川館 (大王東街)

Open Now

Now Closed

今日黎左灣仔一間食川菜價錢又好實惠既餐廳 ， 每道菜既辣度都係自己選擇，我地都食到辣🌶️🌶️餸菜揀中辣或大辣。茶樹菇炒豬頸肉 $118 🌶️🌶️中辣茶樹菇炒豬頸肉味道香辣可口，豬頸肉肉質鮮嫩，茶樹菇亦十分鮮甜。川鄉回鍋肉 $88 🌶️🌶️中辣一道非常正宗既川菜，辣味適中，回鍋肉口感酥脆啲肉唔會太肥，非常好食。乾煸四季豆 $78 🌶️🌶️🌶️大辣四季豆真係好夠味，豆角煮得剛好，脆嫩爽口，加大辣既辣椒，味道非常惹味，我地都食到大辣，好正。螞蟻上樹$78 🌶️🌶️中辣味道清新，有肉碎炒有肉香味，粉絲夠彈牙，粉絲好吸味，我地唔敢揀甘辣😆紅糖糍粑$48紅糖糍粑甜味十足，糍粑外脆內軟，呢個係常食飯後甜品。特飲 - 仲夏夜之夢$42-味道爽口清甜，香檸檬味仲飲到有雪碧味，係一個消暑既飲品。川館～係一間好正既川菜餐廳，價錢又吸引，每道菜都即叫即整，炒野火喉足夠，餸菜入味、川味重，菜式好味，價錢又實惠，鐘意食辣既話係唔錯既選擇！惹味川菜 🌶️川館 (灣仔) 📍灣仔大王東街3號大旺樓地下B號舖

川館 📍：灣仔主打四川菜的川館位於灣仔大王東館 聞到辣椒既辛香 鐘意食麻辣既你不能錯過🤣 必試佢地既烤魚 🥰 仲有烤魚套餐川北涼粉 （$58）係一個開胃嘅冷盆小菜 加左辣油同埋滿滿既蔥香同肉碎 涼粉既texture 唔係甜品個種qq 口感 而係一咬即開 辣油滲入去 係個開胃小食💕清炒萵筍 （$78）萵筍口感清脆 餐廳唔會落太多油去炒 ！ 唔需要落太多辣油都食到蔬菜嘅新鮮蒜香烤魚 （$318）怕辣既我選左蒜香烤魚 份量多到食唔曬 有無窮無盡既魚肉😂 魚骨唔多 都容易起骨！ 蒜香味都幾重！ 除左魚仲有金針菇同豆卜等配菜 好豐富😍

行到入去，已經問好好勁嘅四川香味，另外仲見到好多人食緊烤魚。本來我兩樣都想食，但係又怕食唔曬浪費，咁啱見到原來有烤魚套餐，咁梗係叫烤魚，又平又抵食，我仲另外加咗個手切肥牛，加返埋先至差唔多四百蚊，性價比極高。🐟🐟🐟介紹返先，一上菜係成個烤魚爐，而且，分量唔少，係成條原隻嘅。 我哋叫咗香辣味，好多嘅辣椒同埋花椒，本來唔係好辣，但係越煮就會越辣，越嚟越香❤️❤️❤️烤魚係首先煎過，另外，煮嘅肉質係好爽，相比一般嘅魚，口感更加特別，呢個套餐係包六隻廣島蠔，每一隻份量都有咁上下，食埋已經係好飽。我哋另外有追加咗牛肉，啱啱食完烤魚同埋蠔，再用淨低嘅湯底嚟淥牛肉，牛肉吸收曬烤魚同埋蠔嘅鮮味，必叫👍👍👍今次烤魚係幾抵食，下次會再嚟。

