小排檔懷舊車仔麵 (Closed)

飢詩一向重口味，見到小排檔新出嘅櫻花蝦xo醬 諗住支持下小店 買嚟試下， 食過就知很有驚喜 😍😍包裝簡潔而精美的盒子內，有兩包櫻花蝦xo醬 😚 睇下包裝袋的櫻花蝦，真係多到嚇死你， 目測九成以上都係櫻花蝦👍👍👍， 唔似得嗰啲 大牌子咁 一半都係油 另一半係疑似金華火腿 加少許瑤柱。櫻花蝦xo醬用嚟撈飯， 佢有啲辣， 落咗少少已經夠撈半碗飯 😁😁 辣得嚟帶點香很惹味😋再用來放在湯麵裏吃， 湯汁將部分辣味帶走，這樣子就吃到櫻花蝦本身的甜味，很讚啊！😍😍 價錢很實惠， 推廣價 88蚊 🤑 ， 至於仲有冇貨訂就要問下店主 Gigi 啦 🤗🤗🤗飢Point : 9/10#hungermarch #飢詩 #非飢詩

士別一年，估唔到我仲會打食評。香港地，利字當頭，各家自掃門前雪, 對社區只是冷漠應對，但這次真的被小店感動了我, 重出江湖.小店在經營艱難環鏡仍派發麵劵給老人家, 略盡自己所能回饋社會, 相比起集團食肆, 人性化得多, 默默貢獻社會.位於車房區域, 主打街坊生意, 但車仔麵絕不比深水埗的遜色, 而且有心回報老人家, 作為食家只能靠網絡平台幫助, 用筆輕推小店.閒話不說, 直入食評, 首先店鋪雖小，但仍有大概十個堂食位置, 不過座位一定不會太舒適.本人點了一個車仔麵餐, 有不少值得推介食物.自家制菜圃: 打開蓋子已聞到蒜辣香, 配以麵食, 相當過癮, 而且只屬小辣, 附合大眾口味  (8/10)准山線絲: 本身喜歡食准山, 故特意一點, 雖然沒有准山的爽脆和味道未算凸出, 但口感較彈牙, 最重要係無帛水味. (8/10)白雲豬手: 想像成茶樓的白雲鳳爪, 如出一撤, 但啖啖肉,  清潔乾淨, 沒有豬毛, 是小店出色的配菜之一 (8.5/10)蘿卜: 大大舊, 清甜無渣, 沒有一絲苦澀味. 咁大舊蘿卜無渣, 而且吸湯, 非常正! (9/10)咖哩魷魚，牛肚: 都是一般車仔麵貨色, 沒有太特

一個人到深水埗購物, 最好就是幫襯小店食簡單的東西了, 今日選了這間車仔麵店來試試, 每次到一個不常去的地方, 總是想找新的食店, 嚐嚐新的味道。小店原來真的蠻小的, 店內只有數個座位, 還好我來到時已過LUNCH最多人的時間, 還可以舒舒服服的坐。車仔麵可選六款餸, 正在苦惱期間, 店員主動來介紹人氣NO.1-3, 包括白雲豬手, 醬汁魷魚, 糖心蘿蔔, 一於就這三款之上再選上蠔油冬菇、滷水雞翼和紹菜吧。飲品選了瑪卡蜜, 還是第一次喝, 原來是新的健康飲品, 瑪卡據說可提升免疫力, 味道方面是蜂蜜的甜中帶甘香, 幾特別。紹菜即是黃芽白, 這款菜是頗甜的, 切到細件容易食; 糖心蘿蔔非常的甜, 而且超細嫩無根, 皮應該批到好深入, 蘿蔔令我想ENCORE; 醬汁魷魚就是水魷吧, 本身沒什麼味道, 就只是爽口, 醬汁為其添味; 冬菇比想像細小, 稍欠口感, 蠔油味濃; 滷水雞翼好入味, 夠大隻, 肉質尚算滑。麵的選擇蠻多的, 想過選銀針粉但覺得麵類較相襯吧, 就揀淮山麵線, 類似的麵線我之前買過來食, 質感爽口滑溜, 淮山味不突出, 但感覺健康。白雲豬手是鎮店之寶吧, 似有點酒香, 口味

