川粵米線大王 (Closed)

因為在附近上學，已經光顧過無數次這家店的口水雞。本身不能吃辣，但很喜歡辣的味道，幸好這家店的口水雞與米線可分開選擇辣度，我每次都點小辣的口水雞及清湯米線，味道剛剛好。口水雞一小碗的，但份量也不少。相當喜歡其調味，辣味令味蕾有點麻，但仍能品嚐到莞茜、香蔥、花椒等味道，非常過癮。不能吃辣也不用失望，因為可點不辣的口水雞，味道亦很不錯。其香料同樣令味蕾有點麻，卻沒有辣的味道，很特別，令人一試難忘。

每星期有一日係紅磡返工，一定會去川粵食口水雞水線，酸辣少辣，凍檸茶，宜家諗起都肚餓呀。口水雞汁好好味，我會撈埋落湯送米線，本身湯底酸酸辣辣好夠味，口水雞又滑又好味，真係會上癮！仲有其他小食一樣好味，不過有時好多人要等下。

今天沒事做，就打算去土瓜灣黃埔一帶搵吓好嘢食，點知去到目標餐廳門口，一張紙寫著“放假一天”，令我們的計劃打亂了。於是就唯有用最原始的方法搵食，民意行先。見到呢間川粵米線大王，人流不斷，一於去馬！！重慶口水雞酸辣米線（微辣），口水雞是中國四川和重慶地區常見的冷盤食品，調味料有薑、蔥、蒜、鹽、糖、醋、酒醪、醬油、紅油、麻油、豆瓣醬、胡椒粉、花椒、辣椒粉和辣椒乾等。 取名為口水雞，就在於香辛料豐富的層次，品嘗完後會口水直流。口水雞的特色是入口初則甜中帶辣，辣而不嗆。呢間的口水雞味道不錯，辣中帶香，香中帶麻，雞肉細嫩幼滑，再加上一大碗的酸辣米線，味道控制適宜，下次可試其他的款式。紅油炒手（微辣），四川的地方特色小吃，抄手是四川人對餛飩的稱呼。湯汁帶點微辣濃香，而炒手內里的用料豐富，比起很多餐廳的，更忠於原味。

今日諗住試下食譚仔以外既米線，就上網揾下有冇其他好食既米線試下啦，揾到個網寫話乜鬼必食十大米線，我唔知排名係唔係不分先後吖，第一個就show果間米線，諗住以為好好食，滿心歡喜諗住食個好味嘅米線而且網上有好多好評諗住試吓啦，我同男友叫咗兩碗口水雞米線麻辣湯底同埋一碟皮蛋食兩碗咪先嚟到喇，望落碗米線好似好友味道咁成碗紅晒色咁，點知一筆落去啲油同啲湯底即刻分開哂要係啲化學作用，點知一食落口你已經feel到啲辣油同啲湯分開咗果種感覺，碗湯完全冇味，但係你有時又會無意中吞咗啲辣油落肚，令到個喉嚨好唔舒服,啲雞又冇味奶茶又好苦，而且入邊有個阿叔做侍應，啲態度好差又成日掛住睇電視，我覺得譚仔一定好味過佢！個網址仲話必定要食喎，不知所謂，失望而回！

以前係附近返學成日都去川粵食口水雞好似飯堂咁今日咁岩去開紅磡忍唔住去川粵一趟叫口水雞米線，重慶小酸辣食口水雞點可以唔叫凍飲，凍奶茶識食一定用米線沾口水雞嘅汁黎食雞肉嫩，酸辣汁成風味！紅磡必食！

