川館 (大王東街)

Open Now

Now Closed

今日收工同朋友去咗灣仔呢一邊搵嘢食，行到大王東街就見到呢一間全紅色嘅川菜，咁啱朋友都話想試吓辣嘢，我哋就決定試吓呢一間餐廳 我哋晚上大概7:30到，好好彩入到最後一張枱，我哋安排咗近門口嘅位置，位置都算闊，唔會坐得好迫本身見到酸菜魚有特價，仲送六隻生蠔好抵食，點知朋友對魚冇乜興趣 唯有下次自己再嚟食我哋就揀咗一個醬香雞煲，一份茶樹菇爆炒豬頸肉，一份大腕菜花同埋一個尖椒皮蛋皮蛋就先送到，賣相都幾靚仔，尖椒味道吸晒喺皮蛋入邊 食落香辣可口，味道都適中 作為前菜非常開胃 皮蛋亦非常有嚼勁，正！茶樹菇爆炒豬頸肉都非常好食，首先想講豬頸肉嘅份量都非常多，至少有十五件，份量超級誇張茶樹菇配埋豬頸肉嘅配搭幾特別，第一次食到呢一個口感嘅配搭，調味方便亦都有傳統川菜嘅特色，有少少香辣嘅口味，但係味道恰到好處唔會太辣，成個配搭好出色雞煲喺全晚嘅主角，雞煲濃郁既口感讓人回味無窮，雞肉口感做得非常軟嫩，調味亦都掌握得剛好，入口即化。湯汁中仲加入左豆卜，為雞煲增添了更豐富既口感。雞煲嘅份量亦都大，我哋兩個人叫咗一份細嘅雞煲已經好飽，非常滿足埋單每人約$260，價錢喺灣仔區食晚飯，都相對合理，大家不妨試吓呢一間川

今日接喺灣仔收工嘅朋友食飯，佢話呢間餐廳lunch好多人，總係食唔到，所以今日放工決定一試。 餐廳嘅裝修風格好似大陸好地道嘅餐廳，門面係中國紅，餐廳裏面都掛咗好多紅燈籠。所有菜式都可以選擇辣度，呢點幾貼心，職員服務態度都好好。老壇酸菜魚/小份/小辣 （$238）雖然話係小份，但份量真係一啲都唔少，兩三個人食都絕對夠食，魚肉嘅份量非常多，而且全部都冇骨，佢嘅魚肉同平時一般食開酸菜魚嘅魚有啲唔同，唔係好嫩果種，而係好爽脆彈牙果種。揀左小辣，但食落覺得都比較辣，辣度充足，但酸度唔夠，酸菜好似唔太夠味，如果更酸會更好。口水雞/小辣 （$108）口水雞係每次到川菜館都必試嘅菜式，呢度嘅口水雞配料非常充足，花椒、辣椒、大蒜、醬油、芝麻一樣不缺，食落麻味辣味都夠，獨欠少少甜味。雞肉雖然有少少骨，但雞肉肉質都算鮮嫩，特別雞皮部位非常滑。尖椒皮蛋/小辣 （$56 ）共有八小塊皮蛋，每一塊都好晶瑩，每一塊上面都鋪滿左尖椒以及辣豆瓣醬，食到辣味嘅同時又唔會掩蓋左皮蛋本身嘅味道。桂花冰粉（$30）食完咁多辣嘢，當然要來一點甜，第一次食桂花冰粉，冰粉冰冰涼涼，桂花味清甜清新，正好可以解辣解膩。冰粉鋪滿左花生碎以

返埋今日就會轉地方返工所以同同事搵吓附近有咩嘢食咁啱有人話想食辣嘢佢見到附近有間川菜就膽粗粗去試吓回鍋肉🌟🌟🌟🌟正常水準嘅回鍋肉，鹹同埋辣嘅比例啱啱好，份量都足夠水煮肥牛🌟🌟🌟水煮嘅辣普通人都接受得到，但係個份量就比較少，大食小小嘅都未必夠飽酸菜魚🌟🌟🌟呢個有少少失準，除咗魚肉滑同埋彈牙之外，酸同埋辣嘅味道都差少少每個餐都可以跟飯或者涼麵，兩面就普普通通冇話太特別回頭率： 50%得閒返工想食下川菜都可以去試吓

