富盈火鍋雞煲專門店 (Closed)

來了旺角富盈吃火鍋，覺得幾抵食！ 可以選擇火鍋加韓燒或者雞煲加韓燒食物款式多羅羅 ! 有多唔同種類嘅丸蝦，丸牛丸，墨魚丸，鮮蝦，牛肉片，蟹柳，紅腸，肥牛，黑毛豬，羊肉，魷魚鬚種類非常之多！ 菜類就有粟米，芋頭，響鈴，炸魚皮，菠蘿，蕃茄粒！ 飲品種類都非常之多有啤酒，各款汽水，凍檸蜜，應有盡有！ 還有雀巢雪糕甜品櫃！非常滿足。特別一提，用魷魚鬚嚟做燒烤，用青椒仔做燒烤，經過微微焦香黎，非常吸引！好香口！oishii

一向好鍾意食佢哋嘅雞煲，最近佢哋搬咗去新地址，環境乾淨光猛左佢嗰日係聖誕節，但係唔係太多人，我最鍾意佢哋嘅雞煲，配料有蚊到好林嘅洋蔥、姑、多數叫BB辣，就算男友唔食得辣都食到，可以無限任添，平時食完雞就可以轉打邊爐，職員會比一碗清湯底你，之後要加就要自己出去拎，但係點都估唔到佢哋仲有韓燒，嘢食都有幾多選擇，飲品都有好多款，仲有唔少甜品同雀巢杯裝雪糕，啱晒想乜都食下嘅你，賣單係人均$200有找，一次過滿足晒幾個願望😋

早兩日同朋友經過女人街附近，經過呢間富盈火鍋，見到放題任食， 價錢都幾吸引，所以上咗去試下！呢度地方都算大，而且一台有兩個爐，分別係火鍋及韓燒，我們二人先來了一個bb辣嘅雞煲，之後再 喺自助吧選取火鍋配料打邊爐及韓燒。雞煲真係相當入味， 唔算太鹹有少少麻辣味道，雞件好嫩滑自助配料選擇很多，我們隨便選取了象拔蚌、花膠、 牛柏葉 、水魷 講真已經有七分飽！自助吧仲有一些熟食包括係咖哩魚蛋豬皮，春卷及咖哩角……仲有我最愛嘅甜品，水準都唔錯， 勝在選擇多！最後韓式燒烤，多春魚、五餐肉、牛舌、腎片...真係食到好飽好飽，三重享受，呢個價錢確係抵食！

今日準時收工，約埋幾個同事放工去打邊爐，放題食返餐勁嘅！呢間富盈火鍋我朋友試過，今次佢介紹我哋嚟，價錢都好合理，同之前試過嘅放題唔同，就係可以品嚐完雞煲之後，同一時間打邊爐及韓式燒烤，確係幾過癮！ 一坐低侍應就問我哋要那種辣度嘅雞煲，雞煲都幾好食，而且如果唔夠仲可以加添！凍盤包括海蝦、青口、螺肉、魷魚仔，入口都算新鮮，企理。食完雞煲之後出面自己揀火鍋配料，種類很多，肥牛、雞子、牛柏葉、豬肚……蔬菜類選擇亦多，有蘿蔔，冬菇，金菇等等……韓燒我最喜歡係牛舌， 食咗兩三轉，其實韓燒配料亦十分多，有串燒雞肉，紅腸多春魚……原本想燒菠蘿結果最後都係就咁食，估唔到菠蘿十分鮮甜一點也不酸。跟住就係甜品時間，雪糕、小型蛋糕，作最後結尾。我哋差不多八點鐘食完，已經見到裏面全部爆曬，可能價錢吸引，任飲任食而且種類選擇多，都係受歡迎嘅原因，這間可以再次 encore！

