廣成魚蛋粉 (Moved) New Location

4條腿其實並不是大富大貴 平日也會找便宜好吃的介紹給大家😃小妹食呢間魚蛋粉已經好多年今日唔餓要了一個淨魚蛋手打魚蛋 很彈牙很有魚味 加上那裡的辣椒油 又香又辣 十個讚重點是一碗單拼粉麵只需$21性價比超高😃我也推介了友人😀去吃 她這咀刁鬼也喜歡另推介那裡的豬手 🐖 魚皮和雲呑 都是大讚👍👍👍 還有現在舊式大排檔越來越少 請大家多多支持小店

呢間由我細細個就食到大既面店，因為持牌人過身，而要結業實屬可惜，個時1碗面由11蚊變到23蚊，但味道依然沒變，佢地做既魚蛋，貢丸，牛根丸，牛雜，牛腩，豬手，炸魚皮都做得好正，而且還有可用佢地自製辣椒油，醋倒係d面度真係好好味，服務方面好好，次次去食d姐姐都好有禮貌，有時仲會見有小朋友（學生）會主動俾豆漿飲，所以好遺憾明天結業，今天亦只食到魚蛋，牛腩，豬手同貢丸……亦都留下了遺憾，希望早日佢地再攞返執照……再次開業

曾經大埔返工，今天有機路經此區！趁機光顧吓香僅存嘅少量屋邨東菇亭之一廣福邨每人叫碗粉，我叫咗墨丸米，再叫至愛嘅魚蛋、牛丸、水餃菜心同豬紅、蘿蔔、豬大腸一齊食！果然keep到個水準! 墨丸唔膠有墨魚味，鮮同有口感! 特別懷念牛丸嘅美味，中間爆汁好香好juicy菜心加腩汁汁夠香濃，略肥膩咗少許！水餃肉汁多，皮薄，算足料! 魚蛋鬆軟有魚味，唔膠豬紅、蘿蔔、豬大腸，我只食咗頭兩樣，唔錯！後者唔啱我一句，樣樣都ok好食，叫多D食多D絕對合理！

見某體介紹，欲尋回昔日魚旦美味，便特意前來一試，到達大埔廣福邨後巴士站下車後步行十餘分鐘便找到，也不算難找。到達時大約下午一點，大大的地方食客也不少，老中青都有，店面尚算整潔，排檔提供一般面檔的食品，如牛筋腩、豬手、牛什及一般丸類。我們两人點了魚旦面(21)及牛什河(25)各一，食物很快便送到，魚旦面有4旦3片，顏色雪白有光澤，味道中上，質地彈牙，面質亦彈牙，梘水味不重。牛什河份量不少，有肚、蒡、肺、大腸，牛肚彈牙，蒡、肝、大腸夠稔，味道則稍淡 ，河粉質地則一般。整體而言算中上之作，雖然沒有達最高期望 ，但有機會或會再來。

回到大埔時，發覺時間尚算是早，反正都要等到5點才出門，在廣福邨的我要等，一是呆在車上，另一個方法就是找個可以看車的地方 high tea，我決定了後者，因為我想拜訪這一家同樣是十幾二十年都未黎過的廣成魚蛋粉。多年來，門口這一個招牌應該是有換過的，但顏色、字體等等，都沒有太大的改變。店外的這一個《廣成魚蛋粉》對我來說，帶點兒時回憶。 上一次來，我大概是中二、三吧。夏令時間下課，到媽任教的小學等她食飯慳返一餐留來打機。當日本食同媽飲茶的，但不記得甚麼原因了，我們最後決定來到冬菇亭，食魚蛋粉。廣福邨的熟食檔是傳統的冬菇亭，中間是煮食的地方，圓形的，把門閘拆走晒的時候就的確像一個冬菇，也像一把傘子，提供了一個半露天的飲食場所，十分之有風味。不過，現令好多食店，因為需要用到冷氣及長期做好避雨、避寒、避塵的準備，這《廣成魚蛋粉》只是外觀，入內才是真正的門面。 下午茶，份量不需要太多，而且之前的泰國菜的味道比較濃，那我就清清地，來一客魚蛋、魚片粗麵。湯底帶有少少的魚味，是長期灼魚旦魚片留下來的味道，而魚蛋，爽滑