今日honey話想食川菜 ，我上openrice睇下附近有冇咩好介紹， 結果睇到 一間好特別嘅川菜館 ，紅色嘅外形 ，入面嘅裝修好似京劇嘅舞台咁，高掛大紅燈籠， 仲有卡通版嘅京劇人物相片， 靚到爆燈。 間餐廳不大， 只有廿幾個位，都已經差唔多坐滿 ，好彩仲有兩個位留返畀我哋 。餐廳樓底好高 ，非常乾淨企理， 好似新嘅咁， 所以坐得舒服。 我今日揀咗醬香雞煲， 蔥爆牛肉 ，大碗菜花， 諗住唔夠再叫， 點知啲菜一上嚟， 嘩一聲， size夠曬大， 個雞煲香噴噴， 有好多雞肉， 豆卜， 同埋我最鍾意嘅各樣香菜， 包括芫茜， 中芹， 洋蔥 ，大蔥 ，薑 ，蒜，我同佢改個靚名叫做綠野仙鳳🐓蹤， 因為喺好新鮮嘅香菜入面你會搵到一舊舊肥美嘅雞肉 ，見到都流口水 。第二碟餸係蔥爆牛肉， 爆香嘅大蔥 同醬香牛肉一齊炒， 極之惹味， 我又幫佢改咗個名叫做聰明牛魔王， 因為啲大蔥係好有益嘅食物， 同啲牛肉一齊食， 食咗更加聰明。 跟住見到openrice介紹大碗菜花好多人食， 我又趁熱鬧試下， 椰菜花本身就係好健康嘅食物 ，再加上佢炒得好好食， 用好薄嘅五花腩加青辣椒同埋乾紅椒一齊炒 ，勁香勁爽口 ，食到停

📍川館今日同同事放工想食烤魚，搵到呢間有烤魚套餐，價錢都相當吸引，$368係有一個烤魚、蔬菜拼盤同埋6隻廣島蠔。❣️麻香青花椒烤魚🐟同事唔識得辣，於是叫咗小辣，一開始食嗰時都唔覺得辣，過咗15分鐘啲辣就開始出嚟啦🥵❣️廣島蠔🦪跟餐有六隻廣島蠔，以為套餐得好細隻，結果攞出嚟嗰時都嘩左聲。❣️蔬菜拼盤🥬入面有雲耳、金菇同娃娃菜烤魚本身有芽菜同蓮藕❣️粉條 ($22) 加萵荀 ($28)每次食辣野一定要加萵荀同寛粉，兩個都吸晒個湯啲味🥰❣️手切肥牛 (+$68)🐮呢個真係一定要加！！食落去好重牛味，切到呢個厚薄度岩岩好，推薦呢個！！🥰❣️芒果沙冰🍧 ($45)超級大杯，一黎到記得飲多啲，唔係好似我地咁係咁溶啲冰出黎，好論盡。呢間川菜個環境好有氣氛，餐廳掛好多燈籠🏮我地兩個人都食唔到好多，都無得試其他海鮮，而家呢個份量就岩岩好。

今日同哈子餅去睇花展, 睇完花展, 時間尚早, 一路行去灣仔, 睇下有乜好嘢食, 見到間川館, 就去幫襯.除咗個咁紅咁搶眼嘅門面外,裏面嘅裝修都好有特色. 大紅燈籠高高掛 d 掛畫係咪同川戲有關呢？咁啱今日睇完花展, 真係奔你而來酸菜烤魚原條魚烤過, 所以特別香, 好大條魚, 肉多鮮美、少骨 配料有： 醒胃酸菜、爽口蓮藕、豆卜、金菇菜、大豆芽菜, 份量超多, 食到停唔到口真係要叫碗白飯, 加埋 d 湯變湯飯 紅糖糍杷似係用糯米粉炸到煙煙韌韌, 再灑 d 粉係上面, 就唔會黏埋一齊點埋紅糖, 都唔錯豆漿都好濃, 好有豆味仲有其他食物都好特別, 例如 ： 螞蟻上樹, 完全估唔到係乜

前排收工諗住同朋友係灣仔食埋dinner，見倒一間川菜餐廳既野食幾吸引所以決定一試，選擇都好多，味道有驚喜!烤魚套餐 $368 見倒poster咁吸引所以叫左黎試下，今次食麻辣烤魚十分香口，啖啖魚肉入口冇咩細骨，套餐仲包左6隻廣島蠔同蔬菜拼盤，廣島蠔大大隻都好新鮮，蔬菜拼盤索湯一流，鐘意食肉既朋友仔仲可以用優惠價$68配碟肥牛好好味粉條$22食辣湯點少得落粉條呢，吸收湯汁後辣辣地好惹味，必點之選酸菜肥腸$88 有冇朋友同小編都好鐘意食肥腸呢? 今次食既呢個酸菜口味揀左小辣酸酸辣辣好惹味，肥腸冇味有咬口，送飯一流紅糖糍粑(6件) $48講到食川菜飯後甜品當然不得不提冰粉同紅糖糍粑，糍粑外脆入口軟糯Q彈，食既時候記得沾紅糖一齊食甜蜜滋味