又濕又冷的天氣,最好還是打個邊爐,醒一醒神。好久没吃雞煲,知道這家店新開張,可以燒肉和雞煲一起吃,很興奮!餐廳面積頗大，有很多座位,非常適合年尾跟朋友聚會。一入門口便看見取食物的位置,分成兩邊,一邊主要是肉類和雜丸,另一邊則是蔬菜、豆類製品和粉麵。除了一般食品,餐廳還自製了一些前菜和小食、好像涼拌木耳和炸物等。我想我絕對不怕吃不飽了。走過一點便是飲品區,一字排開的大型飲品櫃,飲品款式琳瑯滿目。涼拌青瓜和木耳,夠冰凍和爽口,若果可以再辣一點就好了。炸春卷，本身没有抱太大期望,因為一整盤放出來,想必已擺放了一段時間,但入口仍保持香脆,不錯。雞煲點了BB辣,同行友人不太吃辣。雞件每塊都是啖啖肉,而且肉質嫩滑。洋蔥也是不可忽視的,索滿醬汁非常惹味。若嫌不夠,還可無限加雞。響鈴我吃了兩次,第一次豆皮較韌,第二次該是新鮮炸起的,十分鬆脆。真的有點碰連氣,哈哈。牛肉尚算肥瘦均勻，帶點牛味,任食邊爐來說,品質還可以。吃膩了邊爐,轉戰燒内。燒肉必吃的牛舌,這個有驚喜,切得薄薄一片,有咬口又不會過硬,值得 ENCORE。燒菠蘿,甜甜酸酸,很開胃。由於餐廳需要同時預備燒肉跟火鍋的配料,避擇不算十分多,但我認

聖誕期間其實成日都係食打邊爐同BBQ，今日啱啱過咗聖誕我同BB就去咗富盈食火鍋加韓式烤肉放題，其實真心勁抵每人只係$188 ，就一次過可以食兩款嘢食，講真其實都幾忙架，一嚟到侍應就會問你係咪食雞煲啊，梗係食雞煲啦係咪先，就帶咗個BB辣雞煲，兩個人佢都比差唔多成半隻雞，個雞煲真係好好味，本身我哋想再加雞嘅，但係要留肚食火鍋同埋韓式燒肉，所以我哋就食完本身嘅雞就直接轉食火鍋啦，佢哋啲火鍋料係整整齊齊咁自助夾既，自己想食幾多就攞幾多，另外仲有一啲小食係熟食嚟嘅，我最推介係佢個泡椒雞腳，小小辣雞腳好爽口，另外仲食咗佢個魚蛋蘿蔔都好好味，其他嘢食都中規中矩，同埋最緊要係佢甜品方面又有雪糕又有一個都幾好味嘅啫喱，個啫喱我未見過嘅仲要係日本牌子，青蘋果味真係好清新唔太甜可以一次食幾個，如果約一班朋友嚟食就更加開心啦。

旺角區出名食美食，但如果想揀任飲任食火鍋，仲加埋韓式烤肉，呢度絕對係個必試的推介。首先當然要一試個熱辣辣的雞煲，辣度可以自己挑選，雞肉非常之嫩滑，再加試上惹味的醬汁，簡直係越食越停唔到口。之後更可以加入上湯，泡製火鍋湯底，又或者可以開始食韓式燒烤！冰鎮海鮮，確保新鮮，有青口、魚頭同埋蝦，鮮味十足，用嚟打邊爐放湯煮熟就最好，兼且仲可以增加上湯嘅鮮味添！而其他肉類，好似豬頸肉、雞翼、牛仔骨等等，就最適合韓燒，燒出陣陣香味，品嚐外香內多肉汁的雞翼，絕對係享受！值得一提，仲有雪糕同凍飲任攞，以呢個價錢仲包括埋甜品同任限飲品，絕對非常化算。