座落灣仔後街老街地段，距離修頓遊樂場地鐵站5分鐘步程，以紅色底色的大招牌相當易搵，店舖內以白色牆身作為主要裝潢，配以二人或四人的獨立沙發座位，小店不算很大，卻整齊乾淨，坐得都幾舒服。我同朋友平日嘅夜晚嚟到，可能時間尚早人流唔算好多，我地點咗一份烤魚套餐，我哋揀咗麻辣烤魚，其實仲有其他四款口味可以選擇，套餐仲可以免費跟埋廣島蠔同蔬菜拼盤，可以隨意選擇自己鍾意嘅辣度，另外仲可以跟埋烤魚套餐用優惠價加配手切肥牛一碟。我另外再單點咗一杯豆漿解辣🤭都幾香濃豆漿嘅味道。麻辣烤魚🐟以長身的火鍋爐以及電磁爐保持溫度，麻辣烤魚的份量都算幾多，一爐放咗一大條，我哋點咗微辣，不過食落都幾辣，因為不停咁煮住，成條魚吸收晒麻辣嘅香味，另外仲會有一啲芽菜、蓮藕、豆卜等等嘅配料，煮得非常入味，夠晒兩個人食。廣島蠔🦪非常肥美的廣島蠔，一碟有6隻，出餐嘅時候廣蠔仲有少少未溶雪，不過因為火鍋爐非常滾熱，冇幾耐就已經熟咗🫶🏻蔬菜拼盤蔬菜拼盤係一小碟通菜，通菜都幾新鮮爽脆，建議唔好煮太耐，因為會吸收晒辣油會更加辣🔥桂花冰粉桂花嘅香味配搭冰粉非常冰涼，啱晒食完辣嘢食，消暑又解辣，桂花味香香甜甜🥰

一向都好中意食麻辣同川菜，今次約埋朋友去左灣仔既川館食晚飯，性價比唔錯，會再黎幫襯！餐廳除左小菜仲有聚會首選既雞煲烤魚，但今次晚飯無叫雞煲或者烤魚，反而想試下佢既炒菜。小炒黃牛肉：真材實料，辣椒好有料到，牛肉唔會鞋口，推介比中意食物嘅朋友。麻婆豆腐：用嚟送飯食一流，個汁煮得夠稠身，濃味，唔會好咸。酸菜肥腸：酸菜份量好多，另外再加埋辣椒，洋蔥炒，令成碟菜好惹味！成都辣肉碎炒飯：好大碟，2-3個人share十都綽綽有餘！飯粒粒金黃，非常之有鑊氣！甜品紅糖糍粑！一碟有六件，廚房即時製作，上台仲好熱辣辣，食完辣嘢再食甜品，非常之讚！如果大家去開灣仔又想食川菜，不妨可以黎試下呀！

平時經過Bakehouse到因為紅卜卜外牆，會注意到川館。所以和朋友決定試一試這間川菜館。我們一行四人，點了烤魚套餐$368幾抵食！蒜香烤魚廣島蠔六隻 蔬菜拼盤另加$68加原價$108手切肥牛烤魚分量十足，配有豆腐卜、蓮藕，廣島蠔挺大隻煮熟後仍然有口感。肥牛比我想像中大碟，值得加錢，牛肉味也不錯另外可以再加錢配不同的材料麻婆豆腐 小辣 $78本人平時吃開小辣，這個辣到剛剛好，有少少麻痹的感覺，但又可以接受川館炒飯 $98因為走難的關係，有點像楊州炒飯。紅糖糍粑$48熱辣辣即時製作。來一個完美的總結。打邊爐配沙冰是絕配！點了芒果及荔枝沙冰 各$45店內裝修富有中國特色，掛住紅紅的燈籠。有幾台都是外國人，應該都是被裝修吸引吧！

平時唔係好食得辣嘅我竟然陪朋友嚟食川菜🤭 事前我已經做定功課，睇定餐牌有咩啱食😂 其實除咗有辣嘅菜式，仲有唔少特色小菜😀😀🥢乾扁四季豆：佢睇落好多辣椒粒，但唔算好辣，炒得好乾身而且惹味，有少少肉碎，整體味道好夾！🥢茶樹菇爆炒豬頸肉：依款就真係唔辣嘅😆 豬頸肉唔會好肥膩，茶樹菇有口感，係唔錯既小炒😜✨✨重頭戲當然係：酸菜烤魚！✨✨我哋揀咗小辣，我仲特別強調要BB辣😆😆 上枱時感覺賣相唔錯😎除咗有金黃烤魚，仲有一啲配菜，好似大量酸菜、豆卜、蓮藕片、西芹絲等。等咗一陣終於食得，依種辣度我完全接受得到！魚肉好鮮嫩，酸菜嘅酸味適中，唔會太鹹👍🏻 我揀咗好多魚雲食，好正呢！呢個係套餐，仲送咗六隻蠔😋 又可以加錢要碟肥牛！我地仲叫咗幾款火鍋配料，最後加埋個烏冬，非常豐富🤭