話說，成日聽班frd講話紅磡川粵米線大王好正，但由於某些原因次次都無食到，大多數係因為一話食米線就自自然然行咗去譚氏。咁今次咁啱要趕住上堂，又行到嚟紅磡，就一於去試試米線大王。差唔多行到去門口，啲呀姐就勁熱情咁招徠我地，同我地講話食米線會送嘢飲，凍檸茶都唔使加3蚊哈哈。門口就擺咗有外賣紙同筆俾客人自動波，見佢選擇都大同小異，湯底就有酸辣同麻辣，面底就有米線同紅薯粉，餸都算多款式。因為佢主打川菜的緣故吧，就多了口水雞等等川味選擇。我個人就唔係好食得辣，就驚啲口水雞太辣，就保險起見揀咗炸醬豬潤米線，湯底就揀微酸辣。我外賣拎走，我見佢都好細心咁分開湯同米線，避免米線浸到發脹。打開個湯底嗰陣都嚇了一跳，因為個湯底太紅，同行朋友買了麻辣湯底都無咁紅。就擔心會唔會都超辣，但食落去都ok，唔會太辣，啱曬啲食開bb辣人士，酸酸地，又幾開胃。我見佢炸醬係寫 川粵炸醬，我心喃標榜得自己個名啲餸，點都唔會太差，結果都沒有令到我失望，但也沒有太大驚喜，大概是我對它期望太高？不過同行友人就贊不絕口，話好食過譚氏好多。而豬潤都幾好食，夠爽脆同嫩滑，又唔會有好大浸腥味。外賣盛惠34蚊，作為晚餐都叫做係超抵食之選。

今日夜晚要係紅磡上堂～見時間有d趕～所以就諗住係附近快快脆買個外賣食之前已經聽到有朋友推介呢間川粵米線～於是梗係去試下啦去到見到入面有幾多人～如果係堂食就要等下位喇33蚊一碗米線加1蚊外賣仲送凍飲其實都幾抵重點係佢都幾飽下～我根本都食唔哂碗野＝＝叫左一個麻辣（微辣）既紅薯粉～料就係麻辣魚蛋同埋魚皮餃魚蛋都有成4粒～魚皮餃就有3粒已經好過有d鋪頭淨係比2粒－－外賣既湯同粉係分開既～咁樣就唔洗整到紅薯粉變脹微辣唔算太辣但係我覺得對我黎講已經足夠既份量都好足夠添食到最後太飽喇所以就決定放棄＝＝整體黎講～一個34蚊既晚餐我係食得幾開心既又唔貴又幾好食下次再試下佢個川粵炸醬先～

今日放學，同學仔話好想食米線，經過呢間川粵米線，見到夜晚嘅價錢同同區比較真係好經濟，都係三十幾至四十幾蚊包嘢飲，啲相又影到幾吸引，就決定喺呢間度買外賣返學校食啦。我就叫咗二餸麵，33蚊外賣加1蚊，揀咗貢丸同川粵炸醬，麻辣微辣，同米線。其實餸都有差唔多二十款可以揀，湯有得揀麻辣或者酸辣，麵就有得揀米線或者紅薯粉。因為叫外賣嘅關系，湯同麵係分開上嘅，都好貼心吓，唔使驚啲麵浸淋哂。貢丸唔係啲麵粉丸，有冬菇粒彈牙幾好食，炸醬有啲辣同埋我覺得少咗啲，米線就正常唔淋ok嘅

深夜特別餓 昨晚知道打風 放工特燈走去買外賣返屋企慢慢嘆川粵米線大王 最好食嘅並唔係米線而係小菜 & 水煮!!! 我幾乎食上癮 一個月最少要去1-2次最最最愛是乾扁四季豆，師傅哥哥炒得乾身惹味！有時是新人炒，會吃得出有分別的，較濕身水煮牛加薯粉是絕配 ～記得要叫加著粉這家薯粉比較粗，不是平日吃到軟淋淋的薯粉，我鐘意呀！牛肉片有很多塊，十分足料！我平日都幾食得辣，會嗌中辣～因為雖然紅當當，全盤都是辣油，不過不是太辣的～但唔太好辣的朋友，叫小辣就好了～孜然牛肉！！下次補相再推介～ 口水雞 列牌就夠兩人吃了　一碟的話要多人ＳＨＡＲＥ呢！也是我經常點的菜香噴噴的牛肉炸得鬆脆 口水雞也很入味, 不太吃辣的也可接受得到高度推介的川菜!

