富盈火鍋雞煲專門店 (Closed)

價錢平，材料正🤩抵食韓燒*雞煲*火鍋任飲任食，環境乾淨👍🏻寬闊，絕無油煙，雞煲正在加熱時，🏃🏻‍♀️先去熟食區，有胡椒鹹菜白果豬肚，藥膳鳳爪，泰式麻辣鳳爪，港式咖喱魚蛋豬皮，韓式泡菜，酸辣青木瓜，雲耳，咖喱角同烤薯角等⋯食住藥膳雞腳同胡椒豬肚，好入味😋又夠林雞煲熱辣，叫咗BB辣，味道非常好，食完雞煲，可以加湯食火鍋，火鍋材料，有豬、牛、雞、海鮮超過30種，出前一丁，響鈴，蔬菜都超過10種，又靚又新鮮，一邊食火鍋一邊食韓燒，韓燒材料都有3，40款，牛仔骨，羊肉，豬扒，最開心有新鮮菠蘿，日本薯仔，飲品款式都有廿幾種！最後就係甜品啦，除咗幾款唔同味雪糕，仲有豆腐花同啫喱，啫喱非常特別，日本啫喱細細杯三個味道，聚會吹水食嘢冇得頂👍🏻👍🏻

好耐冇食雞煲，搵到呢間「富盈火鍋雞煲專門店」有得食自家調製雞煲加韓國燒烤，一個價錢，有三種食法（雞煲、邊爐和韓燒），好吸引啊！急不及待試吓先～雞煲自家調味，上枱時雞已預先泡一炮油，再合蓋煮8分鐘就食得，有時自己攪兩攪，有時店員處理，有得玩下幾開心🥳叫了半隻雞，洋葱和蒜頭好香，雞件好入味，食前半部分口感好滑的，後半部分鞋的，可能因為食唔切熟左啲，兩個女生食半隻雞，飽左一半。火鍋材料乾淨新鮮，我攞左貢丸、花膠、芝士腸、金菇、墨魚丸、魚角、肥牛、響鈴、蟹柳，每樣一件，食得哂👍🏻留意火鍋湯是自己出去攞的，不是服務員比你架。韓燒我攞左多春魚、牛仔骨、牛肉粒、雞翼、午餐肉、魷魚。牛肉粒好淋，好驚喜，枱上有鹽，忘記加埋落去，所以淡淡地味，加少少鹽會好味啲。午餐肉煎到個皮好脆，勁正。雞翼可以煎到個皮好脆，醃得幾好味架，可以encore 。其他都好好食😋甜品食咗豆腐花、紅豆雪糕、朱古力雪糕飲品蘆薈汁（有肉，正）芒果汁杞子菊花雪梨水忌廉

十分滿意既一餐，坐位舒適，唔會有逼夾 既感覺，環境亦好幹淨，鷄煲香辣適中，嫩滑惹味，而且仲有各種各樣既火煱，韓燒食物，又有大大隻新鮮蝦同半殼青口，價錢超價。另外，有一位肥哥哥服務態度非常好， 好有禮貌，殷勤又細心👍👍下星期約理班friend再去食過

一間有齊鷄煲、火鍋、韓燒的任飲任食專門店，先講鷄煲,吃完可以再加，味道分B B 辣、细辣、中辣和大辣，味道非常好。火鍋一種類雖多,但很多較貴的食物卻缺乏、例如魚頭云、脆肉鲩。有水尤、云吞、魚皮餃、豬皮、菜、肥牛、豆腐、豬紅、烏冬、出前一丁等等．．．韓燒一牛肉粒很靚、有蝦、多春魚、红腸、魚腩、香腸、鷄腎、蝦、鸡亦等等．．．其他食物一韓國泡菜、鷄腳、魚旦豬皮、酸青瓜、生果。甜品一各類毛士、雪糕飲品一種類算多、有汽水及韓國飲品服務員態度很大差別，一個肥的男服務員態度非常好，服務殷勤,但有個戴眼鏡的中年男服務员態度非常差，經常將双手放在背後，又經常呼喝客人'像幫老闆倒米價錢大约連加一约二百元，也算合理

