川舫 (嘉湖新北江商場一期)

Open Now

Now Closed

真係好鍾意食酸菜魚，於是四圍望下屋企附近有無酸菜魚食，見到新北江都有幾間食酸菜魚既舖頭，於是就試下……去到川舫門口，望望餐牌，食酸菜魚既話，得生魚同鱸魚，因為屋企人唔可以食生魚，但鱸魚要＄208，對於第一次試新食店，就覺得＄208有點貴，於是就試試酸菜牛肉，＄98，加埋外賣盒，盛惠＄99～酸菜牛肉～個外賣盒係幾重手既，一開個盒就有陣酸菜既香味，牛肉數量都算多，仲有唔少配料，娃娃菜，大豆芽同薯粉，味道唔算好出色，薯粉可能外賣關係，比較淋，試過一次就算，下次試第二間

是日家中沒有東西吃唯有和家姐出門吃東西之前家姐買咗一個川菜嘅干鍋俾我食，我覺得幾唔錯，就話不如去食冇諗過夜晚咁多人，我哋坐低之後就叫左大份嘅酸菜魚，平時好少食魚嘅我都好鍾意食酸菜魚，因為佢無骨就咁食就可以魚嘅份量兩個人夠晒食!!~!~!檸檬手撕雞!~!~!~老闆娘話檸檬手撕雞好好食，所以就叫咗一個好香嘅檸檬味，而且手撕雞份量唔少叫個白飯一齊食越食越開胃而且啲手撕雞配上左葵花子同埋花生，令到成個手撕雞都變得有口感 

新北江商場食肆多，但未見過晚市會這麼人頭湧湧的。川舫有這麼多街坊支持，今晚特地約朋友來，發挖一下這裡的吸引之處。對於不是街坊來說，地點是難找一些，原來是在商場地下食肆群中，最邊端角落位置。水煮牛肉例牌$88, 沒想過例牌也是一大鍋，份量超多，是其他川菜食肆的大鍋份量啊！我奇怪水煮的菜式，辣椒乾不像平時的鋪滿鍋面，只見少量辣椒，很多牛肉，原來這裏的老闆很貼心，知道辣椒不能吃，不如多放點牛肉，讓客人吃多些！真的覺得這裏太有人情味了！味道方面，點了小辣其實不辣的，但有麻辣香；牛肉肉質爽口鮮滑，肉的份量真的夠多了，兩人餸完一碗白飯，牛肉還未吃完；墊底的娃娃菜、薯粉都很入味，娃娃菜超鮮甜的。最值得一讚當然是價錢，抵食得要大力推介。經典手撕雞例牌$45, 再有驚喜！估不到涼拌小食煮得這麼好味！麻辣味道香得不得了，其實只有輕微辣。把麻油、花生油、花生碎、墊底的青瓜絲拌勻吃，麻、香、辣、鮮、甜都齊了，喜歡青瓜絲夠多，起了清新鮮甜作用。這個價錢，份量算多，不吃辣的人都讚超好吃，必吃之選！雖然只點一份主菜，一個小食，但份量十足，已經吃得夠飽了。終於明白為何每晚也人頭湧湧等吃，原來是抵食美味的首選呢！

見都幾多人介紹過呢間川舫，今日黎左試下，地點係新北江地面個層，近後門位置，地點都唔算易搵。坐低左睇下餐牌，午餐都幾多野揀，有辣有唔辣。點左酸菜魚，午餐送白飯同熱飲，凍飲加三蚊。份量都幾大，賣相唔錯。叫左小辣，望落唔多辣椒，試一啖湯，味道對胃喎，鹹鹹酸酸同微辣，好易入口。魚肉都幾嫩滑，問下店員，佢地話用新鮮生魚，唔錯唔錯，浸下湯汁好正。入面仲有娃娃菜同大豆芽菜等，吸了湯又係好好味。唔少得薯粉，勁彈牙呀～白飯一大碗，撈湯食正呀。由於食辣野同個場都幾熱，呢杯凍奶茶顯得特別好飲，茶香奶滑，最緊要夠凍！味道真係唔錯，價錢唔貴份量足，唯一美中不足就係唔夠冷氣，天氣咁熱好想涼浸浸咁食返餐嘛。

