富盈火鍋雞煲專門店 (Closed)

今日在新年不到一星期，特意出來旺角大購物～一行四人買左好多野又肚餓又攰！兩位想食雞煲，兩位又想食燒肉，即上網搜尋一下附近餐廳，找到新開的富盈雞煲～去到可能時間也算早，不太多人！坐位非常闊落，枱上定點電池爐和燒肉爐～這個非常好！一般很多都是另上一個火煱爐的！店員很快落單雞煲要多辣，先點了小辣～等侍其間先出自助區，有醬料區，冰櫃區， 蔬菜熟食區，飲品區～醬料區一般火煱醬料也有，另外也有燒肉汁！冰櫃區上有蝦，青口，魷魚，丸類，牛肉，豬肉，雞肉，有20多款食物選擇！蔬菜熟食區有粟米，生菜，芋頭，冬姑，金姑，翠肉瓜等等！熟食有拍青瓜，麻辣雲耳，咖喱魚蛋，雞腳，炸麥樂雞，炸咖喱角！飲品區有10多款選擇，甜品也有6款選擇～一齊食完雞煲再食燒肉，再加左一轉中辣雞～個辣味岩岩好！之後加湯食火煱～好快大家都食飽～

喱排凍左咁多，梗係去食雞煲啦！上網見喱度都幾多好評，就去試下啦！☺️喱度除左可以任食雞煲打邊爐，仲有得韓燒同埋食刺身！貪心既朋友，可以考慮下！😛上一層樓梯就到～地方好大好闊落，成層都係，開party 都仲得！😂坐低左之後，侍應生隨即問我地雞煲想食幾辣，我地揀左BB 辣，望望餐牌，原來雞可以無限加！加到夠為止，太好了！😍喱度既雞好滑好多肉！好入味！忍唔住黎多一Round! 出面有自助吧，見到好多花膠！仲有鵝腸！😍甜品都幾多選擇，不過食當時到好飽，已經食唔落了🤭飲品都有好多選擇，特別鍾意飲韓國粉紅色罐既朱古力奶，好滑好Coco!👍🏻整體感覺都唔錯，CP值高👍🏻👍🏻食完即刻介紹左俾身邊朋友，下次會再來！

可以同時雞煲+燒野食嘅地方好少見！一班人聚會，總有唔同意見，有朋友話想韓燒，有朋友話想雞煲，有朋友想打邊爐。老實講，呢到真係三樣都有。地方算寬敞，地下唔會油，放題黎講好怕地下油膩膩。去果陣算早，冇乜人，但到夜晚就坐滿左。坐低就拎野飲，野飲櫃都有4個以上，有啤酒似乎係放題基本？啤酒唔會額外收錢，可以同朋友隊酒！上黎已經熟左，waiter話等幾分鐘可以食，佢會走黎提你話食得，服務都幾好，會留意顧客需要！菜同熱食種類算多，燒菠蘿好推薦，食完唔止可以食甜品，燒菠蘿都係一個好選擇，燒完好甜，又唔膩，同朋友燒左幾轉！！熟食嘅麥樂雞同麥xx差唔多，魚皮都叫脆口，但黎得就唔止食熟食架啦！講到肉類，選擇真係多，我就鐘意食魚皮餃同埋肥牛，肥牛燒又得，打邊爐又得，索左雞煲啲汁好食！海鮮推薦手打墨魚滑（左下，同埋脆肉鯇，手打滑魚好彈牙，燒會好香口，脆肉鯇就打邊爐，都好脆口爽口，叫做都「高級」食材，燒左唔少呢個就係燒墨魚滑、象拔蚌仔、仲有菠蘿，真係好甜，燒菠蘿都叫健康又好食！同朋友燒左好多轉！雞煲啲汁都入味，本身熟熟地放上黎，等滾左就食得，又嫩口，同埋滾左食，都熟晒。以香港食雞黎講，呢個口感叫唔錯，滑同嫩口