踏進十二月份，喜慶的日子特別多，中國以農立國，冬節這個大日子，對中國人比較重視，所謂是冬大個年，家家戶戶都是大魚大肉。家人不想我，做的太辛苦，加上出面的食材，又貴又要做一餐，所以都是決定選擇出外食，提早慶祝冬節。看到餐廳，一個價錢就享有三樣煮食，雞煲、火鍋、燒烤，用呢個價錢，相當低食！雞煲任食，我地連叫了三次，每次都是大大煲、雞肉仲伙大大件，唔會因價錢平宜，就令到食物減，相反仲大大碟。雞煲的香氣，真是令人垂涎三尺，中辣的味道，真是越食越開胃，醬汁香濃、掛滿每件雞肉，肉質嫩滑，啖啖肉。熟食的食物，都多元化，小食如咖哩蘿蔔、魚蛋、豬皮。沙薑雞腳，雞腳炆得好稔，入口即溶。炸物，香脆可口。食完雞煲後，再來一個火鍋，火鍋食料，都好多，應有盡有，唯一是，有時的食物，添加有點慢，尤其是蔬菜、響鈴等，我走了兩次都未有再添加上去，可能當天，天氣凍，客人又多，整個場都爆滿，仲有不少客人在門外等位，食物的水準不錯👍。另一邊爐，可以去燒烤，燒烤食物同火鍋一樣，看你喜歡邊樣煮食。水果菠蘿新鮮又清甜。汽水、雪糕，蛋糕，都是任飲任食。

openrice見到呢間餐廳新開張，又想食雞煲，一於試下! 好surprise 竟然仲有韓燒，真係第一次同時進行餐廳好新，好乾淨，坐得好舒服，個人十分滿意先上雞煲，bb 辣，都有啲啲辣度。個汁做得好惹味，成煲雞食哂，唔會太咸，食完都無口乾同時仲有其他小食，魚皮，麥樂雞等等，我去果陣麥樂雞岩岩炸起，熱辣辣卜卜脆，正食完雞煲，可以加湯打邊爐，種類都算幾多即炸響鈴必食，菜都好多選擇，芋頭都有!!!呢個area相信係for燒烤，好多海鮮呀，魚都有唔少夾左唔同既野去燒，底下有牛油紙，唔洗驚痴底。個人推薦五花肉同多春魚牛肉都唔錯，夾左好多哈哈開完大餐仲有甜品，好多雪糕口味揀仲有好多甜品!! 一個價錢兩種享受，真係幾抵!

天氣最近都凍左好多，最岩打邊爐同食雞煲。小弟以前都嚟過呢間富盈，雞煲可以話性價比高，味道又唔錯，不過就得知最近搬左去新地址，响女人街附近，地點即方便左好多。仲有新驚喜添，新店加入埋韓燒，可謂3合1，一次過滿足晒3個願望!整體都好乾淨，而且坐位闊落，其中自助吧有好多款食物選擇。牛肉，丸類，蔬菜，海鮮，甚至乎有少量炸物添。全部都井然有序排列，好衛生，旁邊仲有飯添。雞煲有BB辣至大辣選擇，友人唔太食辣，所以揀左BB辣。雞煲係任食，食完可不停加雞，雞係預先煮熟，倒入鍋焗過後好入味，而肉質都算嫩，唔錯。旁邊有一個韓燒爐，方便一邊等雞煲，一邊燒野食。牛肉算薄切，燒二燒就食得，下面放左層吸油紙，可以盡量阻隔油份，令到d食物無甘油。牛肉好Juicy，用料不過不失，食落都好彈牙。燒菠蘿有驚喜，非常甜，仲可以燒到表面帶點燶添。場內仲有即食小食同前菜。小弟好中意中華沙津同螺肉，夠晒開胃。炸物有麥樂雞同炸薯格。剛炸起的炸薯格形成金黃色，超脆卜卜，有驚喜。不過，麥樂雞唔知係咪放左一段時間，好腍身，味道一般。食完雞煲後，可以自行去自助區拎湯直接加湯响雞煲入面。不過就建議倒一倒雞煲的汁先，因為煮左幾次煲底會有少許燶

近排天氣轉冷，想去吃雞煲火鍋，又想去吃韓式烤肉，在同事介紹下，和家人去旺角富盈雞煲火鍋專門店試試。原來餐廳開張只是幾個月，收費相對平宜，在旺角通菜街，交通也方便。佈置實而不華，感覺環境光淨、地方寬闊，座位舒適。先來個雞煲，味道香濃，有小、中和勁辣給食客選擇，我們揀了小辣惹味雞煲，肉質鮮嫩有質感😋。吃完再加上湯後變火鍋，另一邊是燒烤爐。火鍋和燒烤的配料包羅萬有，包括有新鮮海鮮、嫩滑牛肉、羊肉、豚肉、和麵類等等.....有不同品牌啤酒和飮品；還有多款精緻甜品😋，令人愛不釋手！我們大快朵頤的吃到捧腹而回。