$128.哩個價位的確無嘢講，為求食飽個肚，絕對唔係問題！但要講食物質素，大家唔好抱太大期望！先講食物種類，款式都算係幾多，生嘅熟嘅大約爽埋都有40款左右， 絕大部分都冇 醃過， 熟嘅食物就只得6.7款，主要都係前菜涼茶，全晚最得我喜愛嘅，就係鮮牛肉同埋牛柳粒，鮮牛夠滑，牛柳粒夠軟，好味有驚喜！其他嘢食都係提唔起勁，總括黎講我只會嚟一次！

舊富盈係係旺角火車站附近！最近去左佢地新鋪 👏🏻 一個價錢重可以食埋韓燒雞煲任食！今次唔洗就兩位小朋友 可以食辣因爲佢地可以食韓燒呀！而且而家重有熟食！甜品同埋雪糕！岩哂一家大細既胃口！重可以加38元有手切牛任食！佢地個雞煲 保持一貫水準 夠哂惹味同香噴噴🤗

好耐無出黎食雞煲，😎 依家疫情稍為緩和就出黎食返餐🤤我係見到openrice 廣告$128 有雞煲任食兼韓燒咁抵食，加上好多lam lam 脷好評，就決定黎試下👍🏼其實我好少寫食評，不過肥叔叔侍應好好同埋個雞煲好食，決定要寫寫食評😤支持下首先講下侍應叔叔有幾好，我同男朋友入坐後即刻問我地要幾多辣，然後我去拎野食既時候，已經見到侍應叔叔捧住個雞煲上枱，👍🏼好快速，上枱之後，侍應叔叔黎左幾次不斷確保我地個雞煲既狀態，monitor 住個雞煲幾時可以食得，完全感受到侍應叔叔既熱情❤️好有心想我地食到好食既雞煲😎跟住就講下野食，今次我地主要係食雞煲加韓燒，呢度係自助形式全部自己拎，火鍋配料無點食過，佢有幾款熟食，所以等既時候都唔會無野食😋 今次試左沙薑雞腳同咖哩魚蛋沙薑雞腳：一聞已經知好正，食落夠哂入味，好食😋咖哩魚蛋：魚蛋無乜味，但蘿蔔好食，推介蘿蔔除左呢兩款仲有啲炸物，但無試到，有日本小番薯，烤一烤好正🤤至於個雞煲，真心推薦❤️👍🏼 叫左BB辣，我覺得啱啱好，男朋友話辣啲應該會再好食啲，最正係啲菇🤤好有麻辣味，上枱之後記得每隔幾分鐘就攪攪佢，雖然侍應叔叔都會幫下你😌 仲要個雞煲係任添🤤可惜我地

近來疫情稍有舒緩，我和我的他已很久沒有外出用餐了😢所以趁機外出逛逛街、食吓好嘢🥰知道富盈2月中至2月底關門進行消毒清潔，所以都好放心嚟用餐☺️餐廳有好多唔同款式嘅飲品供應，其中試過一款朱古力飲品，好香濃好好味😋行到攰攰哋都好肚餓，等緊雞煲期間，我倆先攞熟食醫醫肚，其中花椒白醋雞腳特別值得稱讚，酸酸哋辣辣哋，雞腳夠凍又爽口，又令我倆胃口大開😍雞煲到啦！店員細心幫我倆加熱雞煲，到時到候又幫我倆攪拌好雞煲內嘅材料再提示我倆食得了👍👍點咗小辣嘅雞煲，我比起他較為食得辣，所以我覺得都唔係太辣，但佢覺得都幾辣🤣雞好新鮮，唔多骨所以我好滿意👍加上雞煲加咗秀珍菇，好吸到汁，配合得好好、好惹味🤤食雞煲期間，一啲都無停手，我地可以同時韓燒😱餐廳有好多款肉類供應俾客人韓燒！韓燒板舖上隔油紙，令食物無咁易燶，餐廳真係夠哂細心👏我倆覺得牛柳粒好好味，醃得夠味，加上一啲都唔靭，我倆食到津津有味😋雞腎亦係我倆今晚推薦的☺️好忙，食完雞煲、食緊韓燒，又要加湯食火鍋🤣🤣🤣店員有問我倆有無需要換咗個煲，由於我想保留湯底有啲辣味，所以無換☺️我的他又忙住為我取食物😅因為已經半飽，所以都唔係食咗太多火鍋食物🤣我覺得餐廳嘅貢丸、墨魚