今晚同朋友行完信和，行返過來係女人街尾位置左右見到呢間火鍋雞煲，起初見到個價錢都幾抵食，可以選擇任食雞煲及韓燒或任食火鍋配韓燒，於是先上了去，上面餐廳環境闊落，中間位置就係食物自助吧，大量新鮮材料選擇，有最愛嘅肥牛、滑牛、不同款式嘅丸丸，還有墨魚滑任加，最後就點了任食麻辣雞煲同韓燒組合，落單後，店員好快就出了個雞煲，跟指示要煲一陣，出面還有小食可取，見到有必吃推介咖喱魚蛋豬皮，咖哩味道香滑魚蛋彈牙爽口，加埋吸了咖哩汁嘅豬皮，餐前必吃，而炸魚皮亦十分香脆，打開雞煲香濃嘅麻辣味撲鼻，雞肉入口嫩滑，味道香濃！如果喜歡可以再加，份量十足！而同時間還可以利用枱上另一邊嘅爐進行韓燒，當然要燒最愛嘅紅腸同午餐肉，燒完後十分香脆可口！當食完雞煲就可以自己取湯底加入雞煲內，今晚可以兩邊一齊，墨魚滑超級彈牙，還有大大隻雲吞，內有彈牙爽口蝦肉同豬肉，十分有口感！而肉就用韓燒方式處理，自己喜歡香口，所以可以煎耐少少，煎得較香口！還有這裡嘅甜品亦唔錯，最愛就係個特濃朱古力，味道十分濃郁，芒果亦十分好味道，選擇多，份量細！又有雪糕杯選擇，真係看看你食得幾多！如愛吃肉，這裡絕對滿足到！

最近口罩荒，個個人都為左口罩四圍撲。今日放工約左人出旺角交收口罩，而家啲口罩真係貴💀，但無又唔得。買完口罩，就泊左架車去家樂坊搵地方食飯。朋友之前同我講過係家樂坊附近有間任食雞煲，好味又抵食，招呼好，地方大。年紀大，記性壞，唯有再打去問下果個朋友，間餐廳叫咩名😂原來間野叫富盈雞煲，係通菜街。上去 openrice 搵下地址，原來真係好近家樂😂就禁睇真係好抵食。上到去，地方真係算大，檯同檯之間好有距離(呢個真係好重要)。火鍋，韓燒既配料真係要有都有。重有熟既野食可以拎，有麥樂雞，咖喱魚蛋，不過我一心想食雞煲，所以無試🤪飲品選擇堅多，重有細細罐 coke zero，抵讚！Yeah! 雞煲黎喇！上黎之後，煲多4分鐘左右，食得。岩岩好，堅好味🤤🤤，啲雞好入味，啲菇又好入味。雞煲配Zero，一絕😋好快食完一煲，唔夠喉，再加多煲先。食完2煲雞之後，就加湯打邊爐🤪加埋湯，食山根，超好味！韓燒真係食唔到😂太飽喇。留返下次再黎食過！食左禁多野都係2百幾一個人，抵到爛！

呢兩日又突然凍番，所以決定今晚打邊爐，喺旺角女人街見到呢間二樓火煱鷄㷛專門店價錢好吸引，兩個人加埋一任飲任食，仲係連埋可以電燒烤爐，都只係$391，所以同朋友一齊上去二樓圍爐打邊邊。食物種類呢個價錢都算好多，尤其佢啲菜，特別係西洋菜好難洗得乾淨，但佢都幾新鮮同埋洗得好乾淨👍。揀咗椰子雞鍋湯底，可以潤一潤😋。呢度電燒烤爐好正，可以自家製慢燒午餐肉丶菠蘿🍍丶牛舌丶肉片等等，尤其午餐肉，外皮燒到又乾身又脆，內裡軟諗諗，好味道！

