寶字號刀削麵

Open Now

Now Closed

桂花雪梨：桂花雪梨是一道極具誘人的開胃菜。雪梨鮮嫩多汁，質地軟綿，口感極佳。加入香氣撲鼻的桂花糖漿，為雪梨增添了芬芳的味道，呢個前菜有消暑清熱的功效，絕對是享受甜蜜滋味的絕佳選擇鹵肉飯：鹵肉飯是一道令人垂涎欲滴的美食。嫩滑多汁的豬肉與香氣四溢的鹵汁完美融合，使每一口都充滿豐富的口感和濃郁的味道豬肉刀削麵：豬肉刀削麵是一種令人垂涎欲滴的中式麵食。刀削麵條富有彈性，口感綿密。搭配鮮嫩多汁的豬肉和香氣四溢的湯頭，麵條的Q彈口感幾正！油菜：它的葉子嫩綠多汁，口感脆嫩，帶有微微的甜味。紅薯條：紅薯條是一種口感香脆、味道甜美的小吃。紅薯切成條狀後，經過炸製，表皮酥脆，內部柔軟綿密！夠晒熱辣辣咖啡檸檬茶都味道不錯

朋友知我鐘意食刀削麵，專登帶我去到荃灣呢間有齊我鐘意食嘅嘢，d回憶返晒泥呀！叫咗個超值雙人套餐都係$148，有兩個主食加兩小菜仲有兩杯歋飲品添👍寶字號滷肉飯， 滷肉飯好大碟呀💯好得意㗎個飯有兩種顏色，分開綠色同埋紅色，綠色就全部都係菜啲菜切到細細粒好易入口仲好爽好甜，另外嗰邊就係滷肉啦滷肉好多汁㗎撈埋一齊食加埋菜真係好好味呀💯西紅柿雞蛋刀削麵，碗面勁大碗呀💯其實呢個係咪四人餐嚟㗎😅😅刀削麵又彈牙又大條又爽口又好味 加埋啲蕃茄湯同埋蕃茄蛋，簡直係將成個蕃茄蛋倒落碗麵度成個餸咁呀👍👍😋😋好味都不得了呀😋😋蔥油木耳同雞米花，呢兩個小菜係正常裝呀👍👍所以呢好大份呀💯雞米花炸到脆卜卜好好味㗎❤️❤️仲有就係木耳好爽辣辣地惹味🥲💯檸檬茶同咖啡，咖啡好特別㗎，佢哋係用即磨咖啡㗎☕️所以啲咖啡味好濃好好飲好香㗎“正”見到佢有個肉夾饃以前喺北京喺山西玩嘅時候，成日都食肉夾饃㗎😋😋 呢個套餐$53有肉夾饃、醬骨架同桂花雪梨， 肉夾饃好多肉喺裏面個饃燒到脆卜卜 好嘢味，醬骨架好大舊配埋手套畀我哋搣嚟食，好多肉㗎你睇下😋😋最吸引嘅就係呢個❤️桂花雪梨喇😍好淡淡雪梨肉仲有桂花嘅香味有少少橙嘅香味💯呢消暑又滋潤，呢啲天氣

經過荃灣，見新開的刀削麵，係來自山西的正宗刀削麵，而且有辣有唔辣，仲有飯類選擇，都好岩港人口味。服務貼心，老闆好熱情又會推介食物，店員勤快。我點左一個麵同小食，仲有必食肉夾饃，咖啡係即磨，但我點左奶茶，都好夠茶味。有多款口味的刀削麵，亦有炒麵/拌麵/飯，湯底也有數款選擇，真係樣樣都想食。小食款式有20多款，很有風味，價錢合理。蕃茄雞蛋刀削麵 $48真材實料，大量蕃茄肉煮成濃郁湯汁，加雞蛋有營養又健康好味，湯汁酸甜開胃，配滑溜有筋道的刀削麵，有咬口好好味。份量十足好抵食，一碗都好夠飽。麻辣魚片 $48辣度唔高，易入口，魚片嫩滑爽口，沾滿辣油，入口麻辣鮮脆，而且無骨，可以啖啖肉。肉夾饃 $28即點即烤，熱辣辣好岩冬天食，饃好酥脆好香，夾左勁多肉餡，係肥而不膩，肉嫩多汁的五花腩肉。味道濃郁，肉味重，好滿足。

好耐冇食過刀削麵🐒 最近先發現公司附近有一間主打刀削麵嘅餐廳。最特別嘅係有五款湯底可以選擇，冬陰功、酸菜魚、蕃茄、鮮雞同麻辣湯，有辣有唔辣。第一次食，當然要試試佢哋嘅招牌，五大王牌刀削面。寶字號豬肉刀削麵湯底鹹鹹鮮鮮，每一口都有豬肉碎味。刀削麵亦唔會切得太厚，薄薄一條，掛湯能力OK，口感亦唔會太軟腍。山渣汁酸酸甜甜，幾好飲！另外叫咗一份口水雞小食，雞肉夠嫩滑，重點係個辣汁同芫荽非常夾，雖然覺得有少少辣，但都忍唔住一啖接一啖🤪

經過見到呢間新開嘅刀削麵店，見入邊都好多人食緊，我都入去試一試😆😆鮮雞湯刀削麵 $46 （跟1餸）鹵牛肉 豬肉小丸子+$10鮮雞湯好濃郁，非常鮮味刀削麵口感彈牙，不錯鹵牛肉同豬肉小丸子都整得好好👍蔥油小木耳 $28木耳味道啱啱好，非常開胃😆😆凍奶茶 跟餐$5係港式嘅凍奶茶，茶底都幾好濃郁🤭羊肉串 $20最驚喜係呢個羊肉串羊肉一啲都唔羶，而且孜然嘅味道啱啱好👍👍食完好想再叫多一串，可惜已經食得好飽🥹