旺角任飲任食經濟之選疫情關係很久沒有外出食飯，實在好悶。近來見疫情好似穩定少少就約友人食晚餐聚一聚。openrice search 下見到呢間好抵食，每人唔使$200可以任食雞煲加韓式烤肉，一次滿足兩個願望。餐廳環境幾闊落，一班人坐也不會迫。門口中間位置有兩個食物自助吧，一邊主要菜、菇、麵等火鍋材料和少量熟食選擇，一邊凍櫃有肥牛、羊肉、豬肉、不同款式丸類，手打墨魚滑，蝦、青口魚片等。還有一盤貝類刺身。靠牆一邊是一排飲品櫃，飲品款式多元化，汽水啤酒茶都有。旁邊更有甜品櫃和雪糕櫃。因大家都不太食辣，所以雞煲點了BB辣，雞件肉質嫩滑，醬汁惹味唔會太辣。而且可無限追加雞件。食完雞後，可以去自助區拎火鍋湯底加湯做火鍋。火鍋爐旁邊就是韓燒爐，可以一邊火鍋一邊燒烤。爐面放了張吸油紙，可以阻隔油份，而且令食物唔會太快燶和痴底。原以為張紙好快會破要換，點知去到最後都冇穿冇爛。肥牛唔會太多肥膏，可以火鍋又可以燒烤。牛舌好爽口。菠蘿酸甜開胃，青口蝦都新鮮。總括來說食物飲品款式算多，質素都不錯，侍應服務態度良好，每人$200係旺角區好抵食，係朋友聚會經濟之選。

朋友是食好西愛嗜者,相約我到旺角 ~富盈火鍋雞煲專門店來擦一餐。 *雞煲火鍋韓燒放題 有八款鍋底選擇。 超好抵雞煲火鍋韓燒任飲任食。* 有多款調味醬混下,按下自己喜愛而調配。*燒烤食物 *火煱配料 *熟食 *飲品 這店食物包罹萬有,  當然有已醃好燒及火煱配料食物如肉類,  海鮮類 , 蔬菜類 , 丸類等, 並有已熟食物, 前菜, 冷盤,  甜品及飲品食物都幾多元化, 全都是自助出坐位外取食物。*前菜好開胃, 而小食不錯好香脆可口。*我地選擇招牌雞煲作為火鍋鍋底  有三種辣選擇 有BB辣､中辣､大辣 最後選了中辣 雞件食起上來,肉質嫩滑不鞋 , 辣來帶甜甜味道, 沒太麻感覺,而辣味富層次, 惹味非常!* 接著倒入湯,可以拾下拾下其他配料啦!拾下午餐肉､鵝腸､餃類､魚類等。*同時也燒~燒~  烤下彈牙的蝦､青口､魚柳､雞柳,仲可以炸雞串呢!*最後以甜品作為晚飯完美的句號, 雖已飽,見細細份甜品賣相好吸引, 忍不住食多幾件。

好耐冇同個朋友食飯佢又想食雞煲我又想食鐵板燒咁點算呢？喺網上見到位於旺角富盈火鍋賣相吸引，價錢公道，即管去睇一睇啱唔啱自己食。一入到門口好乾淨，好整齊，座位非常闊落，亦有好多卡位選擇。一坐低食咗雞煲先，然後再出去攞其他嘢食。我哋選擇咗中辣，黎到香噴噴，雞味好重，大大件，辣到非常之適合我同朋友，加埋秘製醬汁，非常滋味，食完先知原來雞都係任食，非常之抵，我同朋友都食咗三轉。基本嘅醬汁應有盡有：我嘅至愛指天椒要打邊爐嘅了大部份都有，豬肉牛肉非常吸引，燒賣都有。輪到我最鍾意食嘅鐵板燒：豬牛雞都好入味，蟹柳亦都係我最愛，如果怕豬肉肥，可以學韓國人包埋唐山菜同泡菜一齊。全部都係任食，冇理由飲品唔係，種類20多種，啤酒都係任飲，鍾意飲啤酒嘅你一定要來。最後雖然個肚冇乜空間，但係都要食返幾杯先走，因為雪糕都係任食。以呢個價錢，呢啲質素，真係好抵食，三五知己任飲任食。