朋友搵到旺角有間好抵食嘅雞煲，幾位朋友相約一齊，任飲任食，開心迎接新一年。本來話九點後特價時段，但我年紀大啦！實在等唔到咁夜，而且九點後人龍不絕。地點好方便就喺女人街，H&M斜對面。大概每人 $200，任飲任食雞煲/火鍋、韓式烤肉。座位寬闊，我哋張枱有設計有兩個爐，一人一邊唔使爭，喜歡雞煲或者韓式烤肉一齊吃也可以。雞煲先上，店員會幫我地炒幾下，然後就開心等食啦！呢度嘅麻辣雞煲BB辣實在好好味，辣得來有啲麻，麻得來有啲刺激，雞件分量多，肉質鮮嫩多汁。食飽雞煲就可以加湯打邊爐啦！韓式烤肉應有盡有，肥牛、羊肉、豬肉、雞肉樣樣齊。火鍋食物其中鮮蝦滑、手工雲吞、水餃、丸類最得我歡喜，一啲都唔吝嗇, 而且質素都唔錯添！仲有各款不同嘅小食，冷盤、蔬菜、炸薯條、麥樂雞都有，真係大人細路都食得咁開心。我減肥當中，都忍唔住食咗雪糕、甜品；甜甜蜜蜜開開心心過鼠年！

旺角的餐廳林立，要在當中突圍而出，除了好食還要價錢吸引才行。到富盈火鍋雞煲專門店任飲任食雞煲加韓式燒烤都只是$188再加一，晚上7:30前離座再減$10，CP值很高！入面環境開揚明亮，牆上掛滿電視，而餐廳中間就放了自助食物吧。食物一應俱全，有海鮮、肉類、餃子、丸類、蔬菜。另外也有前菜如蒜拍青瓜、涼拌木耳和一些熱葷。一整排飲品櫃！啤酒汽水一應俱全，有韓式乳酸飲料，也有感覺比較養生的菊花蜜、凍檸蜜和雪梨蜂蜜。我們則選了馬蹄竹蔗茅根，在乾燥的天氣好好滋潤一下。雞煲方面點了BB辣，剛剛好惹味得來又不會太辣，一直聞到好香的麻辣味～～吃完還可以無限添加。吃完雞塊就可以加湯打邊爐嚕～主要下蔬菜和餃子，最近菜價炒得很高，店子還可以任吃真的很良心～火鍋的另一邊就是韓燒的爐，燒肉、雞翼、魚塊和魷魚都很好吃，尤其是魷魚燒得焦脆香口，很惹味最後吃一杯冰凍的紅豆雪糕作結，很滿足

今晚收工後和同事走咗出旺角食宵夜，兩個傻佬當然搵間放題先可以滿足，當行入女人街，便見到一間食雞煲又有打邊爐仲可以鐵板燒，最難得價錢有大眾化，一個價錢三種享受，所以便試這間叫「富盈火鍋雞煲專家」食法有兩種及選擇餐廳分左右兩邊很寬闊適合三數位及多位朋友一齊聚當然唔少得是他的麻辣雞煲啦，麻辣味剛好（中辣）不會蓋過雞肉的鮮味，他的雞肉不會像外面的鞋口，焗久後也依然保持鬆軟，而每件雞都啖啖肉，還能食完在加在外面有很多不同的肉類給客人自取，還有自愛的肥牛肉和豚肉，雖說是放題，但肉質保持是新鮮脆嫩，還有其他調味製食物用作鐵板燒，食物均能保持原有的味道，平時脆魚片打邊爐就試得多，今次用作鐵板燒也有另一種的感覺，咬落口更能爽脆甜品也是不能缺少的一環食完之後簡直覺得係性價比高的食府，能夠以$200有找的價錢能享用三種食法，就算雞煲他也是添食的

There are many hot pot places in Hong Kong. There are many that focus on chicken hot pot. There are many all you can eat hot pot places including all you can eat chicken hot pot. But all the chicken hot pot places only offer all you can hot pot items but you only get one serving of chicken. But not 富盈火鍋雞煲專門店 (no English name). Here you get unlimited refills of chicken!This place was recommended by boyfriend's friend and something boyfriend wanted to go to. But due to it being so hard to get a ta

