川粵米線大王 (Closed)

隨便食個晚餐，去咗附近食酸辣米線，不過最尾都係揀咗麻辣， ＄30一碗左右腩肉麻辣米線入面嘅腩肉較瘦，不過食起嚟都唔算太鞋。醃得甜甜地鹹鹹地。米線質素比較一般，因為佢煮太耐太林同埋本身質素都麻麻。反而湯底有啲意思，佢個麻辣真係夠香，食起嚟刺激得來又唔會食厭。美中不足嘅地方係米線份量並唔多！

紅磡其中一間望落唔掂，食落好OKAY既餐廳一定係食米線先，麵既分量好多，絕對食飽有突。料方面就點左墨魚丸同蘿蔔蘿蔔都算淋身，但係就多左啲榨墨魚丸個量比一般出面既米線連鎖店多，亦唔太食到好冰鮮既感覺，都食得好滿意最後，餐廳環境其實一般，主要既客人係勞工，太注重環境既就未必岩佢地啦

係紅磡黃埔個邊搵野食，肚餓之際見到一間係食米線既地方，入到去即刻揀左酸辣湯米線。 不過落左單等左起碼15分鐘先至到，本身已經好肚餓啦😡仲見到其他人較遲落單個但係都好早就有野食魚皮餃同埋水餃都係急凍食品冇咩特別，分量黎講算係比較細份米線方面就比較林身欠缺彈性，湯底選擇微辣所以辣度不是很高湯底我很滿意但是上菜既速度以及店員既態度絕對需要改善一開始揀食咩既時候有d催我落單咁既樣，洗唔洗咁趕客😡

川粵係紅磡有兩間分店，兩者隔三分鐘左右路程，新店大d舒服d,不過我情有獨鍾，大學開始食到依家都係黎舊店呢邊 。米線(轉左薯粉，唔洗加錢)同口水雞有得分開叫大中細辣，個人覺得米線細辣就夠，辣油太多會好油膩。反而口水雞可以自己選擇下，中辣都唔過份既！口水雞既味道同譚仔唔同，好難詳細形容，比較香同濃啦！個人鍾意呢度既味道多d 。重點係雞好好好滑！薯粉較粗身彈牙，加埋凍飲都係$35,平靚正啦！

從未寫過食評但係太嬲所以唔講唔得!!早排放工經過見到諗住同男朋友試下。一入到去有個伙記就咁話「入面啦」, 但條路太窄加上人多, 完全睇唔到邊度有位仲可以坐，行入去都成問題。之後始終搵到入面有2個位(要搭枱), 但有2個客坐左係走廊位所以我地叫佢地讓一讓俾我地坐埋邊位。唔知佢地聽唔到定點, 完全無視左我地-_-" 跟住問題黎喇！其中一個伙記見我地企係度仲未坐低就即刻西哂口面兼大聲咁鬧我地「坐啦！有位就坐啦！」嘩x當堂激起我把火!!我係黎俾錢食野唔係黎受氣!!我知呢d地方服務態度一定都係求求其其, 但唔代表可以接受去鬧個客囉!!我只不過係想搵個位坐都要俾個伙記鬧, 就算野食再好食我都只會覺得呢間野係垃圾!! 所以最後我一句回佢話唔食之後拉走左我男朋友離開!!

成日聽人講話紅磡啲辣野好正 所以就黎咗試下先店面細細 但其實都坐到幾多人嘅 入到去 好多招牌菜已經寫哂嗰牆 我今日就叫咗口水雞米線 加紅油抄手口水雞唔辣 係麻 超級麻 😂所以分開上米線既店家好有心雞都算滑嘅 但其實我分不太清 因為舌頭已投降了紅油抄手就一般啦 餃子皮煮太腍了 一夾起就破了

豬軟骨米線 正宗重慶麻辣湯底($35)辣既程度可以揀小、中、大、勁同超既，本身自覺都幾食得辣叫左大辣黎試。碗麵一上枱，見到個樣已經有d失望。😒一睇就覺得完全一個味精湯底再加d辣油落去咁。你地睇張相，話係大辣你地感唔感受到先？？好啦食落去，對我黎講只係略有辣味，重點唔係佢夠唔夠辣，因為辣唔辣真係好主觀。係講緊佢既味道，辣味好單薄，亦無麻辣果種香氣亦食唔出果種味道。說好的麻辣呢請問？Ummm...仲話係正宗重慶麻辣湯底.........我只係食到一個味精湯底加左啲辣油落去咁。。。個豬軟骨就做得唔錯，啲軟骨位口感適中，而且份量都幾多件。但對個辣真係好失望 

朋友說要吃米線，就來了這間店這個超級大王有很多料，選了重慶酸辣湯底，挺好吃的。這個擔擔麵就很一般，可以不點水煮肉片很好吃，下面有很多菜和豆芽紅油抄手挺爽口，之前吃的好像沒有這麼多湯還是這家店的特色？這個好好吃，下次來一定要再點，那個醬汁調得剛剛好這一頓只花180多，真便宜。

呢間已經唔知食左幾多次，但真係水準穩定而且價錢平又好食~水煮魚，應該係大魚，但真係好滑好滑~好入味!個底d大白菜同大豆芽超正!大腸同蒜泥白肉都好好食~今次唔嗌小菜，試左佢個豬肘炸醬米線~一試便愛上~豬肘d既骨膠原令我一食完就覺得皮膚靚左好值得推介既小店!