今日喺朋友屋企打完機 夜媽媽就想食啲辣嘢做宵夜 呢個商場都好多餐廳 朋友介紹呢間餐廳話佢啲食物唔會好多辣油又唔太鹹 個人覺得真係幾好食 推介比大家揀左個自選幹鍋 唔知佢個名咩來頭 不過有得揀自己鐘意嘅配料同辣度就夠晒啱心水 要揀3種以上，要左五花肉，蓮藕，薯仔片同菇等候期間諗住要多個小食開下胃 就揀咗手撕雞 估唔到份量咁多 而且啲雞肉都好嫩 調味唔錯唔會太鹹太辣 拌埋花生同芫荽 好香好好食 兩個人食呢個都已經飽左一大半 等到主菜 見到又係諗點解會咁大碟不過佢個賣相好惹味 見到啲乾辣椒就已經口水流 呢個餸真係各種口感都有薯仔夠爽身，五花肉食落就當然好香口，蓮藕又係好好咬口 呢個配飯真係一流呢間餐廳我最欣賞就係佢唔會落咁多辣油 唔會覺得好油膩 就算食到見底都唔會話有好多油淨咗喺度 非常欣賞見到佢呢度午餐都非常實惠 又有酸菜魚同其他烤魚 下次再約多啲朋友一齊嚟 除左食物，店員都好友善 期間好好傾 一定會再黎

經過見到新開 價錢又合理 就即刻試吓 蒜泥白肉都幾好味 好大嚿好林 同埋都幾辣 好味過平時食嗰啲 酸菜炒牛肉都OK嘅 唔會太酸 啲牛肉都幾林同埋都多 份量適中 整體都幾抵食嘅 我覺得可以再試下

白肉真係俾到驚喜我🤯同平時食開果啲唔同 一般鋪頭都係重蒜味 但呢到多咗陣川味 辣辣地 好惹味🌶無論係送飯定就咁食都一流🤤仲要白肉大大舊軟淋淋 厚度適中 一啲都唔呃秤🤟🏻酸菜炒牛肉味道好正  酸菜同牛肉嘅比例啱啱好👍🏻牛肉肉質夠軟 唔會好硬 加埋陣酸菜味真係perfect池😋而酸菜睇落好似只係配菜 但就咁食都好正 仲好爽脆添!整體真係唔錯 仲要都算平 同埋可能新開 唔算好多人知 所以唔洗等位 一去到就有得食

今日收工興高采烈咁入咗去天水圍道搵好嘢食，今次去咗新北江商場新開嘅「川舫」！地方好易搵喺樂湖輕鐵站一出就見到個商場地舖行到尾就見到㗎啦！食物嘅種類主打川菜或者都有一啲中菜嘅選擇，各種唔同嘅菜式令你花多眼亂，今次我哋就係揀咗「幹鍋」配白飯做我哋嘅晚餐！雖然佢嘅地舖位置唔係好大，不過座位都叫舒適大家可以坐喺度傾偈慢慢嘆住個晚餐都係一個好地方嚟㗎！佢嘅自選套餐有唔同嘅辣度選擇，我哋今次揀咗香辣麻辣，佢大概係小小辣左右，食得辣嘅朋友可以再挑戰下！配菜方面最小三個餸，當然係多啲就滿足啲啦不過10個餸就係最多㗎啦！我哋就叫咗啲雞件，肥腸，蓮藕，一上菜係一個鐵鍋好有特色嘅風味，上菜已經聞到濃濃嘅川辣味道，廚房都炒得十分之入味，配白飯簡直係一流嘅選擇，香辣得未有夠嘢味唔會好似俾辣椒搶晒所有味道咁！可惜我哋唔可以食得太辣，如果叫中辣應該會再有風味啲！大家不妨可以試多幾個餸，記得要加多個可樂咁就好滿足喇！

身為喺元朗長大嘅我 耐不耐都會上去天水圍嘅新北江商場度食啲野 懷緬一下兒童時回憶 商場內好多鋪頭我都食過 今日經過地下嘅呢間川舫菜館見到冇乜人幫襯 望落仲要係新開冇耐 難得寧靜所以就坐低食下啦餐廳同商場內其他舖頭相畀衛生情況較佳 同時坐得幾舒服 淨係呢點已經可以再回頭幫襯叫咗個麻辣手撕雞 已經包咗白飯一個人食啱啱好 手撕雞嘅份量唔大不過勝在夠曬足料 芫茜蔥 炸黃豆等既香料 全部份量都好夠 所以食落麻香 辣香 同時喺口內爆發 回味無窮 手撕雞肉汁豐富 唔會好乾 送飯一流

