有生滾粥，食到宵夜都仲有，今次就係晏晝嗌叫咗個及第粥材料好豐富，有豬粉腸，豬潤，豬腰，豬肚，肉丸豬內藏唔係人人都食，識食嘅就分得出靚唔靚豬粉腸漲卜卜，好粉嫩，外皮肉質彈牙豬潤都起沙嘅，好正豬腰洗得乾淨冇尿騷味，豬肚都好淋生滾粥煲得好綿密，粥水同米粒比例幾好，唔稀又唔會太杰食落唔好口淡淡，亦唔會太口乾，幾啱病人食臨尾加上少少蔥花，增添香味下次唔係病，想食清淡啲都可以食返呢個粥

星期五晚六點幾，不用等位，有卡位坐！和老公第一次來，粥粉麵飯小菜乜都有，花多眼亂，最後揀了兩個小菜：涼瓜豬雜煲($70) 豬雜包括了豬肚、豬潤、豬粉腸，材料新鮮，味道OK，但涼瓜略嫌煮得太軟身。意想不到的是切得薄薄的薑片爆香後微辣無渣，我和老公搶住食！梅子排骨蒸粉絲($70)這款家常小菜充滿童年回憶，但每間食店煮的味道都不一樣，所以到處試食是一件有趣的事！這間的梅子醬味道酸中帶甜，較一般食店的酸，我猜小朋友未必喜歡，但成年人應該覺得好滋味！排骨亦件件帶骨，肥瘦適中。另一個特色是用了粉絲墊底，吸收了味道的精華！不過，要有心理準備，即叫即蒸係需要時間的，我們等了差不多20分鐘(吃完涼瓜豬雜煲之後)才送到，心急或趕時間者不宜叫這菜式了。每個菜另加$14便有中湯、白飯和熱飲。免收加一，全單$168，價錢合理。

話說同老公去家樂食野，老公點了假日午餐-雞扒珍寶腸飯（供應時間係上午11點開始），我地到落單時係11點05分，11點20分同樓面阿姐講仲未黎，佢話係水bar做，要做左早餐先，到11點半再問另外一個阿姐，可唔可以出左個午餐先? 個阿姐話有單，叫我地再等下。到11點40分，仲未黎，我地就取消唔要走人。勁嬲！問題係你餐牌寫11點供應，但係要11點半做晒早餐先開始做午餐，咁你餐牌仲咩寫上午11點供應呢？咁應該寫11點半供應囉。

因為屋企冇煮飯嘅關係，所以落咗樓下嘅家樂小廚餐廳食嘢。我哋叫咗個肉醬意粉，味道普普通通，芝士唔夠多，不過勝在份量ok。另外都叫咗個雲吞麵，價錢唔貴，所以可以接受。不過如果家庭聚會就唔會選擇呢間餐廳。

平時屋企冇煮飯就會嚟家樂小廚食，貪佢環境夠大，食物款式都算多。佢嘅食物質素同連鎖店大xx差唔多, 以粥粉麵飯為主，平時食開嘅就係焗肉醬意粉，份量夠大，芝士都算香濃。不過意粉就係太諗，所以爽身點會比較好，不過簡單作為簡單一個晚飯就不要要求太高。

碗，筷用具油淋淋。 食物偏咸，員工態度惡劣，沒有禮貌。樓面及廚房員工居然個口食住煙工作。衛生程度令人驚訝。以後唔會再去，簡直嚇死人。食食下飯，座位仲會有蟑螂走出枱面。

平時都好鍾意喺呢度食粥做早餐！不嬲都好愛佢呢度嘅及第粥特別係入面嗰粒嘅肉丸！係手打肉丸嘅感覺！雖然好多肥豬肉，但真係好香同埋好好味！碗粥入面仲有兩大舊豬潤，兩大舊嘅豬肚，兩大舊嘅豬腸粉，同埋兩粒肉丸！真係好足料！每一次都係食曬啲粥都仲有餸喺度。早餐最正嘅係：三十幾蚊仲可以加多個腸粉，炸兩，炒麵，或者其他嘢。今次就叫咗蝦腸，但就認真覺得麻麻哋。。。啲蝦其實都幾好食嘅！但係唔知點解蝦腸入面會有肉餅兩樣嘢真心唔係好夾！所以要讚嘅係佢既粥，個蝦腸就。。。。

平日極少踏足將軍澳,今天帶兩位小朋友到單車公園後,隨便到尚德商場晚饍。家樂小廚看似寬敞,最重要的是7:45P.M.不用等位,一行五人便匆匆進入。坐下來點了3餸一炒飯後,開始洗碗,一拿上手便心知不妙,全部碗筷油淋淋,唯有靠自己徹底清洗。上菜了,         1. 爽滑鮮鯇魚皮:冇味,彷如咀嚼手機膠膜;         2. 燒汁野菌炒牛柳:零鑊氣,奉送頭髮一根         3. 海南雞:雞是白白犧牲了,有雞味,肉質卻糙烚烚,跟海南雞掛不上關係         4. 生炒牛肉飯:最像樣了,我們清了這一碟(要拍掌了)付款了,小朋友被大魚缸吸引住,只是駐足觀賞,男侍應卻突然大聲喝罵:「走開!走開!唔好阻住條路!」小朋友嚇得連退三步。這餐廳如果想客似雲來,要改善的是侍應的態度,衛生的程度及食物的質素,而並非通道的闊度!這家餐廳我們堅決永不再光顧。