之前電視節目訪問過呢間車仔麵嘅老闆娘， 欣賞佢嘅堅毅性格 ，知道係深水埗區 ，今日順路過嚟食碗車仔麵。鋪頭細細但乾淨企理， 今日同老闆娘緣慳一面， 細佬坐陣， 也相當親切有禮， 見到唔少熟客， 同佢有傾有講。叫咗六寶套餐$42， 即係有粉麵加六款餸 (不論價錢) 細豆漿。咁抵， 就咁啦。揀咗淮山麵線， 因為車仔檔好少呢隻麵， 幾爽滑，唔錯唔錯 有六種醬汁選擇， 心大心細 ， 終於揀咗腩汁，但係佢哋好好畀咗一小碟沙嗲(唔辣)我試， 的確唔辣但係好惹味糖心蘿蔔 ，的確好甜而且冇渣 爽口豬皮 ，食車仔麵食豬皮最正， 豬皮爽淋適中，索曬啲湯汁秘製牛坑腩，秘製金錢肚，秘製牛筋，全部都 好淋好入味， 而且份量不少仲叫咗人氣No. 1 嘅白雲豬手， 酸酸地，微辣， 夠爽口 ，好抵食。枱面仲有自家製嘅辣菜脯， 加少少落去， 刺激味蕾， 好過癮!自家煲嘅瑪卡蜜， 瑪卡含豐富營養素， 對人體有滋補強身嘅功用， 甜甜地， 幾滋潤。舖頭細細但會派發惜食麵券👏👏👏

主打多款懷舊同特色味道的小排檔車仔麵雖然地方細小，但真係食出滋味六寶麵套餐 $42加錢點了個淮山麵，爽口得嚟掛湯能力好高餸選了好甜嘅蘿蔔爽口麻辣豬耳，少有的果皮魚旦，蠔油冬菇，牛栢葉，豆卜，加少少豬油膏香好多，仲有必落辣菜脯提味更高醬汁魷魚$12 好入味香濃好正喔白雲豬手 $12外皮爽口身脆口，入面好嫩腍，夏天食好正另外必試瑪卡蜜$20清潤得嚟仲好多攻效重點：逢星期六晚上7:30-8:30仲會有個惜食麵活動，持有長者咭可免費領取一份

行行下突然落大雨，仲愈落愈大，好在行到呢間車仔麵檔，咁就食番碗車仔麵兼避雨啦！麵檔外面嘅餸菜圖片好吸引，入面雖然舖位細細，但好乾淨企理，仲有埋電視睇。見唔少熟客街坊幫襯外賣，老闆娘幾健談，佢仲介紹我地食新推出嘅淮山麵線，而佢推介嘅飲品：薄荷薏米水，係老闆娘嘅新發明，連餐牌都未有架！薄荷薏米水呢排又濕又熱嘅天氣真係令人好煩躁，老闆娘推介自家製薄荷薏米水，味道非常特別，有別於一般涼茶，薄荷味清新冰涼，薏米解暑去濕，甜度適中，真係好好飲，老闆娘冇介紹錯！自選餸有唔少選擇，價錢都幾抵，$42已經有六個餸仲有細豆漿送，亦可以分開叫。呢度嘅人氣龍虎榜三款餸：白雲豬手、醬汁魷魚、糖心蘿蔔，點都要叫黎試下。白雲豬手不愧為招牌菜，真係幾好食，皮脆肉爽，甜甜酸酸，非常爽口，好適合悶熱天氣食；醬汁魷魚醬汁夠濃， 魷魚有咬口得黎唔會韌；糖心蘿蔔真係幾鮮甜，白蘿蔔好靚，唔會有澀味；陳皮魚蛋好特別，第一次食，辣辣地幾惹味。朋友叫嘅淮山麵線，麵線真係好爽滑，朋友唔食得辣，老闆娘特別幫佢加左少少唔辣嘅沙嗲醬，長洲大魚蛋真係好大粒。老闆娘話今日菜心好靚，所以叫多左碟油菜，菜心真係好靚好嫩綠，老闆娘話係用豬油炒，唔怪得特