最近經過灣仔「川館」，見到門外張貼多款四川菜，突然勾起想吃辣的意欲，便和朋友隨意走了進去。**泡椒鳳爪 ($65)泡椒的酸辣滲入鳳爪之中，口感爽彈惹味。**口水雞 ($108)口水雞肉質嫩滑，辣度適中，配上辣椒、花椒等調味料，香氣撲鼻，非常開胃。**四川涼麵 ($78)麵條幼身，口感煙韌有勁，加上青瓜芫荽等，酸辣鮮香，涼吃很開胃。**麻婆豆腐 ($78)豆腐超級無敵嫩滑，搭配上香濃的麻辣醬汁，配飯一流。推！**荔枝沙冰 ($45)以新鮮荔枝製成的沙冰口感細膩，不會過甜，非常適合解辣。**紅糖糍粑 (6件) ($48)$48有6件超級划算！糍粑軟糯Q彈，配上紅糖的香甜，為這頓飯作完美結束。這裏環境新淨，上菜速度超快，店員態度友善，整體食物質素高。值得一試！

今日去灣仔食正宗四川菜，川館，食物種類選擇多，全部都係正宗四川菜式，非常吸引。-老壇酸菜魚酸菜魚用上鯛魚片，口感非常爽脆彈牙。酸菜魚湯非常夠味道，酸味辣味十分平均，有豐富的層次感。而酸菜的味道亦令人食得非常開胃。酸菜魚湯都飲咗好幾碗，出色出色。-蔥爆牛肉其中一道十分喜愛的菜式，用上大量京蔥，去爆炒牛肉。京蔥的味道夠突出，同時亦吸收了牛肉的鮮味。牛肉肉質鮮甜嫩滑，牛肉味濃郁。-大碗菜花豬肉片炒椰菜花，配上大量蒜蓉，蔥段，辣椒，味道非常豐富，炒得夠鑊氣，香口而不油膩。

川館店舖位於灣仔大王東街，距離地鐵站出口步行幾分鐘就可以到達，附近一帶都有好多食肆，而紅色招牌嘅川館一定唔會錯過。菜單有多種款式，包括前菜，烤魚，雞煲，小炒，香鍋，等等。尖椒皮蛋$56尖椒味道香，但唔算太辣。適合所有朋友。而每瓣皮蛋都好新鮮，白黃唔會分離得太緊要。配埋青瓜絲平衡返個油膩感覺，賣相味道都好出色例牌麻辣雞煲$228雖然只係例牌嘅份量，但兩個人夠哂食，如果夾埋其他野食嘅話，我覺得3-4人都無問題，味道十分之好，特別嘅係佢有埋豆卜，吸哂雞煲味嘅精華，真係好驚喜。螞蟻上樹$78名菜點都要試下，肉碎底配埋辣辣地嘅豆瓣醬一齊炒粉絲，火喉控制得啱啱好，粉絲唔會煮得太淋，搞到癡埋一舊，好食到停唔到口。酸辣肥腸$88咁熱咁潮濕嘅天氣，最啱就要叫個配搭酸菜嘅餸嚟食下，酸菜味道濃，好開胃。豬大腸亦處理得得好入味，同酸菜好夾。大腕菜花$78最後簡簡單單炒個菜，蔥白同豬腩片炒大腕菜花，油香十足，炒得好乾身香口，又夠鑊氣。

諗咗幾日，想食川菜，終於約齊人，去咗一間叫「川館」嘅餐廳。呢個地方平時午餐時間超多人，排好耐隊都排唔到，所以點都要收工嚟食一次。我哋叫咗酸菜烤魚套餐，套餐仲跟咗一啲配菜。酸菜烤魚啲魚肉嫩滑，酸菜好爽脆，啲酸菜嘅味道醃製得剛剛好，唔會太酸又唔會太淡。生蠔新鮮，有入口即融既感覺。蒜泥白肉都幾香，蒜味同瘦肉嘅配搭好啱。四季豆煮得鮮嫩可口，炒豬頸肉肉質豐富，口感一流，而且啲醬汁好香。最後仲食咗個冰粉，啱啱好，食完晚餐整個甜品，令成果餐畫上完美句號。呢間川菜餐廳嘅食物好新鮮，味道正宗，而且價錢唔貴。除此之外，佢哋嘅服務都非常好，啲服務員好友善同熱情。收碟嘅速度好快，因為蒜泥白肉嗰個醬汁好好食，我哋食完想留返，服務員好醒目咁幫我哋換咗細碟，好貼心。我諗我好快會去多次。