本人呢個冬天仲未真正打過邊爐，個friend話有間超級抵食GE放題，點知原來唔止有邊爐，仲有埋燒肉同雞煲～～一去到超多人排隊，睇黎質素有返咁上下保證平日火鍋加韓式燒肉都係$168，邊到搵火鍋湯底要左椰子雞鍋，好多舊雞，都好足料下咩都夾左D試，肥牛質素唔錯有牛味，仲有有好多菜揀！娃娃菜同油麥菜都幾靚，會定時定候不停refill~~響鈴都係必食，即炸好酥脆燒肉就試左燒雞翼、牛仔骨、墨魚鬚同午餐肉，個火都keep住到個溫度，同埋可以換張紙再燒，都幾方便，唔會痴哂底本人推介燒雞翼，單骨好易燒；墨魚鬚都正，醃左好入味呢度性價比真係好高，連野飲甜品都任飲任食，至適合約一大棚人黎gathering

天氣凍，喺旺角求其搵咗間火鍋店打邊爐。見呢間平平地，就同大食友人試試。人都幾多，要等位。百幾蚊就可以任食火鍋同韓燒，湯底揀咗椰子雞。全部食物都係自助，任攞唔嬲，不過食得哂先好拎。有開胃前菜食，為任食打返個底。有好多蔬菜可以打邊爐，食得健康。仲有打邊爐必備嘅響鈴豚肉同肥牛我地冇攞嚟打邊爐，反而拎嚟燒，肉味香好多，惹味過就咁淥。左邊個豆腐要推介俾大家，佢唔係一般豆腐，係潮州豆腐，特別滑同濃啲嘅豆味。我拎咗嚟燒，香好多。午餐肉燒好食過淥

經過通菜街，見到排到長長嘅人，就知道係我哋book嗰間餐廳，最大嘅賣點就係一個價錢有三種享受入到去個環境好闊落，燈光光線好充足，座位都好闊落，我哋四人身高都超過180都坐得舒服佢哋嘅雞煲係任食嘅，食完可以同樓面講聲，佢哋就會拎多一盤新嘅雞煲俾你食，同時，你可以韓燒，同事之間出邊仲有炸春卷，薯格，涼菜又可以食住等出邊嘅食物選擇多到成40幾50款，飲品有10幾款，甜品都有5-7款任你揀我哋就揀咗牛仔骨，牛肉，雞肉，腸仔等等，質素都唔差雞煲香料好夠，而且雞件大大件好嫩滑！食到咁上下自己可以去拎打邊爐嘅湯底到落去，我就在拎埋魷魚，牛柏葉，龍蝦丸，牛丸，公園，芝士丸等等海鮮方面，有青口，海蝦，大魚頭等

朋友講旺角有間餐廳可以打邊爐和烤肉好抵食就等收工一齊去，來到九點多都有不少人等位中，幸好不用等好耐就可以入去食。這裡可以自己拿打邊爐同烤的材料好方便而且十分新鮮，醬汁又多選擇可以自己配。蝦，魚頭，青口，仲有不少肉類，丸，午餐肉，鵝腸夠肥好味道，腸仔夠脆，牛肉口感不錯有牛肉味，中間仲有菜同熱食小食選擇，最喜歡吃這裡的小辣夠辣入味，最後仲食了幾輪，麥樂雞和薯格都好新鮮，響鈴新鮮自制夠脆，菜選擇都夠食而且夠乾淨好味。湯底要了皮蛋湯底好濃，其實仲有雞煲仲抵食可以加雞，見到另一桌都有叫好吸引可以下次再來吃過。飲品多選擇有汽水或清涼飲品，最尾我們再拿了出前一丁加麻油撈麵吃添，沒想到這價錢可以食到那麼多東西有驚喜。