今日嚟到深水埗， 一支公你都冇乜好食就試下呢間門面都幾企理的車仔麵見到都幾多人食， 我就叫咗鹵水雞翼鹵水汁醃得好入味， 雞肉嫩滑墨魚丸同貢丸， 貢丸爽口彈牙墨魚丸口感豐富。最後仲叫埋 豆腐卜 醒醒胃。豆腐撲朔咗湯汁， 非常惹味面底叫咗拉麵底， 拉麵煙韌彈牙並非一般行貨最正就係呢個老闆自駕親手調教的沙嗲醬沙嗲醬唔辣， 非常非常嘢味 一試難忘仲有呢間老闆秘製的菜譜，菜脯少少辣， 放兩 匙羹 在 湯 中 味道 千變萬化飲品叫咗一支老闆親自調教的馬卡蜜瑪卡物係中藥配製而成滋潤養顏飲完之後有回甘感覺

今次第二次來，第一次來吃不到糖心蘿蔔，經老闆預留之下今次可以吃到很快售罄的糖心蘿蔔，很鮮甜，很好味。今次也試了上次沒有試的白雲豬手，同樣地出色，爽口的皮質加上酸酸凍凍的味道，作為餐前小食實在一流。

在朋友帶領下來到這家小店舖嘗試，在這條車房雲集的小街內，這家小店舖是不太顯眼的，而且坐位不多，即使我們在非繁忙時間到達，也需要稍後片刻才能入座。如駕車前往，有可能被鄰近車房的車輛遮擋著這家小店舖門口，令駕駛者看不到，亦因為附近有太多車房的車輛停泊，很難找到位置泊車，需要預留時間泊車，又或者可泊在附近福華街的咪錶停車位，之後步行大約一至兩分鍾便可以回到這家小店舖。到了真正吃入口的時候，完全覺得值得等待，無論麵、湯底、餸、菜，都是很好味道及很新鮮。

已經兩年沒有寫食評了，想不到再次讓我寫食評的是一碗車仔麵！在好朋友介紹和Google Map的幫助下，來到這家深水埗的小麵店！「麵店雖小，五臟俱全」單純是麵的選擇就有14種之多，餸菜的選擇也比一般的麵店為多！而我選擇了自選六寶麵：麵底:油麵六餸:-糖心蘿蔔(超甜)-時菜(每天有兩款，當天我選了小白菜）-西刀大白旦（King Size白魚旦)-滷水雞奕(皮爽入味)-醬汁魷魚(整碗麵的highlight) -豬腸醬汁:大辣咖哩汁(其實是自己拿不到主意，老闆介紹的。結果，是很驚喜的味道！和整個麵很配、很香！）*真心推薦！真的很正！

其實大王同李錦聯未介紹之前，我經已試過小排檔車仔麵～ 本身都多人幫襯，介紹完之後，成日都好早收舖⋯舖仔細細，但係都幾多人幫襯，所以我就比較鍾意買外賣～食開例牌：粗麵、長洲大魚蛋（彈牙）、酸齋（索晒咖哩汁食，一流～）、醬汁魷魚（香）、菜，必配大辣咖哩～聽講佢地嘅牛腩都好正，成日好早就賣晒⋯ 小排檔有自家煲涼茶，仲有個瑪卡蜜都好正架～老闆同老闆娘好人又健談～ 不過佢地逢紅日唔開⋯好似食到會上癮，耐唔耐就會走去食～

6餸車仔麵+細豆漿 盛惠$42首先，車仔麵無梘水味係最～重要嘅！是日嘅粗麵都無令我失望 (yay)餸料以喜愛程度排序💛：豬紅好好食😋，唔會一夾就散，而且十分入味。豬皮無毛，亦一樣入味，而且夠爽口，唔係薄zit zit 軟lai lai果種。陳皮魚旦真係有陳皮味😂 好有以前嘅味道。豬腩肉都夠爽口，但係厚切好有罪惡感🙈牛柏葉很正常，而醬汁魷魚就略嫌淡味，不太食到有醬嘅味道。雖然距離地鐵站不太近，但味道夠好，環境乾淨，一定再有下次！🙋🏻