豬頸肉刀削麵，豬頸肉是比較鮮嫩多汁的部位，刀削麵則是一種手工製作的麵條，形狀較寬厚。口感有嚼勁！肉夾饃是一種中國傳統的小吃。它由麵粉製成的外皮包裹著內餡，內餡是豬肉，外皮變得柔軟。麻辣韭菜具有獨特的香味和口感，麻辣韭菜帶有辛辣和微麻的味道，口感上有嚼勁和麻辣的感覺。酸辣雲耳有彈性且口感爽脆的食材，將雲耳與醋、辣椒和其他調味料一起炒製，使其味道酸辣開胃

放工同朋友食下飯，本身諗住食茶仔，但好多人等位，見隔離開左間新刀削麵店，店名叫寶字號咁有霸氣，就試下佢先。店內幾大，光猛冷氣十足，牆上裝飾好有國内氣味，仲有市級非物質文化遺產的牌匾😆先看看餐牌，有一人餐、二人餐、自選湯麵、小食、串燒等，食物選擇蠻多呀。那就點一個二人餐，再加個小食添啦😋⭐豬肉刀削麵揀了招牌的豬肉麵試試，是豬肉粒配上濃濃的豬肉湯，湯底鮮味，刀削麵有咬口，吸飽了湯汁很不錯。⭐辣椒炒肉刀削麵另一款揀左炒麵，上枱時香味十足，有辣椒、白木耳、豬肉條同炒，辣椒已去籽，所以只係微微辣，挺惹味的😋⭐小酥肉跟餐小食揀了小酥肉，炸得香脆👍⭐紅薯條另一款小食就揀左紅薯條，原條蕃薯切條再沾粉炸，香甜脆口😋⭐肉夾饃另加的小食肉夾饃，好有名的小食但又未食過，就點來試試，點兩個有優惠喲～饃酥香，裏邊的肉有點五香肉丁的感覺，滿滿的肉汁被饃吸收了，整體香口味美，又真係幾好食喎🤤⭐凍檸茶餐飲點了凍檸茶走甜，食左咁多肉，飲返杯酸野去去膩剛剛好。小店無加一，幾好食又唔貴，值得一試😋

途經荃灣兆和街經過見到呢間刀削麵剛剛新開就入去試一下,叫咗一碗豬頸肉刀削麵,點知得兩枱客個侍應都會落錯單,侍應放低了碗刀削麵上面有幾粒碎肉,初頭我以為豬頸肉另上的都算數,等一陣豬頸肉還未上我就問侍應,侍應睇一睇單佢話原來幫我落錯咗豬肉刀削麵,係招牌麵好正的,心諗下！得幾粒好似五香肉丁形狀嘅豬肉,算啦費事換落錯咗就算,點知食落湯底勁咸麵質正常但豬肉得幾粒,仲話係招牌！食淨咗大半碗實在太鹹已經食唔到落去,算了不跟他計較沒有下次永久blacklist！

喺荃灣諗住簡單快脆食啲嘢，路過呢度，似乎係新開，於是就決定入去試吓🤩呢度有幾款 $79嘅「超值單人飯套餐」，主食3選1 揀咗「寶字號滷肉飯」，小吃3選1 揀咗「小酥肉」，飲品（冷熱飲）4選1揀咗「熱檸茶🍋☕️」；另外 $18 加一碟「白灼時蔬」🤣「寶字號滷肉飯」：大大碟飯，滷肉3成肥7成瘦，滷得好甘香🤩，旁邊仲加咗啲切碎咗嘅菜心😋「小酥肉」：一條條炸得香口幾好味😋「熱檸茶🍋☕️」：紅茶底夠晒濃郁🤩「白灼時蔬」：時蔬係菜心，簡單爽脆好食😋食得非常飽嘅一餐🤩

今日聽朋友講荃灣開咗間新嘅刀削麵，作為荃灣刀削麵嘅粉絲，當然第一時間嚟試食啦。「寶字號刀削麵」呢間舖嘅開張時間係星期四即係19/10/2023地理位置就相當方便喇喺荃灣嘅兆和街附近都好多餐廳。環境方面大概可以容納30人，坐得都鬆動由於新裝修嘅關係光線都好足夠，有啲似國內嘅小店形式店員都有禮貌嘅會推介菜式豬肉刀削麵見佢依個麵係舖頭嘅招牌，於是就叫嚟試下喇，豬肉方面係五香肉丁嘅size肉碎，味道係冇咗辣味嘅五香肉丁，只有五香粉味。刀削麵方麵，唔係粗幼不一，似係麵餅個隻，食落有彈下，有麵粉香味，浸耐咗都唔會好冧，湯底方面係用醬油加五香粉，食完都唔覺口渴相信味精唔多，但可能我叫豬肉嘅關係，湯底偏油。肉夾饃呢隻肉夾饃係用白包皮整嘅，並唔係酥皮，豬肉方面肥瘦均等，肉碎裏面仲有小量青椒，夾埋一齊都好食嘅，但就唔係酥皮肉夾饃囉。今餐食咗80蚊，喺荃灣開刀上面嚟講呢間算一般啦，下次我會試過炒鱔糊都上面再評價嘅。