自從武漢病毒之後好耐冇得返大陸 好掛住大陸一系列嘅川菜菜式 今日終於食到啦今日同朋友去完濕地公園玩 經過新北江商場於是就喺度搵食啦 食下地下嘅呢間川舫菜館 餐廳座位好闊落 有別於商場內其他嘅舖頭 坐得好舒服叫咗個午餐 包菜回鍋肉 價錢都係48蚊 已經包咗飯或者米線超級抵食包菜其實係椰菜 配上回鍋肉嘅麻辣味超級野味而且椰菜好爽口 唔鍾意食菜嘅小朋友都會深深地愛上 回鍋肉用咗五花腩肥瘦適中 一層又一層肥肉令人欲罷不能 同時食落好爽口 唔會油膩

早前第一次嚟新北江商場，原來咁多餐廳，選擇左呢間川舫菜館🌶🌶😋，主要食川菜，有紙包魚、炒牛肉，麻辣香鍋和酸菜魚等等❣️質素唔錯👍🏻❗️📌招牌老壇酸菜魚🌶🐟🐟（$68）午餐Menu超級划算👍🏻❣️咁正宗的是老壇酸菜魚才$68‼️（個人覺得份量好大，甚至夠兩個人食）配料挺多，有酸菜和旺菜，還有粗薯粉，好夠飽肚👌🏻魚塊都夠多，夠軟嫩，嫩滑冇骨😋👍🏻❣️雖然看上去辣椒很多，但不會太辣，喜歡辣的朋友可以叫加辣🌶👍🏻👍🏻📌奉送白飯，超級大碗，細食者可以叫小飯📌去買罐天地一號，蘋果醋正👍🏻👍🏻👍🏻

天水圍不嬲都好多嘢食，尤其是呢個新北江商場，今日嚟呢度兜咗個圈，發現有新餐廳，所以試吓啦全部都係呢啲酸菜魚之類嘅菜式，四川菜咁啦，餐廳冇乜食下，所以唔使等位，所以入去坐下見到餐牌有呢條魚，睇落幾靚，可以揀唔同辣朋友同意之下就試吓啦，兩個人食一條， 230幾蚊， OK啦^_^出到嚟原來咁大盆，打開呢張紙包，有成條魚，裏面好多餸菜，有薯仔，豆卜，薯粉，超級飽，而且有好多芫荽蔥花，好多嘢咁，大家想試都可以試吓嘅

回鍋肉👈🏼👈🏼就是家鄉的味道從來我對佢又愛又恨😂愛它的香辣惹味，但也恨它永遠只得2，3片肉，到喉唔到肺嘅感覺。呢間就大不同啦😍😍😍而且菜肉比例非常好🤩🤩睇色水就知夠鑊氣🔥，重點唔覺得油膩滯胃，食咗都無罪惡感😆我覺得可以黎多個炒土豆😜😜😜椰菜爽脆，不會炒過火👍卡喳卡喳的聲音，多重感觀享受😻😻辣度適中，所以相信好多人都接受到👍再配一杯甜度剛好又沒有苦澀味嘅凍檸茶（👈🏼這點很重要喔！）

口痕痕又想食啲酸辣野近近地 行去新北江 食個lunch 喺樓下兜咗個圈 發現開咗好多新舖頭呢間係近百佳入口有lunch set 包埋野飲 $50 -$70 都算抵食老壇酸菜魚 本身跟飯 但我無要到飯 怕食唔晒 好多魚呀 足料👍🏻👍🏻魚肉唔會太厚 吸到湯底既味 但有少少骨 個湯底酸得黎帶少少辣 好開胃 唔會酸到那仲有好多薯粉係底 又係吸晒個湯既味 正😋😋凍奶茶如果有多啲人食就好 可以叫多啲小菜好想食炒花菜👉🏻👈🏻下次叫埋屋企人黎食✌🏻

新北江廣場一直是天水圍的美食天堂，見到這間川菜館進駐，今晚就食下川菜啦！.水煮牛肉 - 好大盤，香氣撲鼻，是誘人的辣香。而且辣得很自然很過癮，很exotic ，不會太鹹。驚喜的是牛肉意外地嫩滑，好吃。而且份量有好多，更有冬菜芽菜娃娃菜等的配料。.手撕雞 - 秘製辣醬令手撕雞很惹味，很好下飯。有香脆青瓜及花生，很豐富呢。.這間川菜在新北江不太起眼的位置，不過依然有很多食客，即使到了九點幾，還有很多人在排隊買外賣，口碑應該不錯。水煮牛肉