車仔麵真係其中一樣香港人嘅文化精髓唔同味道嘅餸菜放落同一個碗， 唔同嘅醬汁融合之後， 可以異常地好味！食車仔麵我都算挑剔㗎啦，我食開嗰間係銅鑼灣，我覺得係最好食嘅。 今日居然喺深水埗搵到另一間。 每一間車仔檔都有佢哋自己特色好味嘅食物，今日索性叫老闆娘自己幫我揀 ( 算唔算港式omakase 廚師發板呀)， 好在佢都得閒招呼我，因為已經過咗lunch peak hour老闆娘千叮萬囑我一定要落佢哋嗰個自製辣菜脯， 少少辣少少甜， 原來辣菜脯唔係淨係同食粉仔先夾到。講番啲餸，個豬皮真係冇得頂，本身好厚身亦好爽脆， 吸收曬煮嗰時個湯汁嘅味道， 咬落去啲汁咇返出嚟㗎。 豬紅，老闆娘話今日唔係最靚，佢話平時果啲係再滑d，我覺得今日果d已經好正啦喎！ 麻辣豬耳， 耳軟骨係爽口得嚟又帶微微嘅麻辣味。 牛坑腩好淋，濃濃嘅牛腩汁味。 如果嫌水鱿淡淡地冇乜味，醬汁煮魷魚就係好選擇。一定要講下個白雲豬手, 爽口得黎滲出一浸醋酸味， 跟住又食到少少甜味。 老闆娘真係好鬼好人！專登搭咗幾嚿豬手筋俾我試，佢話識食一定係食呢幾舊。 可惜係可遇不可求…… 因為呢啲細細嚿嘅筋會 沉咗落去個盤底。 唔係想夾就夾到，一定

今日經過一間店鋪細小，地方整潔，有懷舊風味嘅車仔麵鋪，我就入內試下，我左看右看吓，叫左六寶麵加咖哩汁配河粉。店員推介我食豬手，其實我對豬手感覺麻麻地，因為好似好肥咁，不過係店長推介下，又不仿試吓。40元有6個餸加麵超低，無咩地方食到，味道唔錯，咖哩味夠辣，河粉幼滑，魚蛋、腩肉，豬耳，冬菇都好好食。店長推介嘅豬手，食完令我對豬手感覺改觀曬，表面果層不肥膩，仲爽口，肉質有口感。真係介紹無錯，下次再食。我飲左瑪卡蜜，呢個飲品唔係周圍都可以飲到，味道唔錯，甜甜地。有消除疲勞作用。適合我容易疲倦嘅人飲，好過飲咖啡健康D。

今日經過深水埗，見到間小店外貼上好多圖片，有魚蛋,魷魚，咖哩雞翼尖，牛柏葉等，都係車仔麵嘅餸，非常吸引。店長好熱誠，好親切。她推介我食首創准生麵。最低食係6寶麵，即係任選6種餸加豆漿，如飲自家煲嘅涼茶就要加錢。我當然選准生麵，豬手，豬皮、魷魚，蘿白、豬紅、牛腩。先講吓准生麵，麵質爽滑彈口，好食過拉麵。豬手係冷盤，面層雪白骨膠原特別爽口，再加上小小醋，酸甜清膩，增加食慾。魷魚入曬醬汁味道，都幾彈牙好食。我配左果沙嗲湯底，本身唔辣，但我加左店鋪內自家制辣菜圃，立即開謂起來。店長話菜圃是自己切粒的，特別容易入口。辣味十足。另外我特別要讚嘅係佢地嘅自家制涼茶，今次飲到夏桑菊，好飲好解喝，消暑一流。另外我朋友都叫左6寶麵配河粉咖哩汁。飲瑪卡蜜。咖哩汁夠濃夠辣好有懷舊味道，尤其魚蛋好好味，豬腩肉豬耳都好爽口。瑪卡蜜清甜解喝，仲可以消除疲勞。呢個時候飲最適合。