Don't underestimate the amount of spiciness as listed on the menu! My first time eating here was a year ago and even though I can eat pretty spicy, ordering the noodles at super spicy was one of my biggest regrets. This time, I ordered mild spicy (Which is already pretty spicy) noodles with fish balls, beef slices and pig intestines. The broth has a spicy sour taste. Noodles are chewy and the ingredients are perfectly cooked. I would also suggest for people to order the dried noodles (which are

之前，小新同班朋友温完書就會落黎食個米線，貪佢味道濃郁，而且上菜快手咁就趁愛麗絲上完堂未有野做個陣帶佢見識見識啦小新就照舊要左腩肉加牛肉，微辣。一方面，佢大約15分鐘就上到菜，效率絕對係有保證講番個米線先，首先麵既分量好多，絕對食得飽，仲要係唔淋個下先 。腩肉分量都好多，食落口有啲油膩，不過濃濃既味道都可以中和到啲油膩感 牛肉就微微老左一點，咬起來比較老身，如果可以煮得嫩一啲，配合佢微辣既醬汁，用黎襯米線真心推介愛麗絲就點左墨魚丸同蘿蔔，清湯 佢就覺得蘿蔔都算淋身，但係就多左啲榨。 墨魚丸個量比一般出面既米線連鎖店多，所以佢都幾滿意最後，餐廳環境其實一般，lunch hour主要既客人都係一啲勞工，可能環境會比較噪，如果想安靜啲既話，最好就下午個段時間啦

店名:川粤米線大王地址:紅磡黃埔街22號地下好味指數：7.6/10價錢：$15麻辣涼粉涼粉份量足夠，質感清涼嫩滑，味道夠辣，但不夠惹味。店名:川粤米線大王地址:紅磡黃埔街22號地下好味指數：8.3/10價錢：$24蒜泥白肉這是今次點的最好味的一款。白肉份量足夠，質感嫩滑，味道可口。上面鋪着的蒜泥非常均匀，而且入味。店名:川粤米線大王地址:紅磡黃埔街22號地下好味指數：7.8/10價錢：$33宮廷豬軟骨米線(中辣)包飲品一杯米線辣度比中辣的差了大一截只是微微紅色，看似不太吸引。試了後一口後真的不夠辣，湯底沒有什麼味道。米線質感嫩滑。豬軟骨有大約五件，肉質嫩滑可口，味道不夠突出，可更濃味。店名:川粤米線大王地址:紅磡黃埔街22號地下好味指數：8/10價錢：$33重慶口水雞米線(大辣)包飲品一杯口水雞味道夠，不過不是很特別，亦不是特別好味。雞尚算嫩滑，肉質可以。米線夠辣，但湯底沒有什麼味道。米線質感嫩滑

細個開始已經愛食酸，麻同辣味所以至入去食口水雞唔錯，但唔辣湯底黎到就覺得似係清湯加辣油估中左味道真係冇咩味，唔酸唔麻，以為普通一碗有啲辣嘅湯麵都算但食食下突然有麻味，原來落左幾粒花椒...但個湯係冇入到味...其實小食望落好似ok選擇多價錢唔貴但未諗好佢已經想吹落單三十幾蚊可以食到好食幾倍嘅麻/酸辣米線/薯粉

細個已經中意食麻，酸同辣味野所以至入去食...口水雞係唔錯，但唔辣湯底黎到就覺得似係清湯加辣油估中左味道真係冇咩味，唔酸唔麻，以為普通一碗有啲辣嘅湯麵都算但食食下突然有麻味，原來落左幾粒花椒...但個湯係冇入到味...其實小食望落好似ok選擇多價錢唔貴但未諗好佢已經想吹落單三十幾蚊可以食到好食幾倍嘅麻/酸辣米線/薯粉

因為工作關係，我間唔中都要黎黃埔做野，所以有時都會黎黃埔街食飯。一向都好鍾意食米線既我，今日同同事2個人黎左「川粵」食米線，我自己就叫左個小辣米線配豆卜同冬菇，大家再叫左個麻辣豬耳share。有別於某著名雲南米線專門店既係，呢到連小食都可以揀辣度，今次我地揀左小辣既豬耳。小辣既米線比想像中既唔辣，但係辣中帶香，好好味。呢到既豬耳有別於一般雲南米線店食到既，呢到既豬耳係一條條既，口感爽脆入味，而且除左有豬耳之外，仲有好清爽既青瓜配襯。