環境5分：紅色地舖好鮮艷，入面白色牆好光猛，D畫好前衛，樓面好高，掛左好多燈籠，細細間但唔迫，好有中國風味，可以畀五分。衛生5分：地方好乾淨，枱面有個火鍋爐，一Ｄ都冇黐立立，衛生一樣畀五分。服務5分： 服務員態度好，主動加水同收碟，爽手唔囉唆，服務畀滿分。味道5分：1)    茶樹菇爆炒豬頸肉大大條，又肥潤又爽，少辣惹味，辣味啱啱好。2)    蒜泥白肉上枱好特別，入面夾住Ｄ菜仔同青瓜，食落非常清爽開胃。3)    螞蟻上樹Ｄ粉絲非常煙韌，有辣勁，可以送飯可以唔送飯，兩種食法都可以。4)    大腕菜花係椰菜花同鄉，好幼嫩好清脆，唔係度度都有得食，總知好正。抵食5分：平均每人兩百幾蚊又食肉又食菜又食粉絲，仲飲埋啤酒，好飽肚，抵食絕對值五分。

呢間川菜我哋已經食過好多次，由佢開張冇乜人，到而家要排隊入座。午市套餐全部都可以配白飯或者冷麵，連嗌碟炒飯，都會照送白飯或冷麵😂我哋之前食，送嘅前菜係涼拌雲耳，今次變咗炸花生，正常味冇特別。我哋叫咗麻婆豆腐，乾扁四季豆，糖醋魚塊，口水雞。麻婆豆腐意外地好食，坊間一般只做到辣既效果，缺少左麻既味道，呢間做到兩者兼備。乾扁四季豆係我地必叫之選，炒得非常有鑊氣。除左Lunch Set之外，想食豐富啲可以叫佢地既2人餐/4人餐。

好中意食川菜嘅我，今日嚟到呢間大排長龍嘅川館，入面環境寬敞，坐得都幾舒服。水煮魚🐟 $238幾乎每張枱都有叫呢個🤣我叫咗小辣，離遠已經聞到麻辣嘅香氣，魚肉十分爽口，唔會煮到過腍💯小炒黃牛肉🐂 $108牛肉炒到好香口，鑊氣十足，搭配埋佢嘅秘製醬汁簡直係配飯良物😍乾煸肥腸🐖 $118肥美肥美多汁，麻麻辣辣嘅口感好過癮，但如果食得辣嘅可以挑戰叫辣啲。桂花冰粉 $30桂花味好突出，仲有提子乾、花生、芝麻做配料，黑糖漿唔會太甜，食完辣嘢用嚟解辣真心一流🤤

天氣凍凍哋 食辣嘢就最啱灣仔呢間川菜 舖位唔算好大但原來有兩層 多人嚟食都唔怕而且啲燈籠佈置好別緻🏮樓底夠高就算大聲傾計都唔怕好應聲麻香青花椒烤魚其實我係第一次食烤魚喳因為唔識吐骨 最驚就係啲魚多細骨點知呢度用嘅魚又唔多骨而且預先煎香咗 怕腥嘅我都好易入口青花椒烤魚唔算好辣但就夠麻配料有蓮藕、金菇、豆卜、芽菜豆卜吸晒啲湯真係好正麻婆豆腐感覺唔會話好油 豆腐夠晒滑最欣賞嘅係啲肉碎唔會勁多肥豬肉我食得夠晒放心口水雞辣油真係好香口 食食下烤魚慶烚烚再食下冷盤一流如果想食下熱嘅雞放返落烤魚到涮一涮又得清炒萵筍唔覺意點咗大辣而我太高估自己我食咗一啖就頂唔住佢係勁多剁椒去炒最後我放返去烤魚到當打邊爐食🤣🤣店員好好客又nice