下班後要往大酒店向長輩拜别，距離儀式的開始尚有不到一小時，原先想吃個港式漢堡包便立刻起程，怎知道無論堂食或外賣都要等一段時間，只好立刻往附近街找吃去。來到店前剛巧有客人離座，店員阿姐立刻招呼我入座兼告訴我 咖啡奶茶檸茶 冷熱 都是 免费送。自己剔的點餐紙，其實我没有時間細心睇，所以只留意下段〔一餸$30，二餸$33〕的選擇。二餸$33，要米線，湯底少酸辣，二餸點了粤式腩肉及豬大腸。米線滑，吸了酸辣湯底是很惹味，少辣的程度是也會有辣的感覺，看湯面的紅油也不算少。粤式腩肉應該是滷水腩肉，肥瘦並非相間，有幾件是肥膏多瘦肉少，有幾件是全瘦肉，肉質有咬囗，不過以味道而言是夠入味，入囗不鹹不嗆喉 ; 至於豬大腸是仍能看見有肥脂在，滷得時間好足夠，入味之餘也不難咀嚼，還吃到有肥脂的甘香。味道 3.5環境 3服務 3.5衛生 3抵食 4

打大佬？呢個terms可能只有我既幾位poly 同學先知我講乜其實意思就係話lunch去呢間學校附近專食四川麻辣米線既川粤去挑戰自己。我哋呢班同學由year 1食到畢業，由小辣食到大辣就知道呢間川粤有佢吸引既地方啦。今次我特登坐過海巴舊地重遊，打大佬喎當然唔可以客氣啦，就點左一碗大辣版既超級大王泥挑戰，其實超級大王就係咩料都有既大集薈咁，類似公司三文治啦，材料好似大腸腩肉等等等等等都好新鮮同好夠味，加埋佢既辣唔係辛辣或者苦辣而係辣到你停唔到口既香辣，所以真係有由穿越川(四川)粤(廣東)既感覺。

D人成日話紅磡呢間米線鋪好食，所以我一個人決定黎呢間覓食。叫左個口水雞米線，麻辣，小辣。湯底比較淡，米線都軟硬適中。最好食都係口水雞，好香，肉質都唔錯。午市送野飲，40蚊有交易都幾抵！

一向都係叫開佢個口水雞紅薯粉，未試過夜晚叫餸食飯。今次我地四個人叫左一隻小辣口水雞，涼拌青瓜，蒜泥白肉，紅油抄手再加個生菜，一人叫多碗米線/紅薯粉。其實一隻雞都幾大隻，四個人一定食唔曬，仲叫左咁多小食😂不過最企得一讚係佢個白肉同青瓜，好多地方都唔夠入味，或者淨係得個蒜味，呢到個兩樣真係好唔一樣，好入味同埋個白肉唔會食到成口蒜味 好似有另一種香味，值得一試👍🏻

川粵出哂名夠辣 好多朋友都會黎挑戰佢嘅辣小弟就唔食得辣 都要推介比大家 食辣真係幾興合合架個人認為呢度口水雞乜乜乜最出名 唔食得辣可以叫唔辣 個口水雞好正 幾嫩幾入味 啲配菜都多架 偏食人士注意 要走九走青走芽菜.....

嗰日同老公突然想食米線。。記得之前經過都見到勁多人。。就去試下啦。。點知入到去已經開始後悔。。啲位勁迫。。人貼人咁滯。。我地行到最入有兩個位。。老公叫左超級大王米線小麻辣。。我就叫左三餸小麻辣米線。。兩碗面嚟到係見啲餸擺得幾靚嘅。。但第一啖已經覺得點解無咩味嘅。。小小辣都無。。更唔好話有無麻辣個香味。。個湯底我真係接受唔到。。唯獨啲餸都仲算過得去。。但真係唔會有第二次囉。。