最近一次去咗我朋友屋企打邊爐,食咗粒白魚蛋一入口驚為天人咁有魚味.問我嗰FRIEND係邊度買,佢答我你腦退化呀.你以前細個日日食架.原來係廣城魚蛋.因我以前讀下午校一早起身要去大埔中心到補習.果時大埔中心無現在這麼多間餐廳,所以係屋企附近搞掂.我好鐘意食魚蛋粉架,所以日日去食,係搬咗之後先無再去.咁今日入大埔去找舊同學打MHP3,佢要夜少少先放工.咁我見咁早未去食魚蛋粉.入到去十年如一日都無變,係多咗架車仔賣車仔麵.同多咗部豆漿機.我叫咗碗牛腩魚蛋粉和生菜.叫完佢比咗杯豆漿我,我話我無叫到喎佢話送喎,碗粉嚟到夾粒魚蛋入口,點解無咩魚味?同我上次打邊爐唔同喎,咁算食腩無味喎大獲要領嘢..食食吓我先諗起不嬲呢度D牛腩係唔得架.豬手先得咁下我先試.到我比錢時我問幾錢佢話$22.我話你計錯數呀.佢話正確喎你果個係餐嚟架.我立即O咀咁平係出邊你都食唔到呀.咁我舊同學放工我上咗佢屋企打機.佢話今日冷屋企打邊爐,咁我都係食魚蛋啦,入口同上次一樣有魚味喎,我問伯母邊度買架好得.佢答我未上次果間頭先先買.我話唔係呀我堂食都唔一樣.

呢間魚蛋粉檔,係我細個果陣食已經10多年的魚蛋粉(好多配搭)雲吞(河-粗麵等), 魚蛋(河-粗麵等) 魚蛋+豬手(河-粗麵等)總之隨個人喜好(當然人地做到)以前食開11蚊啦-家陣14蚊(加底/多個(食送)+3蚊)(外賣+1蚊)幾年前賣豆漿2蚊杯-家陣4蚊杯+賣粉麵套餐而講多個消息,係大埔廣福道109號地下( 利廣成魚蛋粉麵)其實係同1個家族利廣成魚蛋粉麵 係個仔打骰而廣成魚蛋粉麵 係爸爸打骰that for 廣成魚蛋粉麵 整好的牛腩,豬手等食材 就由個仔/伙計由廣福邨運去大埔廣福道間鋪度.而廣成魚蛋粉麵 呢間始終好食,又平(出面食5到14蚊碗魚蛋粉,好彩的仲有豆漿送(有多先送) also 下午3-4點d豆漿賣5晒,人地5想浪費先送)咁係大埔中心比較下邊間平?而且星期六日有好多踩單車客黎食summary : 覺得抵食, 味道5錯

去踏單車，出沙田必經的廣福村，有得泊低單車，休息一下，可惜無冷氣，但係好平，魚蛋真係無加”粉”，所以唔會好似加”粉”那種咁彈，但係全部都係魚肉，即係啖啖魚肉，超有魚味，超正，牛腩唔得，牛根就不錯，豬手更是我的最愛，但係太多客時，豬手會去得太快，所以再叫多碗時，豬手會變得好硬．．．ANYWAY，值得推介

從屯門搬來大埔接近 17 年，竟然未來過這間麵店。今天下午，原本是跟媽媽和妹妹到大埔中心用午膳的，但媽媽因趕時間，不能行太遠，建議去冬菇亭食魚蛋粉。三人要了一魚蛋河、魚蛋麵、牛腩麵和一碗豬皮蘿蔔。魚蛋不算太彈牙，但魚味甚濃，麵質都好有勁，又沒有鹹水味；妹妹說牛腩不太好吃，因為好韌，碗豬皮蘿蔔認真唔掂，豬皮超鹹、蘿蔔起渣，埋單 $52，每樣都是 $13。平日有套餐，有麵有菜有豆漿，只是 $18，好抵食，但我應該冇乜機會可以食到。