灣仔嘅川館，原條烤魚有多款口味選擇，連唔辣嘅口味都有！烤魚套餐 $368套餐包括原條烤魚、廣島蠔6隻、蔬菜拼盤蒜香烤魚唔辣口味嘅烤魚，清甜嘅魚白湯帶住溫和嘅蒜味！原條清江魚肉質扎實而且十分甜美，香煎過先落湯，連魚皮都一樣咁好味！清江魚得主要嘅大魚骨，勁易起肉！烤魚下面墊咗勁多蓮藕同埋豆卜，加埋蔬菜拼盤嘅萵筍、金菇、娃娃菜等，真係夾極都有！套餐嘅廣島蠔肥大肉厚，烚完漲卜卜！手切肥牛 $68食烤魚套餐必點嘅肥牛，蒜香味嘅魚湯激發牛肉嘅甜美，唔錯！芒果沙冰 $45啲沙冰堆到成座山咁高，都幾抵飲！青島 $26烤魚必備嘅啤酒！桂花冰粉 $30食完川菜再食碗冰粉，清新一下口腔！

紅噹噹嘅牌面，完全襯哂餐廳火辣辣🔥既菜餚，入面裝飾設計都好有川菜風格，紅紅燈籠🏮高高掛，幾有特式幾有風味❤️餸菜都可以簡小辣到大辣，即叫即炒👍🏻麻香青花烤魚🐟 （小辣）$318一滾起就麻麻香香辣辣🌶️，勁香噴噴🤤，小辣味道岩岩好，夠哂惹味，愈煲愈辣、愈食愈爽，夠哂過癮，烤魚大大條，魚肉厚身夠嫩滑，連埋魚皮食，魚油勁香勁好食😋，配料仲有金菇，芽菜，蓮藕同豆卜等等，都夠哂入味茶樹菇爆炒豬頸肉 $118鑊氣十足👍🏻，茶樹姑同豬頸肉份量相等，唔會菜多或肉多，整體都大大碟，仲有韭菜一齊炒，更加惹味，豬頸肉一咬入口爽嫩多汁，件件都切得夠哂厚身，食落好有滿足感，菜樹菇有啲大大碌，咬入口完全有種啖啖肉既口感，整體非常出色手撕包菜 $78包菜炒得色澤均勻，菜身爽口清甜，小小辣咁，惹味又好食凍檸茶 $18

近排咁凍成日都想食啲熱辣辣既野，所以今晚揀左去食川菜!醬黃瓜｜青瓜好爽脆，已經醃得好入味😋酸辣小雲耳｜雲耳好爽口，醬汁酸味較重，加上辣辣地好開胃!老壇酸菜魚｜呢款魚片同平時食開既有啲唔同，比較爽口，肉質都算滑。湯底揀左小辣，酸度同辣度都平衡得岩岩好，除左魚片，配料仲有寬粉、大量芽菜同金菇，索哂湯汁好好味!!!🤤大腕菜花｜菜花炒得好乾身，配埋豬腩片一齊炒更加香口，再加埋辣椒同蒜蓉，十分惹味🤩蔥爆牛肉｜牛肉大大片，肉質軟嫩，仲有大量香蔥，好夠鑊氣!見倒佢個烤魚套餐都好吸引，下次要試!!!

無辣不歡之選😍去完日本旅行返嚟香港天氣竟然仲可以着大褸戴頸巾即刻搵d辣野食下先🤪身邊冇乜幾可有朋友食得辣呢個朋友食譚仔要食特辣唔搵d辣野招呼佢點得有次行過灣仔bakeHouse見到對面有間新開嘅紅噹噹餐廳今日黎開附近一於試一試😍===================== 位置-地點易找，係大王東街，只要見到-大大個‘押’字轉入去嗰條街就係啦，-地鐵站行過嚟大約5分鐘，係正bake house 對面🫡食物選擇🥘一行二人又係眼闊肚窄乜都想食但又食唔到咁多見到辣就覺得興奮！我地叫左1️⃣老壇酸菜魚（例牌）$238-份量有得揀例牌或者大份，份量都幾多，一份例牌每人食到兩三大碗，魚片用咗比較爽口嘅魚，唔易碎容易夾上口，口感唔錯，配菜亦有酸菜芽菜薯粉，賣相唔錯！不過呢款嘅辣度只係可以揀小辣或者中辣，私心覺得可以再辣啲🤣🤣2️⃣茶樹菇爆炒豬頸肉（魔鬼辣）$118- 呢個川式小炒可以揀唔同嘅辣度，由小辣至魔鬼辣，亦可以走辣，重口味一定係試魔鬼辣，建議送飯會好啲，如果淨食可能會覺得偏鹹少少，份量亦有試意，豬頸肉嘅厚度，唔係一片片係一條條，有咬口但唔會覺得靭，容易咬斷！惹味十足👺3️⃣螞蟻上樹$78- 每次去川式餐廳