As a lover of Sichuan cuisine, this place is definitely a heaven. There are not a lot of good Sichuan cuisine restaurant, but this place is definitely amazing!For appetizers I had the hot and sour cloud ear, it is not very spicy and suitable for people who cnat take spice. But wanted to mention the vinegar taste amazing! It is savory and sour at the right level! For the main, we got the chicken pot with crayfish. The crayfish would need some effort to peel it off, the chicken is very soft and we

今日黎到灣仔搵食，搵到大王東街呢間川館，平時lunch set 都好抵食，今次晚上黎到，初初諗住食小菜，但係就比呢個烤魚menu吸引左！四款口味可以選擇，仲送埋6隻廣島蠔及蔬菜拼盤，只係$368！我揀左麻辣味烤魚，辣度都可以選擇，揀左小辣。一般既烤魚好小做到先炸過再烤甘多功夫，而呢間店就做到！麻辣既香同孜然既味融入左烤魚、豆卜、金菇等等既配料，蓮藕好爽口美味、烤魚既份量都好多，叫碗白飯一齊食真係好滋味，蠔非常肥美，碌完之後仲係大大隻、脹卜卜好飽滿，咬落去好鮮甜多汁叫呢一個set只需要$68就可以加配手切肥牛，牛肉鮮嫩而且有濃郁既牛肉味！香港既烤魚都食過幾間，以正宗同味道調控黎講，川館係唔錯既選擇👍🏻

川館 (大王東街) 地址: 灣仔大王東街3號大旺樓地下B號舖===================食辣是個愉快的過程，雖事後大。都是痛楚的，腸胃不好，隔天總是要霸住廁所，入面發生嚴重山泥傾瀉。人卻是要勇敢的，去到食四川菜蒜泥白肉，卷得好靚，入口豬皮同五花腩片很爽口。$228 醬香雞煲 如果兩個人來食，建議點小份，留quota 試埋其他小炒餸菜。醬香濃，等雞煮熟時香噴噴，極之惹味，點多配白飯配著吃，淋少許醬汁在白飯上$78 大碗菜花，即是我們食的椰菜花，落油乾炒，質感爽口，這道菜不太辣的，可以阻隔一下辣味，放心食用。 $48 紅糖滋粑做甜品，炸米飯條，煙韌沾紅糖吃四川菜就是辣得開胃，吃得帶勁 #restaurant #hkfood #灣仔必食 #香港必食 #香港之旅 #香港探店 #cafe #yummy #foodporn #delicious #相機食先 #sichuan #spicy #四川 #辣

今日去大王東街終於俾我買到馳名蛋撻，難得咁高興，就順道去埋對面嘅川館食個酸菜魚慶祝吓。呢度嘅烤魚套餐非常抵食，有烤魚、蔬菜同廣島蠔，咁豐富都只係$368。烤魚有麻辣、酸菜、蒜香、麻香青花椒四款口味可供選擇。我哋第一次食，就覺得酸菜同烤魚味道係最夾。烤魚味道甘香，魚肉仍然保持鮮滑，吸咗酸菜嘅味道，更加越食越開胃。廣島蠔每隻都相當飽滿，放入酸菜魚吸收味道，完全唔需要其他調味都咁好味。蔬菜拼盤包括有金菇、萵筍同娃娃菜，非常豐富。 烤魚套餐另加$68就可以換購手切牛肉，份量相當豐富，夠牛肉味之餘仲好有𡁻口，絕對值得推介。另外我哋重點咗芝士豆腐，呢個就係普通打邊爐嘅丸類。當然唔少得我哋至愛嘅午餐肉，香煎午餐肉當日湯底都唔怕煮爛。另外我哋分別揀咗凍柚子蜜同芒果沙冰，作一個完美嘅句號。