To save time and effort to cook during Chinese New Year Eve, we decided to dine out tonight. 富盈火鍋雞煲專門店 was located at Tung Choi Street, few minutes walk from Yau Ma Tei MTR.For a start, we can choose either spicy chicken hotpot or steamboat base.There are drinks and desserts placed inside the fridge. Besides that, meat, seafood, vegetables, balls and fried items were placed outside for us to take. Jolly shandy was refreshing and gassy, with very light alcohol content. Cocoa latte was strong in c

一大班朋友去了旺角富盈雞煲打邊爐同韓燒，其實大家都唔係第一次幫襯，這裏勝在食物款式繁多，而且有雞煲、火鍋及韓燒，可以左邊火鍋，右邊就韓燒，食完一轉又可以調下位。我們食宵夜時段無限時任飲任食都係$178加一，平絕旺角。今次就試了個椰子雞煲，有差不多一隻雞，雞肉半生，上枱滾起就食得，所以非常滑，椰子味清香。火鍋配料例牌的肥牛、豬肉片、幾款丸、蝦滑、雲吞等等，應有盡有，食物質素方面，蝦滑同雲吞都好味，肥牛唔會成舊肥膏，肉質都很腍。韓燒就一定係燒雞翼、魷魚、牛肉粒、牛舌等，牛舌、雞腎都好爽彈，醃肉都很入味。啤酒汽水既款式都很多。最後食埋杯雪糕。

今晚黎到旺角搵野食，見開左間又可以食雞煲打邊爐，又可以韓燒，200蚊都唔使，一於試下。上到黎都好新淨，地方夠大，食物集中一個地方，容易拎野食。枱有齊2種爐頭，煮食爐同燒烤爐，燒爐上放定張吸油紙，夠細心。超多野食選擇，不論韓燒定打邊爐定涼伴定熟食，咩都有。肉類都已經分左好多款，豬牛雞羊，醃左既又有；菜又分開左一邊，有齊我至愛既響鈴，魚皮同生根，正。居然有埋燒賣同豬皮蘿蔔魚蛋，味道仲要唔錯。飲品都多選擇，除左睇慣既韓式飲品，仲有細支樽裝清熱氣既野飲，菊花茶，竹蓆茅根等。雪糕就得雀巢。當然戲肉既雞煲先最重要，叫左bb辣都已經好入味，兩個人食份量都唔少，仲可以無限添加，食咁多野真係超級飽，又打又燒，手同口都無停過好抵食

行通菜行經過見到有間佞雞煲+韓式烤肉價錢幾吸引..星期一至四<晚上9點前成人$188,小童$98>兩小時任食, 星期五,六,日每位只需加十蚊見有得打邊爐又有韓燒咁抵食,就上左去食啦佢係自助形式既..食物飲品都係自助拎有幾款熟食..新鮮出爐薯格好食仲有魚蛋..辣雞腳..不過呢D我就無食LU食得太多熟食就食唔到其他首先我地就食左雞煲先..再打邊爐+烤肉雞煲揀左BB辣..唔太辣岩晒同行朋友唔食得辣雞切件都比較大件..但入味既好快咁就食完雞煲..加湯打邊爐..湯都係自助出去拎黎加打邊爐款式/種類都好多基本上平時打邊爐會食既都有仲有鵝腸TIM..凍盤即食既都有有蝦..青口..中華沙津等等..平時食雞煲就唔會有既食物尚算新鮮..仲有唔同肉款可以用黎韓燒同埋有燒菠蘿..燒完又甜又多汁幾特別..又可以燒又可以打邊爐最後有雀巢雪糕..有幾款甜品可以自助拎食飽滿足! 性價比高!臨走門口見到生日當日4人或以上仲可以FREE人頭費一位