以$200一餐喺旺角食嘢嘅選擇真係唔多，今次同朋友去咗旺角嘅富盈火鍋雞煲專門店，喺西洋菜街，地點非常方便。雖然話係雞煲放題，但係質素都唔錯，生炒雞煲，小小辣，很過癮，雞煲唔夠仲可以無限量任加，食完之後仲可以加湯打邊爐。如果唔鍾意打邊爐嘅朋友，仲可以喺隔離做鐵板燒。食物種類都算多，炸魚皮夠香脆，仲有新鮮手包雲吞，各種丸類亦很不錯。冷盤仲有海蝦供應。蔬菜類和飲品都有十幾款提供👍喺旺角市中心，呢個價錢真係好難得！

受疫情影響，最近好少出街食飯，朋友話在家吃到悶、好想出去食火鍋，我比較鍾意食雞煲，咁就揀咗旺角富盈，入到餐廳地方寬敞，服務員熱情招待，先問我哋食火鍋定雞煲，如食火鍋就揀湯底，我哋先食雞煲、有得揀BB辣、小、中及大辣，我哋唔係幾食得辣，揀BB辣就剛好，雞肉鮮嫩惹味，味道一流，服務員話先煮三分鐘就食最好，食完加湯底打邊爐，火鍋配料亦唔少，肥牛及黑毛豬都不錯，火鍋唔少得炸魚皮、水鱿及牛百葉都有供應，蔬菜又多款、洗得又乾淨。仲可以食埋韓燒，但要留肚食女仕最愛的甜品所以冇食，甜品廚師做得好出色，真係唔可以錯過，最後食埋雪糕大滿足，整體百多元可以食到雞煲，火鍋，韓燒加甜品，真係超值！

呢d時勢個個都唔敢出街食飯，平時旺角呢間雞煲專門店因為價錢吸引都幾快爆棚，今晚6點左右來到得我哋一枱⋯⋯空間好寬敞，座位闊落可以食勻韓燒、雞煲同火鍋，三重享受。仲有一d前菜、小食、甜品，種類頗多，應有盡有。雞煲我哋點左小辣雞煲，雞件本身煮到7成熟，成煲上之後再將佢完全煮熟。雞煲醬汁非常惹味，紅蔥頭、紅花椒、草果等等配料充足，雞件煮得剛剛好，保持到肉質好嫩滑。連埋炒香左嘅菇菌同埋芫茜一齊食，正！兩個人食一煲雞煲真係好夠飽，侍應仲問我地添唔添多次雞先打邊爐，佢話平時成班後生仔後食都添成4、5次雞🤣我哋添唔到喇，要轉打邊爐食下菜，西洋菜、唐生菜、娃娃菜等等都好鮮甜。食到飽要記得食埋甜品，全部自家製，有芒果慕絲、tiramisu、木槺布丁、牛乳布丁等等，細細杯，可以試多幾款👍🏻

星期日同朋友食飯，想去間有得坐低慢慢食慢慢傾計嘅地方，朋友提議食呢間，食過話抵食又幾好味，於是一行人就熱鬧打邊爐一坐底就黎左個雞先，點左少辣，好入味，雞件份量好足，啖啖肉，重點原來雞煲食完係可以REFILL，VERY抵打邊爐既其他配料就出去自助BAR到自取有蝦有魷魚有青口菜都多選擇仲有D熟食既小食，薯條、麥樂雞、鳳爪仲有好多款肉，打邊爐食肥牛係指定動作，但張枱食完雞煲同打邊爐既同時，仲有一個爐可以燒野食，我地係咁烤肉、午餐肉同菠蘿，雙重享受，同時可以嘆兩種唔同口感飲品仼飲，都好多款式揀，拍得住放題既飲品種類，竟然有啤酒都係任飲甜品有雀巢雪糕4隻味，仲有啫喱價錢已經唔貴 仲有好幾款海鮮可以任打, 同雞煲既雞件可以REFILL仼食埋單一個人都係180左右整體值得黎食，咁既價錢同質素同食物選擇，地方又大，坐得舒服，張枱D位完空間好闊唔使迫住食，屬性價比好高